本人職業做酒店業房務部,希望大家高抬貴手!
做酒店一般都唔希望見到香港人住,
由其呢三年更加厭惡。
呢兩年有武肺,個個都會帶酒精去酒店噴,
但大家噴一下就大量增加工作人員清潔時間同維修時間,
酒精會令木器同膠既漆面白化,咁又用時間去還原翻或者補油!
同埋大家都會去慶祝節日,滿屋氣球都算,
入面仲要有閃粉,或者用完紙巾周地掉,
房入面其實係有垃圾桶!
仲有可唔可以唔好咁貪心,
偷房入面既枕頭/被/水煲/風筒/毛巾都未夠,
仲要去房務員架車偷廁紙,
你當住酒店係去食自助餐,要食回本呀?
仲有係大堂拍枱問點解咁晏都冇房既,你問下上一手係房做咩,
除左上述問題,仲有地氈倒瀉杯麵/係牆身畫圖畫/係廁所玩屎,
我好想知呢類人平時屋企需要請幾多工人,
仲污糟過動物。
亦都唔係人人都咁賤格,
會有客人十分有手尾會執好垃圾先走,
十分感激體諒清潔人員。