[詳盡版]
今年年頭，天行者出版舉辦左「第一屆天行小說賞」，發左好多年作家夢既我就決定參賽，亦都成功入圍左決賽。呢間出版社亦都幫過狩獵夢的人、心層次、做金庸的男人等等網絡作家出書，而我亦都係舊登同連登出過幾個故，有個唔夠1000人like既page咁樣，出書一直都係我既夢想。
比賽先要係1月交一份小說計劃書，而我交既呢一份入面，就一早已經有今日疑似被抄既句子，呢度比埋edit date比大家睇下，我早過鄺囝幾多寫
到真正交稿，4月26日，我呢句句子都仲係度，而之後就比左評審睇喇
然後今日返工搭車上fb，就見到有人like左呢個post，我一見到，直情唔敢相信
之後睇返內文，同我份參賽作品意念近乎相同，而佢黃色tag果一句更加係極度相似，加上小說比賽、佢係評審、出post同睇參賽作品日子之相近等等...我冇辦法唔將呢兩件事聯想埋一齊
=========================================
我知道，愛情故事呀散文既野，好多都係拾人牙慧，乜春幸福既定義係乜乜乜我都知道唔會得我一個人諗到
只係，我最嬲既係，佢作為小說比賽既評審，竟然低裝到拎參賽者既意念，重新包裝當自己既文字再出post拎like，我真係覺得好失望，好灰
連比賽評審都可以偷橋，咁我仲點敢投稿去出版社? 人地轉個頭就睇完自己用
個感覺就好似，我想出書既夢想比人利用左。因為我冇名氣，所以就唔值得尊重?
我篇參賽作品連個名都叫《幸福的定義》呀。
本來我早知道鄺囝係評審，而且考慮到愛情故事既市場銷路比較穩定，所以一向偏好寫懸疑故事既我，今次用愛情故參賽，而且內容加入大量金句，目的就係想吸引到評審 (尤其是愛情作家鄺囝) 既注意。但我勢估唔到，我既心血竟然會比人咁樣踐踏，比人當係用完即棄既condom咁用.....
鄺囝都唔係柒，要抄當然唔會成句抄。你地睇圖都可以見到，d字唔係100%一樣。但係綜合咁多樣野黎睇，佢真係唔係因為睇完我既參賽作品而寫d咁既野出黎? 連句重心句子都似得咁緊要??
到底文字何價? 創作何價?
我地參賽者、想出書既人辛辛苦苦寫出黎既野，比人一個唔該就據為己用，係幾咁唔甘心、唔忿氣?
我知道咁好有可能係以卵擊石，始終只係一個fb post，根本wfc.. 而對方又係有地位有名氣既立法會議員作家。但係正正因為咁，一個咁樣既人，竟然抄自己做評判睇既作品... 我真係到呢一刻都唔敢相信
本來比賽輸左就輸左，我都覺得係自己寫得未夠好。尋日專登reg左呢個新ac，打算係度再出故，儲下人氣，將來再投過稿。依家咁樣，算咩意思?
呢度係鄺囝個post:
http://www.nmplus.hk/social-buzz/%E6%9C%80%E5%A5%BD%E7%9A%84-%E9%84%BA%E4%BF%8A%E5%AE%87/7/
鄺囝原文:
* 我原文份稿差唔多五萬幾字，所以冇辦法post埋上黎比大家睇... 睇埋就會更加有「被抄襲」既感覺
* 本文所有內容涉及指控均為「疑似被抄襲」，一切尚為推測。
在此附上我既page比大家參考:
https://www.facebook.com/yubo.rainbow/
多謝你地留意呢件事，希望會還我一個公道。
*20/06/2017 10:53 更新: 已email出版社，等待回應中
*20/06/2017 11:20 更新: 「在晴朗的一天出發」確認會為我討回公道，幫我聯絡鄺囝，同埋其他後續
