在線解答養貓新手問題(4)

都唔知點搞
但見到佢一個星期都重左0.1kg
就都係繼續咁餵
佢食得就係咁餵
反正幼貓食得就是福

暴增

咁應該就無問題

見佢日日頂住個大肚腩行下扭下
真係好好笑

我隻細貓三個月就拎咗返屋企，因為驚佢好似大貓咁爛牙所以入屋已經無食過一粒乾糧

三個月到七個月都係完全食濕，一日餵四餐，都係可以肥c大隻

其實好睇餵咩罐頭，嗰陣有一排餵k9肥得超快

如果真係驚肥唔到，都係餵凍乾/生肉好過

其實食乾糧真係會易爛牙？
我諗住以後都全罐鮮
冇諗過乾 凍乾同生肉做主食
凍乾可能會當零食餵就算

如果佢地肯食
其實唔會肥唔到
不過數字上真係好難達到幼貓能量要求300-400kcal一日

不過無論乾濕
都要刷牙呢

3個月大貓仔前2日啱啱接返屋企，主要放係籠到。
每日放風3-4次，每次大約半個鐘。
剛到埗仲跑跑跳跳，會玩逗貓棒。
尋日開始唔肯玩逗貓棒，成日訓/趴係到，好擔心係咪有抑鬱
屎尿都正常，鐘意食罐罐。

因為要番工所以晏晝會放乾糧放題 但係放係飯碗到既時候佢好似食唔到咁 平時我用手餵幾粒先食到可以點解決 今日第一日dum低佢去咗番工好擔心

利申 2個月大貓b

食緊wellness core幼貓糧

有阿，今朝見到好叻識掘坑同埋沙

琴晚我訓覺想困籠，佢嘈到拆天！拎個頭撞個籠忍唔住，我抱起佢，佢又乖乖咁訓覺調返住我自己訓唔到，最後我放佢落地，佢自己搵個地方匿埋就無再嘈！
係咩原因搞到咁，佢唔肯去軟氈訓

師兄，有無困籠養？我個隻衰仔唔困籠永遠唔知去左邊！隻cam 永遠搵佢唔到！搞到我返工勁膽心！

點樣拎主子做多d運動？
個d跑步機有沒用？

貓係熱愛自由嘅動物，唔鍾意困籠架
但為左俾佢適應環境 / 新環境有危險，頭幾日建議困籠
睇黎你果隻已經唔係好驚你，好想出黎玩
你可以試下教佢上床同你訓
首先教佢跳上床，如果太細隻跳唔到上去，就用箱仔整樓梯，用玩具引佢跳上床，make sure 佢識自己上床同落床先，之後擺d 玩具係床到，等佢上床同你玩，熟絡左慢慢佢會走過黎你訓

至於佢周圍走，係好正常，因為貓係充滿好奇心嘅動物，去到新環境第一件事係探索，所以之前同你講要小心屋企有冇潛在危險嘅位
正常匿埋耐左佢會自己出番黎，如果唔出，就試下嗌佢名 / 用有聲嘅玩具引佢
我果隻細個都係會匿埋，成日搵佢唔到擔心死
但係你搵佢嘅過程中，你會發現有某幾個位佢好鍾意匿埋，之後搵佢都易左
你亦都可以放d 紙箱類嘅野係屋企，等佢有個可以安心匿埋嘅地方

暫時睇你隻貓嘅表現都係正常貓會做嘅，唔洗太擔心

我張床好高，佢應該跳唔到，我見佢行路隻腳都震震下今日係公司試下拎紙箱返去比佢匿下先！如果係咁，師兄建唔建議我用籠？我見佢識去貓砂，識自己去食野！但我發現佢飲好少水，如果用針筒逼佢飲少少水好唔好？叫佢唔願出黎，我用手指係地下點幾下，佢會慢慢走出黎！

頭一個禮拜，我番工會困籠，屋企有人就唔困，確保佢安全，通常佢想走出嚟就會不停抓個籠同埋叫，都係好正常，等佢習慣咗新環境，唔使困籠嘅時候，問題就解決 如果佢行路震震下，睇嚟要留意吓佢會唔會先天隻腳有問題
我張床都好高，我用啲膠箱搭幾級樓梯俾佢上黎

貓係沙漠動物，隻隻都唔鍾意飲水㗎，所以建議比濕糧佢食例如幼貓罐，再加水，罐：水比例 1:1或2:1 (視乎情況加減，有啲唔鍾意太多水就會唔食），最好一開始唔好用迫嘅方法，反而係由細習慣啲食物入邊已經有水

我試過貓罐，凍乾加水！佢都唔食，剩係食上手乾糧(比我溝左1/3轉既糧落去)
個腳應該無乜問題，佢驚個陣就震震下，佢匿埋個下跑得快過我

正常2個月貓仔好少偏食，因為對佢黎講，所有食物都係未食過，好有新鮮感
你可以睇下係咪隻味唔岩，例如魚味太腥佢聞唔慣，就轉番純雞肉
想轉糧可以慢慢轉，例如放d 罐係底，放幾粒乾糧係面（或者調番轉），引佢食，新糧份量唔好一次俾太多，好易肚痾

亦有機會岩岩食完乾糧（if 長糧）佢未消化，冇胃口，可以餓佢一陣先俾濕糧

俾水可以慢慢加上去，唔好太貪心倒太多，都係果句貓唔鍾意飲水，俾少d 等佢習慣先

我買左純雞肉味，都係唔肯食，我試下買其它味比佢試下！我今日試下拎紙箱比佢，睇佢會唔會匿入去，我見隻隻貓都好鐘意紙箱！

玩厭左

2個月會唔會食濕會比較好
離乳期食咁乾會唔會好難消化

冇困籠 我而家都囉囉攣不過我封曬d危險窿應該都ok

我果隻反而鐘意人嘅臭鞋
愈臭愈愛
扒低係咁塞個頭入鞋