9988 阿里巴巴 價值投資法 討論區

D人成日美股美股 冇圖冇真相

又跟你學到野

跟你地連登大哥學到唔少大道理 獲益良多❤️

咪咁謙虛啦
支那股價投大師非你莫屬

又學到野

你地有你地美股
我地有我地支那股

如果用RSI睇，穿過30尋咗底反彈，之後再穿30尋多一次底其實好常見，睇過去20、30年恆指都好多時會咁，就算上證呢啲指數都會，所以你話政策市無價值可言咩，其實只要夠平就有人搏，殺頭生意一樣有人做，問題係要識discount個風險，亦所以價值投資嘅margin of safety咁緊要

無人預知幾時先見底，所以就算有質素嘅股票跌到心水價，都唔好一次all in，要耐心吸納，當然越跌越買要有強大心臟，因為之後係咪有一日佢嘅價值會重現，股價大反彈，實在無人知，知嘅一早發咗達啦。

若然SH多年最終都係要蝕，都要認命&重新檢討自己嘅分析，亦所以就算價值投資都唔話all in一隻股，佢只係想你做分析，知道自己係理性地買股票(即投資)而唔係投機，搵到好股都唔好亂入貨，要確保有足夠嘅margin of safety，加大賺錢嘅可能，就算睇錯都可以避免自己蝕大錢

其實全世界都搞緊科企反壟斷，只係中式同西式手法唔同，而最重要係阿爺只係勒住巴巴條頸，無扭斷，明顯唔想佢死，而如果你相信巴巴嘅企業營運能力，咁拉長5至10年睇，我對巴巴仲仍然樂觀嘅，因為阿爺而家面對最大問題係人口同經濟，所以唔比打機補習，都唔會唔比消費，巴巴主業對實體經濟好大幫助，佢係衰馬雲嘅態度同壟斷問題，只要捱過呢轉，而如果現金流保持到，其實都唔需要太灰，價值投資唔代表唔駛捱價，咪當考下自己眼力囉，輸咗都唔係世界末日，只係portfolio其中一隻表現唔好嘅股票啫

樓主只係開咗post無耐，Buffet都話唔諗住hold 10年嘅股票不如唔好買。公平啲，要bin c樓主都起碼三五年啦，大家較鬧鐘五年後再回帶啦

慘豬

走鬼啊

有水準既Post

有名你叫爸爸＝爹爹（跌跌）

爹爹

有創意

我對巴巴仲仍然樂觀嘅，因為阿爺而家面對最大問題係人口同經濟，所以唔比打機補習，都唔會唔比消費，巴巴主業對實體經濟好大幫助，佢係衰馬雲嘅態度同壟斷問題

有冇諗過一個可能性係小學畢業仇富
真係要打倒大企業壟斷
係佢眼中依加巴巴令到好多個體實店冇左生意
影響埋租金
除左網購
螞蟻要當金融咁管，冇得賣大數據叫人借錢同要有資金充足比例令搵錢能力大減
要做數碼人民幣長遠係中共想食晒支付寶既利潤
加埋民企變國企
要係咁交保護費
一男子訓醒起身想一間公司收皮就收皮
呢個風險
係咪博得過呢

獨立思考
未買巴巴既人會將政策風險放到好大
買左巴巴既人會認為中短期影響同埋拿多D Margin Safety
去平衡風險

全世界有咁多投資機會
好多大戶會驚輸晒d錢去博
風險同回報唔成正比

老老實實 你點知道大戶好驚輸哂D錢去博
風險同回報唔成正比？
你有計過期望值？

租金方面，我一路都有買REITS，睇佢哋嘅收入唔似有比網購影響，租金同實體經濟掛鉤大啲，網購唔代表取代實體店，因為你都要食野，想睇實物，都要實體店。我覺得網購推動實體店更多轉型做體驗服務，兩者唔係競爭，反而仲做大咗物流整大咗個餅

