[重開再更新] 中亞東歐風情畫 - 畢業遊

撒馬爾罕嘅早晨
由早餐開始
基本上都唔會出去搵早餐食
因為呢到嘅hostel會每人一份早餐準備好俾你
同Tashkent一樣 好寫意真係
呢到嘅早餐同樣好豐富
除左有常駐嘅饢之外
仲有一啲硬包 牛油係無鹽嘅
所以搽起上黎食麵包嘅時候
好似點左橄欖油咁好奇怪
我麻麻地咁樣食

另外都會俾一兜apricot嘅醬 好似叫杏桃?
最最最甜嘅就係面前個牛奶粥
用大量嘅糖同煉奶做好嘅粥
確切嘅形容就係 - 牛奶麥皮嘅Texture同甜度
但係換左做粥 所以粘性再強啲
真係似食緊糊仔
最最最緊要都真係壺茶
檯面十之八九都係甜野
有翻壺靚茶有助消滯
同埋清一清口腔果種甜味



今早入廁所痾屎太匆忙
開始痾先發覺 無廁紙
得翻個筒 於是我就細細力搣個筒啲紙皮出來
頂住檔先抹得7788再出去換紙巾抹



事關我真係太鍾意飲奶
而我覺得自己身體啲乳糖酶開始少
所以一飲奶就會有肚痾嘅症狀
呢個明知不可為而為之嘅行為
我稱之為 挑戰極限 作死



今朝食完早餐就去寄Postcard
我難以置信一個郵局可以殘舊到咁
好似隨時 - 下一刻就會倒塌咁
而且入面啲人好似好求其咁 我已經心知不妙
Samarkand最大嘅郵局應該無死掛？
哈！
結果到今時今日，我啲friends都無收過
任何一張烏茲別克嘅明信片
郵局 - 俄文 почта

張紙皮你最後丟咗落廁所沖咗定係丟咗落垃圾桶?

Samarkand無任何地鐵
之前都講過 輕鐵咁嘅交通我都用唔上
呢度係有巴士嘅
Wikiroutes好好咁樣收藏曬所有Samarkand嘅巴士
好似google map咁用就得
Set好起點同終點就可以plan好你點搭車



今日第一個景點 Gur-e-Amir
波斯語譯 - Tomb of the King
無錯 呢度就係只有佢先配"王者"呢個名
帖木兒嘅陵墓拜一拜先
本身佢應該係葬翻去佢出生地Shakhrisabz
但係因為正值冬天
去Shakhrisabz嘅路已經俾雪覆蓋
於是就將佢葬係國家中心-撒爾馬罕
雖然佢嘅規模唔算大
但係都係一座好有特色同埋頗莊嚴嘅陵墓
大家入到陵墓範圍都好靜 尊重翻個場合







呢度除左葬帖木兒之外
都葬左佢2個仔同2個孫
再加埋帖木兒嘅老師
呢度比較出名嘅結構Muqarnas
鐘乳石簷口 - 好似一個個空洞咁
上網睇 呢種設計傳達到伊斯蘭意識形態嘅浩瀚
雖然陵墓唔算話好大
如果要大 大家可以參照東哥喺北京嘅陵
又或者莫斯科克里姆林宮隔離 列寧大哥嘅墓
但係入面嘅金光仿佛好似帖木兒一生戰績
都係咁輝煌











我冇認真研究邊個打邊個
不過黑色棺嘅一定係佢
黑色的棺材像是帶着神秘





呢度有好多雪櫃磁貼
我真係好後悔淨係買左比我個friend
自己宜家一個都無點解咁On9
從現在開始
我都會每個國家買翻個磁貼俾自己
但係都已經太遲 已經成年半

雖然成個陵墓Security就無乜嘅
可以直接去側邊兜入去唔俾門票
不過依我所見個個都好守規矩
俾錢正門入








跟住就去左Bibi-Khanym Mosque
佢係15世紀最大最宏偉嘅清真寺
不過本身佢嘅結構上面有問題
而帖木兒過於性急 要人加快起好
搞到建成之後成日啲圓頂/牆壁剝落

