家姐係聖女，我係聖騎士

第十四章 好漢，漢克

“呢兩個人同漢克相比，一啲都唔似聖騎士。年輕既，浮浮躁躁，似街邊小混混，老既，木木納納，一臉撲克。”躲係漢克後面既我心諗。

“羅茲！我到底犯左咩野罪！”漢克一臉憤怒。

“你以下犯上，仲想拐帶聖女。”名為羅茲既撲克臉大叔緩緩咁讀出。

“哈哈哈！你信唔信，羅茲！？”漢克聽見自己罪名，怒極反笑。

“邊得黎咁多廢話？”輕佻青年在旁插話。

”我無問你意見，胡捷。”漢克聲音低沉咁講。

“哼，死到臨頭仲口硬。”

胡捷講完，身形一閃，一個起落已經靠近漢克。只見佢從腰間抆出兩把小刀，狂風暴雨般向漢克刺去，霎時間處處殘影。

“啊！小心！”家姐見漢克危險，下意識叫左出聲。

漢克不退不避，身體以極微小既動作擺動，一一閃過，之後仲睇準空隙，一拳迅猛咁擊向胡捷面門，胡捷閃避不及，口鼻即刻鮮血長流。

“好！”

係一邊觀看既我忍唔住叫左聲好。估唔到同為聖騎士，漢克竟然高班咁多。

“嘻嘻，知道我利害未？”胡捷伸手擦一擦口鼻，佢滿臉鮮血，但竟然仲笑晒口咁既樣，睇個款似乎傷得唔重。

“利害，竟然係口內藏有毒針，果然夠卑鄙。”漢克邊講邊由佢拳頭拔出一支細小銀針。

係陽光照射下，銀針泛起詭異既光芒，明顯帶有劇毒。

我不禁對胡捷改觀，估唔到佢對人狠，對自己都咁狠，睇怕佢係故意受漢克一拳，再係極近距離下從口吐出毒針，令漢克無法反應。

雖然我同家姐既實力係呢個場景之下毫無用武之地，但見到漢克受傷中毒，我地都無辦法唔企出黎。

但當我地上前幾步後，即刻俾漢克喝止。

“聖女！兄弟！走後門！去花園等我！”

漢克講完吸氣運功，只見佢緊握拳頭，一條黑血隨即噴射而出。

“聽我講！”漢克見我同家姐仲係到遲疑，大喝一聲。

雖然唔知點解，但既然漢克大哥咁講，一定有佢既用意。已經幫唔到手既我，絕對唔會再拖拖拉拉咁拖漢克大哥後腳。於是，我唔再廢話，拉住家姐，繞門而過，急促咁向花園方向跑去。

期間，我聽到胡捷講：“羅茲，仲等咩，等佢回復左我地唔會再有咁既優勢，快！一齊上，趁佢病攞佢命！”

