[重開再更新] 中亞東歐風情畫 - 畢業遊

幫唔幫d乞衣其實都可以, 不過保證到自己安全先.
萬一你一拎錢出黎, 成村乞衣圍埋黎點算

其實佢沖出嚟果下我真係有啲驚
我以為佢沖出嚟打劫

鬼叫你啱啱作死完, 有心理陰影.
如果無之前個件事, 你應該都畀咗錢d乞衣.

Havo yo’llari
Havo意思解 air y'ol之前見過 解road
呢度就係解Airline
因為都係突厥文
土耳其文入面
airline係hava yolları 所以係好相似
無記錯烏茲別克文同土耳其文互通程度80%
而同維吾爾文互通程度係90%
（奇怪的知識增加了！）

好少會有大機搭嘅烏茲別克航空
係國營航空 政府所擁有
烏茲別克航空嘅國際線俾鄰國嘅航空公司貴幾百蚊
例如阿拉木圖飛塔什干 Air Astana 800 佢就要1200
國內線算係affordable 200-400
但係特登搭去機場嘅話 咁都係不如搭火車/Shared Taxi好過
但係Nukus去Tashkent成1000公里
無可能搭火車2 3個鐘到
所以都係飛機
點解會去Nukus飛而唔喺Urgench就飛
因為想去埋Nukus？唔係
其一 Nukus唔係無景睇
而係出去睇果隻擱淺喺乾涸Aral Sea嘅船時間需要一日
離開嘅機票一早買好
而且 Urgench原來喺3日前就開始翻新機場
所有航班取消 得返最近都要Nukus
Urgench翻翻落Bukhara真係太耐了
所以唯有 被迫一路向西
Nukus呢班機搭唔到/取消嘅話 我就玩完



起飛之後 諗住有啲野食下
sorry 得一杯橙汁飲料 姐係甜死人
我發覺佢地講英文都算係無東歐accent 啲喉嚨音係無嘅
但係講英文就好似唱緊歌咁有平仄





最憎經停 係上面唔知做咩好
今次係我第二次搭經停嘅飛機
第一次搭係67年前去河北石家莊 經停洛陽
玩過下Error Fare 100蚊有交易真係好抵 所以試下
國際經停之後變國內機
所以係洛陽先入境之後先繼續飛
你唔眼訓都俾呢啲程序搞到眼訓
特別今晚要休息 真係折磨

哇, 會停站嘅飛機真係未搭過...停一停半個鐘起唔起到飛?

我估最快係半個鐘
國內線平均八個字
國際線就1個鐘起跳

你諗吓要降落
降落完之後又落客
落晒客先可以上客
上到咁上下就要Final call
關閉艙門之後又要Taxi
好嘥時間真係

國內線最長途我諗
深圳飛烏魯木齊 停武漢蘭州
俄羅斯海參崴飛莫斯科 停新西伯利亞

國際線長途出名瘋狂經停嘅地方就係非洲
全程10個鐘可以停三次
名副其實 空中巴士

香港人可以搭EK ET RJ去曼谷
ET去東京
都係因為人哋有特別嘅經停
第五航權萬歲

痴筋，拍得住轉機…仲要你係無得落機…參觀下個機場都唔得

nukus個邊咁窮會唔會好危險呀咁?

落機之後衝出去Terminal
全部都係的士 大約15蚊一個
我上網睇6至8蚊位
所以係到格價 一開價
啲的士佬都笑左兩聲然後開走左
發覺自己有啲傻 搵自己嘅休息時間較飛
所以底線係唔多過12蚊
個重點係 你重要同人解釋Hostel係邊
呢下先麻煩 要佢睇完Map再報價
所以都係快快趣趣搞掂算數

最後10蚊有交易上車 凌晨12點45分到
去到最後一個Hostel
將所有嘅烏茲別克錢換曬做美金
身上剩一張50000SOM + 8張1000SOM 姐係58蚊
所以你明白點解我咁度縮
容乜易一陣去錯地方要再飛的
然後50蚊太大張佢無錢找咪67
最後8蚊大約等於1蚊美金 換左7蚊美金

