[重開再更新] 中亞東歐風情畫 - 畢業遊

係咪睇錯, 佢地個月台咁矮

因為成本問題 世界上好多地方都冇升高左嘅月台 美國特別係西岸嗰邊好多

邊度黎

中午嘅Bukhara
直逼45度 果種喺吐魯番嘅窒息感覺
又翻來了 嗰團熱氣又圍住你
同埋應該係人都知
中亞揀3-5月去係最好 因為最舒服
7-8月去簡直人間煉獄
Bukhara嘅位置算係Kyzylkum Desert
所以沙漠氣候
姐係
日頭曬撚死 夜晚凍撚死

我去到嘅時候係中午 可想而知有幾熱
是日中午氣溫46度 體感濕度 0%
真係好似乾烤自己咁
Bukhara真係舊城來 出街嘅感覺
就好似去左中東荒廢左嘅地方
人去樓空 加上超熱嘅天氣
彷如望見海市蜃樓



其實諗唔到咁多 都中午
唔好話去咩景點 第一件事真係填飽肚仔
我求其尋覓搵左間餐廳啦
經過左幾日嘅劣食洗禮
我都無旨意再睇Tripadvisor
真係發覺太多外國人都係食開屎sorry
一係就去旅行都食自己家鄉菜
可能真係香港人旅行文化
去到當地都係會食當地野食
就算唔食當地野都唔會食自己屋企野
姐係 你唔會去台灣搵雞蛋仔食一樣

一入門口 第一句竟然係Asylum alaikum
留意翻 Bukhara比較受波斯文化所影響
同埋唔算係好出名嘅大城市
例如Samarkand Tashkent咁 會講英文俄文
呢度主要都係講烏茲別克文
而打招呼都係用Asylum Alaikum 阿拉伯式打招呼
p.s. 覆翻人可以講 Walaikum assalam
佢見我規規矩矩咁就知我係外地人
問左我一個我覺得on9嘅問題
"You want sit inside or outside?"
Outside? 傻的嗎?
屌你出面烤得熟我
梗係入面啦唔好癡線啦入面有冷氣
我一坐低 想去廁所
開一開嗰度門 哇啲熱氣湧入來
好似啲氣流咁 你擋都擋唔住
去完廁所 即刻縮翻入去快快趣趣order


Минзифа чиккен 忌廉雞
啊又真係幾好食
個cream嘅味係酸忌廉溝芝士味
小小鹹 好好送飯
唔好睇少個飯 好好食 原來係要分開收錢
個pat雞31蚊 個飯8蚊



而饢係送俾你食嘅 唔收錢
好在呢間餐廳嘅饢都係軟熟
可以直接蘸一啲忌廉汁 perfect



服務費15% 買單50蚊唔洗找

嗰碟頹飯要50蚊

算好閪貴架喇應該 等於香港食左成舊水至少

大概等於兩舊水?
樓主上水解答吓
我記得自己去嗰時去D正常local餐廳
一個kebab先8000, 一個plov15000

kebab真係窮撚恩物, 有肉有菜又平

樓主update未

失蹤人口：樓主

上水啦樓主

睇左咁耐都無正皮，即俾

總之會寫完就無問題. 越拖就越唔想寫.

午後 -
可以用Wandering around 來形容我下午嘅行程
因為Bukhara同其他城市唔同
其他城市例如Tashkent同Samarkand
你都見到我真係逐個逐個景點咁去
可能係喺一堆現代建築物中間插左一棟古跡
而Bukhara自身已經係一個景點
呢度嘅居民希望Bukhara舊城保留風貌
唔作任何重建/發展
所以大多數建築物都只作修復工作

Bukhara舊城係一個只有大街小巷嘅地方
換而言之 車入唔到 比到盡都係動物拉車
所以步伐比任何一個烏茲別克嘅城市都要慢
靠步行慢慢探索呢個城市
手機都近乎可以放低 因為窄巷太多

唔係Google唔收錄窄巷
而係好容易俾建築物擋左啲GPS信號
所以睇一眼Google Maps之後
你要憑感覺同埋記憶力轉左轉右
頭先去搵Hostel完全係攞命
試想像下 45度高溫
你落車之後攞住Google Map搵路
開始行果下已經發現GPS亂咁跳
而你部手機已經就來熱到臨界點要熄機
個人又燥底 (我一熱就好炆)
好辛苦呀真係



不過放低野沖個涼 再慢慢行
會無頭先一抽二楞咁想死嘅
喺呢啲地方要生存 最緊要意志力堅定
盡量唔好將自己暴露喺陽光下
真係會暈架 戴下帽遮光
我諗防曬真係無咩用 我索性直接曬黑
我諗各位巴打都唔係太介意啦
黑實啲好J啲架

喺Bukhara舊城區漫步人生路嘅時候
見到一間打鐵鋪 門面已經係刀刀鐵鐵咁
決定睇下當地人打鐵工藝
見到一個啊叔好比心機整緊一個尖嘴銼
咁我就唔騷擾佢喇 自己慢慢行
架上面一堆練鐵用嘅火壺同用具
證明到呢間工廠真係運作左好耐









