[重開再更新] 中亞東歐風情畫 - 畢業遊

一早起身 尋晚嘅陰天同埋雨雲
已經全部唔見曬
陽光普照睡到自然醒好正

吉爾吉斯啲人個樣比哈薩克更加似蒙古人
面夠大，眼夠細，夠黝黑
畢竟以前係四大汗國嘅領土
似蒙古人一啲都唔出奇
呢兩位阿豬媽真係完美例子


巴士站大約係呢個樣
唔洗旨意有寫邊條路線經呢個站
更遑論有路線圖
乖乖地打開之前講過嘅2GIS離線地圖
十分好用，佢收錄左好多東歐國家
同埋部分中亞國家個地圖
加上啲路線都真係好齊，停站都好清楚
不過如果遇到巴士改路 (整路工程周街都係)
個app就唔會更新
你自己會發覺架車行左第二條路
無架可以點自己執生諗下點樣落車
地圖唯一缺點係好多時候（或者任何時候都）
要打俄文名先搵到個地點
除非係啲大型地標或者銀行例如KICB
否則無論係街定係餐廳之類
都係要搵翻俄文再key in翻去個app來搵
所以絕大部分時間我fd都係等我search
佢負責幫手睇路因為我長期要低頭

有呢個app
總好過你搵唔到車要行返屋企啦下話

至於我話吉爾吉斯常見嘅公共交通工具
就係呢啲所謂嘅小巴🚐就係呢架
同尋日嘅國際小巴，甚至奇姆肯特都係用呢款車
全部都係BENZ
不過估計係用佢個專利係咁生產呢啲車
就唔係100% 原廠嘅
採用前門上落車，無其他門架啦
司機負責收錢+找續
車頭收錢個錢格同紅VAN銀仔格一樣
不過佢每個銀仔格都裝左條彈弓
方便頂實啲錢
唔洗因為條路太爛會拋銀仔之餘
仲可以確保每次司機找錢每次都係攞1個
小巴位位盛惠10SOM 大約$1.5港紙
車頭同埋側邊都有水牌寫明可以去邊
因為太多縮寫 我都淨係睇得明Ош базар Osh Bazaar
無咩事都係乖乖地用地圖啦

因為實在太細架
如果果個路線班次唔多嘅話
真係等死人之餘仲會逼死人
我地尋日2個人3個喼就比2個司機拒絕上
因為太多人而我地搭得太遠
等下架鬆動嘅先上啦
總之人地唔比你上就唔好夾硬來
俾你係人情唔俾你係道理

近幾年好撚多人抽住大大箱野上車
然後司機都已經唔比上
佢仲大大聲話
"係你咁撚麻煩，我次次都俾上"
BITCH PLEASE唔好咁肉酸啦好嗎？

阿豬媽

今日第一件事
就係睇下烏茲別克VISA點整
當年2018年已經出左話2018年7月中至7月尾會推E-visa
而我宜家只係7月頭所以要高呼佢個傳統Process
香港人唔需要申請Letter Of Invitation (LOI)
去大使館遞左申請表大約1個禮拜左右
就可以翻去交錢攞visa

同埋地點黎講都要去一去熟悉下
因為據聞未到10點開門已經人多到打仗
搞左10世E-VISA仍然因為Regulations嘅野仲未推出
仍然要經歷呢個有如打大佬嘅程序
坦白講 中亞嘅簽證當年都係中高級難度

張紙仲寫得清清楚楚話要打去book先有得交form
係交form咋都要咁麻煩


當年去大使館嘅路成條2km都整路
無車通行，淨係一來一回都已經差唔多一個鐘
重要經過啲工地入去
唔睇地圖基本上只會蕩失路

21世紀嘅旅行家
當然要上網睇Google Map碌攻略啦

我地都真係幾大膽
尋晚到晏晝都未買電話卡
離線地圖真係好好用
特別係2GIS係可以離線download埋所有巴士路線

其實老實講
香港幾乎無可能可以買得齊中亞通用嘅卡
最多都淨係買到哈薩克嘅 之前講過啦298蚊14日

如果你真係好驚
之前講過有張ONESIM嘅野
包左無數個國家嘅上網，價錢都唔貴 HKD300 一個月
可惜嘅係行漫遊模式，鎖速度128kbps
當然如果你唔介意慢
或者覺得唔洗煩
又或者覺得到當地先搵卡好唔穩陣嘅話就買啦