其實根本訓唔著 因為成晚都太奔波
所以精神上都係屬於亢奮狀態
只可以沖完涼之後閉目養神
大約閉目到2點半左右就啟程走人

因為佢果度距離機場大約1.5公里
所以徒步行過去都OK
同埋因為呢次嘅旅行
我對步程嘅忍耐程度提高到3km
意思姐係 3km以內如果截唔到車嘅話
我會照樣行去真心癲狗



你可能會問 明明1.5km路程
點解你落機唔行過去 要飛的去
講價嘅時間都浪費曬 不如行路啦傻仔
原因係 塔什干國際同國內線機場唔互通
唔互通嘅程度係 直線距離都差唔多1公里
而且一個南一個北 揸翻過去都要成5分鐘
所以落機之後係無可能行過去Hostel

呢個廢老會唔會太肥 個磅係KG計
122KG都真係壓死人



今次要搭嘅係俄羅斯航空 Russian Aeroflot
由Tashkent飛去Moscow Sheremetyevo
之後行一個朝早散下步 再飛去白羅斯明斯克Minsk
以我所知 俄羅斯莫斯科有5個機場
比較出名就係Vnukovo, Domodedovo, Sheremetyevo

Sheremetyevo 係第二大嘅
應該係最多機最出名嘅莫斯科機場
而且係俄羅斯航空嘅樞紐機場 姐係地盤
而且好似係得佢呢個機場先有中文顯示
姐係俄文、英文、中文 三語字幕
中俄一家親

今次係我第一次來Sheremetyevo
以前搭土耳其航空係去Vnukovo機場
感覺唔係好大
今次終於可以一睹面貌
因為我買左service 變左係Sky Priority Elite Plus
(姐係啲航空公司金會員)
櫃檯嘅哥哥仔勁好人 竟然係度練習英文同中文！
佢同我講普通話不過真係好好服務
佢幫我行李唔直掛
可以俾我有機會喺莫斯科買完野再寄存
唔知點解無自己航空公司張登記證
要借用烏茲別克航空嘅



啟程 之前！
食啲野先 入下個Lounge睇下仲有咩可以填下肚
個人好鍾意睇下lounge有咩食
話左我係好中意食野嘅死肥仔
臨走填下肚之餘 睇下last minute
仲有咩地道嘅烏茲別克食物

點知 得布林餅 而且係包住酸乳酪嘅布林餅
算係幾難食嘅野 而且係凍嘅
算啦3點幾唔奢求啲咩

係啦講講出境手續 大家記得記得
唔好掉左任何一張Hostel / Hotel Registration Card
佢好嚴格監管遊客去向
我咪有一晚係火車嘅
你都要上繳火車飛做reference
入唔到境最多翻轉頭
出境係最緊要 唔好搞到滯留啊 一定要keep好
我自己會帶一個證件袋 入好曬呢啲野
唔見左銀包唔緊要(都緊要不過)
證件先係最緊要啊

相對危險嘅
因為其實都係定律
唔係大城市嘅話
治安人手一定會少啲
自然風險會高少少
不過盡量唔好作死好似我咁就得
只要做足安全措施
你就會對自己有最大嘅保障

Sheremetyevo, 我去過轉機, 本黎有1小時50分鐘轉機時間...點知起飛delay咗成個鐘
轉機又要安檢, 結果無時間兜下個機場...路過嘅位覺得個機場都幾靚, 超多鋪, 唔差過香港機場.

好耐冇搭過凌晨機
04:45嘅機 半個鐘前Final Call
終於要離開中亞呢個Comfort Zone
其實中亞除咗簽證同埋機票之外
係一個好容易玩嘅國家
物價低到你唔需要考慮任何野
就可以俾錢
同埋真係一個幾特別嘅感受
每個中亞國家都有唔同嘅特色
冇去到土庫曼地獄之門
同埋塔吉克帕米爾高原
係我留低嘅遺憾
希望疫情過去左之後
可以有機會比我返去中亞


