[重開再更新] 中亞東歐風情畫 - 畢業遊

留名支持止下癮

留名

到達昏睡前最後一站：Тараз 時間9點半左右
可以見到右邊有唔少嘅人群
明顯地都係購買緊自己今晚嘅晚餐
因為我哋比較遲先落車所以人群都散左一半
不過眼見小販嘅嘢食
仍然係源源不絕咁樣供應



夜幕徐徐降臨，月台都變得越漸冷清。

買好晚飯臨上車之前
有一個大約20歲嘅靚仔上前同我地打招呼
仲用唔鹹唔淡嘅普通話講
「我在中國做交換生」
「哇很厲害喔 普通話說得不錯」
「你能夠聽得明白中文嗎？ 」
「Да, Знаю. (係呀我明)」
「А! По-русски понимаете! (啊你明俄文)」
「Не всё, чуть-чуть. (明唔曬，識啲啲) 」
「Я тоже студент. Сейчас путешествую по казахстану. 我都係學生哥, 宜家喺哈薩克旅遊緊」
鳩噏左2句之後...
「再見了！」
「удачи вам!🍀 」
我當下覺得哈薩克人係中亞之中最友善嘅民族
點知之後發覺
其實成個中亞啲人大部分都係好好人呀嗚嗚嗚

上車準備開餐嗰陣時極度後悔
事緣係搵左檔俾咗錢之後
個呀嬸唔知發咩神經喺度鬧我地
佢係用哈薩克文，所以我聽唔明
我哋一於懶理
行走咗去買嘢飲嗰陣時
個大媽追出嚟後問我地攞錢
因為我地真係唔明，亦都唔打算搞咁多野
我地將錢攤喺手板度
比個大媽攞夠為止
最後佢一共攞咗我哋1600T
仆街我哋買咗兩隻烤雞髀同埋兩隻蛋
使唔使成$40咁貴？
佢隻雞髀鑲金定係隻雞蛋係金蛋？

一肚氣咁樣開餐點知仲激氣
隻雞髀凍嘅都算
隻雞蛋係臭嘅
一咬落去即刻鬆口吐出黎
岩岩先讚完佢地跟手就柒左

以後都唔喺月台上面買蛋
我估係因為中亞天口太熱
即使雞蛋係新鮮煲好
但係唔做返啲天然防腐嘅措施例如遮陰又或者冷藏
雞蛋真係好容易壞
其實唔好話雞蛋
其他熱食喺咁高溫嘅情況下咩都會變壞
我嘅結論係 有Doner食Doner
哈薩克街邊都幾多Kebab Doner
平均大約500-700T一個，大約港幣12-18蚊左右啦

呢一晚瞓得真係好辛苦好辛苦
因為去到差唔多11點
車上嘅溫度先開始慢慢下降
可以令人瞓得着嘅溫度
其實已經成身都係汗
換過2次衫 飲左2L水
瘋狂迫自己唔好諗野訓教

一早6點半左右
車廂條Aisle就開始熙來攘往
好撚嘈 嘈醒左
原來啲呀叔啊嬸開始梳洗
大約仲有50-60公里就會到達阿拉木圖總站
一早起身就睇到靚女係度執野唯有比大家一齊鑒賞

早晨
七點鐘到達阿拉木圖1

當初我哋搵回程車飛嘅時候
我哋特登搵阿拉木圖1係到達站嘅結果
因為1係過路站或者部份車嘅終點站
但係2就係盡頭站+終點站
所以1嘅結果係多好多
方便我地搵車

但係偏偏我哋買完之後先發覺
呢一架車嘅終點係可以去到阿拉木圖2傻仔左

於是仆街嘅我
同我個friend講
反正都就到終點啦而且佢地臥鋪近乎唔查飛
再者又唔係2個站隔幾個cities
不如大家一齊逃票
若無其事坐到去阿拉木圖2
因為我自己覺得，反正都就嚟到終點站
個職員應該唔會點樣理我地
加上佢已經派番晒所有車飛俾我哋
更加唔會記得
再加上好多人都會係呢2個站落車
所以多我地兩個唔多，少我地唔少

