[重開再更新] 中亞東歐風情畫 - 畢業遊

終於追到live

行左成日都攰
係時候前往餐廳
早前喺新疆見到羊隻嘅機會
就只有佢地運去屠宰場、喺貨車上面嘅一刻

今次喺吉爾吉斯
基本上啲人係真係放養mode
任由羊群遊走喺大街小巷
做到真正嘅放養
如果比著附近啲不文明國家
一早俾人老笠左啦
藉此機會 可以比我近距離睇下
咩叫大抽野
佢個屎忽行起上來扭下扭下好似行cat walk咁
That bitch got a big boooooooooty

晚餐繼續食中亞菜 Куурдак
今次佢地無炒過洋蔥
而係直接成堆切完掉落去
唔好誤會 係正常架
因為同之前一樣都係想清新啲
唔洗比薯仔同埋羊肉呢啲索曬汁液咁濃味嘅野
長期充斥著你口腔
不過唔好成堆啪 因為都會辣


餐廳送左一堆炸面粉俾我
咁就飯都唔洗要 直接食埋就好夠飽


雖然喺呢到係咁食羊
係會食到慣食到厭
但係我知翻到香港又會好掛住羊肉

因為香港真係唔係咁多地方可以買羊
凍肉鋪比到盡都係羊架同埋紐西蘭羊腩粒 (which are 唔好食)
冬天會有季節限定山東黑草羊
香港嘅話上環街市都有一檔獨市新鮮羊
好似話每日都係劏得2隻
我之前膽粗粗去買來整羊腩煲
成件事同冰鮮真係差太撚遠 差距大約1光年
當然 價錢都貴幾倍
講緊320蚊一斤 我好似要左斤半左右
收左我600蚊雖然好食但係買完真係心都痛埋

食飽飯就好行翻屋企 9點半嘅天雖然靚
但係Karakol始終都係一啲remote area
街上面入夜就一支街燈都無
行喺條街度都咪話唔驚
我就到hostel附近都開著左電話個Torch
所以食飽入黑無咩事都係翻去Hostel休息啦
聽日一早重要啟程上山

要有個Good嘅Morning
就一定要有個Good嘅早餐
唔洗去深水埗 唔洗去淘寶
Hostel本身個門面就已經係一間cafe

是日靚早
番茄炒蛋多士 150SOM
60SOM 熱蜜糖茶




個人幾中意佢個茶具set
好復古 有種公雞陶瓷碗嘅vintage味


今日嘅司機同佢嘅愛駒已經準備就緒
司機係純正吉爾吉斯人，識好少好少俄文
至於佢架車係前蘇聯嘅軍用車型
所有原來嘅櫈都鋪曬棉被去做坐墊
大家可以見到度門係可以開到180度


開起車上黎好大浸汽油味，同埋好嘈
車廂內部極度殘舊，但係好有FEEL
有種開著去戰壕同埋前線嘅感覺


本身3個人夾份原來尋日下午仲有多一對情侶Join
男嘅係西班牙人，女嘅係日本人
下圖:左邊日本ee，右邊香港姐姐
全部馬匹準備妥當

向著Altyn Arashan出發

追到live

Karakol啲路都幾爛
除左市區方圓2公里之外
一出市區就係爛路
上山嘅呢條路更加係沙石路加石頭路
不過呢架老爺蘇聯車絕對係"有咩風浪未見過"
基本上non-stop咁開
而且呢個靚仔啊叔都好有經驗
頭半段都開得好順



由山腳開始就已經好多樹木
沿路會經過唔少河流同小瀑布
其實咁猛太陽加上無風
皮膚重要乾燥 好辛苦架



住喺山腰嘅當地居民
每日咁樣來回呢條山路都咪話唔辛苦
爛路已經係好難行，重要係上落山路
再加上30幾度咁熱
烈日當空咁樣行法比著廢青(我)
應該死左好耐


行左大約1小時
架車keep住會有一陣廢氣同埋柴油味
所以夠鐘落車呼吸新鮮空氣
順便係咁意影下架車
越睇越似北韓啲車 隻色同埋車款都好有年代感

中亞有樣野仲好過香港人
就係
路見不平，落車相助

老司機不愧係老司機，沿路見到人地架車死火
真係落車幫人搞翻掂先再開車
可能大家會覺得 - 屌你浪費夠我時間未
佢死火關我鳩事，你咪call拖車司機囉
但係呢到啲人就係咁純樸
唔似城市人樣樣以自己利益為先
(或者好貴或者無呢個服務或者趕時間)
佢地鍾意守望相助，就算成車客都直接落車幫手
他朝到你架車死火唔知點算
好有機會因為你呢個舉動而感染到人
從而你有更大機會有幫手
呢種精神係咁現代化同現實化嘅社會真係買少見少



