夜晚唔好出街咁放工有乜娛樂? 平時有咩玩?
係咪打工就好低人工, 創業就無時間玩?
睇醫生貴唔貴? 意外入醫院會咩情況?
有無經歷瘟疫 ? 地震?
生小朋友難唔難過香港? 教育好唔好?
夜晚可以出街，但唔好9點打後自己一個係火車站區或者市中心區鳩行囉，因為條街就開始靜，冇咁安全，我都會出夜街，去東區既商場，又或者有停車場既餐廳等等，我自己唔飲酒所以酒吧就唔岩我，但呢度大量，我都係同朋友去食下飯睇下戲咁囉，打工服務性行業約6k hkd-10k左右，創業上左軌道會多好多時間，睇醫生私家醫院都貴，但大多數都會買保險有得clam,另外都可以排街症唔駛錢，間唔中會有地震，7年前試過8.8級，生小朋友難唔難唔係好明你想問咩，有錢有時間點解會難？教育智利係南美洲數一數二
即係萬一入院, 樣樣野問保險做唔做得? 如果唔係就貴到HIHI?
做手術可唔可靠? 會唔會有錢個D 都係飛去美國做
急症個D 又咩情況?
地震會死幾多人?
小朋友讀書係咪輕鬆? 多唔多係中小學學壞?
呢樣好睇你個plan,我個plan就包哂住院同9成大部份手術費用，之前問過做激光矯視，兩隻眼加埋都係要比4k hkd左右，果間仲要係德國醫院，聽堂哥講呢度醫療水平同先進國家係差唔多，最勁果次地震都好似冇乜點死過人
JJ 係到算中上有錢人, 等我窮能用經驗答你.
打工: 入到大企業會有唔差既人工, 如果你講跟中國人打工會好低, 兼且辛苦.
醫療: 小弟曾早上踩單車比流浪狗打橫衝出來咬左一下, 跟住由係中午去左一間大型既公立醫院排症, 最後為左打支針我等左八個鐘, 係八個鐘啊吊你, 本來應該仲來, 係有個登記亞姐見我亞洲人樣認得我等左好耐, 主動將我張表拎起比個醫生, 先輪到我. 佢地既分流係好ON9, 因為我被排係非緊急, 但只有一條隊咁排, 所以永遠都有新症比我緊急既排係我上面, 所以係呢度一定要買保險, 同埋窮能唔好病.
私家: 如果有保險好平好多, 試過朋友敏感去睇私家, 留左一個鐘到, 收左港幣千八蚊咁上下, 無保險, 不過服務好好是真的.
之後我學醒左, 去一些偏遠一點, 即其他周邊地區既小型公立醫院, 基本上人會少D, 排一排就到.
另外, 講係做手術, 有兩個網上智利華人講既搞笑個案
個案一: 第一個係有個人敏感去睇急症, 跟住個醫生話係海鮮之類導致, 但病患者由細到大係住係海邊, 基本上唔會對海鮮敏感, 跟住個醫生扯到去咩DNA異變之類, 跟住唔知去另一到睇好左知道原因, 然後又撞到第一個醫生, 個醫生話DNA變回來...(詳情真假唔知.),
個案二: 病者腳痛要開刀做手術, 醫生好似焗部麻醉時在腳到做了記認要開刀位置, 病者感覺唔妥, 臨開刀前發現醫生將左右腳倒轉左. 及時通知醫生.
教育: 好似係天主教大學, 係南美第一, 世界排一百五十咁上下吧, 不過我見到好多大學生都ON99的, 或者這邊普遍人都ON99
地震: 要睇地區, 北部或近海城市地震影響嚴重D
真係要買6合彩
約31 hkd
風和日麗