[重開再更新] 中亞東歐風情畫 - 畢業遊

想太多
人地個個都已經習慣咗46度去食晏晝
佢仲問得出我想坐出邊定冷氣

睇到呢度我有印象睇過原來係你

不過之後好似斷咗冇睇 而家追返

呢位就係個𡃁仔喇

佢來自桂林，所以一聽到我尋日喺桂林就好雀躍
我偶爾都見到佢嘅update
無記錯佢宜家喺深圳做緊解放軍

坐到大約6點終於走人，真係好熱呀大佬
提提你 新疆地區其實已經屬於東六區，所以時間應該係GMT+6
果度嘅6點大約係4點嘅天，都仲係好曬架

行到出公路邊嘅時候守住火焰山門口個看更話可以幫我地截架的士返市區講就係講截車
點知佢揸起左個電話CALL個司機

我一聽到其實有少少唔想接受，因為都知如果有邊個邊個幫你叫的士嘅話通常都唔方平得去邊，而且你又人生路不熟唔知當地嘅物價同飛的嘅價錢，再加上係佢打電話比人叫人來....
不過見佢盛意拳拳，而且一個看更唔會咁癡線掛...
唯有坐喺度等下，反正一路都冇巴士經過我地都有嘗試等巴士架
但係大漠之中，無際公路邊
就算睇唔到盡頭，你都睇到一路都無車開過來，就算有都係大型貨車/拖頭，個感覺好淒涼

最後真係比個看更CALL嚟咗一架的士
架車上面已經坐咗兩個維吾爾師奶
一經問價
＄13一個人？？？？？
我就咁搭巴士來都要15蚊喎
一聽又真係屌得過
我估架車同泥艋的嘅性質差唔多 (Shared taxi)
一於上佢老母！我諗我地兩個點都夠果2個師奶抽掛？

個師奶都有同我地吹左一陣水
話我地真係有毅力，暑假咁樣去火焰山唔怕曬死
個的士佬都幾好人
叫佢車我哋去一間好食嘅餐廳食飯
佢地異口同聲咁樣講左一間餐廳
真係車左我地去吐魯番排名第一嘅餐廳呀

我哋一共叫咗80幾蚊野
有番茄青椒牛肉拌麵
烤羊肉包、肉抓飯
羊肉串燒
同埋菠蘿汽水


唉，黎到新疆一直去到俄羅斯之前都要同羊肉打交道，依家已經可以周街聞到羊肉浸除

我一開始以為個菠蘿汽水係菠蘿啤啲朋友，因為佢成個樽好似啤酒咁款。估唔到又真係幾好飲，浸假嘅菠蘿味都幾香 又唔係好甜（4g糖）

烏蘇啤酒廠喺新疆都算出名嘅


好撚飽，食到佢肚都漲埋

勾返起哂我D回憶
我早你幾年去新疆, 果時都無咁變態, 清真寺有人守但無人阻住出入

走人果陣我想講連餐飯都係我比錢
你老味一出餐廳就打算分道揚鑣
後生仔唔要得呀食飯去旅行唔洗錢 你老味
結果好肉酸要叫佢即場過翻啲錢比我

我發覺呢個現象唔係淨係大陸有
我諗香港都有唔少
成日側側脖唔多覺咁樣話下次比/後數然後不了了之
唔好咁肉酸啦大家都係成年人

番到HOSTEL已經開始入黑
講緊呢張相係夜晚9點50分影
所以真係好難用+8黎做新疆時間
另外真係無乜街燈
出街係會好暗好暗
無咩事都係唔好去太遠

作為有9個胃嘅我
果餐一陣就消化完啦
所以我又出去搵野食
唔洗去深水埗、唔洗上淘寶
一出去hostel門口就有一檔車仔檔
賣嘅係羊雜！
我自己真係未試過，牛雜豬雜雞雜都試過
人一世物一世！膽粗粗試一次又何妨！
有羊羔、羊腸、羊肺、羊橫脷、腐皮等等
我要左10蚊已經係一斤咁多

一食 哇屌！！！！！！
好撚羶呀屌！！！我個人已經係好食得羊肉，但係內臟真係Beyond the limit
最難頂係羊糕，根本成舊都係脂肪，一咬就成口油
其次係羊腸，好似豬大腸咁款
但加埋陣陣羶味，同埋真係好撚多糜（未消化好嘅食物粒，下一步就係變做屎），好撚嘔心真係，洗下唔洗死嘅，啲人仲話好吃好吃wtf....
不過唔係成袋都係柒嘅，至少羊肺同羊橫脷都好食，不過近乎大半袋都係垃圾筒見
係，我係大嘥鬼 但我唔想未去完嘅旅行就爆血管中風死


