[重開再更新] 中亞東歐風情畫 - 畢業遊

550 回覆
142 Like 14 Dislike
2021-07-05 21:13:11
lm
2021-07-06 07:10:54
2021-07-06 09:52:50
岩岩從塔頂落翻地下就見到
有一對新人係度拍攝緊婚紗照
同埋婚紗特輯
見到新娘同佢啲姐妹係度拍緊片
一個二個著到靚一靚

唔知點解 突然好想記錄呢刻
走左埋去膽粗粗同佢地 講佢地好靚
可唔可以影個相
結果真係肯


2021-07-06 10:46:23
呢個係我嘅夢想畢業旅行路線 出年grad都唔知去唔去得成(可能到時揸特區護照就強制鎖國)
2021-07-06 10:47:38
我都想係新疆出去
但而家都係算
可能直接飛外蒙坐火車算
2021-07-06 22:58:36
臨走之前喺餐廳買支嘢飲

你點都唔會諗得到
俄羅斯嘅泥地障礙賽車
竟然係用推土機
過彎仲要過得好靚 笑死我



你估唔到中亞
特別係哈薩克同埋吉爾吉斯
會好鍾意食一種雞嘅新疆料理
叫做大盤雞

其實個感覺同黃燜雞差唔多一樣做法
只不過大盤雞係辣嘅
會加入花椒、辣椒、豆瓣醬
令到香氣嗆鼻但又好想瘋狂送飯
呢度140 som 即係大約18蚊就有300g咁多
超級抵食



第二朝起身
我要同我fd分道揚鑣
因為佢要等佢女朋友嚟
然後同佢2人世界
而我繼續再踏上Solo Travel嘅旅途

臨走之前起身見到
個host揸住支槍
心諗我係咪要死
點知原來
佢同我哋講係佢花園度
發現咗老鼠嘅蹤跡
揸把G36-C嘅bb彈射死佢
不得不佩服佢咁撚fun
真係一個好善良嘅host

2021-07-06 23:04:17
唔知到時會唔會開得返
Air Astana嘅航線
到時可以直接飛哈薩克阿拉木圖

蒙古其實都好正
始終地大草原大沙漠大
之前去過七日
七日七個地方都可以係唔一樣嘅景色
真係好靚好舒服
另外因為一出咗市區就唔會有上網
真正有種放低手機享受大自然嘅感覺





2021-07-07 09:15:32
啟程環湖遊
Issyk-kul 係吉爾吉斯最大嘅湖
屬第二大高山湖泊
環繞Issyk-Kul都有唔少地方可以停留
我選擇左上環
將會停留Cholpon-Ata同Karakol
車飛超平,大約260公里
280 SOM 只需大約33蚊港紙

今朝check左 原來港幣兌換KGS已經去到1兌11
意味著宜家再去吉爾吉斯
應該可以揮霍得再犀利啲



吉爾吉斯啲自然景觀真係無得輸
日日睇藍天白雲
吉爾吉斯應該係中亞入面最多翠綠嘅山同樹同水
其次就係塔吉克,可以玩柏米爾高原
咁好嘅自然景觀代價就係熱到死
每日都大約34-37度
喺呢度你絕對唔會覺得水係無味唔想飲
因為你身體除左個口之外
每一吋肌膚24小時都係缺水狀態
我自己每日都需要買一支2L嘅水長期袋書包飲
雖然情況無新疆或者之後嘅烏茲別克咁難頂
但係高溫乾燥天氣絕對不容忽視

雖則香港濕熱天氣係會令你周身唔舒服
但係喺乾熱嘅地方
你好容易頭暈
因為水分太容易蒸干
身體無水分幫助散熱排出
另外呢度唔係好多電解質飲品
所以盡量補水同埋糧食先係上策

