係物料定結構呀?
結構,樓上講果兩間多數情況下唔落馬尾樸,就算有落都傾向好似liverano一類咁只落到上胸,個前襟下半大部份少左橫向既樸既支撐力同橫向八字縫既固定就會比較容易反起。
呢個情況同樣有出現係其他唔落馬尾樸或只落好細範圍既馬尾胸樸既衫上面,我認為呢個唔涉及技術問題而係結構性既野,如果你有留意其他意大利裁縫的話,或者有留意軍火庫早期嘅片同相(主力仲係做西裝,主打ring jacket同意大利裁縫trunk show既時期),你會發現大部份佢哋嘅Liverano都有呢個情況,而同樣來自意大利但係結構比較多嘅MD就無呢樣野。(一個Florence一個Milan)
呢樣野係老一輩裁縫眼中係一個缺陷,同時亦都係點解Attolini 上世紀20年代發明左近乎冇結構嘅西裝之後冇即時流行嘅原因之一。如果大家手上有shirt jacket,你會發現無論係safari定咩都好都係會咁反起,係一個好自然既事。
近年來「意大利style」同「冇結構西裝」呢兩個關鍵字大行其道,咁當然有佢原因,但任何事情都有pros &cons,拎走左啲結構自然就會有隨之而來嘅變化出現。
順帶一提呢樣亦都係我點解成日話大家要了解吓到底自己買緊啲乜,同埋要了解一下到底啲嘢係點樣嚟。好多時候改變一下做法、結構、物料等等都會帶嚟唔同嘅效果,而呢啲效果好多時係整體性,係一種做出嚟嘅感覺,可能佢二元對立地話佢係好定壞、岩定錯。
任何工藝、結構或者手工都只係手段,最終目的都係要去達到穿着者、購買者心目中嘅模樣同穿著體驗。