[重開再更新] 中亞東歐風情畫 - 畢業遊

歡迎光臨 Добро пожаловать ~

無睇錯呢個係重POST
當年係2018年
第一次喺呢度做live update
點知自己同好多人都一樣
一邊旅行一邊post根本難以應付
久而久之就停咗手
依家好希望重新POST到終結
Finish what had left behind

當時自己啱啱grad
儲咗少少旅行經驗
所以喺行程上罕有地加咗好多大膽嘅嘗試
係國家數目上都去到10+
亦都揀咗自己好鍾意嘅火車做主要嘅旅行方式
整體嚟講，係一個為自己度身訂造嘅旅行
當中亦都喺旅程中留低咗唔少遺憾
不過旅行就係會咁架啦
人無完美，旅遊亦是
換個角度睇
正正係因為呢少少嘅遺憾
令自己為呢個trip留低更加深刻嘅印象

其實膽粗粗喺呢度開post
一黎想試下用文字紀錄自己嘅旅程
另外都希望自己嘅旅程可以同人分享

無論！
你當係睇一個新手去亂闖又好
你當係睇我經歷當係筆記/教學又好
你當係睇blog又好

我都希望大家睇得開心
可以令大家喺呢年半嘅武肺pandemic
睇住呢篇野望梅止渴先

如果有咩講得唔好或者用詞不當或者文筆差嘅話
希望大家見諒，細細力屌，我盡力改善


以下係全程
香港出發
途經偉大嘅祖國🇨🇳：吐魯番、烏魯木齊、霍爾果斯
哈薩克🇰🇿：Almaty, Shymkent
吉爾吉斯🇰🇬：Bishkek, Tokmok, Issyk-Kul - Cholpon-Ata, Karakol
烏茲別克🇺🇿：Tashkent, Samarkand, Bukhara, Khiva, Nukus
俄羅斯🇷🇺：Moscow（中轉）
白羅斯🇧🇾：Minsk（中轉，衰自己+個入境制度on9）
烏克蘭🇺🇦：Kiev, Chernobyl-Pripyat
波蘭🇵🇱：Krakow, Warsaw
立陶宛🇱🇹：Vilnius, Kaunas, Siauliai
拉脫維亞🇱🇻：Riga
愛沙尼亞🇪🇪：Tallinn
芬蘭🇫🇮：Helsinki
卡塔爾🇶🇦：Doha（中轉）

全程用時48日

大部分都係以陸路形式進出（新疆-哈薩克-吉爾吉斯-烏茲別克，烏克蘭-波蘭-波羅的海）

Day 1
2018-06-28

由屋企出發嘅果日
好天 曬死 32度


每當自己旅行出發之前、買好車票機票嗰一刻，自己係會好興奮，心諗咁都仲唔去佢老味大旅行？

但去之前一晚，都總係有種感覺令自己突然唔係好想去，例如兩三點都未瞓着，自己已經唔係第一次出遠門。

一黎，自己偏向惰性未準備好接觸新事物
二黎，真係會唔捨得屋企，特別係屋企人，因為自己屋企同娘親相依為命。覺得咁樣自己出走個幾月，唔好話自己，我覺得娘親都會好心掛掛
三黎，成日驚自己有咩漏咗無帶、唔記得要做之類

你話我裙腳仔又好
話我毒在家中又好
呢啲係我獨有嘅PTSD
Pre-travelling stress disorder旅行前壓力症

留定名

no georgia?