我咁大個仔第一次見真嘅彎刀
我成日唔知彎刀有咩用
我淨係記得合金彈頭啲中東佬成日係度fing彎刀





突然見到牆上面有2張野吸引到我注意
竟然係香港雜誌！
他鄉遇故知嘅感覺湧上心頭！
雖然我無從考究係邊一本雜誌
但係都好感恩可以喺呢到
見到熟悉嘅繁體字

可惜嘅係
我都仲有好大部份朋友唔知烏茲別克喺邊度
甚至中亞都唔知係咩嚟 「係咪中東啲fd」
我個人好矛盾
一方面又想多啲人認識呢個地方
另一方面又唔想太多人嚟呢個地方
因為人一多就會開始有機會
令保育工作變得頻繁同埋困難
希望每個旅遊嘅人都有基本素養
尊重愛護人地嘅環境
客人唔係大曬
應該保持一個感恩嘅心
去享受、感受人地嘅國度

睇完刀之後
上網查下Bukhara有咩做
竟然有個 Must try 係 MASSAGE!
奔波左成個月喇 係時候鬆一鬆！

Bozori Kord Bathhouse
就係喺Google Maps同埋各大平台
攞到好高星星嘅地方
當你覺得 一定唔會衰啦大佬
入到去 收費160000
160蚊一個人 都知道係遊客價
160蚊啊大佬 可以食幾多餐同做幾多野
不過為左完整嘅老襯按摩體驗
去馬啦磅水啦!

一入去 要全脫 換左一件浴袍咁嘅野
鎖好曬個人物品 (我有攞手機)
就入左澡堂



首先就係入左一個窰嘅野
感覺係好密封好焗 入到去同我講話坐喺到15分鐘
之後再來搵我 於是我就摟住浴袍坐左喺到
大家見到搵曬水泥加固+封住曬啲空隙
就知道 入面係全密封 所以係絕對熱到仆街
所以我覺得呢15分鐘姐係焗桑拿啦
但係我相信俾任何一個桑拿都要難受
就係因為佢有環境+氣候加成
造成左一個天然嘅桑拿室 樓頂大約3米
狹窄嘅空間令我真係有幾下覺得
我係咪自己攞苦來辛 好有中暑feel
好熱呀！要爆喇！



過左15分鐘佢終於來了
我地去左一個3米x3米嘅大理石板
佢搬來幾桶水 除曬衫之後就開始直接淋水

對唔住我真係有少少怕羞
大佬玉帛相見咁得我自己除仲老尷

哇 淋水落嚟果下真係瞬間到達天堂
就好似你夏天中午行街
就來熱到爆變水人
一野衝入冷氣開放嘅商場
"得救了~"嘅感覺

然後就攞左一個類似老黃瓜網幫我刷背
刷完就叫我趴係到 開始拍我背脊
心諗唔係massage咩
跟住佢
突然間捉住我隻手

啪！

一chok骨頭應聲響一下
哇diu原來係Bone reset!
之後我就好驚 我最怕bone resetting
重要係整頸同頭 一野chok左右“啪”一聲
我好驚死架我唔想癱瘓殘廢
而啊師傅就係咁問very good?
我唔通答佢too bad咩唯有恭維下
佢個狐狸尾巴就開始出來"tips tips ok ok?"
唔好玩啦我咁辛苦快啲俾我走

又唔係真係鬆筋 純粹係咁啪啪聲
我隻腳啲muscle就係好攰 你咁樣搞我
其實我全身就緊張繃緊 所以係無舒服過
每啪一下 我就喺到祈禱咁款 希望唔會死

大約啪左30分鐘 喺地獄徘徊之後
佢就喺我身上搽左啲薑粉(鏡粉倒數進場)
然後叫我再坐翻去頭先個窰到焗
插上去有陣啊婆驅風油味道咳咳
但係慢慢開始feel到
好嚹啊救命
成身好似噴左啲噴霧咁
極度刺激皮膚 應該係藉此再次逼出身體嘅汗同毒素
令個人新陳代謝再度run一次
但係當然比較危險嘅真係中暑
因為已經係咁出汗
而且我唔可以用手抹走臉上嘅汗
因為成手都係薑粉
如果唔係就會搞成咁:

最後再次沖身洗淨全身 就可以更衣走人
係一次特別而掠水嘅體驗
但係bone reset真係唔啱我

大家可以見到
嚟到烏茲別克之後
我隻手臂兩節色嘅情況越嚟越嚴重
絕對朱古力咁嘅色
去到而家呢一刻我都冇漂白即使呢個旅行已經係三年之前

理想與現實

大佬的massage

大叔先啱，打錯字

Ulugh Beg Madrasa

早前先介紹完Samarkand同名嘅建築
Bukhara又有?
Ulugh Beg係帖木兒個孫
而布哈拉係帖木兒嘅時期
好隨意地各地興建清真寺
但係都係急於求成 無好好咁興建
導致伊斯蘭文化傳承推廣不足
而啊乖孫決定認真起Madrasah 伊斯蘭學校
1420年 做一次Bukhara版Renaissance