每個城市邊界都會有自己嘅路牌
有種行大埔道你會見到 "歡迎蒞臨沙田區"嘅牌嘅感覺



穿梭各大城市嘅交通工具
無錯,又係呢啲BENZ小巴
因為吉爾吉斯鐵路唔發達
所以其實吉爾吉斯嘅鐵路只為接駁出去其他國家
e.g. 哈薩克,烏茲別克,俄羅斯同埋烏克蘭
唯有靠陸路汽車交通

請注意 咁熱嘅天氣
呢啲車都係無冷氣,亦唔會開
而且,窗係開唔到架
唯一通風口係司機個窗同天窗
我試過比人叫我幫手山天窗
話覺得凍,癡撚線,凍?
37度密封全靠個天窗有新鮮空氣
你同我講覺得凍?
我已經就來焗死
佢地係著住傳統服飾
姐係成身都好多布
山左窗之後 除左空氣與世隔絕
車廂都好似死寂咁 我靜係好想快啲落車....


我覺得呢啲雲嘅景真係好靚
因為你好清楚睇到舊雲去到邊
啲陰影就打到邊
好實在嘅大自然景色
2021-07-07 09:23:55
從Bishkek West Bus Terminal
搭左大約4個鐘嘅車程 (距離260km左右)
終於到達目的地 Cholpon-Ata。

本身以為有個Official嘅站
但係見到開始入城之後個個叫停就停
因為其實由見到Issyk-kul 個湖開始
就得一條主要幹線係路
基本上架車都係沿著條公路行
所以如果我再唔鳩指一個位落車的話
開到總站就真係有排行
呢個時候同香港小巴叫有落一樣
唔可以做毒撚等人叫
因為扭個彎又下個街口
我見到啱位就同個司機講
там, пожалуйста (There, thank you)

Cholpon-Ata 屬於湖邊
行3-5分鐘就到沙灘/岸邊
所以理所當然地溫度無內陸咁熱、溫差咁大
大約18-25度,加上有好靚嘅湖
係一流嘅度假勝地

落車放低行李之後需要馬上食飯
4個鐘焗死暈暈地中午直接搭車又無食飯
唯有求其搵搵餐廳填飽自己

近水嘅地方當然要食啲海鮮
連續食左咁多餐牛羊雞
要搵其他野浪浪口先得。

Fried Trout w/ vegetables 250SOM 炒鱒魚
記得記得,鱒魚係要熟食呀
佢比左好多腩位比我,勁多骨
不過都真係幾豐富魚油,食落好鬼香
2021-07-08 18:10:16
我記得成個湖區入面
Cholpon-Ata嘅路面係最靚
好似剛剛重舖一樣
其他地方就好多窿
2021-07-09 00:45:38
留名
中亞呢d唔容易去既地方唔一次過去曬真係有d可惜
2021-07-09 01:38:04
留名睇湖
2021-07-09 11:57:51
基本上一定要辭職
2021-07-10 15:02:43
Cholpon-Ata 唔係近年先係度假勝地
早喺蘇聯時代
就已經有大量旅行社組織過大型旅行團
從唔同嘅蘇聯地區前來度假
例如吉爾吉斯其他地方,哈薩克,烏茲別克,莫斯科,葉卡捷琳堡等地
當地有唔少嘅雕刻岩石俾遊客參觀之外
佢嘅湖景都好好好好正
吸引左好多歐洲嘅遊客來

加上溫度宜人
夏天平均溫度13-22度
係極度舒服架

我自己係比較鍾意參觀各種博物館、展館
就算文字上未必理解到講乜
但係從展品都可以大約知道係咩意思
或者咩時期嘅代表
從而對展館想deliver嘅事件或者地方會有更深嘅認識

Issyk-Kul Museum - 80SOM 入場費




2021-07-10 15:09:32
等咗幾日都未見到個湖
2021-07-10 15:11:03
Cholpon-Ata最好睇嘅View
就係喺Rukh Ordo呢個地方喇


收費係頭先果個博物館嘅五倍
400SOM



成個場Issyk Kul湖邊
飽覽湖景之外仲可以有左右兩個沙灘襯托
Rukh Ordo 喺吉爾吉斯語嘅意思係 The Spirits' Center
內裡有Hall,有展覽廳,同埋博物館等等...

