[重開再更新] 中亞東歐風情畫 - 畢業遊

條路同osh比真係有啲分別
起碼佢嘅路肩唔係爛嘅
吉爾吉斯長期整好中間就算

我黑市換錢要去到Samarkand
條撚樣仲要偷偷地收埋$10
俾我Double check發現咗

因為烏茲別克屬於雙重內陸國關係
(周邊俾內陸國包圍，你可以理解做離海洋好遠)

全國氣候大致一樣
屬於嚴重乾旱嘅大陸性氣候
吉爾吉斯其實都唔乾燥 但烏茲別克唔係講笑
7月-8月去烏茲別克同送死無咩分別
因為平均氣溫32度 日頭氣溫大約38-42度
可能你會話 挑 香港宜家夏天體感溫度都係38-42啦
無錯啊你講得啱 但係香港係濕熱
咁熱出街會有癡立立嘅感覺 周身唔聚財
而喺烏茲別克 感受到嘅係乾熱
同新疆其實差唔多 只不過呢到嘅乾熱
更加嚴重 無時無刻都想飲水
甚至你想將你樽水倒落你隻手 你條頸 你全身
乾裂嘅感覺真係唔好受 同埋周圍都係熱氣
窒息嘅感覺由太陽初升開始就存在 直到入夜

我都算幸運 係坐窗邊
坐喺shared taxi入面 無冷氣
只有開住窗先會有風
而乾燥嘅風打落你塊面同嘴
好容易就會口乾
好在剛才喺超級市場補給左一大支水

開左一個鐘左右 離開左Andijan一陣
去到一個小市集就停低左
話係туалет Toilet break 咁我老味閪都去啦
因為人生路不熟 加上之前都講過
Andijan去Tashkent足足350公里
你點知佢係咪得閒就停先
佢唔急你都唔使旨意去啦 (傻啦會大嗌架嘛)
烏茲別克語廁所唔係同俄文一樣係tualet
我到宜家都記得 係 Hojathona
去到任何一個地方
最緊要知道點樣問人廁所係邊

呢度賣牛奶酪產品
應該係好似麥提莎口感嘅牛奶波波
呢度嘅牛奶又係唔點值錢
所以促成咁多奶類產品



另外同吉爾吉斯一樣
佢地都係鍾意食naan 饢
不過我覺得烏茲別克果啲硬好多
佢地甚至將佢地嘅店鋪名同埋電話
用個模印落去個饢餅度
你唔會想象到 點解賣naan都可以有成條街
有厚有薄 係佢地主要糧食之一



另外 中亞嘅蜜瓜真係世界第一
連西班牙都絕對比唔上
呢種氣候好適合生產瓜藤類
尤其烏茲別克 日照陽光充足
好多唔同形狀同顏色嘅蜜瓜都應運而生
呢度嘅價錢比起吉爾吉斯再平啲
大約800-1500 SOM/KG 1蚊都唔洗



咩都無買 直接繼續行程
佢都算開得快 但係因為實在太長途
訓下醒下訓下醒下 都係發覺自己係嘅山嘅公路兜緊
好似好漫長無盡頭咁
呢個就係沙漠化帶俾你嘅一絲絕望感
如果喺路中心掉低你 前後你都唔會見到盡頭
沿路都有火車軌同火車站 都好新
但係可以想象得到 火車上山又落山
時間應該長過私家車
細個睇過百科全書，好似話如果火車上緊incline 10-15度嘅坡，最快就係70km/h，而汽車仲keep到80-100km/h，所以搭汽車係最佳選擇












如是者渣到4點左右 距離塔什干仲有100公里左右
個司機又停車痾尿順便話食個薯條
果陣自己唔知做咩唔跟埋食
有啲後悔淨係買左個雪糕三文治
4蚊雞點解我以前咁撚內向

我又要無上網 渣住部手機無野睇
純粹等佢食完野出來繼續渣...