隨著海拔越來越高
河水由流水潺潺越變越湍急
越來越響
同時亦都帶來一種清涼嘅感覺
樹亦都越來越多 遮陰嘅位亦多左
個人無咁熱了



當日上車行左一半
接左個吉爾吉斯嘅姐姐
交流之下先知
原來姐姐係啱啱喺Bishkek唔知邊間大學翻來屋企
過Sembreak佢話呢啲景觀就係家的感覺

大家一齊嚟欣賞下吉爾吉斯大爺幾型
燃點香煙喝淡酒 所有不快都溜走
老實講 條路真係幾難開
因為越開越上就真係只有石路
講緊係拳頭咁大舊石
凳到成日全車人拋起
辛苦曬大佬



中午12點28分 終於到目的地
中亞瑞士真係無改錯名
大大啖索一索啲新鮮空氣
趁機建造一個屬於自己嘅中亞瑞士山區肺
有咩事都可以留來做自己仔女嘅遺產
早知裝翻2樽空氣返來賣
係香港生存 好難呼吸新鮮空氣
特別係翻觀塘老母
聽講有人因為日日翻觀塘空氣太差搞到有肺積塵
大家小心身體呀


呢張相爭個Windmill
如果唔係就真係完美嘅景色
如果要與世隔絕的話
呢度或者都真係一個好選擇


Altyn Arashan除左出名山景之外
佢地仲有溫泉可以浸
佢個溫度係咁依都45-50度

細佬我當年都仲係好血氣旺盛
一落水個下，第一個感覺就係


慢慢就feel到突然間打通全身經脈
然後個心已經好似黎克特制9級地震咁樣跳
成個人因為身體嘅變化 疲勞一掃而空
而且因為沖昏頭腦，好似隨時都要暈低咁

所以我唔係浸泡左好耐
反而姊姊就真係食過下夜粥
仲叫我幫佢淋水CLS架唔熱架咩
我真係好羨慕佢哋可以咁FREE
佢地話去旅行就可以去10幾20日
當時嘅我覺得 有錢真好
3年後嘅我覺得 有假真好
打工仔有得幾多假
有錢無假有咩意思

上到來 點都要食啲野
我一直都以為呢度點都會有啲所謂家庭式餐廳
專做山上客生意
點知咩都無 我都係帶左包餅上山
聯同其他啲姐姐嘅餅乾同埋乾糧share來食
呢度嘅人只提供左熱茶 20SOM一包茶 熱水任用
結果就好relax咁坐喺啲木製檯凳食餅飲茶



都有唔少人會徒步再繼續行入山
或者其實行山行到嚟呢度都攰
話曬都成5個鐘先上到嚟
所以呢度係有得俾你扎營嘅
不過要注意嘅係 塊地應該係當地居民所有
所以都會收翻錢 當然佢哋都有營地出租
老實講 去到咁高其實夜晚會幾凍要小心身體
一定要帶備風䄛，因為都會幾大風


我因為係車出車入
所以當日就已經落山喇～
俾大家睇下 上落山嘅中段就係呢啲死人石仔
令到架車係咁拋來拋去
加上呢架車咁舊
點會有咁多避震
真係試過成個人拋起個頭撞左上車頂"彭"一聲
然後個司機問我 "ok?"
乜我有得揀唔ok咩都撞左啦
點都係死頂無事嘅頂硬上



沿途都有唔少人想上車落山
但係因為唔知點收錢
加上個司機好似打算接完客當係自己額外錢
而唔當係我地收果啲半路客嘅錢
來補貼我地一筆租車費 諗諗下就覺得唔化算
叫個司機唔好理其他人直接鏟落山



落山之後兩位姐姐請求我
可唔可以同佢地換小小美金
唔係講緊用SOM同我換
而係PAYME落我銀行
事源因為佢地張卡係Citibank Visa Debit
但係因為密碼錯定係機器問題無辦法提款
所以宜家旅行生活都比較拮据

