[重開再更新] 中亞東歐風情畫 - 畢業遊

唔通哈薩克嘅哪咖啡可樂好飲啲
我喺越南飲過 好似涼茶溝藥水咁
飲左半支就揼左

推

support

Abay Park - 二戰紀念公園
紀念英勇戰死沙場嘅戰士。




殉職嘅人唔少，按照地區劃分
E.g. Almaty, Shymkent, Karaganda, Kostanay etc.

由 1939 年至 1945 年
大約有 120 萬名哈薩克士兵去到歐洲戰場
多數被蘇聯安排到前線位置做炮灰

留名

好撚鍾意食羊，中亞好似幾正

一個下晝追到live，留名支持
好撚想去旅行呀..............

留名
不過sberbank唔係解西伯利亞....
sber係另一個字儲蓄嘅變體......即係儲蓄銀行

受教了
啱啱search到сберегать同сберегательный
多謝大佬

睇相都feel到天氣好熱

涼 冬天真係最舒服，唔係個人好易冇心情行街

想睇埋你前一年去哈薩克嘅遊記

最後全都程推二個gip

留名

我部電腦終於翻來了
對唔住大家無見成個禮拜
因為禮拜四翻到屋企發覺部電腦唔著
完全係著唔到
本身以為插蘇插唔穩
點知又唔係，亦都無跳制
謎底終於解開
答案就係我機箱底部積左大量嘅塵

平時會清頂部同埋尾部塵
但係真係唔知(唔記得)原來機箱底都有排氣孔
所以眼不見為乾淨
導致機件過熱燒牛燒底板
禮拜二終於整好
可以繼續更新啦~~~
大家記得desktop機箱定期都清一清塵
費事燒左都唔知咩事

食飽飯後無野好做
唯有係行Bazaar
香港嘅BAZAAR多數都係講緊特賣場
因為香港已經有MARKET形容市場

而呢到嘅Bazaar
Базар 演繹緊最原始嘅意思 - 市集
而宜家都多翻真係市集嘅Bazaar
擺賣唔同手作品同埋本地製品 e.g. 手繩，酒精飲料 etc
特別係有唔少同路人嘅市集
次次去都真係水洩不通，大家都特別捧場



КОКТЕМ БАЗАР係Shymkent最大嘅市集
同一般嘅中亞市集無異
都係街市野 不過呢度多左啲檔攤賣乳製品
例如牛奶、酸奶、馬奶、馬奶酒等等
因為佢地地方多、草原多
養得太多出奶嘅動物例如牛羊馬
所以乳製品價格唔貴之餘
好多千變萬化嘅產品都隨之而誕生

礙於天氣
加上佢哋就咁由得啲奶擺喺度又唔冷藏
唔知係咪可以就咁無限發酵
有幾種衍生嘅發酵乳製品
айран 土耳其都係咁樣叫 Ayran
乳酪質感 但係係微鹹 凍食

起源於高加索地區嘅Кефир
微酒精微碳酸發酵乳酪飲品 kefir
個人最討厭Kefir 買完飲一啖黎手就掉左
真係好難飲

另外純乳酪叫做йогурт 讀音同yogurt相近

普通牛奶哈薩克/吉爾吉斯文係 Сүт，同烏茲別克蚊一樣Sut (讀音soot)
同蒙古文都算相近，蒙古文讀Сүү (soo)
但係俄文就唔同喇，俄文嘅牛奶叫做Молоко (讀音 罵臘哥)

大家見到呢隻藍貓老是常出現
就知佢唔簡單（唔係大陸果隻藍貓）
佢係俄羅斯超級出名嘅國民奶製品品牌Простоквашино
佢亦都有套卡通叫做Трое из Простоквашино
入面隻貓就係主角

