月牙
2021-06-24 17:43:09
而九叔正趕回殮房,他嘗試撥電給我和啊仁,但我們都正處於迷糊狀態,根本聽不到電話響起
「仆街….」不知情況的九叔以為我們出事,十分緊張的在路上奔跑
殮房內
我和啊仁都躺在地上,不過我先醒過來了
「啊仁….」我中了卓斌的一記重拳,現在整個人都迷迷糊糊的
我踉蹌的走近啊仁
「喂!啊仁!醒啦!」我拍著啊仁的肩膀
我依稀記得,那個閻三走的時候不知道對啊仁做了什麼
「呃…..」啊仁醒了
「你點啊?!」我問他
「啲野呢….」啊仁也正處於迷糊狀態
「已經死曬啦」我說
「你..一個人搞掂?」啊仁問我
「緊係唔係啦,我邊有咁勁啊」我笑說
我見啊仁醒了,我就坐到他旁邊
「你地點啊…..」是肥主管的聲音,原來他沒事
他人站在雪藏室門外,把頭探進來,明顯是驚魂未定
他這個時候還敢過來關心我們,也算是不錯了
「冇事」我揮揮手示意
「人冇事就好啦」肥主管四周看看,確定真的安全後才走進來
「啊九仲未返嚟?!佢到底去咗邊啊」肥主管突然一問
「呃….佢就返到嚟㗎啦」我馬上幫九叔說話
「依個時候竟然走咗去!有冇搞錯啊!」肥主管看似很是生氣
「咩事咩事?」是九叔的聲音!他終於回來了
正當我和啊仁都以為肥主管會破口大罵時
「啊~啊九!你返嚟就好啦~」肥主管的態度一百八十度度轉變了
看得我們目瞪口呆
「嗯,冇事嘅話你返出去先」九叔用上司的態度踉肥主管說話
「好!好啊,咁我走先,依到交比你啦」肥主管笑著的走了,但一轉身就嘴臉全變,一臉咒罵
「你地點?」九叔蹲下看著攤坐在地的我們
「冇事,有少少頭暈姐」啊仁說
「我都冇事」我說
「冇事就好」九叔看看四周
「但依到搞成咁,唔似冇事發生過」
月牙
2021-06-25 00:08:13
「有個黑社會大佬,冇放到入冰格,所以冇比你道符鎮住……」
我將整件事的起承轉合都告訴九叔
「最後好彩嚟咗個人,係佢救返我地」
「咩人?」九叔問
「我唔知啊,佢突然出現,我依稀聽到佢叫…叫….呃…佢叫閻三!」那時我正處於半昏迷狀態,要腦海裏翻尋那記憶
「閻三?你有冇聽錯?」九叔錯愕的看著我
「呃….冇啊,佢係咁講嘅,個陣隻惡鬼問佢
係邊個,佢答在下閻三」我復述剛剛的情景
「閻三爺….你返嚟做咩…」九叔低頭自語
我和啊仁對望一眼,在猜到底有什麼不對
「好,唔好理依啲住,就嚟入夜,殮房陰氣咁重,一定會吸引唔少惡鬼,依家我去辦公室幫你地調更,你地今晚留埋係到」九叔拍一拍我倆的肩膀,就往辦公室走去
「唉…今晚又嚟過….」我一聲嘆氣,抬頭仰望
「原來都幾攰㗎…」啊仁跟我擺出同樣的動作
「九叔一做就做咗幾十年」啊仁再說
「希望我地可以幫輕下佢啦」我真心希望幫助九叔,同時我自己也想從他身上學會道術
「都要佢肯教我地先得㗎」啊仁這句話帶點慨嘆
「教,今晚就教」九叔突然出現在門口,嚇我們一跳
「真係?!」我倆興奮得雙眼瞪大,一下子忘記剛剛的疲累
「我講過嘅野,我唔會唔認,你地頂到我返嚟而人又冇事,算係咁」九叔冷冷一笑
「好野!!」我和啊仁擊掌慶祝
「真係要咁興奮?」九叔疑惑不解
最後,這夜真的百鬼夜行,但有九叔坐鎮,整件事都變得輕鬆處理,跟下午的狼狽完全不能相提並論
亦因為九叔在,讓我們能平安渡過了十二點
瑪嘉烈那邊有英叔葉靈留守,也不會有什麼大問題
而其他各區的殮房、醫院、墓地都有總會派去的人守著,雖他們的能力沒九叔那麼高,但他們多以二人為一組的行動,所以也能應付