[重開再更新] 中亞東歐風情畫 - 畢業遊

我第一次食個d椰菜仔又硬又甘又少少苦...之後就無再試過
正常有無甘苦味?

推

lm

十分抱歉 停左差唔多成個禮拜UPDATE
最近心情頗差 Nothing worked out
關係、工作等付出 惜徒勞無功
「對自己好啲」呢一句講左年幾
發覺到最後都會變左對人地好啲
再三忽略自己傻西瓜

Sheremetyevo機場Terminal外牆充滿著70年代嘅味道
好似之前睇啲美國電影機場片咁















最近 小施正正睇左套Tom Hanks嘅The Terminal
講述男主角家園(虛構蘇聯其中一個成員國)戰亂 passport失效
被迫滯留機場Terminal 且言語不通
電影記錄佢每日生活 e.g. 賺錢、工作
每日除左同機場管理呀頭周旋之外
仲識左個有容貌姣好、有才華嘅空姐
正當以為大家有發展空間嘅時候
發覺空姐仍然沉醉喺花花世界
仍然願意等候每一個傷佢嘅男人
Tom Hanks都知道呢個女人未玩夠 於是決絕揮別
到最後 佢嘅國家終於結束戰爭
可以離開Terminal 去佢自己追尋嘅目標



Terminal 特色就係有 Departures and Arrivals
人生就好似Terminal咁 人來人往
擦身而過嘅人多不勝數
有人走有人來
你以為停低會受人注目、引人注意
真正會為你停低嘅人都有個時限
時間夠 飛機到 就會繼續佢地嘅路程
人生就係咁 生活永不止步
除左要清楚堅定自己目標之外
仲要知道時間對自己嘅重要性



"Time is money so don't f**k with mine."
Jax Jones ft. Raye - You don't know me



成個故事有笑有淚有感人位
推薦大家睇下 一開始我認唔到係Tom Hanks
真係以為佢係俄佬 啲口音真係太似HAHAHA




Aeroflot A320細機仔 明斯克距離莫斯科大約700公里
飛行時間大約90分鐘
小休一下就到，好似飛轉台灣咁
因為已經食飽，而且唔係正餐時間，對個包無乜興趣
留起佢得閒食









PEEKABOO!

80分鐘後
7點半 到達白羅斯明斯克國際機場
落機之後直接行落地面入大堂



意想不到嘅係
一入去映入眼簾嘅唔係Passport Control
而係 行李帶？攞行李？
攞完行李出左道門 已經係Arrival Hall???



過關呢？入境counter呢?
我最驚嘅噩夢開始了...
我走埋去counter問
"Hi I am from Hong Kong, as far as I know Hong Kong is under visa-free regime of Belarus but I guess at least I will have my passport stamped?"
"Where do you come from?"
"Moskva, Russia"
"You cannot enter Belarus from Russia, There is no border with Russia. So it is illegal of you to step in our country."

唔撚係掛！非法入境？

"You cannot go outside of the airport. Hotels will not accept you because you do not have a stamp. Police will come to arrest you. You now have 24 hours to leave Belarus, it is acceptable to take Belarus as a transiting point for other ongoing countries. "
"Anywhere, like Poland or Ukraine?"
"Yes. Next time if you want to visit Belarus, do not come from Russia."

短短5分鐘，由一個輕鬆嘅心情變成繃緊嘅癡線佬
試諗下，你24小時內飛唔出白羅斯嘅話
好聽啲就係滯留喺緩衝區
講白啲 就係非法入境
24小時內要洗脫罪名就要買張機票走佬
白羅斯就唔洗旨意再留低架喇
又要搵一個可以有穩定WIFI嘅地方
再換翻自己香港電話SIM卡(收信用卡短信)
再拜託下香港嘅朋友幫手搵機票
最後搵到第二朝最合理嘅 烏克蘭基輔 580蚊港紙 第二朝出發

當下心情係好憎白羅斯
因為我想講 俄羅斯莫斯科果邊係有出關手續
我仲要睇完資料話俄羅斯重新喺將白羅斯嘅機當成國際航班
所以有齊正常清關手續 咁我心諗
實無死啦今次 而且中亞入白羅斯
中停嘅位基本都係非莫斯科莫屬
點知白羅斯仲係無設立關口
唔好以為有申請VISA就得
重點係 你飛到之後根本係直接入到達大堂
無機會俾你"正式入境"
從來無考慮過第三方國家搭左呢班機要點算
心情好差咁樣度過1晚
仲要半夜FEEL到死靚仔係度搞醒左我一次