其實當時自己係真係有啲啲驚
話曬FG仔膽粗粗自己一個去grad trip
同埋好驚如果有咩事要急用錢到時唔夠點算 (e.g.唔見提款卡)
不過最後都決定俾佢哋嘅
香港人出名守望相助嘛
加上吉爾吉斯有KICB銀行可以比我禁錢出來
所以借定唔借 夠錢用先好借

推

好啦 舊POST嘅更新去到頭先就完
以下落來就係全新嘅內容啦

落山嘅時候時不時都會遇到牛牛
比起香港果啲真係cute好多
癡住老母一齊行
後面果個就係牧童
就咁睇佢好似先10歲出頭
就已經騎著馬趕牛
我10歲覺得自己報到奧數班就已經好叻豬
諗翻起自己真係傻豬豬




經歷左一整日又搭車又行山又浸溫泉
然後自己只係食得幾塊餅乾充飢
好需要大量熱食同埋肉去令自己振作

繼續有beshbarmak坐鎮晚餐
今次佢個麵底整左做拉麵
口感係西北好似蘭州拉麵嘅感覺
但係點解啲蔥花係乾嘅
唔講以為佢開左包即食麵嘅乾菜料倒比我

呢個送就真係比較中式
洋蔥紅椒炒牛肉
外出咁耐首次食翻啲比較中式嘅野
同埋佢有落蒜頭炒 再加上鐵板上 炸炸聲
完全喚醒左味蕾同埋BOOST左我嘅食慾
唔客氣喇喂

買單45蚊炸 分別係150SOM同埋300SOM
喺中亞，一日一百其實好輕鬆都唔係好需要慳住用






食完又已經9點喇，太陽落緊山
加上烏雲甚多同埋翻風
成個場面好似暴風雨前夕咁
而且，Karakol海拔比Bishkek高 (1760 > 800)
意味著更加接近個天
感覺好似個天就來壓倒你喘唔過氣嘅感覺
翻HOSTEL 20分鐘嘅路 我都係急步行翻去
生怕落雨無遮之餘 會唔會俾雷劈死






前一晚訓Dorm
今晚訓Yurt，姐係蒙古包
之前係蒙古嘅感覺翻曬來
蒙古包有咩好？防風防雨防沙塵暴防滲水
冬暖夏涼，真係唔會覺得焗
今晚真係好攰了 話咁快就成日
不知不覺 身體慢慢因為長期長途跋涉坐車
出毛病都唔知...

lm

Karakol 我覺得Altyn Arashan已經係算目標達成
啟程翻去Bishkek睇下Visa搞成點
事關我臨走前就已經交好烏茲別克Visa去大使館
掐指一算 大約都過左成5日左右
翻去問埋個status 應該隔日都有得攞
然後就可以搭火車去烏茲別克首都塔什干
事關有火車直通2個首都(途徑哈薩克再入塔什干)
價格係2480SOM 姐係250蚊就已經縱橫3個國家
抵屌 因為飛機要成千

離開前 飲杯醒神Hostel Cafe 嘅 Latte 盛惠130SOM
都幾遊客價 不過真係好飲
比貴啲有咩所謂~


出發前往Karakol Bus Terminal
Автовокзал Каракол
вокзал 車站
жд вокзал火車站，жд係鐵同路嘅簡寫
автовокзал 汽車站 авто 自動
由Karakol前往Bishkek汽車站 價格350SOM
345蚊係車飛 5蚊係保險費
有啲似大陸買汽車站長途大巴默認買2蚊定3蚊保險咁
如果係大陸一定話唔洗
不過呢度就費事勉強出發啟程翻去喇




沿途都係會途徑Cholpon-Ata
會稍作停頓比人去廁所
始終車程大約4-5小時
所以我大約8點幾就已經到車站搭車翻去



因為呢條路越接近Cholpon-ata
條路就越來越靚
由原先40-60km/h開到80-100km/h
個速度同亡命紅VAN有得揮


不過正當暢通無阻全速前進嘅途中
突然聽到 pop 一聲 唔係特別大聲
然後司機就打死火燈路邊停低左
落左車搞左一輪
叫曬我地落車心諗係咪架車真係死火定點
一落車睇 原來爆胎了
司機一個人搞唔掂
等到後面有多架翻Bishkek嘅車來到
一齊幫手救架車
我唔趕時間而且我都無咩可以幫到手
所以都係企埋一邊






