綠野行呃蝦條
2021-10-25 11:28:07
尋晚唔小心撳左入黎, 唔錯, 寫得夠生動, 有畫面。繼續努力。
逆境股神開司
2021-10-25 22:27:54
第二十九章 何去何從
我避開Miss張既眼光,一齊肩並肩咁行開左幾步之後,Miss張率先講話。
“死仔,果日咁對我,衣家扮怕醜?”
“咳。。。”我咳一聲以此遮擋我既尷尬。
老老柒柒,我其實唔係怕醜,而係突然間發生左關係,令到我唔知要用咩態度面對Miss張咁解姐。
“點啊你?你身體真係無事啦ma?”
“係,我仲好明顯覺得我變得好西利咁。”
“具體有幾西利?”
我地邊行邊傾,黎到一個庭園咁既地方。我對住其中既一棵樹,用力一掌拍去。
“嘭。”樹木連根拔起,成棵撞向牆壁,發出巨響。
“夠唔夠具體?”我弱弱咁講。
我自己都有啲不可思議,呢一掌我其實都只不過係用左大概三成左右既力道。
Miss張見到後,一臉既驚訝。
之後係Miss張既陪伴之下,測試左我既彈跳力,反應力,拳腳力量,等等既身體素質。
Miss張吸左一口氣,講:“你唔單止鬥氣深不見底,身體素質都發生左翻天覆地既變化,係呢個世界睇怕都好難搵到你既敵手。”
“唔係掛,有咁誇咩?我有啲難以置信。
“一啲都唔誇,你話晒得到左兩個聖女既力量。我估你暈低既真正原因係身體一時間接受唔到呢兩股咁龐大既力量。”
“咁我咪可以打橫行都得?”我忍唔住有啲沾沾自喜。
“的確係。。。我同你家姐仲要。。。係。。。處。。。你所得到既力量更加係無法估計。我諗呢個世界,除左你之外,都無人會有咁好彩。”Miss張講完反一反白眼。
電視動畫就睇得多,估唔到主角光環呢一樣野,竟然會出現係我既身上,我差啲開心到合唔埋個咀。
“你之後有啲咩打算?”Miss張忽然認真咁問我。
“可能周圍遊歷下?之前就話驚危險,衣家總算可以安心咁探索下呢個世界!”我不假思索咁回應。
“哦。。。”Miss張平淡既應左我一句。
我心入面暗罵自己遲鈍,連忙對住Miss張講:“我同家姐,加埋Miss張你,三個人一齊,一定會好好玩。”
“我唔駛啦。”
“下,點解啊?!”我大惑不解,我仲以為Miss張等緊我邀請佢添。
“你家姐唔會想有我跟住喎。”
“點會。。。”
我未講完已經俾Miss張既說話截住:“呵呵,睇黎你唔知你家姐係好易呷醋。同埋你係咪諗多左呢,我話晒都係呢個鎮既鎮主,好地地,做咩要無啦啦陪你周圍去呢?”
“哦。。。”我見Miss張都講到咁,我都廢事再講啲咩。
當下我地再隨便咁閒聊幾句後,就各自散去。
我返到安排俾我既房間,推開門,走到入去,只見家姐呼吸均勻,訓得好甜。輕薄既被子,勾勒出家姐完美既曲線。
我輕輕咁揭開張被,訓係家姐旁邊,家姐面向住我,我地相對而睡。
原本我都係煩緊之後究竟何去何從,但望住家姐清純甜美既面孔,聞住家姐身上既少女香,感受住家姐陣陣既呼吸,我既煩惱好似已經一掃而空。
雖然我好心邪咁有少少扯左。但呢一刻,我更能感覺到既係心靈上得到既滿足,仿彿只要能夠同家姐咁樣安定咁獨處,我就已經無憾。