頭先講過我主要交通都係靠鐵路

首先由以前屋企-大圍
搭東鐵經羅湖過關進入中國

留意翻當年係2018年喇
所以都會將🇨🇳列入路線之一
不過去到新疆都有太多衝擊
我諗大家對於新疆喺維穩方面係開全力
應該都唔陌生，我之後會提及

深圳喺2016年開左架火車直達烏魯木齊
自己2017年香港全程火車經中亞去莫斯科
搭過一次全程 硬臥49小時 即兩日整日
盛惠¥720-770

老實講句 試過就知真係好難捱
食、玩手機、上網、訓、睇風景、睇書
無限循環，好多時候唔到站都收唔到上網
嗰陣有女朋友仲會詐型話我特登cut佢線
所有野做一陣就無心機（可能得我係咁掛）
全程困喺車廂上面
最多到站落月台行下
我自己覺得同困喺監獄/醫院無分別
同大陸人傾計？老實講好難搵到啱傾嘅
首先佢哋過分嘈吵呢一樣就已經不了

今次嘅grad trip頭嗰一半係會同小學同學去
佢未試過火車臥舖係咩經驗
而我因為太受唔住要做2日廢物一般嘅生活

所以約好咗2日後
烏魯木齊見

既然佢係一程過
我決定今次寧願轉折小小都唔願一程過
雖然都唔少
加埋搭7程先到烏魯木齊
不過咁chur都有好處
我有一日
一睹吐魯番市市貌
而且絕對唔後悔

過關之後 深圳-廣州
老實講 依家係無咩需要買和諧號嘅
¥79.5 唔好去搶
係架喇我好撚窮呀
直通車同高鐵250蚊對於一個雙失青年嚟講
根本係天文數字

所以我係買左長途火車嘅區間
一樣路程 慢15-30分鐘 只需¥23.5
慳番50幾蚊可以食兩次飯

[以下客觀叙述]
可能大家對大陸長途火車嘅觀念
仲係：無冷氣、周地垃圾瓜子殼、企滿車廂
呢個情況通常春運先會出現嘅
基本上依家絕大部分都有冷氣
有垃圾桶/兜仔俾你掉垃圾

依家難頂嘅係，車廂之間個連接位可以食煙但係又無排氣孔，所以好容易成架車都係煙味，哪怕我坐得2個鐘唔夠，啲衫褲都可以臭到癲

加上，啲人真係好唔鍾意用耳筒，直接電話speaker播片打機乜都有，好撚嘈。
總結就係，衛生改善咗又如何？人民質素始終如一 爛

所以大家如果對環境+衛生有少少要求嘅話可以skip
依家做緊嘢，除非自己未體驗過，否則錢買到嘅享受+自己又俾得起嘅話，咪俾多兩草嘢囉話曬都係離開香港喎

鬼叫你窮呀頂硬上！

之前有諗過好唔好莫斯科南下，去高加索然後尾站伊朗

但係伊朗值得搵一次專程去，另外阿塞拜疆外飛地等等都太有特色，去到俄羅斯之後得番10日左右，唔想太趕所以就ban咗呢個選擇

Hello?

呢度就係經常上演春運嘅地方



每年嘅春運，作為一線城市嘅廣州，都係離鄉背井嘅工人嘅打工地方，始終人工真係好過好多好多三四線甚至二線城市。雖然可能每個月搵多100-200，但係其實一年落來鬆動多一千幾百，對香港人甚至一二線城市人來講可能食個放題都無左啦，但係人地呢一千幾百帶翻去比屋企可能已經好馨香。

可能你會問，唔食放題，咁搭車都無左啦下嘛？
的確。
來回一次屋企，我用四川做例子，訓臥鋪單程400人仔，硬座都要200蚊，來回一次來講其實好大負擔，所以佢地好多時一年都唔翻到一兩次。點解人地會揀春運先翻去？因為中國人注重大時大節最緊要一家人齊齊整整。

香港人亦是。

(圖片攝於2019-02 春運)


大約2小時左右來到越秀區嘅廣州站
先去上下九填飽肚~



廣式腸粉 布拉 銀記

我個人好鍾意食呢一種腸粉
either腸粉機皺紋腸粉或者布拉入面放肉都好好食
佢哋會配鹹豉油，好香好夾
香港越開越多皺紋腸粉店
我推薦”鳳鳴石磨腸粉”
佢都真係做得幾薄同滑，個人十分鍾意
不過都幾細條，可能食2條先夠haha



