月牙
2021-07-25 15:01:57
翌日清晨
時間是早上六點三十分
平時的我理應還在睡覺,但今天我卻被一通電話吵醒了
致電來的正是啊武
「喂!啊航早晨啊」
「喂…..」本還在夢鄉的我被強行拉回現實
「嘩,你仲未醒啊?我都跑步跑到你樓下啦,快啲落嚟啦」
「我返九點喎….」
「食個早餐,散下步消化下,差唔多㗎啦」
「……好,咁你等我一陣,我依家起身」
「好,等你,我係附近跑多個圈先」
「嗯….」
掛斷電話
「呵嗚….」打個呵欠
「搞咩啊…六點半」對於昨晚兩點多才睡覺的我,簡直是折磨
但啊武一番苦心,是要來保護我….也不能不理他,所以我決定…
「喂!!仆街仔!起身!!」
我決定致電給啊仁,把他也弄醒,畢竟是他幫我答應啊武提出的保護,所以他才是罪魁禍首
「咩料啊….航哥…」啊仁無奈
「起身屙尿啦!死仔!」
「玩咩啊….」
他看一看時間
「六點幾咋大佬….我仲有成個幾鐘可以瞓㗎」他抱怨道
「你都知呢!!就係你幫我應承啊武,佢已經係我屋企出面啦!!」
「嘩…我點估到佢咁早姐….」啊仁也是認命了
「好啦,嘈醒咗你,我就起身啦,再見」
「我..」聽到個我字也猜到啊仁要說什麼了
所以,我直接掛斷了電話
然後就去洗手間梳洗一下,也不要啊武等我這麼久了
我從洗手間出來
「今日咁早起身?」啊姨突然出現,嚇我一跳
「嘩!啊姨嚇死人咩」
「係啦,咁易嚇得死啦,咁早起身做咩」
「有個朋友嚟咗搵我…所以咪要起身」說起我也是一臉無奈
「朋友?你個死仔,瞞住洛兒搞咩啊」啊姨伸手打我屁股
「哎啊!男仔嚟㗎!!」我馬上澄清
「仲衰添!死仔」啊姨笑著多打兩下
「姨啊!細力啲啦!痛㗎!」
「又話練半拳又話大隻,打兩下就痛,冇鬼用」