游學修和蕭若元有過這樣的網上對話

台灣電影早10年得幾十蚊票房到而家上返黎。。。靠既都係自己。。。。只係你香港人唔buy自己果d。。。。狂舞派輸俾劉華就係例子

簡介
香港 d 廠佬論真係深入 DNA.

- 香港市場細 (90 年代香港人口 570 > 660 萬, 一樣有西片)
- 香港成本高, 唔可以太多人拍 (只從電腦運算能力加強, 成本差唔多中和)
- 相信命運, 好彩, 執到 (守株待兔心態, 做咩一窩蜂, 一定愛紅海唔係藍海)
- Low Tech 撈粗野, High Tech 揩大野 (唔輸就係贏, 其實不進則退)

上面有人講無咗團火, 其實再白 d 係再無左個夢. 娛樂圈中既影視另名夢工場 (唔係講緊 Dreamworks).

電影興衰
集中講電影. 所有人想係睇戲入面搵到一 d 特別角度 - 富貴逼人入面一家, 逃學威龍入面既周星星, 之後既古惑仔, 黃飛鴻 ... 到三年又三年既臥底 ...

呢四十年香港一樣有高低, 但係每每都有新野爆出嚟. 香港既末落並唔係上面廠佬講既原因理由, 而係香港上一代食慣咗大陸鴉片一早已經被 "圈養".

大陸要乜就乜, 唔俾乜就唔做 (十年前都有大陸版香港版, 家下做都唔撚做) 因為人民幣蓋掩咗對眼. 最後同香港工業一樣搬咗上大陸再落唔返嚟.

事實定幻覺
但係好多人忘記咗香港人同中國人就算係同種, 氣質都係唔同. 香港人既魅力只可抄襲不可複製. 當年香港人靠既唔係大陸, 而係東南亞, 再流到西方. 所以中國人永遠拍得似, 但係唔出香港既戲.

西片由阿甘正傳年代開始入侵香港, 大製作大畫面將夢呢個印象加深先多人睇. 但係香港既片一樣繼續有得做, 直到大陸經濟起飛吸盡人才之後先變死水.

南韓電影點解跑得出, 係食咗香港既空檔加上嚐試西化後既結果. 南韓電影唔會有香港既綁手綁腳乜野戇鳩低能都夠膽死. 香港元素加上技術就取代咗香港. 全東南亞都係韓潮.

香港如何自處
其實廣東話思想下香港人既文化係無消失, 只不過要睇餸食飯同盡量利用網絡去推廣文化. 雖然國安法下又多咗條紅線. 其實拍小品, 或者用故事覆搭救都可以令香港繼續出片. 香港人要既唔好醒繼續發夢.

有種片類係呢個世界每一秒都有人睇緊, 就係咸片. 佢地帶俾觀眾就係永遠實現唔到既夢. 呢個就係有收視既原因.

香港得唔得, 睇返上年口罩個個話香港做唔到九千幾萬個理由就知道. 結果香港生產口罩之多賣唔晒. 當然佢地有無進一步外銷定係執笠就算我無跟進.

但係香港要做, 一定繼續有得做. 唔做, 只係你唔想做已.

蕭若元：「當日香港有呢個電影業，係天時地利人和，係撞彩撞番嚟嘅結果。」

呢個真

由香港人開始乜都以食譚仔撈佬麻辣嘢為樂，主流唔再係食粵菜同廣東潮州粉麵就知

香港會遂啲失去自己文化，無論係飲食方面，定娛樂業。

Btw, 反而好青年茶毒室(唔知其他國家有冇)呢類係幾特別同獨有感嘅香港新興嘢。不過都會因為語言受限，唔似得娛樂嘢(小說、電影同音樂咁)可以跨國傳播，鬼佬同日、韓人未必想了解係咩嚟。而且間唔中一兩個特例，救唔返成個大環境...

政治環境、人生自由呢條大幹一日未攪掂，又談何文化輸出、軟硬實力呢啲枝節呢

我都知創作自由係必要條件，但係家陣就連人生自由、言論自由都冇，又談何創作自由呢

以為寫咁大段嘢一定好高汁，睇到「西片由阿甘正傳年代開始入侵香港」先知係小學生作文

係真。。。

講真話係難聽d﹐游生d網片算9 數啦。

仲討論「香港電影」死唔死、有無人才已經嘥鳩氣

近年香港電影産量少，票房亦唔稱得上亮眼
題材本土同小眾，hit得中香港人，但衝唔出去
好多導演拍完一套戲，要等幾年先有機會再拍
唔好彩嘅直接收皮
呢個係現實情況，唔輪到大家否認
除非你話收一千幾萬，搞手但求打個和已經打飛機

我哋用返觀眾嘅角度去諗吓啦
平時去戲院睇戲睇咩片多？用開咩串流工具睇片？
睇開咩題材？係咪大製作？

根本唔止香港，好多地區嘅電影工業都要同Netflix、Disney嗰啲巨頭競爭，製片出片形式都唔同哂
啲巨頭除咗做啲傾銷全世界嘅大片
仲會掟錢去不同國家去製作有當地色彩嘅片
但題材都係又好universal ，係全方位打攻佔市場

諗吓點join巨頭又好，利用到巨頭資源又好
或者度吓新橋仲好啦

呢啲討論往往變咗好似一係燒山講殘酷現實，
一係就游學修用一腔熱血去力挽狂瀾咁
兩邊都係講到現實不同面向，其實兩邊都無錯

佢扮人不嬲on撚9

見到佢 扮蕭生已經睇到好尷尬又唔好笑

唔係話後生大哂 但連尊重一個前輩都做唔到

電影呢行人脈都好緊要 唔覺得游生識做人

睇咗你嗰段片，真係拍得幾好，我期待游學修佢地拍嗰啲至少有咁既質素

我聽完佢地兩邊, 兩邊其實各自表述, 老燒講既係當年8-90年代輝煌年代, 港產片外銷到全世界, 外國會買會睇港產片, 所謂揚威海外.

游學修就係start from small, 同新一代台灣人一樣, 諗既係小確幸, 唔係有乜大plan, but有一腔熱誠, 做好佢唱好香港片.

無野好拗, 周潤發係無第二個, 你地話自從古天樂之後, 有乜邊個講出來有人識甚至好有印象? 唔係周柏豪呀?

越亂越好

俾你最叻 - 幻愛, 香港票房1525萬, 你只能係屯門拍來拍去, 係social media 求人去睇, 你支持得幾多套?

游生係影藝圈成就暫時無乜, 佢兩條有份既youtube 頻道(試當真 17萬8 subscriber), 今晚修你皮(2千6subscriber) 夾埋18萬, 唔係搵D女坦胸露臂連view 數都欠奉, 你點令人俾錢睇戲, netflix/hbo/fox 點買你d 片呀? 你真係諗住收youtube 廣告費可以振興香港電影業呀?

Starwars, indiana jones, Terminator, Die Hard, Born on the Fourth of July 仲有一堆數唔晒死晒咩? 又唔見當時港產片唔掂? 又米係一樣賣埠

你唔好講都行乞咁要求人或吊人去睇先得ga .. 又唔見netflix 要求人subscribe

識得睇梗係睇艾曼紐、寶黛麗、青青珊瑚島、慾火焚身呢D不知幾賣座不過佢地D小學生不宜

I agree to the terms and conditions

呢個Channel出得街嘅嘢都唔差，可惜出咗幾條片就冇繼續出
可能資金問題