每一日咁樣睇呢啲伊斯蘭Pattern
其實真係唔會悶
因為果種異國風情味太過濃
而我自己都好鍾意睇呢啲藝術味濃嘅野

呢兩日一直都有留意阿富汗局勢
其實係好心痛
一個人民咁善良好客嘅國家
搞成宜家咁樣...
雖然我未去過阿富汗，但係從各個旅遊達人得知
e.g. 冰星火，Drew Binsky等等
都知道阿富汗雖然窮同飽受內戰摧殘
但係人地依然擁有最純真嘅心
歡迎各國嘅人來參觀佢地國家
必定邀請你地入去屋企飲杯茶食個飯甚至安排住宿

冷知識:
喺Arab World 每個阿拉伯家庭
一個陌生人如果來到你屋企
你係需要招呼佢72小時 提供食宿
72小時後先再問佢"有咩可以幫到你?"
以示Hospitality

西方國家的確將阿拉伯世界嘅負面放到最大
無錯，佢地唔識管理國家，人權有問題
但係同時佢地大部分都係一個淳樸嘅群體
其實，有邊個想係咁打仗
你見佢地急急腳走去喀布爾機場就知
佢地係真係驚自己死喺塔利班手上
前任政府係腐敗，但係國民深知
塔利班俾政府恐怖一百倍



塔利班進城之後
電台唔可以再播其他歌，只可以係伊斯蘭歌
所有女人以後都要戴頭巾遮臉
牆上面嘅現代化女性壁報
即刻俾佢地用油漆油白曬


作為一個鍾意去旅遊嘅我
睇到一個國家搞成咁
其實都唔會見到未來10年再有機會去
到時都唔知阿富汗改左做咩名
雖然1-2年前去嘅話 危險依然存在 隨時炸死
但係我相信有生之年重新開關都好
炸你唔死都好
都肯定
國家一大部分變成頹門敗瓦。

唉。

講起好笑
其實個廁紙筒唔夠抹
廁所無垃圾桶
同埋朝早啲人未醒
所以我開左度門一條嚹咁多
見到出面無人就衝出去掉左
然後再喺個廳到抽左幾塊紙巾
再衝入廁所抹乾淨

全程好似小偷咁

推

樓主出post未

對唔住對唔住
最近個人好唔productive
翻工直接唔做野Don't give a shit to anything
不過今日發覺好似再唔update的話
自己又有機會好似上次嘅post咁收左皮
對唔住各位 繼續


歡迎大家翻來繼續
睇我一日都可以講成萬字嘅系列
下午5點鐘離開Bibi Khayum Mosque
過左個馬路 就到左Samarkand另一個好出名打卡嘅地方，亦係超濃厚伊斯蘭色彩嘅墓地


Shah-i-Zinda
翻譯係 The Living King 長存的國王
傳聞公元7世紀
伊斯蘭教先知穆罕默德嘅堂阿哥
鼓吹侵略伊斯蘭教 結果佢俾人beheaded
但係佢竟然奇跡地生存
而佢個頭現時據說仍然存放喺一個井入面
將佢埋葬喺呢個伊斯蘭味咁濃嘅地方
就好似一個好憎食芫茜嘅人
將佢七孔都塞滿臭茜咁樣懲罰
"唔鍾意呀拿？唔鍾意呀拿？"















Shah-i-Zinda
係一堆大約20個建築物組成嘅area
糖癡豆咁泊埋一齊
中間有一條用大理石鋪成嘅通道
可以俾遊客穿梭每棟建築物
因為佢複雜而工整嘅幾何Pattern
加上用色集中 - 今次佢主色係深藍+綠松色
吸引到唔止係遊客
連當地人都會來呢到打卡
講緊係Full gear著好曬costume來呢到
直接搵景影相