一開始會有導遊姐姐帶住你係咁依講解每一個館係做咩嘅
恰逢我去到有兩個館都未維護完
所以展館都唔係好吸引

入面有齊5個宗教特色嘅建築
伊斯蘭教,天主教,,東正教,佛教,基督教






不過既然起喺湖邊
建築物絕對唔係重點啦係咪先...
2021-07-10 15:25:42
無敵大湖景要來了

全景藍天,加上一抹白雲
令100分嘅度假景色加到去200分
我去到嘅時間大約係4點半
就咁坐左喺度吹住風
欣賞下個景 好舒服
佢好多木凳比人坐 仲有零星嘅海鷗
有種感覺係以為自己退左休去左歐洲


除左有啲有錢佬係到玩水上電單車之外
離遠仲有啲再有錢嘅喺到坐熱氣球

我就靜靜地坐喺湖邊睇景就夠
間唔中吹啲Breeze過黎
有一刻覺得自己唔喺中亞獨遊CHUR緊自己
而係陶醉喺呢片度假樂土
即使你見到都仲係有太陽曬住
但係都唔會覺得熱

行近呢啲shelters
好似一個前往新領域嘅大門咁
呢個場咁靚
成日都會出租場地比人影婚紗
或者係年度會議 / 大型公開活動
成個場租1日都係50K
超抵
2021-07-10 15:29:15
沙灘係免費入場
距離大約1公里位置

不過我就覺得因為真係太多人
正值七月暑假時分個個都周圍去旅行
利苑就見到個沙灘人滿為患
乖乖哋喺呢度比$40舒舒服服
老人與海jeng

2021-07-10 15:45:45
[img][img][img]6點幾我就差唔多離開 因為日落真係有排
加上都肚餓,要去食飯
臨走前打個電話翻去俾老母傾下計
因為吉爾吉斯係慢香港2個鐘
所以打翻去嘅時候佢食完飯準備訓教
喺呢個咁舒服嘅環境同唔到屋企人share
其實都會有小小失落
加上我呀媽長期都擔心我旅行有咩唔好嘅經歷
我可以做嘅就係每日都打一次電話
報個平安 同埋分享下旅行見聞
開個FaceTime
俾佢都知道我真係過得好好我愛老母

至於今次嘅晚餐
係去左一間喺中亞黎講算係比較貴嘅餐廳食飯
掛曬畫咁樣,而且又有兩層!
中亞黎講近乎個個都係地鋪架



今次食嘅亦係中亞嘅傳統特色菜品 бешбармак
Beshbarmak 喺突厥語意思係5隻手指
佢係中亞哈薩克嘅國菜,正常會係一大盤
喺宴會/派對上同人一齊分享嘅食物
材料分別有(羊)肉粒、薯仔、洋蔥粒,馬肉腸同埋麵
哈薩克比較上興食闊麵
吉爾吉斯偏向食幼麵

其實算係普通野
因為大部分都係灼熟 (遊牧民族除左生就係熟,無咩調味)
不過食左太多次ган-фан擀飯真係需要轉口味
呢個清清地正好
收費290SOM 收10%服務費



另外都有撈嘅version
就係小小橄欖油,將肉碎、洋蔥、黑椒粒、鹽
同埋手打麵條一齊撈
做一個比較有口感同埋爽口彈牙嘅麵
我自己試過整Beshbarmak嘅麵
落去大生買左一公斤中筋麵粉整
整完食左2次就已經厭
原因係太寡真係好清好簡單
真係好想食清淡野先好整/食

2021-07-10 16:06:48
對唔住大佬呢排好夜先返到屋企
2021-07-11 18:08:49
始終 年少輕狂
Cholpon-Ata呢個地方太舒服
同埋自己想有咁多地方去咁多
所以喺老人與海面前停留左1日多啲之後
就開始繼續啟程前往Karakol