我一向行開冒險精神
不過自己要承擔一切風險啦ALL OR NOTHING呀大佬

對於BEELINE嘅品牌形象我係絕對信賴
2016年去俄羅斯海參崴Vladivostok已經揀左Beeline用
所以我都係買番蜜蜂仔
價錢真係超平，95 SOM，姐係12蚊 就有4GB/7日
而且TOP-UP data或者語音電話一樣好平
加一次呢啲增值包可以延長使用日期架(睇plan，7日起跳)
不過吉爾吉斯需要行實名電話制度
請大家記得帶備護照去

個人推薦Osh Bazaar附近嘅分店
啲人英文又唔差又NICE又耐心講解
回應你所有問題
因為你去其他街邊鋪
通常都係做本地人生意
通常都係講吉爾吉斯文/俄文
比較上難溝通
呢啲遊客地方(其實都唔係好多遊客)起碼會穩陣啲


去旅行周街帶護照是常識吧
因為我地今日行行下街
突然比個著住甲拐衣полиция嘅人
同我地講普通話"你好"
полиция Police 差佬
跟住我地打死都扮聽唔明
夠姜講廣東話呀屌
因為其實中國人去到邊
比人個印象都係好差(中亞例外，好多中國支援基建計劃)
所以我地想清楚比人知道香港(人)唔同中國(人)
然後佢見到我地一頭霧水之後
就叫我地攞passport，應該覺得我地係黑工之類
睇到Hong Kong 之後佢就話
Ах, Гонконг, Китаец. 啊，香港，中國人
我地耍手擰頭，用啲On9俄文答佢
Гонконг - не Китай 大家自己查點解啦
Мы Гонконгцы (We are Hongkongers.)
然後佢就似懂非懂咁樣行開左
我覺得呢個強調好重要唔好立亂將我地歸類

之前去緬甸仰光solo travel
落機上的士 個司機問我邊度來
我話係From Hong Kong
個司機即刻話Hong Kong good good good
China NOOOOOO Always Mandarin NO ENGLISH
Hong Kong quiet, polite
China people WAWAWAAAAAAA (講緊佢地嘈到拆天)
笑到我仆街
真係好大分別架，大家去旅行嗰陣
不妨表示身份果陣多幾分強調

我都覺UZ visa好麻煩
唔一定整到，唔敢plan定UZ嘅行程
不過一星期嘅時間，又好方便自己上山區玩

好想去一帶一路國家
體驗陸上絲綢之路

中午求其食啲野
係路邊見到有新鮮麵包
一問 哇1蚊1個
即刻狗衝啦
揀左個好似腸仔包嘅款
一咬 WTF 原來係果醬包係杏味嘅包
我個人好憎果醬 即刻lur左



之後去左一間餐廳飲湯算
紅菜頭湯係真係周街都係
同埋好正宗好平民嘅野
記得記得酸忌廉唔可以無架



Солянка 牛肉湯
比較多青椒紅椒同洋蔥嘅餸
基本上一樣味
不過呢個湯有埋酸瓜pickles
都係一個開胃湯來



吉爾吉斯最大嘅超市：Ошский Базар Osh Bazaar
入面有齊所有你需要買嘅嘢
包括日用品食物傢俬電話卡衣服飛機票車票找換店水果包車旅行團
總之你噏得出嘅都有
而且價格一定一定一定比超級市場平一大截




