警世！！葵芳無良中醫！！因為我阿媽針灸中咗風入院！！

1001 回覆

3018 Like 53 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

麻瓜先生 2022-08-05 01:34:37

學到嘢
中醫收皮

藍屍拉婦人 2022-08-05 01:34:58

唔好彩就怪中醫

乳溝解碼 2022-08-05 01:35:19

搭彩虹 2022-08-05 01:35:36

再深入d係中風有分幾個大area
前中後,腦幹,唔同地方既中風都會有唔同反應
如果近motor cortex中風,肌肉控制就會有問題
包括埋facial nerve之類,就做唔到表情,你就會見到一半臉drop左
而後腦中風,會有blur vision,睇野有層野咁樣,因為人既第1個視覺接受係後腦
所以果個係好general咁比大家好快咁call 999 打tpa

所以樓主既判斷好正確
當時
1.無反應
2.狂出汗
3.講唔到野,淨係用到手比少少instruction

係要call 999,如果唔係返到屋企,過半日發覺暈撚左,連登仔一樣屌鳩佢做咩唔call 999,明明幾樣中風symptoms 都有

純愛怪物28歲 2022-08-05 01:35:59

樓主肯出黎澄清返未？

學生大曬呀？

陳生你貴姓呀？ 2022-08-05 01:36:22

話我阿媽中風係未ct之前，一入到急症室，我阿媽就吸氧氣同埋抽血，醫生問佢叫咩名都答唔到冇反應，醫生出嚟同我講有機會係中風，亦都有機會因為吉左四針喺條頸整到神經線，隔咗一陣就推咗佢入去照CT，好快出返嚟，出返嚟之後我阿媽就慢慢醒返手腳都慢慢郁到（到呢個時候我都唔知佢到底確切係咩問題）

然後就入院，上咗病房我冇得再入去，姑娘出嚟同我講遲啲醫生會contact我，咁我就返屋企執嘢俾我阿媽，返屋企嘅途中就收到醫生嘅電話，問咗我一啲我阿媽暈低嘅經過，然後同我講初步照左腦ct冇事，但係唔肯定到底係整親神經定係突然缺血中風，但係目前我阿媽就已經清醒返，身體都郁動到，純粹冇咩力，更加詳細嘅就要等照多次CT，然後我問個醫生咁我阿媽而家係唔係冇生命危險？佢話係，咁我就放心好多。

我阿媽冇長期病患冇任何問題，平時係身體健康中氣十足可以日日鬧爆我，今次係佢第一次針灸，針灸之前佢有食嘢，心情都好愉快，針灸嘅途中發生咗呢啲事，喺我呢篇長文度我主要係想大家知道呢一位醫師嘅態度同埋呢間舖頭其他員工嘅態度。換過角度諗，見到一個陌生人暈低講唔到嘢，都會打999幫手報警，但係佢哋冇人主動幫手報警而且個醫生仲要言語上阻止我話好小事啫飲啖水就得，仲喺我同999溝通嘅過程中夾硬餵咗我阿媽飲水，嗰時候我掛住同999嘅人講地址冇留意，到我留意到佢餵我阿媽飲水嘅時候我有大聲阻止佢，佢一直都表示我打999係多餘嘅、呢啲嘢好小事、飲啖水就冇事，呢個態度係作為一個醫生應該有嘅？係作為一個人應該有嘅？大家見到人哋暈低唔會想幫手？反而係會阻止？

對於醫術上嘅嘢我唔係好明白所以我先會開post問吓大家，亦都問吓大家我可以點樣投訴點樣處理，我唔係醫生，我只不過都係一個薯仔學生，未經歷過呢啲，未經歷過至親嘅人喺面前突然之間暈低冇意識，中風點樣判斷我唔知，我只能聽醫生講，而家我阿媽都淨係入咗院七八個鐘，好多檢查佢未做，我唔知佢係咩問題，唔知佢到底係點樣，我淨係希望佢冇事，希望大家以後喺街度見到人暈低或者唔舒服都可以熱心d幫下手，更何況嗰個係仲要係坐喺一個中醫師面前插住6隻針灸針，叫個醫生掹針都唔嗲唔吊然後暈低嘅人。

但你標題係講到你媽確定咗因為針灸引致中風咁

女人心海底針 2022-08-05 01:36:35

Push

妖你老尾露西 2022-08-05 01:36:41

中醫有釘牌