但係慢慢發覺 個天唔多對路
會唔會黑成咁唔係又來落大雨呀嘛
啊你老味係真架好明顯睇到啲雨灑緊過來
再唔整好我地就變成落湯雞喇屌
好在 司機大佬超水準整好趕得切落到我地呢度之前開走



臨到Bishkek之前
我打左過去烏茲別克大使館
因為佢地話可以打去問進度
咁我就用英文問:
Hi I am calling to check whether my visa is ready to pick up.
對方係俄妹，覆左我一句: I do not understand 就收左我線
WHAT L THE FUCK?
我成個黑人問號，姐係點？
我成個人都好不安...已經成5日啦
打過去佢竟然係聽唔明我講咩？
我決定去到hostel叫我個host幫我手打過去問
始終大家用俄文比較容易溝通
Well，點解唔用吉爾吉斯文嘅原因係
首先人地係俄籍(之後去到大使館果陣fc左)
而且 吉爾吉斯語同烏茲別克語屬於2個唔同嘅分支
所以互通程度唔高
最好都係用俄文溝通比較容易

你嘅Post好inspiring
搞到我呢個完全唔識俄文嘅人想去玩命

去到hostel整頓好，食完個飯
就坐左喺common area休息
見到有個俄羅斯面孔嘅人
我自己都好主動咁打招呼: Hello
佢回以微笑比我
個host同我講佢係俄羅斯人 咁我就係咁依打下招呼
問佢咩名啊，佢來自邊度啊，來呢度做咩啊咁樣

佢答我佢叫Алишер (Alisher)
唔止係英文名果啲Alexander, Louis, Robert果啲個名有背後故事/意思
呢個都有，Alisher係波斯名，譯做崇高的獅子
心諗咁把炮

佢來自喀山 Казань
唔知點解 我遇親嘅俄羅斯人都係來自喀山
之前都去過2次俄羅斯
同人傾計都係話自己來自喀山
佢話自己來旅遊嘅 不過就拋低佢老婆仔女來
不過其實都羨慕佢
你諗下一家大細嘅家庭
有得幾可個一家之主可以自己一個出走咁開心

佢知道我識中文之後
就話想叫我教佢寫自己個名in Chinese
其實 我第一時間諗 Alisher
成個腦都係 啊你射
諗諗下都係唔好咁仆街
因為我上網查完之後 我怕佢都查埋一份
一陣戰鬥民族整死我都唔出奇


"阿 里 社"
親自教佢一筆一筆咁寫
雖然中文字對於寫開字母嘅外國人來講
同畫畫係無分別
不過佢都算係寫得好，寫得似小學生嘅字
合格啦

佢答我佢叫Алишер (Alisher)
唔止係英文名果啲Alexander, Louis, Robert果啲個名有背後故事/意思
呢個都有，Alisher係波斯名，譯做崇高的獅子
心諗咁把炮

佢來自喀山 Казань
唔知點解 我遇親嘅俄羅斯人都係來自喀山
之前都去過2次俄羅斯
同人傾計都係話自己來自喀山

就咁睇應該係Tatar？

有無間hostel嘅名?

經過咁多日係咁周圍搭車去呢到果到
加上真係無菜食
再加上自己腸胃好差
結果係翻到Bishkek嘅果日
我 病倒了
Gastroenteritis 腸胃炎

我同其他人唔同 好多人又痾又嘔
我只會係咁痾
長期霸住個廁所
唔可以出遠門，因為食嘅野飲嘅野
全部都唔吸收，幾個鐘之內一定痾翻曬出來
每一日就係好虛弱
同埋果陣唔知買左旅遊保可以直接去睇醫生
結果就自己係度食正露丸
但係因為情況太嚴重
都係好似無咩用

個host開始問我
叫我趁呢個weekend (去到果陣禮拜四晚)
去下Song-Kul 雖則我真係真係好想去
但係因為身體狀況
我求其作左個鳩理由 "想休息下haha"

大家絕對要小心身體 唔好好似我咁
意識到嘅時候已經太遲，因為

我發覺有嘅唔止係腸胃炎
因為長期坐車+腸胃炎坐馬桶
衍生左新一個病，
痔瘡

如果大家未試過
痔瘡係好似腫左一粒好大粒嘅水泡咁
但係佢擠唔爆，亦唔可以擠爆，否則會流血不止
加上肛門附近太多神經線同埋血管
爆左一發不可收拾

個痛楚就係好似啲皮磨損左咁
但係個位置係s hole附近
然後每行一步都會摩擦到，好痛
所以我真係要去藥房買藥膏
止痛方面，Panadol好夠做
但係點樣舒緩摩擦同痛楚
就要靠一樣野
我稱之為 子彈
因為外形太似 正名叫做肛門栓劑 姐係肛塞
外形好似手槍子彈咁樣 塞入肛門
塞果下因為洞口有物件，個人會feel到好似急屎咁
痔瘡嘅治療過程因人而異，通常3-7日