5點半終於到達塔什干市區
佢送到我去hostel門口辛苦曬
問過host話宜家仲買唔買到電話卡
佢話 unfortunately they closed at 5pm
姐係今晚無得出街渣住電話上網
hostel係有WIFI但係出面你唔知可以有咩景點或者野食


不過 唔通搭左一日車過左咁耐關就做一個廢老攤喺屋企咩
索性出去啦！我有google map offline地圖有咩好驚
最緊要記清楚自己hostel係邊就得
果陣我真係純粹靠記憶力
因為自己認路都算唔差
就咁認住附近啲鋪頭同埋街就已經得
其實google maps可以mark地點on9仔

我又攞左啲錢出來點算下
因為真係好過癮 幾百蚊港紙換翻來嘅錢
竟然可以質爆左個銀包
邊境換錢果度又係衰嘅
因為佢俾我最大面值就係5000SOM
姐係 5蚊雞我自己都好認真咁數一次
重要大約比左幾十張1000SOM 姐係一蚊
佢地啲錢都真係幾大張 塞落銀包都會凸出來
我多到係擺左一半落自己褲袋

攤開數錢嘅感覺 就好似
"小賭可以怡情 大賭可以變李嘉誠"嘅感覺
搖身一變做富豪




數完錢已經8點幾 咁啱原來hostel附近有地鐵
可以直達塔什干火車站
於是我就馬上啟程 因為我要買火車飛
分別係去Samarkand同埋Bukhara
中亞即使7-8月都好 都係旅遊旺季
唔早啲買真係會賣曬
而且火車係烏茲別克來講都幾可靠
算準時同埋班次穩定




今次買飛算係最難嘅一次
我一如既往地問佢英文識唔識 - 唔識
俄文識唔識 - 唔識...
可以點做? 就係將2班車嘅車次 時間 席別 全部都打清楚係電話度然後遞俾佢睇，因為呢兩程車都唔係臥鋪，所以我唔洗同佢講上下已經好好
Thank god 佢最後都睇得明，出到兩張靚仔飛俾我

烏茲別克嘅火車有早買平幾舊嘅政策
因為Samarkand嘅火車2日後就會搭
所以算係臨急抱佛腳 票價升到去73蚊
其他後啲嘅日子只需要56蚊
都要俾錢啦



另外Samarkand去Bukhara因為差唔多係一個禮拜後先出發
所以票價唔貴 42蚊就搞掂
貴起上來又係70幾蚊嘅事




今晚求求其其去左火車站附近食飯
食左半隻雞 盛惠25蚊
好抵屌雖然我知道係劣食
對唔住囉我今晚網都無得上
原諒我可以出到來重要買飛真係盡左力




塔什干嘅地鐵比哈薩克地鐵更加有特色更加靚，連牆壁嘅雕像都係精工雕刻再燒而成，每隔10米都有一件歎為觀止嘅藝術品不敢相信我的眼睛















路過超級市場 就入去睇下
發覺呢度賣得最多嘅就係雪莎
有條裝，有細盒裝，有大盒裝
有超值大盒裝，價錢由8蚊去到60蚊不等
究竟要有幾中意食先會擺滿成個架
重要有特別counter俾佢上架 把炮


今晚早啲訓 因為好想快啲買電話卡
先至可以暢遊烏茲別克啊啊啊啊啊啊啊啊啊

臨瞓前睇到update

lm 食劣食

45蚊搭咗350公里? share taxi黎?
個地鐵站幾靚.

留名
扮工睇曬個po

我去嗰時影地鐵站係犯法
我由浩瀚搭車去塔什干
8點先去到hostel
嗰晚無食飯

8點已經無野食?

hostel附近無
夜晚唔敢去太遠
餓住瞓

正常架
我都唔係大模廝樣係到影
我都趁果啲工作人員擰側面先敢影

同埋Tashkent入夜都真係幾黑
即使係大街都係無咩燈我都有dd怕黑

吉爾吉斯都係咁
D街燈裝飾來嫁

好得意嘅烏茲別克銀仔
100SOM 有兩個唔同大細嘅錢
係尋日去超級市場買野找俾我嘅
究竟邊個先係假錢
其實兩個都係真嘅
100SOM整到咁大個嘅係2008年
當時其實烏茲別克貨幣都未貶值得咁犀利
100SOM大個都正常
不過宜家100SOM講緊係1毫子...
所以細細個就夠喇
但係暫時新舊貨幣都係互通
難以統一更換 （或者佢地都唔care）
所以新舊貨幣無論銀仔定紙幣
都有收過 仍然流通









烏茲別克嘅hostel早餐真係好豐盛
一壺靚茶
新鮮水果
饢 甜餅 甚至士多啤梨乳酪
再煎雙蛋+腸仔
呢度嘅分量全部都係我一個人
真係款客嘅待遇，唔係一鋪床就算！
烏茲別克嘅Hostel都算係中亞偏貴
收緊9-15USD，吉爾吉斯5-8左右
真係好值得俾架