係俄羅斯亦有唔同乳脂肪含量嘅奶，越高越貴
FYI 6%大約係俄羅斯賣13-14蚊一公升


而且俄羅斯大型嘅超級市場 e.g. Ашан
入邊有一部機賣緊即出嘅牛奶
係當天新鮮製造然之後倒入部機
一公升當時2017年賣緊7蚊
而家盧布升完又貶應該都係大約7蚊


因為果陣唔知呢啲品種啦
我嘗試問下可唔可以一買即刻飲定係要煲來飲
當時(甚至宜家)俄文都係好垃圾嘅階段
所以點樣去問佢係咪要煲來飲呢
我決定做一個傻仔
然後隻手扮打著煮食爐
重要擬聲 "滴滴滴滴滴...洪!
點知話唔得
一定要煲熱之後先可以飲用
佢對住我做翻同一個動作

我卻步唔買會唔會係一個正確嘅決定呢

我最後係

將所有野入落個細喼
然後再將個細喼入落個大喼
咁樣就拖少一個但係又唔會造成浪費

但係冬天去中亞應該會幾凍
用哈薩克首都Nur-Sultan為例
冬天可以去到零下18度左右
我就OK嘅，我最中意夠凍
最凍零下30度都試過

比較煩係要成身都要著好多衫
始終我唔係一個真正嘅西伯利亞人
當年一月去到海參崴 Vladivostok
-18度要著好似2條褲5件衫戴手套戴耳帽
但係天氣夠凍真係好舒服

好鍾意雪同冰，雖然麻煩d,但果種荒蕪好有feel

邊個國家最鍾意？

冬天去哈薩克北部, 尤其是Astana係自殺行為
連Local都會寧願留喺南部Almaty
如果撞正冷鋒, 北部閑閑地-40度+3號風球,
留喺室外超過15分鐘已經去得醫院 個個都係揸車點對點

因為班車大約下午5點就開車
所以4點就要啟程番去火車站
Shymkent唔算大
所以大約半個鐘就翻到去火車站

中亞要落雨基本上係大約半個月至一個月一次
其他大部份時間都會見到好似張相咁嘅藍天
雖然望住個心境好舒服
但係個身體一啲都唔舒服
話晒都烈日當空而且乾燥，皮膚係好難受
特別係好容易甩皮嘅巴絲會更加覺得係煎熬

不過中亞地區如果唔係大城市的話
落雨係好難受
條街好日都唔落雨之餘更加係無人洗地
行10分鐘路對鞋可以洗得

中亞嘅火車出咗名係遲到大王
即使呢一個係起點站，臨開車20分鐘前架車都未拉入站
其實架車一共有18卡（定20），係一個咁冇效率嘅國度，
20分鐘根本就唔夠上齊人開車
所以已經感覺到呢個係delay嘅節奏

之前講過有三份一機會係會被分配到梗窗嘅包廂
今鋪真係開口中。
本身唔開車已經熱到仆街
琴日都係等開咗車之後先會涼爽
今日來講開唔開車都係一樣熱撚死人
可以享受全天候嘅桑拿



果一日好可惜地係無冷氣車翻去阿拉木圖
所以真係唯有焗住翻去
成身汗咁樣過夜
果下真係懷疑自己會唔會中暑

出發，返回蘋果之城 - Алматы

中亞嘅甜品同土耳其嘅甜度差唔多
落糖落到去一個地步係飽和嘅程度
如果唔驚糖尿病或者本身好鍾意食甜野嘅人
歡迎你盡快嚟中亞食晒呢啲甜死人嘅甜品
以下係滿佈糖霜嘅Medovik 俄文 Медовик
前蘇聯已經有嘅古老甜品 - 蜜糖蛋糕
佢個layer有啲似千層蛋糕
只不過我地平時食開嘅係用Pancake皮
而呢個蛋糕
每一層都真係實實在在係蛋糕layer
好多鋪頭都將淡忌廉打到硬身
促成好硬淨好實在cream layer
所以食起上來好有飽腹感
不過真係好好食嘅
喺香港要食嘅話，除左我上面講嘅中亞私房菜之外
中環東歐餐廳Ivan The Kozak都有
不過中環個感覺就唔係太好食...
有機會我會自己試下整