另外今日全日上下午
都係到Mon住Bukhara去Urgench嘅火車飛
當時2018年沙城Khiva仲未開通火車站
所以如果要由Bukhara去Khiva
2個方法
Shared Taxi 80000SOM 搭大約6小時
但係之前都講過 我好憎逼住自己
分分鐘一陣坐到個痔瘡出翻來點算
所以我揀左第二個option
就係火車 價格62蚊 加 30蚊的士去火車站
因為火車區間限售
所以要開車前2日先會開始比人買區間車飛
我見到之後即刻衝過去火車站
上左架的士 哇第一句
Assalamu akeilum! 好親切嘅打招呼
佢仲好好咁介紹坐佢隔離係佢老豆
真係好好 重點來了
我同佢講去Vokzal (火車站)
點知佢話唔順路 咁無辦法啦準備落車
同埋以為俾人掠水循例5000SOM
點知佢好到係周圍揸去問其他friend
可唔可以車我去超nice
臨走仲係咁揮手同我講再見
烏茲別克人嘅Hospitality係超曬班
上第二架的士 5000SOM搞掂揸到去10公里外火車站
Bukhara市Kogon地區 就唔係喺市中心
所以一來一回火車站都真係幾浪費時間
不過真係要爭分奪秒 始終火車飛好容易賣曬



衝入售票處即刻買 重要講明訓下格床
價錢係58000-62000SOM 下格貴啲
我買完之後嘅90分鐘後就已經賣曬
睇來都真係幾受歡迎









90蚊訓床+的士錢點都好過80蚊坐係度訓
諗起都覺得辛苦
不過呢班火車半夜3點到4點開 10點半到
所以半夜要醒都可能係一個考驗
不過我有鬧鐘就醒到 通常我會set 2個
間隔係5分鐘 以免自己撥走左 肯定醒曬
同埋hostel會好好地幫你call埋30蚊嘅的士
一切都係care-free~~~~


從火車站返屋企 有一架巴士開到去舊城區外圍
收800SOM一個人 我覺得平過的士好多
因為火車站外面嘅的士收緊我30蚊
30蚊 vs 8毫子 加上今晚我已經無地方好去
所以體驗下搭巴士啦
然而有幾個的士佬見到我上左巴士之後
竟然係窗邊揮手想邀請我搭的士
話呢架巴士唔經舊城區其實我知
佢地真係太熱情 不過我都微笑婉拒左
不過落車果下成個天都黑曬 需要徒步行2.5km
姐係差唔多30分鐘要摸黑翻去
之前都講過 發展發達嘅城市
應該只有Samarkand同埋Tashkent
所以Bukhara呢啲二三線城市咁款
就無任何街燈 只靠汽車車頭燈
我甚至要開電筒照明 黑到咁
不過我從來都無擔心過烏茲別克治安
因為我暫時遇到200%嘅人都好nice
宜家難講啲 因為大家都知道鄰國阿富汗
無錯 烏茲別克同阿富汗係接壤
所以好難講 可能會有喬裝嘅恐怖分子
已經滲入緊中亞5國...
總之大家以後去中亞旅行 可能真係要打醒12分精神


話說回來 搭左咁耐車 加上天氣炎熱
飲左好多水都未去過廁所 開始真係好急尿
見咁黑 條街又無人 於是...shhhhhhh
解決了
一直以來我都會講 中亞俄羅斯嘅甜品
真係好甜 甜到瀨屎嘅程度
一路摸黑行翻屋企 我見到有間蛋糕鋪
已經好攰 同埋竟然唔係好肚餓
所以就食翻件cake啦!
蛋糕平到你唔信 最貴果舊都係2500SOM
2.5啊大佬 普遍全部都係唔過2蚊件
我就係揀左一件2.5嘅
有可可脆米+榛子cream+朱古力蛋糕
所以貴都正常 一食
就係大約20%材料味道+80%甜味
不出我所料 我又食到垃圾了
不過我覺得1分錢1分貨囉
始終香港一件豆腐潤咁細嘅黑心西餅
都要好似5蚊件
呢到想幾多花臣都好 都係3蚊之內搞得掂
唔需要特別大期望啦！

班火車半夜3,4點開, 10點半到...之後你坐咗一程巴士去舊城區外...個天都仲係咁黑..
仲要黑媽媽條街有餅買

oh, 睇多次就明了...原來係你買完火車飛搭巴士返歸, 所以黑媽媽
見你講30蚊飛的, 仲以為你已經到咗

bukhara都算係古城 夠睇2-3日左右
至於點解野食咁差
應該純粹係因為我真係唔知訂
去親都中伏 同埋真係千奇唔好信Trip Advisor
揀親嘅都係直升機 伏伏伏伏伏伏