9988 阿里巴巴 價值投資法 討論區

犀利

大戶瘋狂咁托住沽，每日跌一兩蚊，根本玩完啦，強如微軟，科網爆破都要十幾年先回家鄉，阿里巴巴保守都要五年自上到250

其實有冇商科底唔太重要，讀嘅一半嘢對投資其實幫助不大，除非你走學術路線。你睇得明財報，理解dcf嘅概念已經ok，最重要係對產業嘅理解同公司商業模式嘅研究。甚至dcf其實都冇咩用，你微調下個折現率或者其他變數outcome個range可以好大，意義不大，有料嘅通常會建模。

打完一大篇野但直接skip左個估值重點
BABA既估值唔洗睇螞蟻淨係睇電商
咁QQ唔洗睇投資收入淨係睇遊戲收入?

螞蟻入BABA盤數係用equity method
每年要入share of result, 螞蟻既盈利對BABA估值係絕對有影響
螞蟻上市果陣估值二萬幾億,
BABA佔33%
係直接釋放左最少7000億既價值
所以BABA先衝到上300蚊

2021年投資損益因為螞蟻由負轉正
但注意係螞蟻2020既表現黎
中共打擊之後螞蟻條數係點冇人會知
螞蟻對BABA唔係bonus,係其中一個利潤主要來源

見巴打咁有咁有心分享真係難得.
我自己無花時間研究阿里巴巴,咁我自己覺得依家的情況係阿里老豆前景唔明朗所以唔受投資者青睞,D人寧靜要錢唔要貨.
但係睇返巴打的分析,似乎阿里老豆的本業無受太大的打擊,如係事實真係咁,呢個係一個好的投資機會.
但係股票買賣我自己覺得另一個要點係機會成本.假設阿里老豆真係價值回歸,但係中間的時間係幾耐呢?會唔會有其他更好值得投資的asset又唔洗承受中概股的風險?

另外點解好多巴打瘋狂踩樓主我諗除左因為中概股之外.其一係樓主無提供一個高明的insight解釋佢的操作.樓主買入的原因純粹係基於DCF計完個價位覺得平就入.如果股票買賣咁簡單就無窮人了.
其二係樓主對其他巴打的質詢都係以一種好似我覺得係咁就係咁,你地唔信係你地GE事去回答.
不過呢個post難得討論到去1001都幾有趣,至少為我帶黎唔少歡樂同見解.
TO:樓主,希望你可以開繼續開POST討論.因為實在太正啦

食花生食得幾過癮

巴打唔使咁認真覆佢
當佢講得出螞蟻係bonus
其實佢已經好矛盾
如果螞蟻對巴巴係bonus，但個bonus 會令到巴巴由300蚊跌落140蚊邊?

簡單黎講，呢類股真係有閒錢同有極長時間既拎貨能力先會買
但個回報未必係想像中咁大

Thanks師兄，半年報我通常睇營運大概，到年報先細睇，因為入一份年報都唔少時間，自己唔係做金融，所有資料都係自己逐份睇逐份入，睇幾隻股其實已經幾費時，所以反正我睇長線，通常到年結先細睇，半年大概變化正路我就唔深究

正如師兄所講，因為螞蟻上市，所以巴巴炒高，呢啲就係好多時講嘅釋放價值，而綜合企業好多時都有折讓，一分拆有價值嘅野上市就會火箭咁升，所以螞蟻上市巴巴爆上黎，但掉轉頭諗，佢上唔到市只係還原基本步，而所謂政策打壓，其實對螞蟻本身嘅盈利能力有幾大影響？

估值同價值係兩回事，因為螞蟻有個好估值上市，巴巴可以賺到fatfat咁巴巴股價緊係上啦，但而家上唔到，就可以先睇返佢本業，係咪咁唔值錢先？如果價賤到連本業價值都反映唔到，係咪已經係抵？咁螞蟻都只係呢半年令巴巴投資損益轉正(對上7年年報得19年稍稍正數5.6億，其餘都係負數，而螞蟻係14年已經開始拆出黎嘅)，其實唔排除分拆上市前做靚條數，或者為做靚估值炒起佢成長故事，畢竟螞蟻只係金融野，係咪真係上市估值咁值錢(to confess，我無睇過螞蟻ipo盤數，我都係上唔成市之後先睇巴巴盤數)，都值得考究