鹿角巷 黑糖珍珠鮮奶

港女打卡恩物
當年都排過俾人，用左45分鐘排，值唔值得就見仁見智
香港無咩特別，奶味好重、珍珠太甜
廣州都開左間，呢度珍珠無香港咁甜，但係用嘅係大陸奶，無奶味又唔濃

食飽飯繼續搭車
畢竟我要去到聽日下午先可以真正到吐魯番嘅HOSTEL，簡單黎講我係瘋狂搭火車搭飛機

咁樣我計過 4程火車 3程飛機
比直達火車貴100蚊
但任何一程DELAY都會馬上收皮
奉勸大家唔好好似我咁冒險又傻仔 我純粹怕悶

去HOSTEL嘅路程係
深圳🚄廣州🚄桂林✈️西安✈️西寧✈️吐魯番，姐係宜家仲有4程交通啊屌！

去廣州南高鐵站，搭動車去桂林

坐落喺番禺嘅廣州南站，心諗叫番禺就差唔多啦，由越秀區市中心去南站要大半個鐘，天河再加多10分鐘
而且佢地嘅地鐵2號線，人多程度可以同九龍塘東鐵綫/觀塘線一樣，我逼左2班都入唔到去


由於之前唔知做咩攞到一次高鐵Lounge Pass，反正時間太多就入去等下車順便睇吓有咩嘢飲

我完全冇諗過，成個貴賓室總面積只有200平方呎，仲細過中學嘅班房


得餅，糖，汽水 廣州南喎 貴賓室喎
啲大叔係入邊剪腳甲，大媽打橫瞓係梳花都有，費事比佢見到唯有唔影


動車嘅環境就比長途火車好好多
基本格局同高鐵一樣
無煙味已經好一大截



進入廣西壯族自治區
你會見到無數嘅小山丘
大約100米高左右



越南海防以至下龍灣一帶都係差唔多風景，因為廣西其實同越南接壤且2個地方好近，不過越南會好享受啲，因為人地大約10人內一團，去睇鐘乳石同喀斯特地貌個時候因為太矮，更加要人手撐艇仔入，少左好多大陸人果種熙熙攘攘嘅嘈吵環境

搭到桂林已經夜晚了
目前離屋企約600公里



之前去過桂林
山水甲天下黎講 我覺得未去到哇哇聲



不過搭船慢遊灕江，加上天氣有小小霧，營造朦朧嘅感覺，有小小恍如置身於仙境中



有個位話係人仔20蚊取景嘅地方 我完全唔覺，究竟係個景柒左定係銀紙嘅畫大執過，我不評論喇

留名
放工再睇

最鍾意邊個國家？

因為已經入夜，所以夠鐘醫肚餓
上次黎桂林無食過桂林米粉，今次一定要試
好多人會混淆左桂林米粉同柳州螺螄粉
留意番係兩樣野黎
桂林米粉只要你唔落酸豆角等等嘅醃菜嘅話碗野係唔會臭架
螺螄粉係除左料臭之外，主要臭嘅來源係個湯度，因為真係用螺螄來熬湯，所以所謂嘅"酸爽"味道係咁樣來架 我咁大個仔都唔敢試

呢碗係嗰度地方排名第一嘅桂林米粉
二兩肉米粉 ¥6
我問過老闆究竟係撈米粉好食定係湯米粉好食
個老闆諗都唔諗就答當然是撈好吃！
的確，自己查翻上網話比我聽"桂林米粉以不湯為正宗"
配有豬頸肉，煙肉，燒肉同埋炸花生粒
加埋豉油同麻油撈起食，好香好滑
份量黎講唔算大份，可以屌兩個

細路仔唔識野 求解答
唔知點解大陸係好多鴨
所以街邊好多鹵鴨
連超級市場賣鴨都會平過賣雞
而且價錢仲比雞髀平1-2蚊
呢隻先5蚊

食飽飽就去機場，機場巴20蚊，無冷氣，一個鐘車程
講緊係6月尾，熱到傻重要今晚無得沖涼...
除左同自己講心靜自然涼之外都無咩解決方法




我搭嘅飛機係四川航空公司班機
2350起飛
桂林飛往西安
直接機場訓一晚聽朝再飛去吐魯番
埋單¥205
***強調多次，今次旅行係體驗居多，如果要舒服我應該直接香港飛西安***