參考價格：番茄、洋蔥、薯仔、西瓜1蚊1公斤


香料鋪頭分分鐘多過印度香料鋪
前面一排嘅乾辣椒，指天椒，月桂葉
相信識煮飯嘅大家應該唔陌生


Radio center 唔知係咪改造過
變左租屋告示站
其中一張14平方米7000S一個月

我都收過好多朋友嘅叮囑或者詛咒
小心無屎屙。

中亞地區都唔洗旨意食到菜心生菜芥蘭呢啲野
人地主食就係肉同薯仔洋蔥
當你日日吸收唔到高纖維嘅食物蔬果
可以點？

跟住落黎介紹一下中亞經常食到啲咩啦

第一位：Плов 抓飯
至高無上嘅地位，不容動搖
之前都講過呢個抓飯真係橫跨中亞都會食到
如果你係中亞做旅遊中心地
保證你唔洗搵呢個飯都會自動送上門
介紹左好多次就唔再講
佢真係太油，切忌成日食

第二位：(жареный) Лагман 拉麵條 新疆叫做拉條子 見右下角
見到拉麵係咪好開心呢？
但係呢度嘅所謂拉麵粗到可以同稻庭烏冬一戰
佐以番茄、香草、肉碎/肉粒乾炒或濕炒
жареный嘅意思就係炒 Fried
個感覺就好似食緊中式嘅肉醬意粉
不過佢每一舊肉都好大舊
另一個版本 - 正常做法就係
同擀飯一樣淋啲餸喺啲麵嘅面高
然後撈埋一齊食

第三位：Манты 餃子
讀音好似饅頭，其實就係大大隻餃子
大到好似灌湯餃咁大
但係入面無湯架
通常裡面係撚咁放羊肉粒或者牛肉粒
再放洋蔥碎同小小Dill落去
成個餃子嘅香氣就出曬來
唔係一味得肉味咁滯
亦有Vegetarian版：南瓜落去包
通常都好油
特別係羊肉餡基本上一咬就漏油
因為有洋蔥喺入面
所以就算無湯都好
成個餃子都會好juicy

第四位：Ган-Фан 擀飯
真心，係直譯。
白飯上面舖送菜
簡單啲講就係碟頭飯
大陸Term叫蓋澆飯
送菜只係將拉麵條嘅送搬過黎用飯上
就係咁鳩普通
佢亦都有炒飯版本
不過個感覺會似撈飯，做法同拉麵條一樣

第五位：Гуляш 肉燴飯
呢個飯無一致嘅食譜
因為發源地似係近東歐/中歐
所以調味不一，但係都係用濃汁燜肉
最難食嘅應該係用忌廉汁 真係唔好味，好容易滯
而我果碟（圖2）係用類似紅酒方式烹調
所以係好食嘅 呢個飯120S 好鬼多肉
仲多過飯，正呀


第六位：Блинчики 布林餅
喂，樓豬，姐係咩呀，邊鳩個係布林呀？
布林餅個布林係讀音翻譯出黎嘅
其實就係Pancake嘅感覺
不過佢落多左蛋，落少左糖
所以聞落去好香 見圖2

當然食塊薄撐一般嘅麵粉滿足唔到啦
東歐人所以通常會夾酸忌廉
肉碎或者蜜糖捲黎食
就好食好多
圖二就係點yogurt嘅
btw佢地一見我地個樣唔似中亞
即刻遞筷子比我地其實我地刀叉都ok架喂




