我又講下先
上個月追左好耐po 見到好幾間salon都唔錯
最後揀左yonchiu 要早一個月bk
12點上到去得1個客整緊頭
係去到夜晚6 7點先多幾個客
真係好似佢咁講一日2 3個bking係做啲長時間既染電髮
所以一去到完全唔洗點等 就坐低左 佢本人就幫我分析個髮況同研究剪咩款
雖然佢講野有啲串
不過追po都見到有人講佢係串 所以有定心理準備 但都有啲嚇親
串得黎但係剪電染既過程佢都好細心 有啲位就兩位助手負責 不過主要部分剪 電 染都係佢負責
我都覺得正常 冇可能全程佢跟 點都要對另一個客負責
不過兩個助手都整得幾好 都幾細心 有時兩個助手一齊整 成件事覺得好豪華咁
我未試過咁樣
整左8個中 坐到pp痛
但全程個頭唔係冇人理我 而真係長時間個頭都keep住整緊
整之前仲擔心緊電染會唔會好傷頭 好驚甩頭髮變禿鷹
整完結果都好滿意 成個頭輕左 滑左好多 感覺啲頭髮仲健康過未剪之前 真係好癲既感覺
佢仲會好細心咁教點吹頭點洗頭會令頭皮健康啲
之前去其他salon整直療都冇咁好效果
不過好貴係真既
仲有另一個得著 就係附近有好多黃店可以幫襯
整完頭落到街總有一間係左近
可以即刻醫肚
利申:絲打