我兩個老婆都比綠帽我戴（有相）

樓主唔喺連登仔，喺連帽仔

同樓主講乜佢都淨係loop
「總之佢肯定身有屎」
「我點都好，出軌都係唔啱」

到而家都仲未知個核心問題係自己每一樣嘢都係迫緊人離開佢

對住啲咁嘅黐線佬，出唔出軌只係裸辭定係搵到新工先跳槽嘅分別，佢咪慢慢計較出軌啱唔啱囉，但重點根本唔喺果度，重點係佢咁對人，無論過程係點，有冇第三者參與，結果一樣都會係頂唔順走人

對方冇回覆、刪除訊息（即係你都唔知訊息內容），就代表有嘢？

畀帽你嘅係前妻，個仔無辜，你做人老竇，真係可以話唔理就唔理？

認真不如你去睇下醫生

以前我有個ex又係好恐怖管得好嚴，同佢好多矛盾，但我又唔捨得放手，所以我同自己一個女仔朋友傾訴，我知個ex好唔鍾意我同朋友講佢啲嘢，但我頂唔順必須要搵個朋友傾訴，我都會加一句“我唔搵你，你就唔好搵我住“，就係驚自己個ex見到我朋友msg pop up，就係你呢啲恐怖情人控制狂逼到我明明可以光明正大同朋友傾訴感情問題，但都搞到偷偷摸摸身有屎咁，只不過你第二個所謂老婆嘅傾訴對象性別係男，你仲專登搞大人地個肚又唔比名份人，好心啦，你老婆想搵第個係正常架，如果佢係我朋友或者我個女，有冇下家我都會叫佢即刻執野走。

你老母唔做咁係咪你做番哂？

呢啲咪一隻手指指住人
三隻指返住自己囉

咁你又上連登開post？有咩唔可以同條女講呀 要同外人傾？

你咁有道理 夠唔夠膽俾條女睇呢個post？

人地要既唔係呢d 係自由
你同政府日日監視你但話你聽有飽飯比你食有乜分別

蠢蠢哋嗰啲係對條仔一條心㗎

我無講我無錯 我只是想佢唔再出去偷食啫
除左check佢電話 管接送 我都唔知可以做咩
唔通咩都唔理？

佢無野點解要send 我唔搵你 你唔好搵我
呢d信息？

有咩咁秘密要收埋？
果條友都有老婆 無理由唔明男人諗咩
點解要溝我老婆先

你試下唔好理你老婆
去睇咗醫生先，你好需要睇醫生
或者上果啲網上社工對話chat同人傾下

你跌咗落一個loop度行唔翻出去

大家講咗咁耐，你一句都無聽入耳

我有睇你地既留言 你話我既野我都有聽
不過一家唔知一家事 呢個可以話係我地既溝通方式
我唔係無平心靜氣咁問佢
我都有問下佢 除左講個女既野
可唔可以講下我地呀
佢都係唔出聲 咁我可以點？

不過一家唔知一家事 呢個可以話係我地你自己既溝通方式

你老婆如果滿意呢種溝通方式，
就唔會唔出聲啦

你真係去下心理諮詢先啦

我都唔想咁 但係上次嘈完 佢答應左唔再同呢條友傾密計
轉頭起身 咁啱睇佢電話 果條友又send相同我老婆傾計
比你會點諗？

我唔係無用其他方法去阻止條友搵我老婆
我用過我老婆電話扮搵佢出去爆房
又直接打過比果條友問佢點解咁鐘意搵我老婆

我認我係衝動 但都係因為愛佢啫
唔愛佢 一早咩都唔理啦

如果都無咩有用既方法 我會行最後一步

行最後一步前請你睇下醫生先

用條女嘅電話約人爆房真係好白卡……

佢嘅其他方法就係更加痴線嘅方法

痴撚線
用一個愛字去justify自己做既痴線野
你個最後一步
會唔會係因為我愛佢地唔想佢地離開
所以隊冧佢地兩母女？
你係咁為自己既行為搵解釋
有冇諗過你係去到太極端呀

真心建議睇醫生
至少網上社工
可以嘅俾埋呢個po對方睇下

https://chatpoint.org.hk/


網上社工chat room

好簡單 我唔會比個女佢
佢無人無物 可以走得去邊 反而我係呢邊都識唔少香港人
我諗佢要搵人幫手 都會搵返香港人
阻止到佢咁做 佢就唔會走 我點都會搵到佢

我好懷疑佢唔止偷食咁簡單 所以先咁躁
我係無實在既証據
但係果句 我唔搵你 你唔好搵我
真係無問題？

小朋友我知佢都唔會捨得 佢一定會同我爭

https://chatpoint.org.hk/

網上社工chat room

你不如搵社工傾下先

唔係我唔想信佢 我地都有大家既生活圈子
香港果陣佢鐘意飲酒 係呢邊佢又要返工同湊小朋友
係少左既 咁有左小朋友都無計 佢都知

我唔係無比自由佢
咁點解佢出親街都係我出左車/做緊野先出？

佢又要關左個GPS先？咁頂唔順點解唔同我講？

果條友有老婆 我遲早搵佢老婆傾計

啲control freak全部都係咁㗎
全部變態嘢都係用「都係愛佢先係咁」「都係緊張佢先係咁」為自己開脫
又唔見啲幸福夫妻係好似佢哋咁樣「愛」法

根本連愛同佔有慾都分唔清
自己慾望同情緒永遠擺最先，將自私講做愛
連愛人就係想佢開心，唔想佢難受呢啲小學生道理都唔識