不經不覺原來俄羅斯航空已經差唔多100年歷史
由佢嘅標誌已經見到
濃厚嘅共產主義特色


上到機基本上即刻瞓着
因為搞咗咁耐
終於坐低 係一個放鬆嘅狀態
唔需要再擔心出境問題、怕自己Miss咗班機

瞓到咁上下就有嘢食
其實都算係豐富
又有沙律又有包 又有朱古力(足球)
左下角個賣相唔係特別討好
佢類似係葡汁焗魚柳
但係好似人哋啱啱去完廁所咁樣


繼續瞓多一個鐘之後再起身
發覺突然間個膊頭有啲重
望一望原來 隔離個俄羅斯女仔已經瞓咗落嚟
我又唔好意思嘈醒佢
所以我決定繼續瞓
始終呢一程機大約飛四至五個鐘
夠晒時間俾我補眠
所以要爭取時間休息
然後再喺莫斯科紅場附近周圍兜

我nukus唱錢數果下太攰俾班仆街拎左等值16usd 既SOM都唔知

啲友仔咩都好
就係一見到錢就衰古惑
成日借d意數少俾你
唔當面check就你自己蝕底

可能太少烏雞入面中伏無左戒心，我係個街巿唱100usd，數左頭50啱數，犯左低級錯誤，唔知我叫其中一個人幫我渣住佢定佢見我有d狼狽幫我渣住（你知唱錢時候個個都趕頭趕命想快d走人），數埋剩低果50usd見啱，就係佢手上拎返頭先果一半，俾佢學左大偉高泊飛咁抽走左16usd，夜晚心血來潮數先發現

如果係暗瘡肥婆你仲會唔會畀佢瞓落嚟？

我想講佢已經好肥
佢手臂同我一樣粗

莫斯科 GTC+3 比Bukhara再慢2小時
比香港慢5小時 基本上8點鐘所有friends都訓著曬喇
而且跟住落去90%嘅國家(波蘭除外)都係+3
所以呢邊日落之後就完全係Me time
所有時間都係自己度過喇

到達莫斯科時間: 0700
成個機場都係俄航嘅機 有大有細
真真正正係佢嘅主場 鮮明嘅旗幟可以肯定
自己到達俄羅斯領土



過關有小小小小阻滯 因為我本護照之前有濕水
所以有啲曲 之餘
封面嘅金粉已經甩左8成 (我宜家睇係9成)
姐係要用唔同角度先睇到上面啲中英文字
入境處個Babushka仲用英文問我
"What happened to your passport?"
"Nothing happened. "我真係咁樣答佢

入境之後有種做完一大壯舉翻左屋企嘅感覺
因為中亞真係幾辛苦 而且超熱
俄羅斯目前氣溫20度左右 所以超涼爽
加上終於翻去一個發達城市
好多野都唔洗plan 好可靠
留意翻 即使我宜家呢刻只有WIFI
出到機場無上網 我都完全唔驚
一來來過所以都算係認到下路
二來 莫斯科資訊好updated
所以有offline map就夠 完全識睇
三來 自己一路走來
都係先入境再settle呢啲上網問題
更何況先得個一朝早嘅時間 完全唔驚

落去行李寄存見到 500rub一日
當時都已經回落翻去7.6算 所以成70蚊真係有啲貴
我決定全程拖住我嘅花花行李行一日



出去莫斯科市中心嘅小巴 盛惠280rub
唔算貴 同埋都算係超近克里姆林宮同埋紅場
所以直接上車喇
回歸ATM嘅生活 就係可以直接提款
剩低嘅美金長期待命
因為有機會烏克蘭一陣又無ATM提款

明顯現代化好多
同海參崴都係一樣style



去左間coffee shop食小小野先
係好傳統嘅俄羅斯燉牛肉
因為有薯仔 所以就唔需要再叫包或者三文治
咖啡好易叫 基本上佢地都係直接翻譯英文
我飲開Iced Latte 唔落糖係 без сахара Without Sugar





來到紅場同克里姆林宮
果種東歐嘅味道就出曬來







宜家好似搞緊function
俄妹(大媽)載歌載舞
有片:https://vimeo.com/633610275



循例影下個靚靚花花喼

皮膚唔差，坐咁多次飛機,隔離次次都都係中年人多

紅場隔離有個好出名嘅Shopping Mall
叫做ГУМ 唔係GYM
英文係GUM 唔係讀甘 係讀GOOOM
係遊客商場 入去基本上都無咩值得買
純粹一睹風貌用





