(校園、穿越、奇幻)今年我三十三歲,回到了1998年(8)

1001 回覆

230 Like 5 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

春泥 2017-07-10 00:16:25

電話接通了，彼端傳來了嘈雜的音樂聲，我高呼道：「學姐，成皇志啊！妳聽唔聽到啊？妳喺邊啊？妳嗰邊咁嘈嘅？」

這時，學姐的呼救聲、男人的呼喝聲夾雜在聒噪的音樂聲裡，當我還未弄清楚發生了什麼事，彼端的聲音只剩下斷線的嘟嘟聲，通話戛然而止。

我再次撥打給學姐，可惜未能接通。

楊鳳瑤瞧見我神色有異，問道：「發生咩事啊？」

「我頭先打畀學姐，佢嗰邊好嘈，我又聽到佢叫救命、同埋有把男人聲，妳知唔知佢去咗邊啊？」

楊鳳瑤詫異道：「吓！無理由架！佢去咗８座攞支藥酒畀杏婆之嘛！你會唔會打錯啊？」

我再次致電給學姐，依舊未能接通。

「又打唔通，唔係喇！我驚學姐有事，妳話畀我聽嗰個杏婆嘅地址，我上睇下。」

「我同你一齊。」

我搖頭道：「唔好喇！我覺得學姐可能出咗事，妳都係唔好去喇。」

楊鳳瑤怒道：「淨係你一個關心學姐？點解你可以去，我唔可以去，你係我邊個啊？我點解要聽你講啊？」

想不到楊鳳瑤的反應這麼大，我道：「如果學姐出咗事嘅話，嗰度會好危險，妳跟住去，我擔心妳會有事啊！」

楊鳳瑤瞪著我，道：「就算我有事，都係我自己嘅事，你唔係我邊個，唔駛你去操心。」

楊鳳瑤的執著，讓我有點氣結，我道：「明白晒，妳帶路啦！」

楊鳳瑤在前方帶路，我緊隨在她身後，沿途我們再沒有交談。

當我們途經一間茶餐廳，快要到達８座的時候，朱斌仔與他十多個同伴從茶餐廳走了出來。

領頭的朱斌仔一副找碴的模樣，道：「成皇志，我唔去搵你麻煩，你自己主動送上門。」

我把驚愕的楊鳳瑤拉在身後，掃視著把我倆包圍的十多名朱斌仔門生。

(待續)

春泥 2017-07-10 00:20:04

差2400字就突破四十萬字大關