平安準時到達阿拉木圖2

2018我嘅留言係: 奉勸屋企咁多位小朋友唔好亂咁試逃票
黨鐵係會罰你$250㗎 大家唔好以身試法
2021: 食撚屎啦黨鐵最好繼續蝕 一蚊都賺唔到我呀

見到呢一個徽章唔一樣又影低咗
真係好靚好有特色
特別係無論前蘇聯國家又好其他國家都好
呢啲徽章真係開始絕跡
因為新列車都係要現代化
呢啲咁有藝術感aka陳舊感嘅野都係淘汰架喇

因為今日我哋下午又會繼續搭車
但上午至到中午嘅時間
冇乜可能拖住個行李周圍行
於是入咗火車站寄存行李
每個行李收300T一日
同埋記得講清楚幾點翻來攞
佢甚至提早攞定出來比你

上車之前買咗好多個桃
係跟住落嚟留係中亞嘅大部份時間我都係咁食桃
因為佢哋而家盛產
而且好平又甜又好食
FYI中亞同新疆6-8月係盛產桃同埋瓜藤類生果
例如西瓜，蜜瓜等等
西瓜蜜瓜1-2蚊一斤
唔建議食西瓜，因為質素好參差
即使你smash its ass邦邦聲，入面都可以係淺粉紅，唔甜
建議買蜜瓜，係糖尿病嘅感覺
桃6-10蚊1斤，視乎大細/熟成程度，越熟反而越平
中亞嘅桃係極度軟身而多汁
相比日本桃來講
日本桃係桃汁嘅味道
而中亞桃就係蜜桃茶嘅味道
甜中帶小小茶澀嘅感覺
好正，我每日都要食翻2-3個


對比起前日夜晚落微雨
宜家一天光曬
心情都會再好啲架
祝大家日日都有好心情！

地鐵站
今日去啲地點都唔係好關地鐵站事
所以唔搭喇～
其實同莫斯科啲地鐵係一樣
舊舊地，每一卡都唔相連
一年前都有搭過
主要係來回阿拉木圖火車站


2017年影的
其實佢哋嘅地鐵站同俄羅斯差唔多
都係起係深深嘅地底
條電梯本身都係快 - 同黨鐵鰂魚涌站有得揮
不過都搭咗幾十秒
佢哋每個站都有唔同嘅藝術品/畫
除咗搭車之外
等車嘅時間都可以俾你欣賞藝術
絕對唔係交通運輸咁簡單









www.www.www.www.......


中亞黎講
哈薩克算係街道最乾淨嘅國家
無軌電車都唔少
再對上一次見到已經係蒙古

不過蒙古啲巴士係連number都無
所以當時我都唔敢上車
而係靠對腳行左成個烏蘭巴托


而且你都見到啲人著得都現代，斯文
證明哈薩克絕對比其他鄰近國家有錢
其他國家嘅塞車通常係大貨櫃車
呢度係塞滿私家車
全部都有牌子唔係啲大陸車BYD之類嘅野
但正因為咁樣
哈薩克交通亂七八糟
下面幅圖完美解釋咩叫 各不相讓


搵左成朝都無啲似樣嘅餐廳
Kebab doner收1000T 不愧係大城市真係貴啲
最後我帶我fd去翻一年前住嘅地區附近...


餐廳叫做Basillic
算係中級嘅餐廳，價錢自然唔算平
但係服務態度真係唔差
同埋野食打卡able
因為我地都想慢慢適應當地食物
所以由靚餐廳入手
***宜家唔會架喇，一來就直接食地踎本地餐廳***

Куурдак 俄文Куырдак 1000T 港紙25蚊左右
傳統中亞-吉爾吉斯菜
薯仔洋蔥炒+燜羊肉、羊肝
送飯一流，感覺似住家菜

下面呢個就真係唔記得左個名
唔係啲咩出名嘅菜
好東歐嘅spices - 洋蔥，番茄，香葉燜煮半隻烤雞
東歐/中亞菜總係經常出現呢啲菜
混合造成一種先有清新味道，後有番茄濃郁
簡單啲來講
就係每個餸一係聞到羊味
一係聞到羅宋湯味
叫左2個白飯同埋1渣果汁飲
埋單先3100T 港幣80蚊內

樓主份人都幾堅毅

地鐵站好靚

有無係森林 起個shashlik?

