月牙
2021-07-23 19:23:16
洛兒的老闆——段天
旁邊少不了他的保鑣——羅東,以及他的管家——習維
「段生你好,點解你係到嘅?」洛兒看到他馬上變得恭恭敬敬的
「冇~咁啱同個客係附近食完飯,諗住散下步咋嘛~點知就見到你地啦」段天依舊用著那討厭的腔調
「咁啱嘅,我地啱啱都食完飯,依家送佢走」
洛兒也未免太過誠實了吧….
「哦~咁不如等我送陳生返去啦」段天主動提出
「唔洗麻煩你啦」我果斷拒絕
「唔洗怕麻煩我,我大把時間~」段天卻堅持
「段生都咁好人出到聲啦~咪當坐順風車車返去囉~」洛兒時而神助攻時而豬隊友啊…..
「係啦~就咁話啦,等我送陳生返去啦」段天點頭微笑
「…….」我好像已沒有選擇的餘地
「不過,陳生啊,我有個不情之請啊」段天突然說
「咩事呢?」我問
「我有啲工事上嘅野,想同洛兒傾兩句,可以請你行開兩步?」段天這樣一說,我本想拒絕,第一,現在是非辦公時間,第二,我不想
但我正想開口時,羅東和習維一個將我往後推,一個搭著我
「先生~唔該你行開兩步,比啲空間段生講野」習維還是保持禮貌
「但我….呃……」
他們成功將我拉遠了
「洛兒啊,你依排係咪有咩心事啊?」段天問洛兒
「下…冇啊,段生做咩咁問嘅?」洛兒有點錯愕
「冇?因為我聽你上司講,依排你做野成日失準喎,上次交個份報告書寫少咗個零,搞到其他同事搞咗好耐啊」
「啊…..嘶….」洛兒緊張的吸一口氣
另一邊廂
羅東突然發力捏著我的肩膀,疼痛頓感,我舉起手刀,往他的肘關節下壓
呯!我的手刀準確無誤地擊中他的關節,但羅東卻絲毫不動的看著我
「嗚嘻,你用咗力㗎啦?」羅東擺出囂張的嘴臉
月牙
2021-07-24 01:33:57
我再次使用同一招,不過這次放棄用手刀,而是直接用整個前臂壓下去
但….羅東也是不為所動
「讓咗你兩招,到我啦!」羅東的眼神不同了,瞬間變的銳利
他舉起拳頭,往我的面門推進,拳風把我的頭髮都吹起了,這一刻我連呼吸都停頓了,是史無前例的壓迫感
「東,停手」段天叫停了羅東
羅東聽到段天的命令,一秒不差的停下揮拳,而拳頭已在我的鼻尖前
幸好…如段天遲一秒叫停羅東,我不知道能否看到明天的陽光…..
「Boss….」羅東失望的望向段天
「陳先生係我朋友~唔可以咁冇禮貌」段天微笑看著我
我想不到怎反駁了,心尚有餘悸,已是一片空白
「肥仔你點啊?有冇事啊」洛兒上前關心我
我還沒說得出話
「唔好意思啊洛兒,我保鑣冒犯啦」
段天不夠羅東高,他向羅東勾一勾手指,羅東面露難色,但又不得不服從,他屈膝,將自己降到比段天還要矮
啪!!
段天毫不留情的一巴掌打到羅東臉上
「習維,走」段天轉身離去
「係嘅,段生」習維點一點頭,便跟著段天走了
羅東狠狠盯著我,舉起姆指,我還好奇為什麼他突然要稱讚我,之後他就將姆指放到頸上,橫劃一下,繼而離去
「肥仔,你點啊?唔好嚇我啊」洛兒仍在問我
「冇…冇事」我這才能開口說話
「你冇比佢打中啊嘛?佢成個巨人咁啊」洛兒非常緊張
「冇..冇打中,但同打中差唔多㗎啦」的確,剛剛那一拳嚇得我像快要死一樣
「冇事就好啦」洛兒鬆一口氣
這陣子,運氣好像有點差…總是遇到不順利的事