抓緊時間訓教喇
呢架車開6個半鐘就到
姐係大約10點半 (我當佢遲半個鐘11點)
加上啲人好早醒
再加上列車員一早就收被單
所以剩翻大約4-5個鐘訓
把握時間訓教
結果我八點半就醒左
一醒之後發覺
周圍都已經係沙漠 電纜已經唔見左
2018年Bukhara以西係無電氣化
純粹靠內燃機車 所以即使係車尾
都可以聽到轟隆轟隆嘅聲
9點鐘 有早餐賣喇
列車員端左一盤炸物 全部一樣嘅
我無問係咩啦 因為問左佢我都未必知道係咩
所以我純粹問幾錢個 1000SOM 1蚊個
抵屌 但為免難食 我買一個算數
太多中伏經歷
一食 Well 唔值1蚊嘅野 係炸麵團
成個只不過係搓好嘅麵團攞去炸
根本就無味 講緊鹽都無 好寡
不過是但啦1蚊 當填下肚就算
你睇下綠色衫啊姐幾唔滿意就知道其實可以有幾好食
當初我好驚呢架車會跨境入土庫曼
因為就咁睇map 佢火車軌好似直入土庫曼係最直接
所以為此我特登email去問
佢話唔經 我先無咁驚
呢到火車都係 朝早基本上你如果訓下鋪
習慣性係讓鋪床俾上格床坐落來
11點正 delay半小時到達Urgench
西北部特別荒涼 可能啱啱開始規劃
所以好似keep住起野 條街超闊
但係搵個人睇下都無
有種Ashgabat / 平壤嘅感覺 有街無人行
2018年 Urgench去Khiva要再駁Taxi
經了解都有巴士 但係我出站之後我諗走左車
所以算啦 Shared Taxi 最快 10蚊個人
不過呢條友唔撚老實 其實我睇住Google Map
我住嘅Hostel係一入Khiva就差唔多到
佢兜撚曬全部人先再送我去
再收多我5蚊
對唔住我係無用 當時無話佢劏我
俾左15蚊
宜家諗起都覺得自己無鬼用