另外，新疆維穩反恐程度都好誇張
大家見到老闆架小吃車有條鏈，條鏈係用來綁住把刀嘅，防止啲咩大家都好清楚啦
同埋新疆人買刀係要個人連把刀去實名註冊，然後刻鑄個人信息(身份證號碼)上把刀到重要再收你刻刀費3蚊雞
同埋亦都要遵守公共場合使用刀具規定 - 公共場合使用時要鎖上鐵鏈，所以就會見到老闆把刀有條鐵鏈連住

翻到Hostel果陣無呢個意識，買左幾個桃叫老闆借把刀
豈料老闆馬上整個人高度警覺
"要刀幹什麼?"
我果下先意識到呢度個情況
連忙提起手上的桃子解釋
佢最後話呢度啲桃其實用手剝皮就得
唔洗用工具
佢仲話再唔得佢幫我切
我最後都係人手剝皮算

咁都記得我多謝你呀
我重新更新有修改過啲字眼同埋增加左少少內容多多支持

一早起身就要起身走人
因為9點鐘火車就開
而且第一架巴士9點先開車,唯有要飛的
飛的之前，以蘭州牛肉麵做早餐 $15
但係縱觀成碗野 邊撚度有牛肉呢屌你
除非你真係放大黎睇，先會見到有3粒鼻屎咁黑嘅所謂牛肉粒
好有趣 大陸對於牛肉麵嘅牛肉可以施展強大嘅刀工
片到一塊厚度1mm嘅牛肉出黎又好，切到細過粒骰仔又好
片3塊放係麵上面 真係好意思架喎
呢個仲囂張 3粒牛屎就當係

的士同巴士格局差唔多，為左保障司機，都整左好多鐵欄

食飽飽就繼續行程
吐魯番-烏魯木齊
長期都係要攞一條毛巾出嚟
因為朝早其實都已經37度
同埋我係好怕熱嘅人
所以隨時都要抹汗



我其實都幾佩服佢地
每一日都有火車上演緊春運嘅景象
特別係超長途而特快嘅火車
呢啲車大多數都有一個特點
連接窮鄉僻壤/西北東北至一二線城市
方便外省人番家鄉/前往工作城市

而有唔少嘅人為慳錢 會捨棄臥鋪嘅舒適
去選擇硬座甚至無座（如其名，無助）
FYI深圳至烏魯木齊全程49小時
座位/企 大約¥420 硬臥¥720 相差300大元
但係同賣屎眼、屁股肉甚至雙腿無異
對於佢地黎講
就係一筆足夠鄉村嘅屋企人生活幾日嘅開支

奉勸各位如非必要都唔好亂試
因為長時間壓住屁股肉係會麻痺，極度難受
我試過最盡12個鐘硬座
坐完第二日成個人精神狀態極差
由衷佩服佢地買長途硬座同無座嘅勇氣

2日時間 終於由香港去到烏魯木齊
經歷48小時 7程交通
而我嘅朋友亦已經到達烏魯木齊
終於重遇喇

佢地咁望你

見到“途經偉大嘅祖國🇨🇳”直接負評

樓主 我已經追曬你個舊po 啦
快啲更新啦

下次唔反諷

排住隊等入我

下午車程為
烏魯木齊南🚄烏魯木齊🚄霍爾果斯

今日真係算係天時地利人和都集齊曬

我發覺我地撞正一星期一次嘅國際列車由烏魯木齊開去阿拉木圖，而且我上網做好research，買邊境霍爾果斯去阿拉木圖只需¥251，比起買全程嘅¥1041平左差唔多¥800。我地亦都一早買好開去霍爾果斯嘅火車，所以真係one step to go

只不過烏魯木齊南站大堂有無數人+人龍
我地排隊攞飛都好困難，莫論重要搵個窗口買國際列車票喇
所以諗住都係疊埋心水去到邊境先再買飛
再唔係我就去搭巴士囉都係¥180姐

去阿拉木圖嘅跨境車，每日夜晚6點都會由烏魯木齊客站開出，收費￥400，但係行李費又要收你一筆，然後過境又有機會要bribe個入境海關之類，再再再加上其實訓巴士係幾難受，所以揀左火車