呢兩條女搵左好多景同擺啲pose都好屌
當然啦我都唔執輸求其搵人影下相haha
不過普遍拜託人影嘅相都奇奇怪怪
cut頂cut腳影完睇翻好想屌人

拿我影人就例外 因為kind of 偷拍
但係真係好有味道係女人味











不過都有居民搵我影相好開心
有和風打扮嘅姐姐同我影
亦有帶齊一家大細嘅同我影

睇住果家人一齊落樓梯
個男人真係支撐成頭家 好幸福
唔知幸福幾時先降臨到自己度呢唉










好舒服嘅一日
氣溫39度 回落左小小

D磁貼又幾靚

我堆烏茲別克Postcard無記錯係Khiva寄出
4-5個月後先到香港

我有印象好似去過呢個郵局
佢係球場附近
我都係幾個月後收到明信片

我都幾鍾意嗰d馬賽克瓷磚, 百看不厭

晚餐係再次去上次間餐廳
方便又好食

扁豆湯 真係好豆味
全部都係豆蓉 有啲薯蓉feel
但係唔係特別好飲啦
習慣就好


主菜係極度中式
菜名叫"Asia"
醬油牛柳+薯仔+乳房飯
啲汁特別調製過 鹹甜適中
個汁好好送飯 加上個味道係豉油+蠔油
所以真係好中式嘅味道好有小菜嘅feel
我真係唔係好估到係Samarkand最大最知名嘅餐廳
竟然係做到咁平好正呀喂





早餐如是 唔洗我再介紹喇
都係超甜...我今日食已經開始有小小卻步
真係樣樣都甜 連牛油都係無鹽
食完個早餐已經好滯



今日重刷多一次Registan
始終作為烏茲別克著名景點之一
想睇下日頭照射嘅Registan係咩感覺
40蚊門票 比晚間門票貴一倍
喺日光照射下
Islamic Mosaic顯得更清楚
今次完全唔同feel
夜晚嘅感覺似係神秘古堡
日頭感覺係可以自己FF到
以前10幾世紀啲人經絲綢之路來到呢到貿易
同埋幻想得到當時車水馬龍嘅景象
所有花紋同Pattern都因為日照
顯得更清晰 更加有味道









呢到都有唔少當地居民
趁著暑假都一個家族咁款來到Registan

幾年前睇過遊記，佢晨咁早去registan，有職員摟佢地上宣禮塔（當然要錢）

間餐廳好正

Siyob Bazaar
係撒馬爾罕最大最大嘅Bazaar
不過因為真係太多遊客會來
普遍Souvenir都唔平
所以我都係以參觀為主
因為之前都講過我係一個師奶仔
最中意睇下呢個國家或者呢個市集有咩買
本身自己亦都係購物狂+Fruit Maniac
可以係咁食生果都唔厭
留意下每個國家嘅生果係我最喜愛嘅活動

首先映入眼簾嘅係乾果
個感覺好似去左土耳其/新疆咁
各類乾果同埋果仁
可惜我真係唔識欣賞乾左嘅果實
我都係比較鍾意juicy嘅口感



跟住見到嘅係饢
但係聽講Samarkand嘅饢係有唔同
塔什干嘅饢偏軟同濕同有彈性
鬆軟嘅口感 貼近麥包
但係撒馬爾罕嘅饢
因為整體空氣少 密度高
加上烤爐咁樣烤法 無乜水分剩
食起上來又硬又難咬
已經唔係用in un來形容
幾蚊個 一啲都唔貴 因為純麵粉
我有時真係唔知 幾十檔都係95%相似
乜饢都有得揀架咩不知者不罪



另外一樣就係中亞蜜瓜
之前喺哈薩克都有講過 之後發現嘅蜜瓜
簡直驚為天人
講緊每一啖都係純糖 超飽水
1.5-2蚊1公斤左右啦 所以一個都係大約10蚊
佢地個形狀有小小似西班牙蜜瓜
有大大條紋 好似個燈籠咁款
上網搵過資料 據說係唔同蜜瓜品種雜交而成
加上中亞呢啲炎熱乾燥天氣
好適合種植呢啲瓜類 個個都爆汁

肥仔快樂瓜

芒果乾 菠蘿乾好正Wo

係撒馬爾罕嘅最後一晚
竟然我都係去同一間..
宜家有小小後悔
去旅行應該係咁周圍試唔同野架嘛
好啦我知錯喇 但係都無辦法真係去左

今次有個俄籍嘅waitress serve我
通常入得餐廳我劈頭一定係問佢識唔識英文
我相信大家都會/嘗試過咁做
方便佢又方便自己 唔洗雞同鴨講
好可惜地 佢唔識 佢勁係識俄文
咁我問佢有咩好介紹 雞嘅話
佢就話 不如試下呢個招牌菜
"Samarkand" 係佢地嘅Signature
好啦 跟佢應該無死嘅！