無人知市場先生當時price左幾多係呢啲炒作幻想，而綜合企業好多時都會有折讓，我只係好簡單咁覺得，佢本業先係最賺錢，金融野我唔識睇，所以我唔識估螞蟻其實值幾多，但如果螞蟻不受監管我反而覺得係risk factor，就好似之前p2p咁隨時雷爆先知出事，所以我share芒格嘅觀點認同打螞蟻係好事，反正我覺得而家個價已經低過我覺得佢核心業務價值，咁螞蟻受規管，只要唔係變成無底蝕錢深淵，點解我要擔心呢

真心問：其實有無師兄講到，而家螞蟻同之前比，佢有幾唔掂？有冇師兄有用佢嘅金融服務？我只係知講咁耐打壓，要淘寶嘅人依然繼續咁淘，所以我未覺得巴巴實際業務有幾壞影響

比大家另一個樂趣

暫時未有 大家都係估估下

遲下國家拆骨 收歸國有
中概股 垃圾
共同富裕 一輩子
加你稅加到你無錢賺
不斷出政策針對你

睇下有冇更出色既師兄分享

大奇蹟日 美巴升

見底了 要大手入貨

同港股可以無關係

升果少少，使唔使開香檳啊？

我持倉有幾類，其實唔係太成功，不過唔介意比人笑都想分享，希望大家行少啲冤枉路。

第一類係停左既月供股︰
2800，2010開始供到2020年，均價24，18年均價31.7賣左4成，20年均價27.9賣多4成，淨返兩成無本收息
0939，2008開始供到2016，均價5.7，18年均價8.6賣左3分2，淨返3分1無本收息
0883，2012開始供到2018停，均價11，蝕緊23%，計息都蝕5%

第二類供緊既月供股︰
0001，2015開始供到而家，均價71.5，唔計息仲蝕緊差唔多30%
0006，2019買左兩注均價54，再月供到而家均價51.5，唔計息蝕緊11%，計息打左和
1113，今年開始供，前排入左兩注，均價43.7，少蝕
0011，上年開始供，均價139.5，蝕緊5%
0823，上年入一注，均價61.7，並開始月供，現均價62.5(全以股代息)

月供暫時佔持倉4成，如果823收埋現金股息，呢個倉每年收息至少5厘(用上年派息計，而今年半年息全部都好過上年的，相信今年唔止)，月供經驗總括係︰
1. 月供都要睇時機，市好開始供，通常都越供越跌，好似0001同883係失敗之作
2. 利用月供股當儲錢兼做好自己現金流係幾好既選擇，你見上面呢堆，跌你唔死但派息真係好穩定，只要唔怕悶，你每年被動收入都有得計，就算好似0001同883入錯時機越供越跌，但跌市好多時係價跌，息都保持到，而且唔係攞儲備夾硬派，而係真係盈利分派，係可持續既，咁呢啲股既市價波動你唔駛太擔心，帳面即使輸左，但其實你被動收入仍然穩健，經濟差都可以繼續比到閒錢你繼續用(你當我自我安慰都得，但現金流穩定其實對自己生活都好緊要)
3. 市差尋寶月供，到市好兌現成本，留返賺左既繼續無本收息，係幾滿足既事，亦唔需要成日再擔心佢業績

上述呢啲我都有掃哂年報入excel，除左0001同1113係重組後既年份先做，有興趣我可再share，想知多啲我都可以再分享下

重申，我講下自己持倉只係希望我做得唔好既大家可以避免，同埋乘機幫自己總結下經驗，而唔係話我覺得我持倉揀得好(事實上以成本計係好似其他CHING所講輸哂機會成本)。我既月供倉目的係自製穩定被動收入，所以都係悶野，公用收租股為主，個本贏到係好彩，就算價跌，股息保持到我就接受，CHING要抽秤請手下留情

第三類非月供既有時間再續

咁樣升發都會升嘅

升返，無事了

我都知建模緊要，成日都聽到，但真係未涉獵到，對操作未有認知，希望ching有source for dummy可以介紹下

股票係長線，5年後再睇