排左大約個半鐘
你無聽錯係個半鐘
之後終於到我地攞飛（烏魯木齊-霍爾果斯）


攞完我多口問一句「那裡可以買國際列車票？」
「隔壁窗口可以買呀，就我隔壁的窗口」

屌咩！再睇一睇個顯示屏竟然原來寫住「國際聯運車票售賣點」
排撚左成個半鐘先知道原來排過隔離就可以settle曬所有野
真係灰曬
點知呢個時候，隔離窗果個姐姐聽到我地問有關國際列車嘅野
竟然叫我地過黎直接插隊搞，而且唔洗排隊！

然後我地一插入去啲人就開始起哄叫囂
你憑什麼插隊！
你在我後面怎麼插也沒關係，擱在我前面，沒門兒！
我們排了那麼久你沒可能就這樣插過來，滾！
我不會讓你買到票的！
講左好多啦
我其實真係有啲驚會比人打
因為講緊由個counter係排到出去站外面
大約都有1架巴士咁長

各位哥仔，冤有頭債有主
係個姐姐叫我地打尖嘅
我地都係聽佢話姐
結果個靚女都解畫，開咪同佢地講
呢度原本就係賣國際列車票
自然優先辦理佢地嘅車票
國內車票只係兼賣，你地再嘈都無用
精精地就比我快啲搞掂佢地張飛
否則你地就慢慢等啦下！
最後佢地終於收聲
靚女亦都收左我地護照辦手續。

其實佢地都真係要有排等，因為國際車票係類似一個附屬通關文件，係純手寫，票本黎，人手劃位之餘重要請示上頭加我地名落去個乘車人員LIST，登記曬我地護照number之類，真係搞左好一大輪
佢離開左個位大約20分鐘先攞住我地本車飛番黎。
收左每人¥251之後
就交還番護照同車票比我地 好感動

攞完車票之後迅速逃離現場，費事後面啲人攞刀劈鳩我地 仆街就係你兩個阻撚左半個鐘

今朝好神心
特登喺床下底摷返呢本跨境火車飛
佢有三種語言
中文，俄文同埋德文
佢都好好
起碼將阿拉木圖真係寫返做人哋英文Almaty
之後你就明點解咁講

從落車10點半一直去到1點
終於逃離烏魯木齊南站 亦攞齊從烏魯木齊去到阿拉木圖嘅車票，雖然辛苦但都好滿足

去到市內食飯
見到有羊腿抓飯 ¥40 馬上要屌番個
人生有幾可食成隻羊脾呀
好撚稔，條筋入口即溶，好豐富嘅collagen

抓飯Plov / Pilaf 俄文Плов
係維族人、中亞人甚至巴基斯坦都好鍾意食嘅飯
係佢地嘅特色菜
配以紅+黃蘿蔔、肉粒、葡萄乾炒成
又以新疆嘅抓飯最撚油 佢地落大量油
令到粒粒飯都完全被羊油覆蓋住
可一不可再

最近冬天嘅時候掛住呢個飯想食
自己食過學整啦 超級麻煩
其實係真係要攞大量嘅油煎好左啲羊之後
直接落生米再加雞湯同spices落去
然後中火燴佢大約90分鐘
講緊係真係粒粒飯都有油光
食左一碗已經要叫救命要停
係好好食，但係真係好油

果陣出面真係搵唔到
宜家搵到了，有間私房菜新開
係做中亞菜，主要係烏茲別克菜，因為佢地係烏茲別克人
以下係佢地facebook，建議大家可以去試
不過真係唔算平，因為佢分量好小
https://www.facebook.com/SILKWAY.HK/
俾啲餐廳嘅食物相大家睇吓

搭車睇到好撚得意嘅羊屎忽
果兩舊就係尋日大家見到嘅羊膏
諗起可能今晚佢條腿又俾人煮到稔


我食完個飯就去咗超級市場買啲補給品
特別係水、乾糧、生果
其實成個新疆都真係幾多漢族人
證明之前漢人入疆個policy都做得好足
而家喺烏魯木齊見到嘅看人同維吾爾人比例大約1:1

阿姐你望住我做咩

食飽飯 買完補給品
順便去搵個地方坐低買埋哈薩克火車飛

新疆人大部分都會自己用番新疆時間（東六區），買飛都會問埋新疆時間幾點開車etc，所以即使全國統一使用北京時間，咁人地真係唔方便呀嘛大佬，天都未黑你同我講宜家9點係做乜鳩