飲翻壺普洱滾水先
Чай английский Завтрак
英式早餐茶 English breakfast tea



另外次次都飲湯 今次食沙律啦
求其嗌左個火腿蘑菇雞胸沙律好似好正
好啦 講明先

今餐 再再再次中伏...
沙律來到 屌 個蘑菇好明顯係罐頭
啲雞肉同埋火腿鹹到一個點
雖然佢係冷盤 但係鹹嘅程度
可以用兩碗白飯送飯都無問題
點解可以搞成咁...



但係主菜來講應該都ok掛？
始終對上兩次嘅主菜都係唔算差嘅
今次有埋waitress介紹應該實無死
屌...同之前個牛肉卷差唔多
雞肉卷包著蔬菜粒 再炸
但係屌你 炸粉外層根本已經凍撚曬
個感覺就係微波完再攤翻凍
又林又凍 炸粉好似漿咁
唉 點解我可以成日中伏 嗚呀！





好好笑 行翻屋企見到個交通代理旅行社擺嘅咁樣嘅牌出來
有事業線正呀喂





慢慢開始發覺用錢都幾快
因為日日都大魚大肉同埋搭好多的士
加上之後嘅行程去嘅地區比較落後
同埋比較少銀行
所以睇下今日會唔會都換到小小錢

結果 竟然有人主動approach我
"Hey my friendwanna exchange money?"
草叢中跳出了野生的大叔！
我同佢換左200USD
1500蚊都真係夠洗 1日300都玩到5日啦
通常大家可能換咁少就唔數
記緊一定一定 要喺佢面前再數幾次
因為我一數就發覺 少左30000
即刻問佢攞翻炸炸帝？

真心睇相都feel到幾伏

食野中伏好正常啫, 除非餐餐都做足功課, 諗下喺香港食茶記都成日中伏就無咩意外
BTW, 俄藉waitress連背影都無張

個茄汁「samarkand」

依依不捨地離開Samarkand了
烏茲別克第6日
下一站 Bukhara 布哈拉
出發前再再再食翻Hostel嘅早餐
真係好撚甜 今日食第三次
食個煉奶粥食到一半反胃
真係好撚甜同埋一PAT野
頂唔緊爭啲嘔出來
有啲似果啲醫院胃餐？好撚難食
不過忍痛食清光 因為知道
可能下一間Hostel有機會無得食 (或者都係咁)




食完就搭車去火車站
其實個火車站都算靚 幾新
火車站入邊都有啲伊斯蘭馬賽克
翻新咗嘅火車站顯得特別精神同埋現代化











今日要搭嘅係Afrosiyob Talgo
西班牙快速火車
預計90分鐘就可以到達
加上佢密封情況好啲
特別涼、乾、爽！





俄妹喺左近
不過就...將就睇啦下



我記錄到時速最快係229超快





其實由撒馬爾罕一路向西北
將會越來越接近沙漠地帶
所以溫度相對會再上升
我今日到步嘅Bukhara 係45度
所以落車真係會好難搞 唔敢諗
中間嘅Navoi都有野睇
不過主力去Bukhara就無停到了






隔離有靚女 要影來養下眼架喇



11點15分到達布哈拉 正午時分到
代表曬撚死 不如殺左我ok?






Bukhara火車站位於城市邊邊Kogon
距離Bukhara老城區大約10km左右
搭的士20-30蚊 小巴800SOM
我想盡快到hostel擺低野 所以30蚊上的士算
當然本地人大約只需要比不多於10蚊








可以話Bukhara嘅小巷錯綜複雜
同埋小巷太窄 有時候GPS都用唔著
各個Hostel都有各個Hostel嘅國歌
各個Hostel都有懸掛指示牌
每個十字路口都整翻個方便遊客辨認
狗衝放低野就出去食飯喇 真係好肚餓啦

lm

D 野食真係好劣 搞到冇興趣去

利伸 玻璃胃