樓主好明顯係鐵路膠

就嚟對住路軌打J

對於一啲路況唔穩定嘅國家
最好就係搭火車
首先火車唔會塞車
其次就係時間比較穩定唔使驚脫班
再加上唔會好似巴士咁停下行吓
再再加上有床瞓舒服

之後個旅程入面有搭過巴士 烏克蘭去波蘭
搭左10個鐘都未到
更加鞏固左我做鐵膠嘅決心

由於我朋友仔未嚟過阿拉木圖
所以今日我就帶佢去阿拉木圖最出名嘅山頂
Кок Тобе
搭車200T到達山腳巴士總站之後
再搭Shuttle Bus上山
雖然上山路程2公里可以行上去
但係個斜坡斜度差唔多20至30度
同埋佢係S形彎
費事自己行得太攰
今日重要過境，留翻精力應對突發事件
呢2公里需要500T

不過其實發覺
搭纜車咪算囉
山腳纜車站起係市中心
而搭巴士去山頂要先去郊區嘅山腳再轉車
如此一來將5分鐘就上到去嘅路
足足拖左成差唔多40分鐘
慢慢開始發覺自己係行程方面plan得好求其
正如前面有位巴打話 你啲行程都好浪費時間

大家可以見到呢一架車就係巴士
好似係啲七人車改裝咁樣
日後更新將會瘋狂見到呢啲車


上到山頂之後就可以俯瞰成個阿拉木圖市
其實好多人都會上來呢到
有朝早晨運嘅大叔大嬸
有放假過來打卡嘅哈女sss (港女啲fd)



上面嘅遊樂設施都唔少
但絕大部份都好鳩
例如 跳彈床，小火車 etc
除咗以下呢個真係必玩
呢個可唔可以叫做過山車呢？
佢好似外國一啲嘅落山車咁樣
外國嘅做法係
人哋係用好似滑梯咁樣嘅軌道
然後坐係一塊板車度沿著條路衝落去

不過呢個係用軌道
所以更加安全同埋都扣得實
不過的確幾貴，盛惠1500T
佢都幾多急彎
每個急彎都有網，好似防止你拋出去咁
雖然佢係癡住路軌+有安全帶+有安全網
但係你就會成日FF死神來了咁樣拋落山



玩完之後有得睇相同埋買佢啲相
但係就唔係好似海洋公園或者迪士尼咁樣
可以對住個電視機影相
佢會屌鳩你因為我試過


價錢方面就啱啱講左1500T
折合40蚊唔洗
最多坐2個人同埋MAX 160KG
我同我個fd梗係一人一架啦
如果你地係couple咁樣來建議兩個人一條船
因為衝刺應該會再因為重量而再快啲
加上佢成條track就係落山
所以你唔brake嘅話可以越衝越快
每一秒都係拋出去嘅節奏


架車大約係咁嘅樣
啲工作人員會喺開車之前話
俾你聽邊個制係剎車
但係佢講完之後會同你講
Please, No brake
Me be like: WTF Really? (Правда?)
佢: Да

老實講第一次玩嘅話有啲急彎
真係驚到唔到你唔Brake
不過今次係我第二次玩所以我決定去盡佢
其實1500T去得好快
因為全程大約2分鐘就完
但係呢個刺激感
係喺香港體驗唔到嘅野成件事好外國
(廢話 but 去過旅行嘅你一定明我意思)