先搭動車由市中心(南站)去烏魯木齊站。
南站位於市中心，烏魯木齊站位於市郊新區
搭的士過去不如搭動車
5.5又直達又唔塞車 慳錢為前提hahaha
成個候車大堂都充滿突厥人臉孔
好濃厚異國風情feel
明明人地係東突厥強迫人地做身份認同又歌頌祖國咁樣DLLM
其實唔止維吾爾人，哈薩克族人都有面對緊同維吾爾族同一個問題，都有唔少哈薩克族人逃去哈薩克甚至土耳其 - 點解唔係哈薩克？因為哈薩克同中國極度友好，所以都有擔憂



今次撞啱有旅遊火車直去邊境
可以買就買黎試下，原本係純屬旅行團先有
今次開放賣飛，買左先知有幾正

下一站：邊境 - 霍爾果斯

上車之後會收走你張飛，然後比過張卡你
應該係方便記錄有咩床係occupied

所謂旅遊列車
果然 喺平時嘅車
基本上係絕對唔會有以下嘅設施/車卡：
會議車卡、沐浴車卡、卡拉OK車卡



而呢架車真係乜柒都有
不過個飯盒係貴少少 30蚊 (avg. 15-20)

所謂會議車卡就係全部都係大大張軟凳
專門比啲無脊椎人士攤喺到嘅
仲衰過坐餐車 因為自己覺得好撚辛苦
夾硬要就佢recline個幅度 不了
以下係餐車

沐浴車卡真係前所未有
真係得旅行團包車先會有呢個服務
當然係收費嘅 20蚊 30分鐘/100公升
是但一個用盡都要重新再買
老實講 作為男人 唔打飛機
好快就沖完啦 100公升水根本就太撚多
我最後用得12公升，就黎已經洗埋腎咁款
建議如果你有一日買到
可以同人share 當然自己執生因為都係for一人使用
所以我同我friend share左
好似食環走鬼咁要睇水

話曬我個friend都成2日無沖過涼
同埋今晚唔沖涼嘅話聽晚又無得沖涼喇
夏天唔沖涼，個人唔正常

卡拉OK車卡 配有4部24寸MON
音響 差
歌種 少
不過收費係真係平 120包場
可以唱通宵 本身諗住同FD唱佢老母到天亮
不過難敵睡魔 訓著左

事關佢地本身個旅行團包場包到11點
一大班細路喺度唱啲傻閪歌
個導遊突然唱海闊天空
聽真啲原來係普通話版


新疆嘅黃昏都真係幾靚

經過一晚 班哇鬼全部伊犁落曬車去玩
我地繼續前往邊境


終點站霍爾果斯 亦係精伊霍鐵路嘅終點
（精河、伊寧、霍爾果斯）
接駁哈薩克鐵路
下一站 進入哈薩克

阿騰科里 Алтынколь

好睇留名
有啲想知點解車飛嗰度會有德文？

留名支持樓主

可以話比大家聽
90%地方嘅國際列車
分段買一定係最平
特別由邊境站開始買
大家可以見到差別係可以去到800蚊
2017年(前一年)自己都係經呢度去中亞
我再誇張啲 霍爾果斯-阿騰科里之後
一落車就拜託列車員幫我買阿騰科里去阿里木圖
再將個行程再斬到3 parts
根本唔需要咁樣浪費錢
當然你大把錢做咩都得
包機去都得啦

當時霍爾果斯-阿騰科里16蚊
阿騰科里去阿拉木圖大約3000T (大約1兌40)
加埋先100蚊都唔洗！
宜家因為呢架車係中國車，所以到左哈薩克就唔會買到飛
251就豪比佢啦

下面就係2017年最平嘅國際車飛
16蚊出國 中國邊境去邊境
巴士係要80蚊

霍爾果斯站因為係接駁哈薩克同埋中歐貨列重要之地
當初起鐵路就係為左咁樣
所以唔會特登建造喺霍爾果斯市區
車站離霍爾果斯市中心大約7-8公里
係市郊人煙罕至嘅地方，可以話係無車入去

落車之後有唔少車係站前面等接人
要自己搭車嘅話要行到出十字路口（1km）截車啦
成架車出到去市中心係20蚊
every car can be a shared taxi
5蚊一個位

好多人最關心就係換錢
我之前第一次黎佢地車我去巴士站換
仆街啲匯率低到，當日價格1:50佢地開1:41
不過上次無咩時間，2017年世博日日開國際列車
時間係要朝早10點要翻到車站，所以無時間諗太多換左先算
今次咁多時間順便行下個城、國門同埋自由貿易區