胡捷同羅茲忙於對付漢克，完全無理到我同家姐，唔駛好耐，我同家姐就已經去到屋裏面既花園。

漢克先係被偷襲受傷，中左既毒唔知清唔清得晒，仲要一人面對住兩個聖騎士。雖然對漢克實力非常有信心，但面對咁既情況，我同家姐都極之擔心漢克安危。

聽住耳中傳黎陣陣既交戰聲，只能乾等既我地，家姐急到緊緊捉住我隻手。

忽然，“呯”的一聲巨響，花園左邊既牆壁被擊出一個大洞，漢克竟然用呢種捷徑黎同我地會合。但係漢克此時已經滿身都係鮮血，身上傷痕累累。

我同家姐嚇左一大跳，估唔到情況比我地想像仲要惡劣。

家姐用佢果啲低級回復魔法，不斷治療漢克，但由於傷勢過重，呢啲都只係徒勞無功。

“點算？點算？”家姐急到眼都泛紅。

而係洞既對面，果兩名聖騎士緩緩咁走過黎。只見佢地身上亦都傷得不輕。

胡捷率先撲上黎，企係洞口既漢克，足下運勁，將地上既碎石一通亂踢，碎石就好似炮彈咁，“噠噠”巨響射出，威力驚人。

趁住胡捷同羅茲躲避既空檔，漢克一左一右咁秤起我同家姐。一個起落，我地人已經企係花園既正中央。

“合。。。咳。。。合埋眼！”漢克面容憔悴，口中吐出唔少鮮血。

見到漢克為左救我地，由原本一直精神飽滿既漢子，變到衣家咁既下場，我不禁替漢克感到難過，同時亦極之感激佢所做既一切。

“係！漢克大哥！”大哥兩字，我由衷咁發自內心。

我同家姐合埋眼後，漢克念念有詞，同時感覺地上有一陣強光，個感覺就好似第一次傳送至耶倫教國咁。

“咪駛旨意！”胡捷大喝一聲。

然後一股破空之聲越傳越近。

我忍唔住張眼一睇，係強光中，仍然見到胡捷既一把小刀向漢克直射而去。

我向漢克望去，只見漢克大哥雙手一直維持合十動作，直至小刀插入胸口，佢仍然無被打斷，繼續默念咒語。

“想走！無咁易！”胡捷飛出手上另一把小刀，今次直射漢克既頸部！

目睹呢一切既我簡直唔敢相信自己既眼睛，漢克除左加快默念之外，為免被打斷，竟然仍然不閃不避！

小刀直插漢克脖子，馬上鮮血噴射而出，家姐“啊！”一聲尖叫，我大叫一聲“漢克大哥！”，突然身邊景像一閃，再一現，我地三人已經被傳送至不知名地方。

我同家姐都無理其他野，第一時間爬到漢克身邊。漢克癱倒在地，胸口脖子仲插住兩把刀，睇怕已經回天乏力。

“漢克大哥，你一定無事架，無事架。。。嗚。。。”家姐呢刻已經崩潰，一邊喊一邊不斷為漢克施展回復法術。

“漢克大哥。。。”哽咽既我都唔知講咩好。

漢克微微提一提手，示意家姐唔駛繼續，然後斷斷逐逐講：“唉，老啦。。。始終都受到阻礙，連我。。。都唔知呢到係。。。邊到。。。不過。。。你地都安全。。。我。。。滿足。。。”