比大家睇下我9叫
https://vimeo.com/566573928

佢嗰度仲有一個frame比你去影相
我呢張影得衰 始終唔係影自己haha
如果相機擺得好
背景會係一片天空同埋山景


同埋我地都搵到一啲靚景
可以比我地影下
影完J自己J到出血
中亞個天 9成都係天晴
點可以浪費自己部iPhone SE自己都忍唔住笑


玩完過山車之後已經差唔多中午喇
時間無多馬上落山肚仔又餓喇
我真係一個唔餓得嘅人
加上你咁難得先去到旅行去外國
再再再加上中亞咁難去
當然係去到盡食到盡
如果又搭返巴士去市內嘅話就幾嘥時間
所以落山俾貴啲都制啦 搭纜車落去
單程1000T，來回2000T
Касса姐係售票處Ticket Office
巴士總站火車站都係用Касса


好似海洋公園纜車欣賞索罟灣嘅風景咁樣
一路睇住自己慢慢接近翻個市中心
欣賞到阿拉木圖嘅風景
睇住啲屋仔慢慢變大好過癮haha
阿拉木圖始終係舊首都
好多野已經係上1-2個年代興建好
可以見到啲樓唔算高 都係6-7層
首都Nur-Sultan (舊名Astana)就高得多
周圍都幾十層

Fb見到有香港人出po
幾年前喺吉爾吉斯hostel撞到有香港人拖住一大一細gip旅行
之後一齊包車去浸溫泉仲借錢畀佢
嗰個係咪樓主你嚟

行咗大約10分鐘
就見到我哋午餐要食嘅餐廳
佢亦都係一間 自助式餐廳Буфет
餐廳 俄文叫столовая
大家千祈唔好誤會Buffet就係我地平時了解嘅自助餐
比完一筆錢就任食

個經營模式同宜家傢俬差唔多
都係要咩攞咩就比咩錢

以下我逐個介紹 (左至右，上至下)
紅菜頭湯Борщ
留意翻正宗係無番茄
色素係來自紅菜頭，會偏甜
正宗食法係會筆一匙更Sour Cream落去攪拌
飲起上來就唔會純甜
小小酸甜當係開胃菜

抓飯Плов
抓飯度度都大同小異嘅
我就唔多作介紹
不過佢竟然無提子乾
呢個要讚一讚
因為我最撚憎就係提子乾
好難食 有陣乾果up味

燜肉Гуляш
呢個菜呢間餐廳有啲劣
因為正常嘅Гуляш
應該會整到有小小似紅酒番茄燴牛腩
你見到呢到番茄粒都仲係可以好完整
所以就真係唔太ok

Окрошка 凍湯
係一個專門夏天飲嘅湯
呢個係凍嘅湯，無熱嘅
因為成個製作過程
應該除左要煮薯仔之外
都唔洗打著個火
有Sour cream / Yogurt / Mayonnaise (睇你想用咩)
所以個顏色咁白
酸酸地凍凍地
生津解渴之餘仲飽肚

第五個唔記得左名係咩
面頭就係冷盤小菜 - 豆皮，番茄，牛肉，青瓜絲
有啲似沙律冷麵配soba汁

飲品有歷史悠久嘅乾果汁Компот
呢個就真係睇整果間野
用咩果、用幾多、新鮮果多定乾果多
可以有士多啤梨，杏桃，蘋果，桃，梅，車厘子 etc
顏色可以由艷紅色去到淺啡色都有
Компот係要先煲過
所以有熱有凍

同埋奶茶чай с молоком
聞落睇落好似蒙古嘅羊奶茶
所以我就問佢係咪Сутэй Чай, 點知真係
蒙古文сүүтэй цай，讀音係suu爹猜

如果大家去過蒙古
都知道呢個奶茶
除咗有浸羊奶嘅羶之外
上面分分鐘會有一兩粒羊嘅脂肪
不過都好懷念
幾番起兩年前自己一個去蒙古嘅時候
真係會有羊油浮面
一大陣羊味2016年嘅相
個飯都好好食 係燴牛肉飯
除左牛肉同飯 佢仲有薯蓉同埋雜菜
食完真係啱啱好


真係價廉物美
兩個人都係食咗2940T
即係75蚊港紙


玩夠食飽之後，係時候要起程離開哈薩克。
首先要返返火車站攞返自己行李
大家盡量寄存行李
都係火車站入邊嘅官方行李寄存嘅地方寄存
因為真係平好多，而且時間係好彈性
即係唔係當日完咗就直接第一日
係果一刻起計二十四小時為一日
不過當然，即使係好似阿拉木圖呢啲大嘅火車站
都未必聽得明英文，
所以大家唔使怕羞
起勢咁用肢體語言話俾佢聽
我而家要擺低件行李喺呢度呀八婆！