比較尷尬嘅係 去藥房問人地有無呢種藥
因為呢種藥特殊，要擺雪櫃
所以唔係個個藥房都有
藥房 аптека (apjeka)
我上網搵左一隻最出名最好嘅俄羅斯廠出嘅
叫做нигепан
一問之下比起其他牌子貴一倍
其他牌子150SOM 佢要295SOM
貴就貴啦 最緊要快啲好翻


呢間hostel只係做summer holidays
因為佢話9月開始就係上學日
佢會專門用嚟租比啲外地嚟Bishkek嘅學生
聽講好平租，大約$300一個月
良心屋主

雖然係首都
但係都係發展中國家
所有設施都其實好舊
啲人都唔係特別文明
就好似呢部𨋢咁
特登粗體底線寫到明比人哋睇
Лифт не туалет 𨋢唔係廁所
難怪入去聞到一陣尿味

因為呢個咁麻煩嘅病
都唔可以點樣周圍走
最多都只係可以喺吉爾吉斯遊走
同埋諗下下一步點做

首先 火車嘅方法已經唔work
因為果架去烏茲別克塔什干嘅火車一個禮拜一次
禮拜五上唔到車嘅話就要等下個禮拜五
但係明顯下個禮拜五太遲了
然後飛機直飛塔什干 300公里收緊1000蚊港紙
覺得太貴太唔值

所以剩翻一個option
行路講笑咩點行
就係經吉爾吉斯南部進入烏茲別克
因為經哈薩克Shymkent個感覺好似走回頭路
而且火車已經唔work
所以經南部Osh進入烏茲別克
雖說Osh係吉爾吉斯南部 直線距離300km
但係因為吉爾吉斯地勢問題
陸路前往將會經歷無數上山落山
車程歷時12小時左右
問過hostel 佢話沿途啲景其實都正嘅
Sharetaxi 大約2500SOM一個位左右

另一個option 就係飛機
飛機係又快又唔貴嘅選擇
全程大約30-40分鐘
價格大約係2000-3000SOM左右
營運嘅航空數之不盡
有土耳其飛馬 Pegasus，本土航空Air Manas, Tez Jet etc....
我本身係買土耳其飛馬 1750SOM 最平 圍翻200蚊
但係因為佢付款系統虧虧地
懷疑唔接受外國信用卡 我用盡Visa Master都唔得
反而試左Tez Jet係得
Tez Jet唔聯網 只有喺佢自己航空公司網站買
盛惠 2150SOM last minute offer 大約240蚊左右啦

我自己都有出街問travel agency
上網睇話當佢地係search engine就得
因為網上話佢地可能仲會有更加好嘅offer
咁我就講左個日子同時間比佢
佢寫左啲時間同埋價錢比我
一睇發覺 普遍都貴大約50港紙
咁我都係乖乖地自己上網買算數

俄羅斯同埋中亞
佢哋寫啲數字都好特別
主要係2同埋9都好似特登撩兩嘢 好型

我自己都唔係好肯定，不過都似
加上喀山係以前韃靼族嘅居住區域之一
所以係都唔出奇

佢笑得好親切架
雖然就咁睇落有小小似癮君子
但係佢好friendly 我煮過野比佢食之後會再講

Hostel Laliopa
位置係烏茲別克 - Khiva (沙城)
當時卜傾.com嘅評分係9.4
宜家8.9 我見到大部分comment都係話佢個早餐好撚屌
同埋佢真係太好人佢會建議我點樣行
當時我重要係自己獨霸成個dorm
佢隨便比我自己揀床
"有咩需要隨時搵佢"
完全係賓至如歸TO THE MAX

去旅行病咗真係好慘。
試過一次去馬拉少飲水又食咗幾餐辣，再加埋夜瞓，喉嚨發炎引致感冒發燒。食完藥食龍肉都無味，食多少少就想嘔，瞓咗兩日，浪費哂d時間。

LM

樓主一定冇食水果

好睇，終於追到live
樓主快啲update啦