“漢克大哥，你唔好講野住。。。你。。。你要唔要飲啖水。。。嗚嗚嗚。。。”我一邊喊一邊急亂咁尋找水源。

“希望你地。。。可以係到。。。好好生活到落下。。。”漢克講完，頭一歪，就咁無左生氣。

“漢克大哥！！！”我同家姐齊聲哭喊。

直到最後，漢克祝福完我同家姐先至離開。

諗到漢克為左我地，由國家既聖騎士變成以上犯上既罪人，最後仲要死得咁淒慘。

我啲眼淚就好似唔識停咁，不斷為漢克大哥而流。

幫你解決左個心頭大患

呢個構思唔錯，可惜了

盡力了

好少追故
慢慢睇緊
好睇

大哥沒有輸

多謝捧場

漢克變咗多比

唔講唔覺

頭髮係用烏黑亮麗

咁形容詞其實唔係得一種既。。。

正
好睇好睇

大哥

好睇 幾時再更新

細佬唔係回復左鬥氣咩，幫都唔幫吓手

因為細佬太廢。。。。反應都反唔切

正常一日一篇，但今日要ot，可能無了

lm

家姐係咪除咗畀人屌之外 冇其他有用嘅能力

有架，故事過多幾篇之後，先叫做正式開始 到時會有

第十五章 滅時章

我同家姐唔知喊左幾耐，望住周圍陌生既景像，再諗起我地既處境，更加係悲上加悲。

我覺得自己好無用，就算係死，我都想保護到我想保護既人，就好似漢克大哥咁。但事實上，我死一百次都保護唔到任何人。

如果我實力強啲，漢克大哥就唔會死。係最後關頭，我竟然眼白白咁睇住漢克大哥俾飛刀刺中，完全唔識反應。就好似女人遇到撞車時只會尖叫，唔識閃避一樣，我簡直無地自容。

我心中面不禁暗自許下誓言，我一定要變強，強到可以保護家姐！強到可以幫漢克大哥報仇！咩耶倫教國，波其共和國，我一定唔會放過佢地！

再傷心再難過，路都係要行埋落去。化悲憤為力量既我，企起身。

“家姐，我地好好將大哥安葬。”我邊講邊扶起仍跪係大哥身邊既家姐。

我地係附近搵左個環境比較好既地方，利用果兩把小刀挖土，將漢克大哥好好埋上。最後，家姐摘啲花花草草，鋪砌係墳上。

我擦乾淨兩把小刀既泥土，包實刀口，然後好好收起。

“我要條仆街十倍奉還！”我悲憤咁對住漢克大哥既墳講。

此時此刻，我同家姐先至開始探索下周圍環境。原來呢到係近郊地區，一座大城鎮就係不遠處。

而咁岩，有一隊人正從城門出黎，隊中有轎子，由兩人一前一後咁枱住。只見佢地竟然筆直咁向我地呢邊行近。

呢個時候想匿埋都唔得了，我地雙方都打左個照面，對方行係前面既兩個人一發現我地，即刻跑過黎。

兩名士兵款既青年，拔出長劍，指嚇我同家姐。佢地都一言不發，等待大隊過黎。

我放眼望去，呢一班人都係青年人，佢地衣著一式一樣，都係一啲樸素無花紋既白衣灰褲，感覺就好似普通校服咁，當然，佢地少好多design既成分。

唯一唔同既，就係跟緊轎子旁邊既高瘦男，腰間多纏一條黑帶，睇怕呢個人既實力係比其他人高出一班，專門用黎保護轎入面既人。

我唔敢輕舉妄動，眼前呢兩個，睇佢地跑過黎既速度都知唔強，但黑帶男同轎入面既人就唔知咩料，最好都係唔好同佢地起衝突。

我同家姐緊緊握住對方既手，大隊終於都黎到。

“滅時章，似乎已經搵到擅自使用傳送陣既可疑人物，要點處置佢地？”黑帶青年對轎子入面既人講。

“滅時章？個名駛唔駛咁型？”我心入面不禁淆左一淆。

轎子放低後，一隻玉手揭開轎子帷幕。

“竟然係個女人！”我同家姐互相用力握一握對方，睇黎我地都估唔到“滅時章”竟然係個女人。

隨住帷幕打開，一雙長腿係轎子伸出，令我驚上加驚既係，雪白長腿著住既，竟然係一雙高踭鞋。

就係我連逐吃驚既時刻，一個白裇衫，OL窄裙，著住高踭鞋，現代打扮既長髮美女，係轎子上面行落黎。

“Miss張！？”我同家姐異口同聲咁叫左出黎。眼前呢個身材高挑，大波長腿，尤其係左面頰眼角下既果粒痣，幾乎可以肯定佢就係Miss張。

長髮美女呆左一呆後，亦都驚訝咁叫：“係你地？！”

我啲回憶即刻返晒黎。Miss張係我同家姐學校既英文老師。佢人靚聲甜，係學校既萬人迷。我自己本人都曾經用佢黎打過唔少次飛機，直至佢無做後先打少左。

Miss張佢對於一眾男學生黎講，係行走既起機神器。事關魔鬼身材既佢好鐘意著裙，仲要係短裙，有時仲要著埋黑絲，真係引撚死人。

圍內周不時都流出佢既露底露bra照。去到後面，仲有傳佢放學會同啊sir留底扑野；見到佢同某某同學一齊入殘廁。但可惜呢一切都係得個講字，無圖無真相。

亦都係因為Miss張既衣著打扮屢勸不改，同埋傳出黎既各種不良傳聞，最終俾上面炒左佢魷魚。

咁多年中學生活裏面，我最遺憾既，就係點解同佢一齊入殘廁既唔係我，明明我都叫做靚靚仔仔。

估唔到，我一直心掛掛既淫賤Miss，呢刻會同我一齊出現係呢個時空。

推返起。

新讀者LM

又有新讀者