同埋唔知點解朱古力濃度濃到咁樣
都仲係可以甜到死嘅黑朱古力慕絲蛋糕
每舊盛惠500T


最痴線嘅甜品 - Tiramisu雪糕球
真係有放埋手指餅
淡淡嘅冧酒味
3球先450T炸

呢個係呢一架車嘅時刻表，同之前我我去程嘅火車明顯就少好多站，除咗係國內火車之外佢仲係所謂嘅Экспресс “Express” 火車（其實都係慢，純粹比其他車停得小站同埋行車時間短左少少）所以係票價上面都貴過其他火車少少，加上而家係旺季更加貴少少，3300T


有啲細城市或者係鄉鎮嘅火車站
唔會每一個路軌旁邊都會起一個人行嘅月台
所以有一定嘅機會你落車就會係一堆避震嘅碎石
簡單啲來講就姐係直接卸貨
如果咁岩有其他車停喺你隔離
你基本上係被困於路軌同路軌中間
除咗等之外你可以做嘅野
就係登上另外一架火車之後落返去另外一邊

喺中亞你根本唔需要問點解，因為冇得解，這就是中亞。

唔係每一架車都好似大陸火車咁將個水牌擺喺車卡嘅正中間
而係擺喺門口隔離嘅一隻窗度
方便架車去開其他路線
咁就唔使又拆中間個牌又要換黎換去
俄羅斯，烏茲別克，烏克蘭，白俄羅斯，蒙古等等嘅火車
都有咁嘅做法

當然亦都有啲車長期都開指定路線

我自己去強國旅行鐘意搭火車多d
唔知點解唔鐘意搭高鐵, 至於搭飛機信唔過強國空管, 無來由就delay博唔過
但真係習慣每日沖涼, 宜家有錢會中途落車住一晚hostel梳洗整理下
不過以前窮既時候試過歸程車駁車坐左59個鐘, 未計返到香港返屋企果程

強國火車嚟
我數過屋企大約儲咗近300張紅藍車飛
搭火車真係好享受
舒服過巴士好多好多

我一向都係一定要每日沖涼
同埋唔想錯過沿途出名嘅城市
所以除咗嗰次長征烏魯木齊之外
基本上搭火車最多搭夜車
然後一早check in hostel沖涼🚿

我自己搭單程最長係
深圳去烏魯木齊
成都翻廣州
徐州去瀋陽

綜合最長係
香港去霍爾果斯 大約4900公里 60小時
石家莊去綏芬河 1900公里
成都番香港 1800公里

比較過癮嘅一次例如
冬天嘅哈爾濱去到一個站出邊負27度
我著一件長袖底衫打算落月台行一轉
一落車 5秒都無
即刻開始凍入肉上翻車


比較難得嘅有跨境火車
內蒙古二連浩特 - 蒙古國Zamiin-Uud

竟然可以喺咁偏僻嘅地方
撞到香港人
佢都知道分段買過境車飛同我一樣咁醒目
仲約埋佢一齊出發去火車站過境
過境嗰下仲見到蒙古國門









黑龍江綏芬河 - 俄羅斯 Гродеково

正值寒冬
出邊白茫茫而荒蕪嘅景色
突顯西伯利亞嗰種既蒼涼又冷酷嘅感覺

當時成車都係俄羅斯人
好撚驚真心 話曬都係戰鬥民族
我一影車廂內部個環境
有個鋤緊dee大隻佬見到我
即刻起身示意我唔好影

最慘係有個同Avril Lavigne一樣樣嘅𡃁妹同我搭訕
我嗰陣唯一一句最流利嘅俄文就係
Извините, я не говорю по-русски
對唔住，我唔識講俄語
然後佢就聳聳肩，行開咗