不過入面都有間出名嘅飯堂
Столовая 57 - 57號飯堂
因為早前都同大家介紹過
中亞同東歐都有一種叫столовая嘅食堂
如果唔記得左係咩 簡單啲來講
姐係IKEA嘅瑞典美食廊 要咩攞咩逐樣計錢
不過呢個係貴價版
你問野食有無升級到？哈哈

我都一試我俄文 唔自己搵 直接去Concierge問路
俄妹見我好努力咁講俄文
都笑一笑 然後儲左一啖氣同我講
行樓梯到二樓之後轉左直行行到最後佢就喺你嘅左手邊
Kомбинат хорошего питания
Combination of Good Food好似好正



其實一年前食過一次
就係貪佢咩都有得揀有得食
門口棟左個告示
英文同俄文都差唔多意思
但係中文明顯係 同你班佬講多都曬氣



你應該發覺我已經食左一轉
所以我真係幾飽 就無點食主菜
呢個飯堂好多野選擇 由飲品 e.g. Kompot, Yogurt
去到沙律、麵包、主菜、甜品都有





因為之前都食過蜂蜜蛋糕Medovik
所以就揀左朱古力蛋糕"Prague"
左下角係芝士燉忌廉蘑菇
然後炒蛋係我又再作死
佢嘅炒蛋close up就見到係Dill炒蛋
底下仔細睇我再加左30蚊加條熟嘅希靈魚柳

成檯大約90蚊左右啦 唔好計較咁多



最緊要食得開心 幾耐無食過好西呀
朱古力蛋糕真係好好食
真係有朱古力味 唔係死甜
蛋糕同Mousse嘅間隔 做得啱啱好
佢出面仲有黑朱古力嘅coating





BTW，出左穆斯林嘅國度
代表 - 豬肉回歸喇
我嘅朋友日日問我幾時食豬肉？
宜家可以食喇

今朝有啲雨 但係一落機就已經停左
所以都帶左件風䄛以防太凍
大家都要記得 旅行除非去一啲氣溫完全唔會變嘅國家
e.g.泰國 冬天去都29度 etc
否則點都要準備防風/禦寒/炎熱天會著嘅衫
費事一陣措手不及 冷親/中暑就好麻煩喇

你個幾碟野仲頹過ikea

好鍾意依類模式，多選擇 唔怕叫完 同相象中有落差，價值又唔貴

Update update. 睇左咁耐 到俄羅斯喇

莫斯科地鐵
我自己係之前都仲有張地鐵卡
叫做Тройка 我就埋counter入200rub就夠
姐係大約26蚊左右 夠搭架喇

去翻頭先個站搭翻小巴翻機場
就咁你都會見到
中英俄三種語言出現喺Terminal

跟住落來就係莫斯科飛去明斯克
因為要再托運行李，所以都要去翻check-in counter搞
見個地勤見到我本passport之後就係咁打電話
但係又唔同我講咩事 其實有小小緊張
不過最後都順利俾到張登記證俾我
我以前成日以為呢張野就叫做機票
唔知有無人同我一樣始終車票就係一張野
咁機票都係一張野姐點知人地有名
張飛左下角寫住счастливого пути! 旅途愉快!
正正係之前吉爾吉斯離境嘅時候寫住嘅俄文



因為個胃係長期不滿足 所以又入lounge
好多人都覺得入Lounge係遙不可及嘅事
其實有番一張合適嘅信用卡就入得喇
(並非賣廣告)
之前無論係AE CX Elite卡
定係再貴啲 AE 白金卡 都係可以俾你喺香港、日本
甚至全球都可以使用休息室
其實唔係啲咩尊貴禮遇
亦唔一定要飛夠數先可以入
只要你俾啲心機研究就可以喇
宜家有張Crypto Debit Card都送Loungekey會籍
大家自己上網睇下啦

呢個係Aeroflot商務休息室
盡最後一秒食到嘔再上機



啲椰菜bb好好食 一啖一個 又林
全日食得咁開心又睇埋紅牆
點都估唔到 一個罪名即將落到我頭上



因為我係SkyTeam金卡會員
所以直接行快捷通道上機唔洗排隊啦
因為唔係啲咩重要航班
(成個歐洲線都唔係，起碼飛亞洲或者美國先係重點航班)
所以好大機會要坐Shuttle出去登機嘅
今日天氣真係一般 叫做好過落雨
陰陰地嘅天 都算係好舒服

推