（二）伙食篇 - 牙線暗黑料理、豉油溝水、食玻璃？
樹仁貴為香港最高（海拔）學府，茍且偷生於寶馬山上，四棟弱小既校舍附近只得豪宅，搭車落山用膳需時，而且銅鑼灣食肆亦大多都唔平，要數校舍附近既食肆主要得7-11、一間地盤佬碟頭飯、港女cafe、一間反佔中餐廳（唔講咁多啦，一係貴一係唔好食）。
通常一間大學既canteen都係學生既避風塘，校舍附近既野貴、難食都好，始終有canteen。樹仁飯堂供應商一年換一次，今年間野真係大把野講。
呢間餐廳度縮得可憐，
一樽豉油都要溝水魚目混珠
，對住淡而無味既飯，落完半樽豉油都仍然難以入口。原來我地俾既飯錢用左黎加料，真係用心良苦
。
價錢由$18至$62不等，但食物質素永遠跟唔上價錢，十八蚊既飯永遠都係神龍見首不見尾，好撚快賣唒，成功買到真係要去買六合彩，丫屌你明知多人食又唔整多Ｄ份量？焗人買四字頭既貴飯。
好多同學都已經特登reg到唔使返哂全日，一係返ＡＭ一係返ＰＭ，為左唔使俾錢養canteen，又激鳩親自己，避得就避。最近睇Secret見到昔日同窗又諗到新方法對抗頹Can，
IN FOOD PANDA THEY TRUST!!!
有D冇咁有錢叫外賣的同學會選擇帶飯，但係Canteen非常唔歡迎同學入去坐又唔消費，根據Secret，同學如果用佢地餐具而又唔係食餐廳的野，
一律收費
「#N8942
"是咁的
我平時都會因為方便而幫襯canteen
佢開張咁耐我就幫襯足咁耐
今日好少有地帶飯然後同朋友去左canteen食飯
我d朋友就買canteen d飯
咁我諗住幫佢地手拎埋餐具啦
就冇啦啦有個阿姐走過黎
罵我地話只有幫襯佢地既人先可以拎餐具
話其他幫襯既同學會冇餐具用(當時係非繁忙時段)
咁其實都只係我一個係要需要佢一隻匙羹去食個飯盒姐
佢就為左依隻匙羹係隔離啤住我地食飯啤左十分鐘
係咁罵我地
叫我地以後吾好咁做
話好多同學都拎佢地d餐具食外來飯盒
下次要收我地一蚊
真係O曬嘴
D人話難食,我算
D人話貴,我都算
結果你竟然咁樣同我計一隻羹?
咁吾怪得你地生意愈做愈差啦
我以後吾會再幫襯佢地
Food panda萬歲((利伸"」
繼續咁既服務態度同食物質素，同學祝你生意興隆
節錄自Secrets：
《豉油王炒麵後傳》
話說上次同fd喺舊can食咗「豉油王膠片炒麵」(想知詳情就追下post)，好彩我仲健在。今日早堂無食早餐，唯有去舊can同豉油王炒麵再續前緣。好啦食到一半嘅時候，屌你老母，又有膠！今次係膠袋果隻質料！總之不用分那麼細，都是膠！
由開學到而家，我一個月最多食學校canteen一次，係呀一個月一次咁大把
但兩次我都中招。都唔知話我黑仔，定係你製造黑心食品。
明知不時收到投訴，但意見接受，態度照舊！
連續幾次食食吓無啦啦有塊膠出嚟，其實都幾恐怖，我唔要死喺樹仁呀嗚哇！
舊 can 叫左個豉油王炒面, 食食下心諗點解有條蟹柳咁趣緻啦,
搵支叉撩下條蟹柳先知原來係一塊膠黎，塊膠仲識得甩色甩到成個碗都係紅色。
原來係新春特別版豉油王炒面黎架，canteen 真係好有愛
而唔係係到嘈
：