前往吉爾吉斯比什凱克 Бишкек
Алматы同Бишкек兩地火車不相通
起碼要喺上一個城市Тараз轉車
所以最後我哋選擇咗搭國際小巴去
客運站喺偏遠嘅地方
所以又係要搭公共交通工具去
呢一架巴士都幾靚
有啲好似喺泰國曼谷搭巴士咁樣，啲裝飾特別華麗。

得閒嘅時候都會咁樣拖孖喼
其實都好好拖嘅
始終好過我之前得個膠圈嘈到傻
(左手邊邊果個，借左比我個backpacker friend用住先，因為宜家都未開始佢嘅辛苦之旅)

咦！仲唔係我？果兩個好似係大姐姐
但係係我借錢比佢有無link？

你fb搵吓ling travelling 咁上下再入去相認

汽車總站名係Сайран
未入門口已經大量黑車
基本上清一色都係去Шымкент
所以可以直接略過

一入車站大堂轉右
就會見到有個位好大隻字寫著Бишкек
排隊嘅人大約5-6個
售票處就喺檢票口隔離
買飛需要出示護照比售票員登記
佢一見我地係遊客
就攞左部電話比左一張Google Translate嘅Cap圖
寫明費用係1800T，客滿開車
去Bishkek唔需要搭黑車
因為實在太多正常車，20-30分鐘就一班
同埋唔洗等，買完就已經差唔多可以上車

其實真係好平
1800T折合45蚊左右
200公里咁平重要包過境
真係不得了

記得去左廁所先好上車呀 車程要4粒鐘

上車位置係一號月台
唔係其他月台呀
其實佢無特登寫邊架車
因為就係人滿就開車
加上真係太密車
根本唔洗編排
車同司機都係吉爾吉斯人

維吾爾居住ge地方非中國構成部份

鳳嗚黃店黎
btw識食啵銀記

據稱全世界第一間賣腸粉ge實體店鋪

客滿開車
同香港小巴基本上同樣規矩
小巴一直以80公里時速係一條冇車又冇人嘅公路上邊奔馳
整個行程大約四個鐘 200公里鬆啲
由於Bishkek離關口唔遠 (距離我地過關位置10公里左右)
所以大部份時間都係哈薩克嘅境內行駛



因為哈薩克本身地大
擁有廣闊的平原同埋矮小嘅山丘
極度有利風力發電
所以一路都見到好多風車
而且全部風車都喺度轉
望見都覺得電撚死人


國家仍然存在一定數量游牧民族
策馬奔騰、馳騁草原嘅景象
唔係蒙古人嘅專利
哈薩克都會見到甚至體驗到
可惜我喺哈薩克同埋吉爾吉斯都無玩騎馬嗚嗚嗚

司機重要一路都播緊哈薩克文嘅歌
望住個草原真係好啱feel
同埋都好好訓
話曬尋晚我都差唔多濕曬身咁訓
睡眠質素其實唔係好好
所以幾時都好，一有空閒時間就訓教

大約三個半鐘之後到達哈薩克邊境
亦係最繁忙嘅哈吉陸路邊境 Кордай
入境嗰陣時攞到嘅入境卡都要喺呢度歸還
總共要過兩次安檢
放心因為哈薩克其實都幾文明
所以一睇你本護照都唔會問長問短
直接給人講聲再見就係啦
基本上哈薩克嘅關都係好容易過
即使佢要攞你護照請示上司
都係一個好親切嘅問候同埋招待
唔會粗聲粗氣

中哈霍爾果斯口岸除外
因為聽講哈薩克果邊收慣左大陸人啲Bribe
其實好多關口(當然仲有)都唔再需要/根本唔洗小費
係大陸人縱到對面關口啲人慣曬
佢地例行攝10蚊人民幣落護照度
"行個方便兒!"
廣東話姐係拍硬當比我輕鬆過關
但係咁樣做只會係形成惡性循環
你比 佢收 收唔到佢發爛渣 你再比