唉

烏克蘭國際航空 7點機
入去出境嘅時候 個人仲問我Where is the departure declaration form
出俄羅斯收左啦 本身寫住destination係Minsk, Belarus架嘛
唯有純粹同佢講"Russia border collected it."
白羅斯航空 Belavia
有齊 Belarus + Aviation嘅意思
可惜因為早前Ryanair迫降時間
導致歐盟直接禁止Belavia飛歐洲
亦禁止歐盟成員國營運飛往白羅斯
大家可以上網搵下呢則新聞
CLS 用戰機迫降客機 只為拉人

臨上機之前 個肚又痛
懷疑係琴日食得太多 同埋有飲奶
衝左入去殘廁屙屎
心急衝番出嚟準備登記
點知發覺唔見咗護照留咗喺殘廁入邊
我一出到嚟已經係開始登機
返到去殘廁 發覺已經有人屙緊屎
心急如焚嘅我唯有好唔好意思咁敲左兩下門
當然啦入邊條友就唔撚睬我
再過多5分鐘終於出嚟
同時亦都係Final Call
佢拎住我本Passport出嚟
“Ваш?”
“Да да да!!!!”



烏克蘭國際航空 但係感覺好廉航
Anyway 俾我寄存行李就夠 當地時間8點15分到達基輔KBP
Kiev Borispol International Airport

硬+草青味就係未煮熟
如果係苦嘅話通常都係菜本身
平時我會煮到林晒先食 會少啲機會食到苦味

The Terminal 由真人真事改編。
同你個case真係好鬼似，國家與國家之間嘅程序問題，搞到入唔到境。佢就仲衰d，連遣返都唔得，完全卡死咗喺機場。
你就哂咗錢又哂咗時間，成件事好智障，

有無search過其他人有無相同遭遇？
我一search 白俄羅斯 入境 俄羅斯…出咗大陸網嘅通告…就係講你呢種case

好彩執得返本護照
下次唔好漏低咁多野係廁所

樓主太耐之前去
宜家喺俄羅斯出境佢地會識畀返張紙仔你
下次功課做好啲就得

係咪>4，5年前去白俄，個入境經歷好唔同(出發個terminal都變左)

入境果part超輕鬆
淨係問左一個問題 "Oh you are from Hong Kong?"
"Yes."
CHOP!
完!
果下係開心左
終於重新有國家確認我進入佢國土
我終於唔係非法入境者
終於唔係緩衝區人士

經過左一晚嘅折磨
到達烏克蘭基輔嘅時候
真係心力交瘁
因為要再去Hostel同埋食啲野
尋晚Lounge嘅野+飛機嘅麵包都已經食完
第一時間搵換錢嘅地方
用大約200USD換左小小烏克蘭錢
剩翻300USD 因為烏克蘭當時都係岩岩引入銀聯
所以ATM就算有銀聯標誌都好 仍然未識別到晶片
所以呢500USD係我最後嘅彈藥
去到歐洲一定可以禁到錢
當時匯率係1UAH : 0.3HKD
而且烏克蘭係一個超平嘅國家
所以200USD玩4日其實好多好多

搭個巴士出番市區再轉地鐵
架巴士可以去市郊地鐵站同埋市中心火車站
分別係60同100UAH 但係我選擇左市郊
因為睇到朝早嘅烏克蘭交通十分繁忙好多幹線都係深紅色
所以汽車option唔係特別可靠
相信地鐵會快過巴士 同埋價錢爭一大截
我用錢搭地鐵都仲有剩
精明消費者





落車之後就見到一間連鎖coffee shop
叫做 "AROMA KAVA" 喺烏克蘭有如STARBUCKS嘅地位
但係價錢絕對係蔗渣價錢！
我揀左Iced Latte 同埋 Chocolate mousse cake
呢個set只需80UAH
姐係24蚊咋！
經過左尋日莫斯科一日遊嘅香港升斗市民感覺
重新回到富豪心態 （中亞都係富豪心態）



地鐵 - 烏克蘭採取同一票價乘車制
所以只需入閘果下俾錢就得 出閘無需再check
中亞都係咁 我唔係好記得俄羅斯係咪
因為莫斯科真係幾大



睇下人地電子支付做得幾好 2018年已經apple pay緊
宜家我地用apple pay係用緊張八達通
信用卡乘車都未係可行
3年前嘅我地應該係連NFC八達通 / 嘟QR code都無
真係好落後

