警世！！葵芳無良中醫！！因為我阿媽針灸中咗風入院！！

Push

咁即係冇中風？ 咁暈針個中醫又講得冇錯喎

之前又話睇西醫冇料到先去睇中醫

而家針完似係好似有料到又話反應太勁要投訴

原來mu無
仲以為四間讀啲嘢一樣

樓主夠薑開名，好過好多人
支持你
希望你媽媽無事

中藥人夾人 唔好隨便睇
自己試過轉左幾次中醫

第1個ok
第2個更好
第3個 飲藥飲到心痛 個醫師話 冇事 只會更好
第4個 藥房 都一樣
最後揀返第二個起碼飲完藥 係個人ok左

啲Physio係唔係西醫留返俾你班港燦慢慢拗
Thanks

大把西醫服務都要同GP商量轉介啦

香港西醫都開始落後啦

樓主夠薑開名，夠膽過好多人
支持你
希望你媽媽無事之後你都無事

好L7 search acupuncture 畀埋名你呀7頭

等睇del post

不嬲都係咁講

但啲連登仔會話你上連登就要獨立思考
我擺明專登放假嘢呃正評
但你咁都信就係你錯晒

民事告得，盡快搵律師傾吓，中醫屍唔賠返50-60萬收唔甩。keep 哂所有醫療報告，單據

食水銀呢咁

啲字好細 咁中風唔係唔會短期好返嘅咩？ 佢講緊好似2 個鐘後就好返咁

你叫佢食中藥都on9啦
大把人食到壞肝

警世係唔好信中醫 唔係註冊中醫師嘅問題
係成個中醫系統都有問題
佢地跟本搵唔到點解醫到人 所有病人都係用嚟試藥

香港西醫係因為medical officer一路揸住啲權力唔肯下放
歐美就做緊精細分工
技術上香港唔算落後既

有缺血性中風嘅
除左針灸，按摩頸個啲位都有機會按到血管
上左年紀嘅人有機會有細血塊係痴左係血管壁
咁啱一郁到，細血塊就有機會隨住血管上到腦
有時好彩就變小中風（有機會似樓主呀媽咁，隔幾個鐘無事）
唔好彩就…
所以真係唔好立亂搞條頸

追完po 係咪即係樓主老屈間中醫

https://www.cmchk.org.hk/cmp/pdf/complaint_procedures_c.pdf

https://clic.org.hk/zh/topics/medicalNegligence/all

盡快搵律師傾，有支持社運嘅律師，上網自己搵吓

話我阿媽中風係未ct之前，一入到急症室，我阿媽就吸氧氣同埋抽血，醫生問佢叫咩名都答唔到冇反應，醫生出嚟同我講有機會係中風，亦都有機會因為吉左四針喺條頸整到神經線，隔咗一陣就推咗佢入去照CT，好快出返嚟，出返嚟之後我阿媽就慢慢醒返手腳都慢慢郁到（到呢個時候我都唔知佢到底確切係咩問題）

然後就入院，上咗病房我冇得再入去，姑娘出嚟同我講遲啲醫生會contact我，咁我就返屋企執嘢俾我阿媽，返屋企嘅途中就收到醫生嘅電話，問咗我一啲我阿媽暈低嘅經過，然後同我講初步照左腦ct冇事，但係唔肯定到底係整親神經定係突然缺血中風，但係目前我阿媽就已經清醒返，身體都郁動到，純粹冇咩力，更加詳細嘅就要等照多次CT，然後我問個醫生咁我阿媽而家係唔係冇生命危險？佢話係，咁我就放心好多。

我阿媽冇長期病患冇任何問題，平時係身體健康中氣十足可以日日鬧爆我，今次係佢第一次針灸，針灸之前佢有食嘢，心情都好愉快，針灸嘅途中發生咗呢啲事，喺我呢篇長文度我主要係想大家知道呢一位醫師嘅態度同埋呢間舖頭其他員工嘅態度。換過角度諗，見到一個陌生人暈低講唔到嘢，都會打999幫手報警，但係佢哋冇人主動幫手報警而且個醫生仲要言語上阻止我話好小事啫飲啖水就得，仲喺我同999溝通嘅過程中夾硬餵咗我阿媽飲水，嗰時候我掛住同999嘅人講地址冇留意，到我留意到佢餵我阿媽飲水嘅時候我有大聲阻止佢，佢一直都表示我打999係多餘嘅、呢啲嘢好小事、飲啖水就冇事，呢個態度係作為一個醫生應該有嘅？係作為一個人應該有嘅？大家見到人哋暈低唔會想幫手？反而係會阻止？

對於醫術上嘅嘢我唔係好明白所以我先會開post問吓大家，亦都問吓大家我可以點樣投訴點樣處理，我唔係醫生，我只不過都係一個薯仔學生，未經歷過呢啲，未經歷過至親嘅人喺面前突然之間暈低冇意識，中風點樣判斷我唔知，我只能聽醫生講，而家我阿媽都淨係入咗院七八個鐘，好多檢查佢未做，我唔知佢係咩問題，唔知佢到底係點樣，我淨係希望佢冇事，希望大家以後喺街度見到人暈低或者唔舒服都可以熱心d幫下手，更何況嗰個係仲要係坐喺一個中醫師面前插住6隻針灸針，叫個醫生掹針都唔嗲唔吊然後暈低嘅人。

似暈針 ，本身有冇驚打針
如果有去邊度針灸都暈㗎喎會唔會真係唔關個中醫師事

係

中風仲睇中醫 抵撚死

其實係美國都好多人去針灸拔罐，仲要9成都係鬼佬睇

推