一早有好多野做
第一件事當然係去買電話卡啦
我問過 最好用就係U Cell 有國家資助
同埋覆蓋率高+穩定性強 所以直奔U cell
佢同其他國家都一樣 數據係有限量
4GB 60
8GB 80
16GB 120
大約價錢係咁 有效期3個月
咁幾大都買16GB啦 你隨時搵餐廳
搵路開Navigation等等都好容易用到數據
買多好過買少啊
呢度都係用實名制 所以要帶護照

買完數據卡之後
個Google Map即刻順暢曬
如果有用過Offline map嘅朋友仔就知道
無論你部機幾順 佢總係lag lag地
一有上網順翻曬可以真正遊覽下
同埋我留比塔什干嘅時間得一日
我認為塔什干無咩特別
要睇應該一日睇得完
於是我就plan左超級Intensive嘅一日遊

區區幾百蚊點會足夠我去探索烏茲別克
即刻攞現金去銀行兌換啦
當時銀行匯率都算係唔錯 所以直接搵銀行
留意翻 當年2018係無銀聯覆蓋呢個國家
同埋ATM都係主要for佢地自己國內銀行
於是你要疊水 必須先帶備美金/歐羅
我就喺出發前就已經換定大約800USD去
就係為左烏茲別克而來
(俄羅斯以及往後國家都有櫃員機)







之所以塔什干留得一日
就係因為景點唔多 同埋比較現代化
老實講 佢作為首都
建造嘅形象真係比Bishkek好好多
每樣建築都好新 柏油路闊到傻
絕對唔會有吉爾吉斯塞車嘅情況

推

一口氣睇到Live
推

Amir Temur Square
帖木兒廣場 位於塔什干市中心位置
中文名係帖木兒廣場
相信大家絕對 唔會 對呢個名耳熟能詳
大家極其量喺讀中史聽過下呢個名

帖木兒 突厥蒙古人
曾經二次扣留明朝特使
征服東伊朗以及花刺子模
打贏過鄂圖曼帝國(土耳其)
真真正正係中亞嘅霸主
因為佢大多手段同埋打仗策略都參考蒙古帝國
e.g. 遇到不降者，破城後屠城以畏其他勢力
我覺得佢算係中亞版鐵木真

廣場中間就係帖木兒嘅雕像
清楚見到佢策騎舉手
好有皇者率領軍隊果種風範
一個字 型









喺廣場嘅附近就係帖木兒博物館
呢到嘅門票有分唔影相純參觀
同埋允許影相嘅費用
唔影相就6蚊 影相就35蚊
咁我幾大都買唔影相然後自己執生
宜家會豪比佢35蚊 咁平
費事惹麻煩啦係咪先！

顧名思義 呢個博物館都係描述帖木兒生平
無論係皇宮生活定係討論戰事嘅畫面
甚至係戰場上嘅英姿
唔只牆壁嘅畫像，仲有刺繡畫等等
佢窗門嘅配色簡直係靚到絕











全日行程無特別plan
於是見到有個博物館叫做
Tashkent polytechnic Museum
與其話係理工博物館 不如話係汽車展覽
展出左唔同時代嘅汽車
無論係無軌電車，福特
甚至係蘇聯版勞斯萊斯 - Ча́йка
都係呢個博物館展出
以前啲車款總係覺得有陣古巴味
好型好luxurious

睇得我嘅post有點會無好西
喺塔什干 我真係無特別食傳統中亞菜
因為啱啱先係吉爾吉斯食到夠
過到來就隨緣啦
而且仲有咁多地方去 怕咩

呢間餐廳叫做Afsona Restaurant
我都係睇開TripAdvisor推薦叫我去食
sorry真係見識少 第一次見收緊20%服務費
買100蚊野要俾20蚊 有啲犀利



或者係我太耐無食西餐
又或者我唔知佢係咁嘅樣
anyway
煎牛里脊肉 配薯仔同番茄蓉sauce
部位上應該係揀filet 菲力
好嫩口好多汁
配上開胃嘅番茄蓉好撚正呀屌！
係久遺嘅西餐！
但係大家所見 分量少到無人有
真係得2塊牛肉6片薯仔
收左我50蚊港紙
我仲叫左菠蘿汁 不過無咩特別就無影了