巴打我又係18年入過白俄 但我直接搭車入左市區，雖然hostel係唔比我住..不過我本身都係訓一晚就走，洗一洗visa就返俄羅斯..機場上機又無人周鳩我 好在

check-in 左hostel之後
第一時間係沖涼上床 "嘗試訓教"
因為呢24小時對我來講都真係有小小不可思議
所以我仲未平復到心情同埋身體
一直眼光光咁
然後突然想起我既然提早來到烏克蘭
係時候要趁早book切爾諾貝爾tour
因為暑假時間應該好爆滿
而且早鳥有優惠
我搵左一間一日團
係早三日訂嘅話就係69USD
否則就99USD 即刻上網報名
send曬護照啲資料過去人地到
當時嘅護照金粉就已經甩的七七八八
我仲係已經打光左
甩到就來無 根本好難睇到啲字



啱啱巢翻本護照出來
因為2019年我近乎個個月都去一次旅行
所以磨損程度真係超快




大約hea到下午 今日真係無任何動力
決定出去烏克蘭嘅平民飯堂睇下有咩食

一野叫左好多野食
борщ 再次見到 好耐無飲喇
有sour cream嘅紅菜頭湯先係正宗

蘑菇薯蓉 2個都落重牛油同cream
香到癡線 撈埋一齊食超香
淨係食佢都夠飽！
另外奶油羊肉餃子 姐係牛油
食落去個味道好傳統
不過始終因為太正宗 所以皮唔會薄

超值嘅價錢 呢度28蚊港紙

原來可以咁樣洗14日長知識了

大約hea到下午 今日真係無任何動力
決定出去烏克蘭嘅平民飯堂睇下有咩食

一野叫左好多野食
борщ 再次見到 好耐無飲喇
有sour cream嘅紅菜頭湯先係正宗

蘑菇薯蓉 2個都落重牛油同cream
香到癡線 撈埋一齊食超香
淨係食佢都夠飽！
另外奶油羊肉餃子 姐係牛油
食落去個味道好傳統
不過始終因為太正宗 所以皮唔會薄

超值嘅價錢 呢度28蚊港紙

右上黑乜乜個堆咩黎...

多謝巴打分享，希望巴打繼續出呢啲咁高質嘅po

唔好搏 做唔足功課是但一邊做錯嘢都仆街
搭巴士去烏克蘭或者去波羅的海穩陣啲

去芬蘭會好啲既 搭火車入去

個邊啲ikea式飯堂都係樣睇落咁頹但我覺得幾好食

推

2018個年想由愛沙尼亞坐巴士入白俄，又係搵到類似case,唔敢搏所以無去到😫

食完飯就係條街度行下
我個人唔係好鍾意呢啲路
行起上來唔係好舒服
特別係自己著拖鞋行路

踢拖走天涯呢樣習慣應該全部朋友都知
不過真係建議大家買翻一對好著嘅人字拖
個人極度討厭Havaianas
因為佢個底完全無任何彈性
而且越著越扁嘅時候 塊膠硬到打得死人
我推薦 Crocs 真係靚料無得輸
之前有個Chawaii系列 超級好著
而且Chawaii個款比較平 真係似人字拖多啲
唔似得其它款 太過兜好薯好Classic嘅Crocs



貼一貼烏克蘭基輔地鐵路線圖
佢有好多不同站互通設計
好似中環-香港咁互通



今日嘅任務除左買切爾諾貝爾Tour之外
仲要買埋火車飛
我預計自己玩完Kiev同Chernobyl之後
直接搭火車+巴士入Krakow
(對唔住當初慳錢 我認我弱智)

基輔火車站同其他中亞俄羅斯火車站差唔多
都係低月台 而且開放式
可以俾人隨便進入







要買嘅飛係Kiev - Lviv
Lviv係烏克蘭邊境城市，西面接壤波蘭
搭火車一晚時間就到
另外亦都有經Krakow去Warsaw嘅火車
可惜5點半就上車 相信趕唔切
因為嗰日就係去Chernobyl
怕回程塞車 / 行程長
其實已經提早3日訂票
但係硬臥已經無曬
結果只係買得到軟臥
加上自己純粹想訓教同埋不被騷擾
我個人會傾向中意上鋪
因為全世界嘅臥鋪火車都差唔多
總之下鋪就係踏板 / 分享俾人坐
俾貴價錢 但係奴隸般待遇

結果你係下鋪?