［殭屍/靈幻/鬼怪］《噬魂》 世界重新輪迴一次之後我都係變咗做現代道士 05

呢個係另一個平行時空定下世？因為正常上季全世界都變唒殭屍 仲邊有人類？

或者我咁講

男主角佢哋依一班人已係經歷過好多次輪迴，但每一次都輸比段天

例如：輪迴A輪迴B輪迴C.....直至到輪迴H，就係第一季嘅故事，今次主角終於贏咗，但成個世界都係殭屍，所以男主向青天許願，希望輪迴H重新洗牌，由頭嚟多一次，就有咗第二季嘅故事

簡單嚟講，第二季係第一季嘅restart

終極一班

終極一班有咁樣咩？！我都係終極迷！！季季都有追，包括終極一班5....

終極一班2=垃圾（都唔知出嚟做咩）
終3其實已經收尾收得好好（搞掂終2遺憾嘅東婷戀）

之後唔明點解出終4 終5 仲要咁垃圾

終4我都算啦，叫做睇得下，終5都唔知做乜9唉...亞瑟王成個白痴仔咁，啲武器又柒化曬

我都淨係睇東婷戀 曾沛慈真係好正

「唉...」我嘆氣

「做咩啊？突然嘆氣嘅」洛兒馬上問我

「下？冇啊，我感慨緊點解我會有個咁好嘅女朋友咋嘛」我笑說

「車～你條友仔真係呢～把口就叻」洛兒被我𢭃笑了

如是者，這幾天我都有上網看看有什麼工作想做

但不外乎都是辦公室、速遞、運輸和飲食的工作，都是一些我完全沒有興趣的工作

「唉...搵極都冇！！」在客廳的我大叫

「想嚇死我啊衰仔！」在沙發上的啊姨被我嚇一跳

「啊姨啊！！我搵唔到工啊！！」我崩潰的看著電腦

「航仔啊，你咪慢慢搵囉～屋企又唔等住你份家用嘅」姨丈又從廚房裏拿著他的試驗品出來

「唔得啦姨丈，我廿四歲啦....唔通仲要你地照顧咩」我雙手摷亂自己的頭髮

「你確定依家我地冇照顧你？」啊姨看看在煮菜的姨丈，再看看我，一語道破

「呃.....咁...唔同啊嘛」我傻笑著說

「你又係嘅，無論你廿四歲定三十四歲，對我地嚟講都係細路嚟㗎姐」姨丈蹺起手說

「唔好啦...我大個仔㗎啦，要快啲搵到自己想做嘅嘢啦」我說

「好！你有咁嘅諗法都已經大個仔啦，姨丈好開心！嚟！我煮幾個好餸比你食！」姨丈又衝回入廚房埋頭苦幹

我和啊姨相視一笑又繼續做自己的事，啊姨繼續看電視，我就繼續在不同的尋職網站遊走

直至，我終於看到一份我有興趣...或者應該說是我想嘗試一下的工作.....

殮房服務員

自從在泰國見到那百鬼夜行的畫面後，我對靈異事件都十分感興趣，也多加留意了，如果在殮房工作，應該會遇到不少靈異事件吧...畢竟電影都是這樣演的啊

而且這樣一看，這份工的薪金福利都不錯，薪金比我以前的薪金高得多，晉升機會亦多很多

感覺可以試試

《殮房服務員》

「入職條件
申請人必須 -
(a) 能提起及搬運包括屍體之重物；
(b) 能操流利廣東話，閱讀及書寫簡單中文；
(c) 能操簡單英語，閱讀及書寫簡單英文；
(d) 有能力勝任殮房工作；
(e) 通過上述有關(a)項的技能測試及上述有關(d)項的能力傾向測試；及
(f) 最好具備兩年在醫院／政府診所(包括各醫護機構)工作的經驗。」


「主要職責包括 -
(a) 接收交往殮房的屍體；
(b) 搬運及貯存殮房內的屍體，並安排死者家屬辨認、申領及移離屍體；
(c) 協助法醫科醫生解剖屍體；
(d) 負責剖驗屍體前的預備工作及事後清潔；及
(e) 負責殮房的一切清潔工作。
(備註：
(1) 須穿著制服；
(2) 須在正常辦公時間以外工作及通宵輪班工作；
(3) 須於颱風、騷動及其他緊急事故期間候命及執行職務；及
(4) 按需要派駐到部門內各殮房執勤。」

「要協助解剖？！......」我瞪大眼說

我能接受嗎....

時間來到一個月後

「你地就係新入職嗰兩個新仔？」

「呃....係啊」我看看旁邊那跟我年紀差不多的男生

「你地入職之前應該都知道，我地職責係要做咩」

「嗯！」我點頭

「咁你地同我搬咗依兩個「老友」入雪櫃，之後再洗曬啲車同袋佢，做完之後先再搵我」

「冇問題，但我應該點叫你？」我問他

「我叫張九」

終5又土地公公又孫悟空又咩筆靈九唔搭八，睇到冇心機，裘球又變咗斷腸人個女....真係睇到wtf


竟然大家都有睇終極系列！！！啊！！好感動

我睇咗1-3咋 都估唔到你有追老了

所有終極我都睇曬終極X宿舍、終極惡女...

終極三國係咪都關事

係啊係東城衛啊脩嘅故事

冇睇過

以前黃金時段好多台劇日劇
但老子已經返緊學+補習
無得睇

嗰陣我應該係小學我阿媽會買碟睇

九叔

終於有人睇到！！我寫嗰陣都起曬雞皮

那同男主一齊入職的會否就是阿烈？
但會否和阿武甘會改名？
不過話時話葉生是否真係武呢？

等埋后羿

其實我有明示暗示啊武係邊㗎試下睇返第二季一集

你講男主見完葉靈後個跑步人？我還以為佢真係路過咋......

唔知啊，欲知後事如何！

樓豬今天射波 ！

我有咩