[重開再更新] 中亞東歐風情畫 - 畢業遊

強貼留名

搞到我見到波叔嘅影子

Доброе утро, друзья 早晨朋友們

話咁快就要離開塔什干
辛辛苦苦來到咁快就走
老實講其實隔左咁耐終於接觸到地鐵
其實係有小小興奮少有嘅現在化
不過之後嘅行程更加吸引88

塔什干有兩個火車站 一個中央火車站
一個係南部火車站Южный вокзал
烏茲別克語叫做Janubiy (照讀就得Janoo B)
中央火車站主要係停靠國際列車同埋高速列車來往Samarkand、Navoi、Bukhara
而南部火車站就係負責國內所有普通速度嘅列車
因為我搭嘅呢架車停站少同埋都算係快車
加上高速車去Samarkand已經超過100蚊
我呢架車都係慢40分鐘左右平50蚊 不完美但可接受
(宜家就唔會啦 幾十蚊俾佢啦)

個host教左我download Yandex Go
歐洲/東歐/中亞地區嘅Uber App
由Hostel去Janubiy Vokzal 大約需要17蚊





聽講呢個站都係最近翻新完
見到公園咁款仲有噴水池
講緊係朝早8點就開
呢度反而比哈薩克用吉爾吉斯嚴少少
佢真係會入火車站之前
要check護照、車飛同埋行李
確保你有飛、搭車嘅人真係你







烏茲別克開始就真係好少大嬸
主要都係大叔同埋後生仔做列車員
同埋最鍾意佢哋沉默寡言
唔使嘈住晒







車廂入面未開車之前係無冷氣
但係因為開左車就有 所以啲窗唔會開





車程大約3個鐘左右 中午到達Samarkand



開左車大約30分鐘之後有冷氣有電視睇
算係播碟 因為啲節目來來去去都係一樣
我幾中意個廁所 因為係坐廁同埋唔係鐵板
起碼唔洗一坐落去個屎忽凍一凍



車廂主要都係軟座格局
每一個包廂六張凳





對面個德國妹隻腳又大
隊晒過嚟

Please do not attack me Gipsy woman
Why she say she want to fuck?
https://youtu.be/5S4bm3bAt9Y?t=148

Samarkand 1155早到左



早前喺哈薩克都有講過
佢地有高速鐵路 西班牙Talgo列車
而烏茲別克呢度都有
不過就無臥鋪 來回Tashkent-Bukhara
因為其他地段一來行唔得快
二來未有電氣化 (當年Bukhara以西北嘅都無)
局限於呢個路段
呢堆車被命名為Afrosiyob
Afrosiyob係Samarkand一個古老遺址
考古人員喺嗰度起出大量壁畫

可以再欣賞一下藍白綠呢個襯色
不得了







Samarkand有類似輕鐵嘅列車
但係我一次都無搭過 因為Samarkand嘅電車係去新區
但係絕大部分遺址同埋景點都係喺老城區
所以無緣搭喇



出城平嘅可以搭巴士 1200SOM
呢度有個不成文規定
就係1200SOM 一係你俾齊頭
如果唔係你比2000嘅話 只會找500SOM比你
我都有見到有啲婦人真係會聲討埋果300SOM
錢來架嘛係咪先



要喺烏茲別克旅遊
必須要有合法住宿地點寫張Registration card比你
註明你喺邊度住左幾多日
確保你每一日都唔係訓街同埋唔知去左邊
因為離境嘅時候會check+收翻
我都有了解過 過夜火車可以出示車飛



辦理好住宿手續之後
真係太肚餓了 因為一早就趕火車
hostel果度要8點半先有早餐 我食唔到
Samarkand氣溫達40度 Tashkent先37度
要捱到去餐廳之前
起碼要降溫同埋補給小小
買左個雪糕三文治續命 6蚊



Samarkand算係遊客城市
去到鋪頭買支水 2L要4蚊(平時買開$2.5)
果粒橙(Cappy)因為係進口
450ml樽裝要10蚊(見下圖，其實就係果粒橙)

有呀一直到宜家都學緊
真係方便左唔少 即使我唔係識好多
只要識拼就已經識左一半
特別係用一啲只有俄文嘅地圖 e.g. 2gis maps.me
識俄文可以即刻locate到自己位置

不過我之前都有講
學小小基本對話係ok嘅
唔學嘅話用國際語言 - 手勢 都得嘅

鬼妹輪廓亞洲氣質

Afrosiyob 好快又有野食
好似坐頭等過大海

幾年前去烏茲別克d門票真係亂鳩黎，講價又得，睇完又可以俾hostel d人再用，仲勁多後門可以繞過買飛

冇對比冇傷害

100SOM至1000SOM出產左好耐(1997年)
所以係用緊西里爾字母書寫

由5蚊開始到50蚊 (甚至100蚊)
用翻拉丁字母書寫烏茲別克文



其實有個好處就係只要你記得點串
係咁依照讀就得 方便好多
特別係認地方例如廁所 HOJATHONA

今日嘅呢間餐廳之後會食多幾次
佢就係Cafe Samarkand
基本上我諗係遊客來到都會推薦
係所有人都推薦呢間
佢應該係Samarkand最大最受歡迎嘅餐廳
華麗裝潢 夜晚仲會有人表演唱歌
個感覺有小小似中菜館格局