最出名應該就係中越廣西憑祥友誼關口岸
除左上網大把人講之外
我亦都有同學去過見證過
無論係公路口岸定係鐵路口岸
去到越南果邊個個都自動自覺護照夾10蚊人民幣
有新聞話唔比小費之後比人打穫甘
都係你啲中國同胞縱慣人地嘅惡果

下面係打柒大陸佬嘅新聞
https://www.exmoo.com/article/27328.html

另外2019年12月尾坦桑尼亞飛肯亞
我諗大家應該都知道
其實非洲有好多大陸佬去做生意
果次前面條友飛廣州白雲CAN
然後護照又夾左2000TZS落個護照度
排佢後面真係唔知想點

Btw佢哋真係好黑我發覺坦桑尼亞應該係數一數二黑
黑過肯亞同埋南非



進入吉爾吉斯
哈薩克同吉爾吉斯係呢度係一條小溪相隔
根本唔可以稱為一條河
因為佢好似連水都冇禁滯。

講咗咁耐打左唔知幾多千字先肯入吉爾吉斯
辛苦大家睇咁耐
之後出左烏茲別克個記憶比較模糊
可能到時啲字會少好多期望大家多多包涵



***宜家應該都仲係用緊E-visa，暫時未免簽***
我係用網上面俾錢填Form嘅電子簽證E-Visa
填完，交完錢，等佢批之後印佢出嚟
無記錯大約55USD
記得用彩色，因為佢會對比張相同埋你個樣

喺呢度我比入境過關個呀嬸閘住左
睇完護照入邊張相同埋我個樣之後
佢竟然問左我一句識唔識聽俄文
我感覺有啲不對勁所以就搖頭示意
然後佢問我攞Photos Photos
我唯有俾咗一張近照俾佢
點知佢睇來睇去都覺得唔係同一個人

個呀嬸叫咗佢上司出嚟
當下我淆到仆街
會唔會真係當左我係非法入境
或者偷渡過嚟嘅人
又或者假護照假身分
定係勒索我錢財

最後上司對比大約半分鐘
佢隻眼來來回回
喺我張相，護照張相，Visa張相同埋我個樣遊走
佢個眼球上上落落咁
最後終於宣布放行
事緣係因為我護照嗰張相已經係五年前
嗰陣又瘦又正常
而家又肥又醜樣
無辦法我都唔想

順利進入中亞第二國 吉爾吉斯
由呢個開始訊號已經由Beeline KZ轉做Beeline KG
數據唔互通，所以一入境又無上網喇
情況同入境哈薩克一樣
冇上網嘅情況下
我都唔知點算，唯有頂硬上
出左境之後我地坐左喺小巴站度等翻果架車
大約20分鐘之後
我地開始覺得架小巴唔會再過境
因為睇到有啲Report話好多人靜係搭到去邊境
因為親友會揸過來接佢地
所以到左邊境就會落車唔上

當我地以為架小巴已經唔會再接我哋
開始繼續向前行嘅時候
架小巴終於出現無離棄到我地呀！

鳳鳴如果可以整大碟啲就好喇
次次一係叫兩碟 一係就加底唔過癮

銀記<--原來我聽我親戚講先知
原來唔係讀銀色個銀
係要讀散銀個銀先啱
不過佢近5年開左好多加盟店
要搵間好啲質素嘅都有難度

講講下好肚餓好想食腸粉
聽講明興石磨腸粉都好正都係黃店來

支持

中亞果種日落
特別黃 特別光 特別有feel


架跨境小巴🚐
開左大約10分鐘左右
喺第2個國道十字路口交界落車
附近係東客運站（有東西2個站）
距離市中心大約仲有7-8公里
可能佢趕收工所以都唔打算載我地去
不過更加好，因為比較容易截小巴