中亞好多呢啲pattern係我最愛嘅藍色

не Китай背咗呢句先

巴打啲俄文上堂學定自己學

Я - не Китаец
I am not Chinese

我係上堂學 佐敦有俄國文化協會
覆緊你嘅呢一刻我上緊俄文堂

我淨係記最入門嗰啲Vocab咩男人女人嗰啲已經想死

真係好勁

我都同巴打你一樣 以前去支那廣州通常都係坐23.5車 煙味真係好勁下 不過如果遇着有卡冇人坐 可以一個人坐3個位幾正

如果滿座就全車支那人臭汗味

油站都要封

唉 睇遊記原本好開心 睇完之後仲灰左 好似睇到未來咁啦

食菠蘿 奇異果可以幫助消化，我去親旅行都會食奇異果，飲菠蘿汁

某啲中亞國家好岩胃口
有多啲閒錢可以搵啲靚啲嘅餐廳食，講緊都係＄５０港紙一餐

睇唔慣Astana改左叫Nur-Sultan

喺吉爾吉斯嘅第三日
我地決定周圍行下
前往唐朝詩人 - 李白嘅"其中一個"出生地
目前對於李白嘅出生地有爭議
其中一個地方係四川省江油市
另外一個地方就係今日所去嘅地方
碎葉城 Suyab
正正係今日嘅吉爾吉斯
位於楚河流域嘅托克馬克市 Tokmok
呢個楚河唔係楚河漢界果個楚河


城市位於Bishkek以東大約45分鐘車程 車費大約100KGS

個城市嘅標語同埋標誌都好有70年代共產盛行嘅氣味

去到又肚餓
之前有巴打叫我介紹多小小有關當地野食
食午飯嘅時候又到喇！

Манты Manti 包餃子
係突厥族/阿拉伯族/中亞人甚至蘇聯人都會食嘅菜式
個樣好似酒樓菜肉包
不過佢係厚麵粉餃子皮，超級煙韌
入面餡料會係Dill香草，洋蔥，配牛肉或者羊肉
有啲素食餃子就會轉做南瓜
平均2-3蚊港紙一隻，Size大約係鵝蛋咁大

你話咁樣點痾屎？


Ган-Фан 擀飯
中亞Style碟頭飯
用青紅燈籠椒、洋蔥再加臭茜炒牛肉
纖維真係唔多，都係唔利便
雖然好好鑊氣，但係餐餐都只係得呢個選擇個時候
日日食，你真係會懷疑
自己宜家係咪日日去緊茶餐廳食晏
大約10-15HKD一碟

食完飯
出發前去一去廁所先
呢種踎廁比大陸踎廁環境更加惡劣
係地板鑿開一個窿然後痾落去
衛生角度來講就...有得俾你去都算係咁



再啟程真正兜一兜呢個城市
今日會去嘅景點係Burana Tower
位於Tokmok市中心15公里以外
Burana 遺址內，入場費60KGS
大約8蚊港紙
學生半價只適用於local學生



喺TOKMOK汽車站
就已經有2-3個師傅叫客
個司機一開始話100
減到80,60...唔係壓榨佢地
事實係真係唔洗咁貴架~
講價真係好緊要，正常價係40
已經比左佢賺多啲架喇
見個阿伯笑笑口係咁好想我地幫襯
好啦 50蚊來回Burana Tower
殺你 出發~

Burana Tower 建於11世紀，中譯詩歌塔
原來呢座高45米，你當大約4架巴士咁高
但係因為15世紀有個大規模地震
震爛左上半身，得翻25米
點解可以爛咁多？因為佢全部都係用磚頭搭建
可以話摧毀難度係零呀

裡面係一條極度極度斜嘅樓梯，我諗大約60度
爬上頂需時3-5分鐘
落黎需時更加耐(對我來講)
因為我真係有小小畏高
我唔敢直落樓梯，驚仆街死
決定用上樓梯嘅方法掉翻轉落去
其他外國嘅旅行人見到我咁樣落都紛紛效仿

上落塔最煩係有其他人都要上落
讓人果下真係驚驚地
因為個階級闊度真係得一個正常男人膊頭嘅闊度
讓半邊再加上佢有背囊勾一勾你
都咪話真係唔嚇死 附加上落沿途會有啲潛望孔
吹啲風入黎個潮濕陰涼嘅塔，又凍又驚

上到頂咁辛苦
大自然亦給予一望無際嘅自然景觀作為獎勵
方圓10里一望無際

喺Tower附近有好多呢啲石像仔
覺得幾得意就上網search下
係咪果啲唔知咩時代嘅石像雕刻
點知Search到其實每一個都係墳墓
我仲影左唔少 有怪莫怪細路仔唔識世界

lm

中亞餃子d皮好厚好難食...

想睇俄羅斯段