今日Lunch 一個湯一個菜一個飯一個茶

湯 - 麵條肉丸湯
的確 佢地唔叫做肉丸湯麵
而麵條只係配菜 因為佢啲麵好碎
湯為主 湯頭係雞湯
上面放啲dill 最憎
算係一個傳統嘅俄菜
超級市場都會有呢個湯包
買過一次來食 味精重到



主菜 Fricassee
簡單啲就係 蘑菇醬燴雞肉
有啲西式嘅感覺 真係好耐無食過蘑菇醬
佢將蘑菇切碎變蓉，加入cooking cream同牛油一齊煮成醬汁，除左極度突出蘑菇嘅味道之外，同時亦都係一個好香奶味嘅醬汁，送飯真係一流
btw嗰幾滴係茄汁無了






另外佢個飯先搞笑
砌到好似一對奶咁
重要親自加2粒lin俾佢
再係上面種花咩審美觀



埋單超平講緊個主菜20蚊都唔洗
又飯又湯又主菜又茶
再加夠你15蚊服務費
埋單總數50蚊都唔洗呀
坐得又舒服，冷氣又夠，啲Staff好Friendly
難以置信咁抵食質素咁好嘅餐廳賣咁平

未見過lin生毛?

由於食完飯之後翻左Hostel處理一啲私人野
咁就搞左我3個鐘
出翻來已經6點幾 不過都仲係可以睇野架！
Hostel就俾左張map我
圈起左邊啲係必須去
大家可以見到Registan佢圈多左幾下
其實大家來Samarkand都一定一定係睇Registan
其次就係周邊都會有其他遺跡
E.g.帖木兒陵墓 - 的確，帖木兒葬係Samarkand
佢嘅出生地Shahrisabz
反而葬左佢老豆同佢個仔

跟住落來要介紹嘅就係成個Grad trip
第二個最深刻嘅景點 - Registan
（第一個係新疆吐魯番）
Registan 位於帖木兒帝國首都
撒馬爾罕Samarkand正中心
Registan係一個廣場
registan係波斯話ریگستان 意思係沙漠
雖然時間已經係開始入夜
但係Registan係有夜間門票嘅
20000SOM左右 正價40000SOM
其實都唔貴嘅

Samarkand無啲咩Yandex Taxi或者其他Taxi app
佢地全部都係Shared Taxi 人頭計費
普遍1-2公里價錢3蚊 當然佢見你遊客就自然5-6蚊
你絕對可以Bargain到3蚊
我長期遇到4蚊都唔上
當然啦你可以話 一蚊跌都跌左
咪當係順便練下講價能力囉

我想講嘅係 我未落的士 喺窗到望到對面嘅Registan
我嘴巴已經合不上 係咁細細聲"哇"
真係好靚好靚......一落車我真係忍唔住哇左出聲

好 撚 靚 呀 媽 呀

即使日落導致好似小小背光
但係成個景係PERFECT
好似瞬間翻左去15世紀帖木兒帝國嘅感覺
面前嘅景象同建築物 好似唔係人起嘅咁
因為真係過分地靚
特別係唔同嘅幾何Pattern配住唔同嘅顏色
根本當下無法用言語來形容
果種喜悅係絕對按捺不住 係咁哇哇聲
好似個傻仔咁咧口大笑
忍唔住即刻打左Video Call俾老母
即時同佢Share呢份喜悅同埋Share面前嘅靚景
可能我影得唔夠靚 但係個畫面真係好震撼
我重要即刻開ig live 激動到傻左




對唔住頭先有啲撒野
宜家繼續
Registan廣場大家見到 有3座建築物
分別係3所學校 - Madrasah (之前講過)

第一所 - Ulugh Beg Madrasah 1417-1420年落成
由帖木兒嘅孫 - 烏魯伯格興建 (係咪朱西伯格啲fd)
大家見到建築物都無任何人像
甚至係帖木兒個樣都無
因為伊斯蘭教本身就係禁止偶像崇拜呢樣野
所以連先知穆罕默德都無架
而建築物外牆圖案設計
主要利用幾何圖案同埋書法



第二所 - Sher-Dor Madrasah 1619-1636年落成
呢個200年後先建成嘅經學院
原先係一個小型交易市場
可以見到係門面有老虎
營造生物同埋旭日東升嘅景象