吉爾吉斯無сбербанк個存在
或者我搵唔到啦
總之要搵櫃員機係一件幾煩嘅事
唔似哈薩克咁發達
普遍商店/超市都只係接受LOCAL儲蓄卡找數
所以攞錢出黎係必須
或者渣住美金去當地換
我會建議一定係袋定最少500USD喺身
至少如果啲提款機唔work你都仲有options

At the time of travelling :
1HKD兌換8.7KGS
呢度嘅貨幣叫сом (som) 同烏茲別克一樣叫法
有銀聯標誌嘅櫃員機依然有Halyk Bank
但我想講，呢間銀行由我2017年喺哈薩克、俄羅斯
去到2018年再去哈薩克
同黎到吉爾吉斯都係禁唔到錢
經歷過前幾日凌晨去到哈薩克搵左2小時先有錢攞
所以今次更加淆無錢攞
唯有一落車就周圍搵
講緊宜家連仙都唔仙下
搭車入城都有問題
自己事先又無喺阿拉木圖換少少
水都買唔到一支
一落車就開個離線地圖周圍搵櫃員機有無銀聯
其實天都開始黑
自己都驚搵唔到錢禁然後要徒步/訓街
大約20分鐘終於搵到一間極度可靠嘅銀行！
KICB！

佢係吉爾吉斯最大規模而且最信得過嘅銀行
大家大可以放心攞張銀聯卡就入境
不過記得有啲銀行要先開通海外提款呀
（是常識吧）
再唔係宜家應該大量虛擬銀行support VISA/MASTER提款
宜家發展中國家都仲係比較通行PLUS/VISA/MASTER

當時重要正值落雨
我地好倉皇咁上左一架小巴直衝市中心
去到Hostel附近已經10點半喇
因為Hostel主人出左去
攝左張電話號碼喺門
但係我地根本無吉爾吉斯電話號碼
心諗仆街了，附近係幾乎全住宅，一片黑暗

好在隔離有個小賣部
一入去係個小酒吧
有兩條女好熱情咁話幫我地打電話
主人10分鐘到，於是我地坐低左同佢哋一齊飲酒
（原諒我同我個FD真係忘記合照 ）

好在佢地識英文，溝通上都算順暢
講起我地旅遊大計
（我：中亞-東歐方向 朋友：中亞-印度）
佢地好羨慕，我話你地搵多啲咪去囉
咁自自然講起人工（都係我地一直想知嘅問題）
佢地話呢度平均薪水大約係100-150USD
但見佢地打扮一啲都唔娘 (本土)
問起佢地職業先知道
一個係健身教練，另一個係醫生

我地話
你地過黎香港啦 (宜家諗起都覺得自己天真)
無論醫生定教練都好
搵得一定多過你地國家好多啦
no offense 你國家Offer啲垃圾人工
倒不如出去闖，搵多啲錢

因為屋主入到黎熱情邀請我地馬上入住
連聯繫方式都唔記得留低
更何況影相 有啲後悔

呢個屋主超好人
全程都係講流利英文
總共擁有4間屋
得閒就租下比人住順便練習英文
佢係練到個地步聽唔出任何口音
(講開俄文嘅人，講英文都會有種孤高嘅feel)

因為方圓5里都無超級市場
而我地自從1點之後就無食過飯
佢就開車帶左我地出去超級市場買野食
我仲記得佢架車自己裝左個國產BYD喇叭
佢都真係好犀利
佢話係自己刮翻來自己組裝

呢度一共450S
左邊100%橙汁
大約10蚊港紙
呢度果汁同奶都好平，真係好多生果
上面寫без сахара 姐係 No sugar 咁解

另外常言道中亞奶真係好正
我地買左Litre係6%嘅奶肥到仆街呀屌
勸大家如果未戒奶可以試下外國啲癡線奶
真係香好多好多

其他食物就不值一提啦好嗎
大家見到個賣相都唔係特別開胃
我地都係純粹填飽個肚就算


唯一缺點係WI-FI比較弱
我地住2樓，Wi-Fi喺地下
隔左唔少信號，而且無冷氣
算啦2人床都係USD7
是但啦早抖啦
呢日真係都好攰
同埋因為落雨，所以都算好涼爽