一人一間幫襯過嘅Salon/髮型師 (3)

呢度係咪絲打為主
男仔剪頭髮有冇好介紹 港島

想講 呢間

真心伏到仆街
建議大家 千祈唔好以身試伏

諗住個啲咩 絕無假相 假一賠十 嘅caption 以為好撚老實 elite hair Kathy
全程 西面西到盡頭不特止
由一入去溝通 做咩色開始 已經 當你水魚咁搶
一開始會話你個頭 傷 易甩色 叫你加錢 染另一個牌子 算 照加 之後 會話你都係傷 建議落藥水前 加隻唔知乜7 保護下 都算 跟住再話叫你焗油 又點又點

當你提出 啲要求 例如想要隻無咁快甩到變金
佢就起哂「降」
話 無可能㗎啦 唔會做到囉
除非你染黑色啦 唔會一世都係呢隻色

點解會話佢完全無心幫個客？
因為佢每個客入到嚟 佢未 望人地髮質 傾唔夠兩句 敷衍說話 就重複以上情節 罐頭式問答
而當你唔應佢要求一步步做 佢塊面同啲說話 就會愈來愈西同有骨

最撚伏係 整左1500蚊 babylight
好似 白頭髮一忽忽咁
仲要全程受佢氣 睇佢面色做人
最慘係 我真係未撚試過一間salon
可以 沖colour 加洗頭同落護髮係4分鐘完成
嗰個姐姐年紀嘅助手 頭皮摸兩下就話洗完
仲叫我唔好洗頭兩日 我即刻痕到 番屋企洗佢老尾

究竟發生咩事 千零蚊 唔係要你 服侍
但都唔係咁撚樣嘅服務？
樓下 個間屋邨salon 都洗得好過佢

自己衰on9 之前去開 Angus_hair
因為 就唔岩時間 拿拿臨 搵左呢間 咁嘅 千年伏店
我以後都唔會 再信ig 啲店
Angus間野唔算平 但我覺得 佢真係染得靚
（至少成品 做到相嘅8成）
重！點！係！ 有心機 同唔會西人面
嚟緊要去間乜7 hairdressing soul染babylight嘅絲 要三思 忠告！

有冇短髮女仔電髮推介 啲ig多數都post長髮電髮

去左推介list嘅Mickey Jim到整直療 超滿意！
首先對客好細心 每做一個新step會講得好清楚 最好嘅係唔會見助手多過佢 亦唔會sell你做treatment 超加分呀

男仔淨剪有冇邊間推介

有冇巴打去過尖沙咀諾士佛台studio 9 hairdressing?

見好評加有評話佢黃到金試左n.d.u. ，但真係好失望，染完同無染一樣，我染babylight（姐係佢Ig寫既技巧漂染），岀黎一條highlight都見唔到(中間過程甩色果陣係見到有甩左變淺黃架喎)，我俾佢哋ig幅圖佢話想整同一個效果，，結果岀黎係黑啡，唔知點解仲有啲紫色，而我無講過話要紫色，仲同我講咩我哋做左好多呢啲頭，洗洗下就變圖咁架啦，又話咩打哂燈岀黎咁影就同圖一樣架啦，喂我要洗先變咁既效果，咁你又點影到你ig啲相？唔通你叫個客洗一個星期後返後先影相？剩係個黑啡同圖中個淺金灰啡都差19幾條街啦，我都唔明點解仲有得兜
Btw價錢同報價一樣，但我感覺似俾左成千蚊去洗剪吹多過漂染，so far好彩剪都仲正常既，全程係佢同助手一齊做，可能助手整3份2，佢整3分1

有冇人去過藍田或者觀塘既hair theorem？好唔好既

我唔知呀 冇乜頭緒 有冇介紹？你之前去過整咩？

請問有冇巴打
去過big potato 888 電髮？
覺得好唔好？

想問各位有冇去過moslips’s hair 整頭？
有冇伏？

佢啲相ok 夠攣 但好似好濕既狀態時影 同埋個價偏平
唔係好敢試