200SOM嘅圖案就正正係呢隻老虎


第三所 - Tilya-Kori Madrasah 1646-1660年落成
10年後興建嘅經學院
佢除左曾經係住宿學院之外
仲曾經擔當清真寺
重點係，佢嘅主殿，鑲有巨量黃金
大家可以睇下佢嘅主殿配合燈光下
真真正正黃到金
我都想住呢間hall日日咁樣欣賞大師作
仲有咁多黃金可以望會唔會太養眼















入夜之後，越發輝煌
靛藍的夜空映襯著三所經學院
使宏偉的建築增添幾分神秘感
曾經嘅帖木兒帝國建築
到宜家仍然受世人景仰不惜跋涉萬里
都要親臨一睹驚世藝術
雖然我用垃圾iPhone影
但係絲毫唔會影響佢本身建築物果種氣息
今晚真係真係好滿足
我7點坐到9點半去到佢清場我先走
真係太靚喇

中亞真係好靚
多謝樓主

你寫得好有趣
Emoji 都用得恰到好處
好好睇

有冇後悔冇帶相機去影

離開左Registan
我同自己講 日頭一定要再來過
要集齊日頭同夜晚嘅景
直到今日我去其他地方
都未再有過呢種回到過去嘅感覺
真係好難得

好啦9點幾其實都要食飯
肚仔餓又九點幾可以食咩呢?
係Registan對面附近有啲餐廳仔
係唔少打工仔同埋家庭聚會嘅地方
有啲野食下啤啤佢咁樣
咁夜就無咩挑剔 加上佢係咁招手叫我入去
咁就去啦 旅行最緊要就係放膽嘗試

坐果啲要盤腳坐嘅檯
對我來講無疑係辛苦死
可惜 今晚真係幾Full 好多檯都坐滿人
所以將就下啦忍一忍



今晚又叫翻中亞特色菜 Lagman 15蚊
有肉有菜有麵 不過呢度比較得意
佢擺一PAT茄膏咁樣俾我
撈左之後真係酸好多同濃味好多

拿！留意翻係會變得無咁好食架！

茄膏係煮送用來提升菜式番茄味同酸味
亦靠加熱嘅過程散發走多餘嘅酸味
番茄味都係靠加熱先會突出
你咁樣直接暴力加茄膏
真係會令碗野直接酸曬又無乜茄味
同埋Lagman個湯頭本身就(應該)有用茄膏去熬製
所以呢pat野係畫蛇添足
我自己煮一大鍋lagman
材料入面都係用得2羹茄膏 呢到咁細碗就1羹
可想而知其實碗野如果well mixed會有幾難食

西瓜 4蚊
我本身以為 吖有西瓜 正呀喂
辛苦左成日 就係要食啲甜野解渴野
西瓜就啱曬！

點知 佢原來根本無雪過個西瓜
上來我即刻咬一啖
咦 仆你個街 暖嘅喂？
我人生第一次食溫熱嘅西瓜
估計佢較早前已經切好
因為個西瓜一滴西瓜汁都無
佢除左暖之外 仲有一陣餿味
我就知道 個西瓜已經變質了
我食左2舊 真係頂唔順 要放低餐具
搞唔掂啊屌你 點食呀成餐都係劣

好在 個茶係正常 12蚊
當我從吉爾吉斯發現
原來去餐廳叫茶+檸檬佢係會附送一碟蜜糖
可以俾我喺杯茶到加甜 勁好飲
酸甜開胃解膩 一次滿足3個願望




另外都叫左1串kebab
拿拿拿 又要留意翻
kebab 意解串燒
好多人將kebab DONER 當左係kebab
兩樣野來架 doner入面啲肉先係叫kebab
我諗大家都唔一定知道
都算係凍凍地嘅冷知識
呢串叫做kefta 8蚊 (其他肉6蚊)
就咁睇都知佢唔係就咁串肉上去
而係剁碎牛肉羊肉
再mix洋蔥、蒜頭、perhaps仲有芫茜
食落去有咬口嘅 唔係真係免治
個mixture係幾唔錯 成餐最好食嘅野
真係好慘，又要食劣食



食飽飯都係叫的士返屋企
伸隻手出去截就搞掂
咁當然自己要留意番
企嘅嗰個方向係咪都順路返屋企
$3搞得掂嘅嘢就唔好俾多左

好滿足咁樣過咗一日

都多謝你睇我篇遊記感恩
日後開關有機會真係要去下呀

Your comment really made my day開心仔
多謝大佬欣賞

少後悔
不過我唔識用相機死蠢
宜家自己有最新嘅iPhone
佢個鏡頭好似都ok...?
影下夜景都夠做...?

Registan 對面真係黑店
去完Registan 太興奮
無睇餐牌就叫野食
最後被呃錢

影出黎應該係兩回事（利仲唔識用）

係烏食野有冇肚痛？

Registan真係好撚靚

嘩 飛機餐嚟講算大份