佢緩緩鬆開我雙手，徑自走左向吧枱方向。
我望一望下身，仆街，扯到行一行點行路？
於是我彎彎地腰咁行去佢方向，但已經見唔到佢身影。
「我係度啊傻佬。」佢甜笑捉住我隻手道。跟住佢捉住我行去吧枱。
過到果邊，又係要sip位先sip到個空間比我同kitty。「你想飲咩啊傻佬？」
「我唔知啊，有咩介紹？」
「我諗你需要酒精啊，我幫你嗌啊。」
「Excuse me, two whiskey, double plz.」
Double?我唔知點解two又要double，但我相信就咁飲whiskey 應該好撚苦。
個bartender 拎左兩杯whiskey 淨飲出黎，同埋一張單，盛惠400蚊
唉食條女用左我成千蚊，以後都唔去蒲喇。我今晚係點都要食到眼前件小肥
。飲左陣，佢又開始挨落黎，「係呢，我琴日行街睇中左個Chanel 銀包啊，你可唔可以送比我啊？」佢右手係度摸住我大脾講。
「聽日嘅事聽日再算啦，我地搵個地方休息下先，我有d醉喇....」
事實上，我一條毒撚甚少有機會飲酒，一下子飲d烈酒真係受唔住，最主要係杯野真係好撚苦，完全係貼錢買難受。
「你個衰野，好啦我地搵個地方休息下
。」佢終於肯走了，為免佢突然反悔，我即刻捉住佢隻手衝左落樓下搭的士。
由於我身上已經無咩錢爆房，我決定帶佢番屋企算。剛好我雙親去左旅行，屋企係空無一人。
係的士上，佢又發功了，「唔....你好衰嫁，係咁叫人地飲...我好醉啊...」佢將成塊面埋左落我大脾到講
。點解d女人咁鐘意自己整醉自己然後扮醉？
明明我都冇迫你飲
的士終於到我樓下，我扶住佢條腰打開道大門，佢軟趴趴咁挨係我身上，個看更一定以為我執屍啦
一路扶住佢，我肩膀都盛受住好大嘅重力，我連拎出鎖匙開門都非常吃力。
「乖啦，你企好d先好唔好？」
「唔要啊，人地好醉....」佢講得有d大聲，為免比鄰居知道我帶女人上黎，我一野推左佢入屋。
入到去，佢鞋都冇除，著住對4吋高跟鞋就咁打橫訓係梳化上。