我自己去強國旅行鐘意搭火車多d
唔知點解唔鐘意搭高鐵, 至於搭飛機信唔過強國空管, 無來由就delay博唔過
但真係習慣每日沖涼, 宜家有錢會中途落車住一晚hostel梳洗整理下
不過以前窮既時候試過歸程車駁車坐左59個鐘, 未計返到香港返屋企果程

強國火車嚟
比較過癮嘅一次例如
冬天嘅哈爾濱去到一個站出邊負27度
我著一件長袖底衫打算落月台行一轉
一落車 5秒都無
即刻開始凍入肉上翻車

怕太長恕刪走
講起冬天落月台
我初冬入西藏, 夜晚負幾度長袖底衫+長袖tee狗衝落月台買奶茶
1分鐘左右已經凍到打曬冷震
同卡既藏人壯漢短袖tee係月台煲煙

好葡萄巴打去過咁多地方
後生果陣無錢, 宜家就無時間

哈薩克屬於東六區（+6）
所以夏天DAYLIGHT可以持續到9點半先落山
如果大家精力充沛好似我咁
最好就係用盡每一日時間
玩暈成個city到夜晚乖乖地翻到酒店或者hostel
真係會好好訓，而且絕對唔會想再hea或者玩電話
因為你一日嘅精力都投放曬喺成個城市
成個人真係會覺得嗰日好充實


好多人都話香港除左係地獄之外
天空都特別狹窄、比高樓大廈擋住曬
無論返工定係收工都好
睇到嘅天空都特別小
好似你份人工咁
所以旅行真係比左香港人一個好大好大嘅喘息機會
放低曬喺呢度嘅瑣事
雖然宜家無得去旅行
大家都盡量喺香港找點樂子呀
出海又好
行山又好
飲酒又好
爆房又好
單春有句歌詞講得好岩
"我有扯，我有壓抑需要發射"
睇到靚女，點忍呀


前往Тараз(Жамбыл)期間
我真係熱到頂唔順
無咩可能去人地隔離張床到乘涼架嘛
除左隔離床開到窗之外
剩番通風嘅地方就只有廁所
同埋廁所出面一隻窗
如果你選擇廁所
除左你好撚急屎之外
就代表你熱到痴撚左線有屎味都唔驚

利申 我驚
所以我揀左廁所出面乘涼
過左一陣，就有警察叫我番埋自己位
無錯，係警察唔係火車STAFF
正當我不知緣由行緊返去嘅時候
手機突然上唔到網
重要轉左做BEELINE KG

原來！
火車進入左吉爾吉斯境內
點解會無啦啦行左入去人地地盤呢
事原因為當初興建鐵路個時候
大家都係蘇聯嘅一份子
果陣時嘅分界只係行政區劃
邊會有人估到會獨立成國呢？

甚至甚至
曾經有幾年蘇聯駐中亞嘅總督
混淆左哈薩克族和吉爾吉斯族
將哈薩克自治共和國併入吉爾吉斯自治社會主義蘇維埃共和國

其實當下我好撚驚
因為我吉爾吉斯E-Visa聽日先生效
如果咁樣當我過一次境我應該會比人detained
因為我睇過唔少中亞火車攻略
有啲火車會dip into隔離個國家再入翻自己國家
e.g. Aktobe - Uralsk 舊路會入一入俄羅斯再入翻哈薩克
甚至有架塔吉克開去俄羅斯嘅火車
中間途徑烏茲別克2次，土庫曼1次，哈薩克1次
但係呢幾個國家中途唔停站但係都要過關

慶幸嘅係呢架車唔洗出境
我無被要求出入BORDER
乖乖地留喺車上唔好跳車就得喇

過到差唔多入番去哈薩克境嘅時候
會有邊境人員當值


我拍咗2條短短地嘅片
係影黃昏嘅景色
https://vimeo.com/564499026

車廂內有夕陽照射之下
營造咗跑馬燈嘅感覺
呢條我覺得真心靚
https://vimeo.com/564498855