Share taxi你叫佢國門落佢會識落架喇
停喺下面第一幅圖嘅前面大約100米

隔離有個國門景區 真心
唔好浪費錢 垃圾景點
事關個國門真係太柒
咁細就唔好拎出黎柒啦
200米嘅長廊行到盡頭就係呢個垃圾
多謝盛惠30蚊

大陸人欠債唔還係會被公審
真點公審，直接叫曝光台
爭人6000，搞到我諗起啊偉

另外，如果你喺大陸嘅個人信用系統花左
（搭火車唔買飛、唔交電話費etc）
所有行為都可以被限制
eg唔比/限制買火車/巴士/機票
所以佢個slogan都改左做"一處失信，處處受限"


但係仍然有大把大陸人覺得幾十蚊還你老母咩
一副無所謂嘅態度害死一生
"借定唔借 還得到先好借"
"借錢梗要還 咪俾錢中介"
我諗大家都聽唔少
做一個良好信譽嘅人，記得還錢

從上面嘅伏景點再向右行就會有個中哈霍爾果斯邊境國際合作中心(簡稱係中哈合作中心)
可以入去FING同買野
果度算係香港嘅禁區咁款，過關查回鄉證
因為我諗自開張以來都唔算好多香港人經呢度去中亞，所以都無人來，我地張證啲人都真係未見過，有咩地方卡喺個GATE的話
你同啲staff/海關講就得，總之入去唔難

入到去就好容易見到哈薩克人，一車車咁黎
個個都係買袋買喼乜都買
唔知點解覺得真係好似上水廣場
一大堆人黎上水掃貨一袋二袋咁樣。

我今次黎係想搵過個喼
事關我當初旅行果個頭兩日就已經爛曬碌喇
講緊係我搭火車去羅湖，去到大圍站月台已經甩剩個白色膠心，出面層碌嘅膠圈已經甩曬，拖起上來嘈到拆天

所以順便喺入面搵一個好嘅，防撞etc，總之再唔換嘅話呢個喼一定好快玩完
反轉左成個MALL，8成鋪頭都有得賣，不過真係好大媽款，M巾紅又有，紅白藍格仔又有，好肉酸
最後搵到個幾靚，係藍色城市pattern

原價400蚊，最後幾經格價，以340蚊成交左

本來揀好色
突然個老闆話有其他顏色可以揀
佢推左個花pattern出來，真係靚好多
我最後改變主意揀左佢新推出黎嘅
係呀我係鍾意埋啲奇怪pattern架喇
佢地誠心咁多謝我幫襯
重要可以同我地換左大約500人仔嘅哈薩克堅戈Tenge，重要係1:45
我地笑住同佢講Спасибо
佢: по-русски говорите? 你識講俄文？
好啦我班門弄斧左幾秒之後就收皮ed
出門口唔記得溫自己本筆記，好打極有限
不過我都隨身帶備俄文堂嘅Notes
隨時有空閒時間就可以惡補一下
好愉快咁樣同佢講再見之後就要搭車翻火車站

點知翻到去火車站覺得隻喼好似重左啲
一打開！點解入面會有多個細喼？
原來個老闆因為急住 show off 新 pattern
結果無攞走入面嘅細喼
當場笑出聲
突然覺得超值 340買大送細
我已經番唔到去比翻佢已經要過關
希望佢唔會追過來哈薩克斬我啦
未出中國已經好似係咁得罪人

有個組織叫做ORGANISATION FOR CO‑OPERATION BETWEEN RAILWAYS (OSJD) 鐵路合作組織，大約有28個成員國
當中有份協定 - 《鐵路合作組織國際旅客聯運協定》
第二章第六條第五項詳細列明：
乘車票據用合同承運人所在國文字和 / 或英文 、 中文 、 德文 、俄文之一 填製。

國際車票冊來講:

中國用中文，俄文，德文
羅馬尼亞用羅馬尼亞文、俄文、德文
越南用越南文、俄文、中文

但係廣西南寧開去越南河內嘅火車
如果係中國買嘅話，係無越南文
越南買翻來中國反而有越南文
就係因為越南文係合同承運人所在國文字
而中國開去越南
越南文唔屬於合同承運人所在國文字同埋唔係英/俄/德語

大約係咁樣解

細喼個到好好笑

留名

唔會check喼架咩