去左附近嘅簡單早餐店食個靚早
佢寫住 肉碎蛋Omelette 30SOM 換翻港紙3蚊左右
再配一個Tea w/ honey 20SOM
5蚊就搞掂一個早餐
我見隔離檯都係食布林餅+Yogurt
我就決定唔食住
畢竟布林餅周街都有 一個好普通嘅食品
2021-07-11 18:33:33
拜別左Hostel嘅Host之後
就攞行李啟程

好得意嘅一個Host
佢竟然係比佢個女負責所有Accommodations
FYI 佢個女我諗比到盡12歲
已經係講緊人聽得明嘅英文
其他地方基本上連個大人嘅英文都未講得正
可能真係旅遊度假區
生意好之餘
可以令個女接觸到更多嘅英文嘅機會
就係同多啲人溝通,藉此Train好自己
(無影相,唔想做金魚佬費事嚇親人)

目前香港人嘅英文水平大約係亞洲第5位
大家不妨搵多啲機會訓練下英文口語
即使可能喺咁忙碌嘅生活
未必可以輕易抽時間Upgrade自己
但起碼唔好令自己退步
以後去Subway就唔洗 This This and This 啦

行去Google Map所謂嘅Bus Terminal
點知係假嘅(或者我搵唔到啦下)
早知問一問Host
當地人叫我一直向前行多10分鐘
就會有巴士搭
跟住我真係計住自己10分鐘嚟行
諗起都覺得自己天真

一去到,係就係有巴士
但係無自己果架
然後一大堆Share Taxi佬就湧上前Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol Karakol .....

相信係一條咁爛嘅路
車路得一條半咁闊嘅線
車路同行人路有一條20cm嘅爛GAP
拖曬喼咁 知咩料啦

其實我係最想搭翻巴士嘅
果陣上網睇巴士係150SOM
個個開250SOM
我覺得近乎double左個價錢就唔想理佢地

網上2017話180SOM就應該有交易
多70SOM真係有啲多
因為價錢壓唔落去 (講價被駁回)
所以不知道哪裡來的自信
覺得繼續行就會搵到平/巴士

突然有個戴眼鏡嘅啊叔
好熱情話 HELLO! Karakol?
仲攞個計數機出來話
佢地250,我200SOM就得!
差你一個細路炸!
掖曬手咁樣 一路重複住一個字
Поехали Поехали ( go! )
我見到好多叫價250SOM嘅的士佬
啤到佢實一實 唔知係咪覺得佢做爛市呢
不過我覺得呢度啲人都係淳樸嘅
20蚊起碼都叫合理呀,多2蚊咪當係暑假加價囉
我就上佢車啦,畢竟唔知會行到幾時
何況都需要揸2個幾鐘,上啦屌!

車上面原來都真係爭一個人就開得車
但係我想講
後座已經坐左2個肥婆 係真係肥到100KG咁多
所以我係夾硬填埋後座剩低嘅空隙位

沿路唔知影緊乜,加上真係好迫就索性鳩影
呢個filter係司機隻窗嘅防紫外光嘅茶色filter
始終沿路真係陽光明媚
咁樣曬法架車容乜易收皮
加左呢個茶色filter又好似幾靚
2021-07-11 18:49:17
車程大約2個半鐘左右
始終路況唔係特別好
開出左Cholpon-Ata之後
柏油路已經開始消失
換來嘅係砂石路
最快都係開緊70 架車已經好拋得

最好嘅就係司機真係可以車你
到你想落車嘅地方
我篤左個Bazaar落車
因為朝早個Omelette太少喇
架車又好焗 再加上太陽好猛
搞到個人落車果下都暈暈地

好感謝個司機 真係好好禮貌
落車之後仲幫我攞行李
香港個個的士司機都係開個行李箱
你攞完 山蓋 佢就走人
(當然啦香港還香港,係香港係無咩問題嘅)
多謝完佢之後報以微笑同我講
唔洗客氣 пожалуйста
佢個樣有啲似Clash Royale果隻Electric Giant
2021-07-12 17:30:24
Karakol 無論係城入面
定係周圍嘅山都值得去