大家可能覺得好平 50蚊一個dish
但係呢個價錢真係烏茲別克嘅中產先食得起
俾錢都要動用到50000SOM紙幣
留意翻 50000SOM唔係咁容易用啲
甚至連10000SOM都唔容易用
因為大家買嘅野 都係1-5蚊嘅事 甚至有毫子(100-500som)
1蚊同5蚊對佢地同我來講都真係仲係太好使
1蚊同5蚊係最流通嘅貨幣面值
10000SOM都係近年 而50000SOM都係2017年發行
甚至早2-3年佢地仲商量幾時出100000SOM
which is 港紙一舊水
所以我呢到俾左2張50000SOM之後
佢找左35張1000SOM 35張1蚊比我
我自己都要數一數成世仔未試過咁鍾意數錢
因為真係太大疊 我放唔到落銀包
於是周圍搵衫袋褲袋攝







塔什干最好嘅一樣野就係 有地鐵
劃一收費1200SOM $1.2一程
佢同烏克蘭都係一樣
無用到里程計算價格
總之搭1次就$1.2，佢用一個膠銀仔
入閘放入去就得，所以佢嘅閘機同出入口係分開
一入一出 唔似香港咁一個閘口出入都得
如果大家有去過哈薩克 俄羅斯 烏克蘭 (perhaps白羅斯too)
佢地嘅地鐵都有共同特色
1. 起喺地底 好深
2. 好長嘅電梯
3. 車站好多好靚嘅壁畫/雕塑
呢三點之前都有提及同埋大家都知道啦
而第四點就係
4. 佢地嘅車廂都係唔連貫互通

好似獨立幾架車連埋一齊拖咁樣
對唔住呢到手震 但係大致上個籠都係咁
好有80-90年代嘅味道
果種凳皮嘅顏色 有陣陳年嘅味道
烏茲別克女人 係呀無錯我係光明正大影
但係唔似得肥哥哥咁7反光俾人睇到

呢度仲有火車博物館
收藏住唔同時期嘅車廂/發動機
有柴油機車 有電氣化火車頭
特別係蘇聯時期嘅車廂
可以見到平平時火車掛住嘅國徽
呢到就係蘇聯USSR
俄文簡寫係СССР
Союз Советских Социалистических Республик
The Union of Soviet of Socialist Republics (呢2個of係純翻譯)
蘇維埃社會主義共和國聯盟
p.s. 共產沒有一個是好東西















火車站博物館起喺宜家塔什干中央火車站對面
尋晚睇夜景 宜家睇西斜照落個火車站都幾靚
烏茲別克火車/火車站嘅襯色都幾靚
同國旗一樣 藍綠白 好有本土特色
如果大家放大睇都可以睇到
連火車站門面都有果啲好靚嘅pattern



呢啲都要多謝帖木兒
喺取得輝煌戰績嘅同時
亦都帶入出色嘅藝術家工匠師
為帖木兒帝國首都 - 撒馬爾罕帶來舉世觸目嘅大師作
唔講咁多 聽日就去啦 聽日先再分享

行左成日都好攰 所以要

繼續行

Chorsu Bazaar
位於塔什干舊城區 搭地鐵有Chorsu站
Chorsu Bazaar其實早係中世紀嘅時候
同埋絲綢之路嘅時候就已經存在
係一個歷史悠久而仍然運作緊嘅Bazaar
當然有進行過大大小小翻新同埋修葺嘅工作
宜家佢最顯眼同埋代表建築物
就係一個藍色圓頂
好似一個mosque嘅頂咁樣嘅設計
好顯眼 一睇就睇到



同其他bazaar一樣
都係售賣日用品同埋街市有嘅肉同菜
價格唔高 特別係水果 10蚊左右1公斤
進口生果就買到20-30蚊都有
因為呢到都係中亞
所以薯仔洋蔥呢啲都係主要蔬菜
薯仔每公斤$1.2
羊肉牛肉都係28蚊1公斤
物價平到你唔信
可唔可以將成個市集搬翻屋企 我要羊羊







係時候又又又介紹下啲野飲
之前我地喺吉爾吉斯見到周街擺檔嘅Квас
今次喺Chorsu Bazaar見到嘅係最傳統嘅飲料車
以前賣Kvass都係用類似呢種車


今次嘅飲品 叫做Морс (Mors)
係一種無氣嘅果汁飲料
主要用紅果子加上紅莓等莓果
加入糖水 / 糖漿製成
工業化時期 更加為左慳成本開始用食用香料
搞到杯野好假
呢度買到嘅Морс價錢超級平
一杯500SOM 姐係5毫子一杯
大約係平時飲水機膠杯咁大隻

