老實講依家商業足球
球會根本上係一盤生意
老細始終係想賺錢
我都好佩服畢爾包堅持剩係靠本地巴斯克球員都可以keep住有唔錯嘅成績
但係歐洲頂級聯賽有幾多隊重用本地球員/自家青訓而有畢爾包嘅實力?
計埋阿積士,加埋5隊都唔知有冇
中下游球隊有好成績冇錯係好勵志
李城攞英超都好令人興奮
但係結果就係大部份中下游球隊下一季踢歐洲賽賺錢
要兼顧盃賽結果連上季聯賽嘅成績都keep唔返
而格硬擴軍備戰歐洲賽又冇好成績
自然要賣主力填數
當然中下游球隊就冇牙力留一線球員
連人工都畀唔起
例子有當年列斯聯,重返英超後嘅修咸頓,奪冠嘅李城,仲有摩納哥阿積士等等
有邊隊唔係一有好成績就畀人拆骨?
有邊個老細會嫌錢腥企硬唔賣?
球員賣到好價錢
就算係阿仙奴呢啲大球會咪又係要放人賺錢
仲未計商業足球下
大把老細都唔係有心搞好隊波
衰嘅就好似找卡數老細咁直頭搞死隊波
或者好似摩納哥咁畀油王玩一兩季變condom
成班油王買球會當係買玩具咁無限金錢
傳統豪門唔搵機會賺錢你養埋班球星呀
武肺搞到連大球會都頂唔住冇錢出糧找轉會費還錢
憑咩叫大球會養埋班中下游
生意嚟架咋家下有親呀