我兩個老婆都比綠帽我戴（有相）

I hate you, don’t leave me.

條女真心慘
樓主係自我中心控制狂唔聽人講又唔會反省個類人
希望佢有上連登又睇到呢個po
知醒及早離開樓主，如果唔係怕佢會變下一單情殺案苦主

其實人格障礙真係冇得醫。
所謂醫好只係教識佢地點樣控制行為，心底個情緒同諗法係改唔到，你永遠唔知佢地幾時又失控。
更普遍嘅情況係佢地會將責任射去醫生度，拖埋醫生落水。
所以好多醫生係唔會接人格障礙患者。

即係絕症究竟樓主經歷過啲乜所以搞成咁

睇死應該係單親，而且應該係獨仔，然後第一任老婆所謂「出軌」（估計應該都係樓主逼到人哋出軌）trigger咗佢發癲，加上移左民，環境轉變加壓力再惡化。中間成長過程當中應該係出問題，但係先天定後天無人知。見佢啲回應真係開始癲到好琿春，真係覺得佢會斬殺老婆仔女仲要殺埋個男人屋企人，希望佢唔係係美國，容易買到鎗

都似喇

佢應該唔會殺人住嘅，有案底就會俾人掉返香港bye9bye，入咗籍之後就難講

佢老母都搞笑，可以由得個仔咁樣蹧質人哋個女

你覺得一個人係咩環境下先會養成咁扭曲嘅價值觀？
而呢個價值觀又係點黎？
由出世開始計，接觸得最多嘅係邊個？

諗完呢三個問題，你就明白佢老母其實好認真。

樓主，想你認真睇下我嘅留言

我見到其實你好嬲，覺得被背叛

唔想評論你定你女朋友咩岩定錯
而我諗我哋咁多個外人，你講得冇錯，真係都唔能夠完全代入到你同你嘅家庭去評論

但我想你正視其實你好嬲嘅呢種感受
其實作為一個人，我哋每一個人都真係唔想被背叛
但事實就真係，每一個人都係獨立個體
即使我哋幾咁去用唔同方法（控制，鬧等等）
我其實見到你好努力，去用唔同方法去避免被遺棄（可能同你童年有關）
但呢一啲嘅方法，都唔能夠100%避免一個人會定唔會離開你

做人唔可以咁矛，你又問心，
係日常中，當其他人（可能係你嘅細路，朋友？）想你係唔同情境，想你留低嘅時候，
你又係點回應佢哋？
你自己都未必係100%對每一個重視你嘅人吧。

同埋你呢種嬲，我見到你已經係有啲控制唔到
同埋你唔肯承認你好嬲

你一路講你用左好多方式去處理 想解決
我諗你上嚟都係想搵答案
你知唔知點解你做咁多嘢都冇用？

因為人生唔係學校做題目，冇標準答案
更加重要嘅係，你想過一個點嘅人生？
係想透過控制別人，獲得快樂？
如果係咁，我想同巴打你講，任何人都冇可能做到，
你只會每一日都覺得好唔開心

如果你覺得我講嘅你嘅感受，你都肯聽入耳嘅，
我想拜托你為著自己，真係去搵人幫下你自己
我估你對伴侶嘅控制慾係同童年有關
唔搵人幫，你只會一路都覺得自己係悲慘世界嘅代言人
我估冇人會想自己會咁 我估你都唔想自己咁

所以，聽話，為著你自己，搵人幫手，社工又好心理醫生又好，
搵個專業人士用心聽下你嘅內心啦

現職小社工忍唔到手留言 完

佢咁做證明你唔係一個信得過嘅人，有事都唔想搵你，而且你係佢最大嘅問題，佢應該同人呻你D衰嘢，你真係極度危險人物，恐怖情人，遲早搞出人命希望英國嘅香港人遇到佢可以報警

你應該帶佢去戒酒，一係帶佢返香港

離婚你搞掂自己先啦⋯⋯你好就唔會戴帽啦⋯⋯我唔識你都覺得你好有問題

離咩婚，佢都冇娶人，個女仔法律上單身架

仲成日想扮有料話自己識好多人點點點，又話個女朋友想搵人埋單，明明佢女都同你生埋仲無名無份，個女仔思想不知幾正路又自己搵工，公一份婆一份為家庭付出，只係得閒想出去消遣飲酒同朋友傾訴下，比樓主屈到佢出軌，其實分分鐘個男同事老婆都知樓主係痴線

