［殭屍/靈幻/鬼怪］《噬魂》 世界重新輪迴一次之後我都係變咗做現代道士 05

九叔兩大徒兒歸位！

唔準一腳踏兩船 ！
踩啫啫架 ！

「醫院話依個「老友」浸到霉曬，同埋身上有可疑傷口，所以一定要去特別解剖室」九叔說著輕鬆，但我卻有點害怕

「一嚟就打大佬？….」我望著那包著腐屍的屍袋，咽一下口水

「依啲叫大佬？遲啲你就知」九叔冷冷一笑

「航，推啦」啊仁已站到床架的一端，準備好把「老友」拉走

「好..」我也不得不一起推

咔…咔…咔…床架的輪子聲迴盪在整個走廊

沿路上，我腦海不停浮現出各種屍體腐爛的模樣，光是想著就有點想吐

「到啦」啊仁停下腳步，我們已來到解剖室門前

「推入去，醫生已經係入面」九叔說

啊仁拉開門，我把床推進去，醫生已經全副「武裝」站在解剖床前等待我們

「你地好」

原來這醫生是女生，她由頭到腳都有防護裝備包著，不出聲也不知道她是女生

「你好」我和啊仁禮貌的點頭

「早晨，呂醫生」九叔跟醫生請個早

「早晨啊，九仔」醫生居然叫九叔為九仔？！

「唉啊，仲係咁叫我」九叔搖頭

「叫慣口嘛，好！做野啦」呂醫生戴好手套

我和啊仁為她拉開聽屍袋的拉鍊，屍袋一打開

嘩！！！

那股惡臭味直衝鼻孔，已經找不到言語形容那股味的話，就像劏完魚後，將那麼魚內臟放在室溫幾天不理，任由它發臭那種氣味

我頓時反胃

哇嗚！！！

我轉身走到洗滌盆嘔吐

「唉，冇用」九叔皺眉

「對唔住….真係好臭」我連忙道歉，擦乾淨後，我回到屍袋旁，幫啊仁將「老友」搬到解剖床上

他全身的皮膚被水泡得發脹，看上去有一種霉爛感，面目全非

「嗯，根據佢依家身體腫脹程度，死者起碼浸係水入面三日，全身多處傷痕，應該都係臨死前受到嘅傷害，傷口完全冇任何癒合嘅徵狀」

「九仔，細刀」呂醫生眼睛變得認真

打緊多啲

個頭好痛

對唔住大家真係有啲唔舒服，今晚唔打住，聽日補返俾大家

唔好勉強
身體重要d

仆街 邊個角色姓呂 我唔記得咗

可能好快就會死，然後在停屍間見到佢......
(純亂估)

早呀蕉兄

「好」九叔在工具桌上拿刀給呂醫生

突然，屍體在呂醫生正想下刀時，舉起了手伸向呂醫生

「嘩！？」呂醫生被嚇得大叫

「放肆！」旁在一旁的九叔出手

一個攤手擋住屍體的手，然後沉踭，把屍體的手壓下

然後在胸口袋裏拿出了一支幼小的銀針，插在他手的中指指尖

「安分啲，我地幫緊你」九叔看著屍體說道

「九仔，唔該你啊～但你又同佢地講野啦」呂醫生搖搖頭

「嗯」九叔點頭當作回應

然後全程盯著屍體，目不轉睛

「喂…你睇唔睇到啊？」我悄悄的問啊仁

「緊係睇到啦，你當我盲㗎咩….」看表情啊仁跟我同樣驚訝

「靜」九叔盯一盯我們，我們馬上閉嘴

呂醫生開始剖開死者的身體，身體一被剖開，體內藏著的水一下傾瀉而出，那股惡臭味也應該不用我說，大家能想像到有多臭

經過一小時的解剖檢驗後，呂醫生在「老友」的指甲縫裏找到一些皮屑，要拿去化驗，而且還在口腔裏發現一條黑色纖維，也要一同拿去化驗

「好，搞掂！九仔，我走先啦」呂醫生收拾好東西後便準備離去

「好，下次見啦」九叔跟呂醫生道別

「再見」呂醫生向我和啊仁道別

「bye bye 」我揮手道別

啊仁則只揮手，沒說話

呂醫生離開解剖室後，我馬上走到九叔身邊

「九叔啊，啱啱個「老友」….」

「有問題？」九叔問我

「佢郁喎！」

「你試下比人劏，睇下你郁唔郁」九叔不以為然的說

「呃….咁..咁都係」

「我仲以為你揀得依份工就預咗有依啲」九叔一邊收拾一邊說

「有係有嘅，但冇預到係直接郁姐」我摸一摸後腦勺

「我自己都中意研究依啲野，但都冇估到返工第二日就遇到，仲要第一次見到嘅就咁…就咁誇張」

啊仁也加入討論

「咁我可以同你地講，依啲只係碎料，等你地再返耐啲，我先慢慢同你地講」九叔暗笑了一下

應該就唔會嘅

我睇返先發現，上一季我冇講到個角色係姓呂，我仲以為自己有寫所以大家唔知邊個姓呂係正常㗎

完全睇故mode
無諗過會完全係同一堆人

係好事定壞事

代表禾很信任樓豬

仲有22分鐘就第二日 樓主伯母應該好慘

打緊呢排嚴重腦閉塞

「點解係遲啲？」我問

「我驚依家講會嚇走你地」

「但係，九叔！」我捉著九叔的手臂

「做咩啊？」九叔皺眉看著我，一臉嫌棄

「你啱啱個幾下好型，可唔可以教我啊？」我雙眼發光的看著九叔

「……」九叔還是在皺眉看着我

「咳嗯….我都想學」啊仁也舉手說道

「都係個句，遲啲先，執埋啲野」話畢，他就離開了解剖室

「我哋一定要氹到九叔教我地！」我說

「嗯！」啊仁點頭

幾天過去….

「九叔啊！我地搞掂曬啲野啦，咁得閒！不如你教我地功夫啊！」我纏著九叔

「仲有銀針！」啊仁補充

「琴日咪講咗遲啲，你地咁得閒煩住我，用消毒藥水拖曬成個殮房」木無表情的說

「下？！成個？….」我瞪大雙眼

「唔做？」九叔用眼尾望向我

「做！即刻做！依家就去做！」

「行啦！仲講！」啊仁拉著我離開辦公室

就這樣，我們纏著九叔，九叔不搭理我們的日子又過了一個月，我們跟九叔的關係好了不少，他也開始會跟我們談天說地，只是態度還是那麼冷酷

「係呢，上次呂醫生驗完個「老友」單案點啊？」正在放午膳的我們在閒聊

「我聽夜更同事講好似話係黑幫仇殺」啊仁說出打聽回來的消息

「你地成個女人咁八卦」九叔無奈

「咁話曬都係第一次見到咁震撼嘅野，緊係關心啲啦」我說

「都唔知係好定唔好，依一個月除咗單浮屍之外，都冇咩特別」對各種事物都感興趣的啊仁表現得有點失望

「咁緊係好，我地冇特別野做，姐係冇咩大事發生」九叔閉上雙眼，蹺起手，稍作休息

「啊九！！！」一個跟九叔差不多年紀的主管跑到飯堂內，好像有緊要事找九叔

再打緊多一段話補數就唔會走數！連埋一陣個段，今日有三段！