另外今次我全程嘅住宿都係用 卜傾.com
因為通常都係去到先比錢
啊鳩打果啲好似要先付款
有時計劃 / 地點臨時更改就比較難取消
(如無意外應該係純粹我自己井底唔好judge)

下榻嘅呢間Hostel
有齊唔同景點介紹
方便遊客自己計劃行程




除此之外佢仲有一個組隊專用嘅黑板
比人寫低組隊詳情聯絡方法
等喺Hostel嘅各路英雄可以更快、更平咁組團攤分expenses
特別係包車,去camping,長規劃路線e.g. Song-Kul

我唔知點樣Plan路程
所以一入去Hostel就開始睇上面啲Poster
但係好好彩,一入Hostel放好野
就俾兩位大姐姐R傾計
"香港人?"
“係呀係呀,咁易認架咩
"哦,頭先偷睇到你個行李Tag係Marco Polo Club都估到係架喇"
“哦哦,.....”
...一路講下自己行程啊,時間啊等等,突然...
"你如果無點Plan Karakol點上山嘅話,不如跟我地,我地仲缺人share路費上山”
" 真的嗎我本身諗住係搭小巴然後行一段路上去"
"唔好諗喇行死你呀,我地2個租左架車,但係有多個人Share就好啲囉,一日就可以來回"
"都OK嘅"
"咁預埋你啦!聽朝見啦"

如是者,我就跟左佢個鴨仔團。

佢地係2個香港姐姐,據了解
佢啲形容自己嘅歲數係 "我地生得你出架喇"
但係就咁睇我以為30頭
東方女性真係Keep得好
尤其係港女特別好

不過我未問佢路費姐係幾多
喂你知啦港女特別係啲戰鬥格旅行女仔
真係好捨得DUM本架,萬一租架車2000蚊
得我地3個,一日就600幾 我一日都用唔到100蚊
對唔住,當年嘅我,貧窮限制左我嘅想象

屌那媽頂硬上唔理咁多
香港人應該唔會蝦香港人嘅

有時候
自己選擇去嘅旅行國家
都會特別避開遊客勝地
倫敦,巴黎,日韓呢啲我真係未去過
成日覺得趁年輕仲有腳骨力嘅時候
應該去多啲有挑戰性、難去嘅國家
所以 中亞就成為左我最想去嘅地方之一
亦將佢擺喺grad trip嘅首要事項
2021-07-12 18:13:08
市內景點就唔係特別吸引人嘅
所以都係略略睇下就得

Russian Orthodox Cathedral
俄羅斯及周邊前蘇聯國家都係偏向信奉東正教
東正教教堂(或者所有信仰有關嘅建築內部都好)
就係不准拍攝嘅 所以尊重人地
入場就靜心觀賞
旅行唔一定下下都要攞起相機 / Go Pro 錄低嘅
有時候為自己留下美好回憶已經足夠


Dungan Mosque
就咁睇 你以為翻左大陸去左北京
因為成座清真寺同古代啲客棧 / 民房都無咩分別





門上面貼左伊斯蘭教 (遜尼派) 每日5次禮拜嘅時間
FYI什葉派一日拜開3次
5個禮拜分別係
黎明前 - 晨禮
日出到日中 - 晌禮
日中到日落 - 晡禮
日落後 - 昏禮
入夜 - 宵禮
每到禮拜嘅時間
清真寺都會都會用擴音器播放喚禮
方圓500米基本上都會聽到聲
有啲Muslim未必去到清真寺嘅
就可能就地企喺到面對聖城麥加嘅方向禮拜


家傳之寶SINGER
細個親戚有部
成日覺得好撚屌好想踩
因為果種囉囉聲嘅機器聲好治癒
依家大個知道
踩佢幾下卡死曬啲線應該會比人斬死
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