至於一男子因素，無錯，係有可能，乜嘢事都有可能，所以風險不嬲都要hedge，而只要價夠低，對某啲人黎講就會覺得個hedge到個risk，就好似債券咁，risk大自然價低，但個risk其實有幾大，個價係咪誇大咗個risk，呢啲就好個人判斷，我只係覺得阿爺唔係要巴巴死，咁只要有生存空間，呢廿幾年嘅中資股歷史話比我知，啲龍頭(好緊要，係龍頭)大跌後通常會上返黎，體現返佢價值，唔會無了期咁跌，當然過程真係要時間，咁都無人話過價值投資係快速至富嘅方法嘅

邊個先啱，only time can tell，而我都預咗5年後比你笑9，但至少我有信心唔會total loss(正股驚閪論)，況且巴巴都只係我其中一個holding，咁我仲有好多其他保守野嘅(例如頭先講嘅reits，比我每年穩定現金流)，而我都只係想大家分享下自己嘅分析，我又唔係要迫你買，所以你唔buy我觀點我完全尊重

我只比較擔心係佢bilibili嘅持倉，因為我覺得網絡娛樂應該幾大鑊，返唔返到身或者會比阿爺殺剩幾多比較難預計，要睇管理層搵唔搵到路另覓天地，亦因為咁我揀巴巴唔揀騰訊，因為阿爺把刀斬中佢core業務

至於螞蟻，ok，殺咗估值，但其實生意一樣係咁做，傾掂規矩，點解佢唔可以係第二間招行？其實規管咗，會唔會返而係de-risk咗？(芒格都有講其實螞蟻本身玩法係高風險)上市估值不嬲都好多水份，只要佢生意仲做到，現金流無問題仲保持到，估值唔吹咁大咁咪仲抵買，就好似Reits咁，你唔會太著重佢物業重估嘅價值，因為買reits係要佢收租(即係派息)嘅能力，只要每年收租業務無問題，佢跌嘅話咪更值得去買…疫情初都以為啲商舖死硬啲reits大跌，咁如果你用當年sars歷史角度諗又好乜都好，最終你都係要生活，而人都無可能唔出街，咁你嗰陣肯take risk買reits，而家都有唔錯嘅被動收入架

The history doesn’t repeat itself, but it often rhymes，雖然歴史證明地產始終不死，但有啲女習慣始終會改變，令demand有變化，地產嘅玩法亦因而不同。今時今日買reits相信大家都寧願揀民生商舖嗰啲而避開辦公室類。

所以，我相信今次中概股股災都一樣，一日唔死，人都要生活，咁有啲嘢係唔可以無，只要唔係要被淘汰就有機會贏，跌市反而係機會尋寶

當然你可以話我過份樂觀，但歷史話比我地知，股市長遠都係升，只要你唔係高位接火棒嘅音樂椅玩家，而係跌市先入手嘅話。歷史數據係咁，咁我點解要beat the odds去悲觀呢

其實未來10年發展，仍然係IT科技做主導，例如人工智能，大數據，自動駕駛。

我覺得大陸無可能傻到整死自己d科網巨頭，萬一有日美國係科技上突破，(現在美國仍然係世界科技霸主)開始第四次技術革命，而大陸如果差距太大，追唔上，咁就等於失去未來一百年，用大陸嘅術語，就係俾人降維打擊。
晶片已經係教訓，因為晶片都唔係美國一國做到，中國一個國家要追趕嘅係幾個歐美發達國家嘅高端工業，我覺得幾乎不可能。

我覺得宜家離第四次科技革命應該唔遠，好可能係人工智能，解放人類大腦。

睇睇宜家睇淡中概科技股嘅人，一年後，又會點講

老實講 我只識美股 港股

美股而家長期高估值 我真係搵唔到好多岩價投既投資機會

好中肯嘅回覆 連登有你真好

我相信時間會係巴巴既朋友

慢慢睇 股市係一個那長線投資方法之一