如果大家知道嘅話(應該都唔知)，就係2018年有架佢地嘅機飛下飛下駕駛艙爆玻璃失壓，當全機艙人都以為玩完嘅時候個機師竟然話我很有信心可以處理事件，迫降成都機場，超水準級
(利申對飛機一無所知，我記得咩就講咩)

到左機場就開始求神拜佛DELAY一下
最好DELAY到12點幾先飛
大佬我聽朝8點機
漫漫長夜有排捱

烏茲別克
我真係太鍾意佢地嘅mosques同madrasah
好清楚自己去到異國
真係有種自己出使緊西域嘅感覺
加上呢度係可以係首都用俄文都溝通唔到
自己只剩低一雙手，好有挑戰性
物價係超乎想像地平
人民極度純樸，同埋真係攞個心對你

遇過一間hostel host
甫到步佢就借左佢自己架單車俾我踩 explore下個地方 - 免費
到左夜晚洗衫
自己無洗衣粉
佢借比我之餘
佢洗衣機咁啱壞左
佢俾曬凳仔同洗衣盤洗衣板俾我
重要俾我用熱水洗衫（雖然我凍水就夠做）

洗完無地方晾乾
就咁搭左喺佢地dining table嘅凳度
結果第二朝8點先起身
心諗仆街喇人地要開台食早餐
一出去
佢竟然收好曬之外
重要摺好曬個早餐重要好撚好食

臨走佢仲教我點樣搵share taxi
我住一晚架咋其實

留名

真我apply Uzbek visa個陣仲要俾大使館鳩攝咗我張application form搞到成個禮拜都無回音

然後咁啱嗰個period仲要病咗

我前後大約浪費咗10日無意義嘅日子

果時去土庫曼，唔捨得駛錢去地獄之門都好後悔

ashgabet跟LP搵50usd已經最平同唔想搵（幾殘舊，每層仲有個大媽坐係電梯大堂）
我記得我仲係為左上網去五星酒店買杯野飲上網
點知Mary果間先係最撚殘，都要25usd

乜撚野偉大祖國

你果時成個行程係點？（sor樓上騎劫左你）

我個friend直接塔什干飛機去佢覺得累了

土庫曼附近啲地方一係好有挑戰性、一係好多野睇
阿富汗果陣太細膽唔敢去
阿塞拜疆船期太唔穩定
伊朗太多野睇了
不過都真係好後悔，宜家想去都無得去嗚嗚嗚

本身plan好左上年4月去，問好曬大使館過境簽啲野準備比錢，點知武肺殺到

A319客機
大陸國內航線都係319320主力
特別係呢啲連接二三線嘅都唔洗點諗有得搭大飛機

咁夜就唔使旨意有飯食喇
有咁多垃圾食物都算係咁
食完除左有汽水果汁之外
都仲有熱蜜糖花茶
相比起其他e.g. 東方航空又係差唔多時間嘅
有一杯野飲已經要謝主隆恩，如果唔係屎水都無得飲


凌晨2點正飛抵西安

訓機場等飛機算係第二次
曾經2017年
係俄羅斯葉卡捷琳堡搭凌晨機飛莫斯科
凌晨起身1點幾去到火車站準備搭小巴，點知好似cancel左定點
啲人慢慢realise到，逐個逐個搭的士走人
我2個鐘後發覺唔對路，同人一齊搭taxi去機場
因為真係太攰，搞到CHECK IN完就訓著左
重要係喺登機口前訓著
人地唔叫醒我我都唔知原來夠鐘上機
點知已經太遲...架機已經係跑道準備taxi

自此之後逢搭車/飛機前一日都好唔夠膽熟睡
所以呢一晚訓下醒下
總算捱過左一個漫長嘅夜晚
我有一刻開始喺度懷疑自己，咁樣chur自己為咩

留名

樓主可唔可以po多啲食物相？好想見識下唔同國家嘅飲食