樓主自己上一段婚姻失敗，想搵女人照顧自己同老母下半世(即係埋佢單)，又驚死蝕底唔肯付出，就反而話個女朋友想搵人埋單，真係siu4

岩
我前邊打左一堆野，屌佢搵個女仔埋單，佢跳左唔覆
因為佢深知自己先係搵緊人埋單果個
但又要屈個女仔，掉轉槍頭話個女仔搵佢埋單

其實佢自己婚姻失敗左一次，宜加想搵個女仔埋單
拎「自己受過情傷」做萬用金牌，唔同個女人結婚
但又要個女人俾愛與關懷佢，照顧埋佢老母，仲要唔可以有任何佢之外嘅社交

你講得好岩，樓主走去同男同事嘅老婆爆料，人地應該都唔鳩理佢
估計人地老婆都知樓主係癲佬

看圖作文?

你無要佢求你
但你要佢乜都順唒你意喳嘛
要佢無名分咁跟你一世喳嘛
唔準佢反駁你任何想法喳嘛

下一步我都諗好咗㗎喇 我會公開更多嘅相
佢再唔老實同我講究竟發生咩事
咁就會更多人會認識到佢
到時唔好怪我絕情

佢退讓？我都退咗好多
我承認我係有控制 但係佢唔神神秘秘收收埋埋
點會驚我check佢電話
點解淨係同個男同事傾得咁多？
真係夫妻之間有問題點解唔係搵我傾？

講返個相處模式 佢成日都回避問題
唔傾唔講 我有試過平心靜氣咁講 佢都唔理我

廣大嘅網友你話我可以點做？

我冇講過我冇錯 我認我係衝動 彈呢啲都係愛嘅一種
我哋曾經日日都嗌交
我哋喺埋一齊都好唔容易
過嚟香港之前都發生咗好多嘢

其實佢出去偷食 已經唔係第一次
所以我先至咁煞有介事
佢係咪玩夠我一早都知
所以先至用一啲比較極端嘅方法去困住佢
我不嬲都有同佢潛移默化咁講
但係佢都唔聽
佢覺得我係教訓緊佢

咁作為一個老婆唔係應該要忠誠對另一半嘅咩？

佢哋會自己出街 我冇困住喺地牢
附近啲香港人都識我兩個女同老婆
佢唔夠膽喺屋企附近亂來

佢成日都話愛一個人唔會愛一世
佢唔信愛情 同佢本身經歷有關
佢最需要人幫嘅時候 嗰陣我喺佢身邊

佢曾經有個病 我都對佢不離不棄
點解佢要咁樣對我？

我知佢個病係唔逼得
但係佢嘅性格唔迫係唔會講出真心話

除咗分開 我都唔識點同佢相處落去

我最起初唔係想毁掉佢哋 我都有坐低平心靜氣咁傾
但係佢拒絕 不斷迴避 不斷話冇嘢 唔想講

佢個性格就係咁 一有問題就會迴避
識佢嗰陣時已經係咁
成日收埋自己 我都知同佢喺埋一齊會好辛苦
我都努力過 我都係求佢唔好出去偷食姐
咁點解我嘅努力會玩返嚟係你出去偷食？

我有咁嘅諗法 係想話俾大家聽
我都有我嘅問題
但係唔代表佢可以出去偷食

佢已經講咗俾我聽成件事嘅經過
到而家我都係半信半疑

我唔係冇諗過個小朋友 我哋本來都可以開開心心
佢嘅性格真係有問題 佢係極度矛盾嘅人

嗰陣時佢有病 係我喺醫院救佢出嚟
佢唔會唔記得

我哋都堅持左一段時間 唔理雙方家長嘅反對
都要喺埋一齊

諗住過到嚟呢邊 可以重新開始
點解都仲要出去偷食？
佢同我講話同呢個同事傾咁多計
係有原因

或者我哋兩個都有問題？

佢就算睇到都唔會直接同我傾
佢就係呢啲咁嘅人