我飲左一啖 淡淡定定咁放低左個杯



好撚難飲呀屌你！



即使架車真係好古老
但係個味道 係好大陣好假嘅香味
好似飲緊一支$10嘅三流香水咁
而且鬼死咁甜 唔知飲緊咩

說話可以亂講
野可以亂食
水唔可以亂飲

Chorsu Bazaar嘅附近
都有著一啲古老嘅建築物
Kukeldash Madrasah
Madrasah 係阿拉伯語言翻譯做"教學嘅地方"
姐係學校、宗教院校
建於中世紀1570年 正值昔班王朝
姐係成吉思汗 - 鐵木真啲孫嘅統治時期
建築物樓高2層 學生可以居住喺呢度



呢間學校曾經經歷過
18世紀轉型為商旅客棧 再轉做堡壘
19世紀地震震唔爛（1868年塔什干大地震）
20世紀再轉做博物館
最後再改做翻學校
我最中意佢中間庭院嘅設計
即使俾四邊建築圍著 但係喺學校嘅中間
有如一個大天井咁樣俾陽光照落來
加上中間建造花園
使得學校有種後花園嘅feel
雖寧靜但充滿生機







隔離仲有一個清真寺
Dzhuma Mosque
Dzhuma 講緊係星期五中午嘅集會祈禱
通常男女都會來到清真寺
呢種專門用嚟祈禱嘅清真寺都會起喺市中心
(其他日子都會開放)
當然男女有別，俾到盡女人只可以入大門
唔可以入建築物入面，或者有女性專用嘅殿
可以見到佢地清真寺嘅圓頂
同其他清真寺設計唔同
圓頂一格格菱形設計
門口同埋窗口呈現柳葉刀、尖拱穹窗
正正係典型嘅哥德式建築風格
(呢張係網上圖片，掛住同老母傾計無影)



清真寺早係15世紀建成
但係佢唔同於頭先講嘅學校
佢喺果次地震中受到嚴重破壞
所以係重建過 而宜家呢個樣係2003年再重建
所以先會有現代化+西方嘅建築風格
受到夕陽西斜嘅輝映
使得成間清真寺係呢個地區相當突出



我每逢大約6-7點 太陽開始落山嘅時候
就會打電話俾額娘報平安
順便講下今日發生過咩食過咩問佢翻工翻成點
相對地，佢都會關心下我
最近當然係關心下究竟我屎眼好返未
我都好感激我後花園生生性性
終於冇事

坐喺清真寺出面
望住日落 欣賞住周圍建築
同老母傾計 極度愜意

條女好正, 雖然無胸

好掛住中亞嘅拿破崙蛋糕

發覺大家集過氣睇我食劣食
好啦好啦得償所願喇
今晚去嘅呢間餐廳
Sarbon Appetit 位於塔什干南部
我求其喺TripAdvisor見到評分高就入左佢
的確 坐得幾舒服幾靚
但係一睇menu 就已經哇出聲
小至幾十蚊 大碟啲都一百蚊起跳
我諗呢間絕對係高級餐廳...真係好貴好貴

今日要食嘅呢個菜叫做Uzbekiston
係一個牛肉卷
中間包住香菇，紅蘿蔔，粟米等等
感覺係肉版嘅加州卷
上面再加番茄酸汁 65蚊
個飯來講應該得茶樓叉燒包咁大個
完全唔飽 同埋真係唔知食左啲咩
不過佢有送餐包比我 真係好西餐







於是我上網睇 佢嘅菜系係
Italian，Russian，Eastern European
人地都唔係專做中亞菜 係做意大利菜
on9仔有樣睇
佢仲特登用個咁精美嘅寶箱
我以為係咪啲咩禮物仔
一打開 屌 原來係張單
今餐連埋茶水服務費 盛惠91蚊



咁貴搞到成晚都無咩心情 索性唔再食
搭地鐵返屋企

喺呢度我放多啲地鐵站相上來啦
因為今日全日周圍走
影到2-3個站唔同嘅顏色嘅patterns
伊斯蘭patterns主要都會見到
唔同嘅幾何圖形 N邊形 正方形 三角形等等
重疊交錯嘅花紋同幾何圖形
交雜出來會有種Kaleidoscope嘅感覺
用嘅色彩主要係藍色同綠色
我特別鍾意藍色 再加上佢啲Patterns
真係可以坐喺地鐵站內 純粹欣賞
而且佢地嘅通風系統做得好好
即使身處百米深地底 依然乾爽
好涼爽好大風 當係避暑都唔錯

同一餐飯諗下係食香港要幾錢
就覺得真係好抵

劣食 依D地方

每次都好期待會黎咩，但70%都係失望

始終文化真係唔同

真係啱出去食拉麵+tea
食咗我就五舊水