[多圖多字] 獨遊日本四國六日之旅

四萬十川去半日夠唔夠，定要全日，事關時間唔多。

全日

點解你琴平返栗林唔坐琴平電鐵

明明琴電都用得JR四國pass
得登坐氣動車？

因爲琴平電鐵返栗林公園站都要1個鐘頭
但如果就到時間搭JR特急列車返高松轉去栗林都係1小時内
加上我番去個陣其實係記得自己有寄存行李係高松站

四萬十川去半日夠唔夠，定要全日，事關時間唔多。

是乎你路程啦

四萬十川去半日夠唔夠，定要全日，事關時間唔多。

全日

咁都係高知市內玩啦，四萬十都係下次先去

點解你琴平返栗林唔坐琴平電鐵

因爲琴平電鐵返栗林公園站都要1個鐘頭
但如果就到時間搭JR特急列車返高松轉去栗林都係1小時内
加上我番去個陣其實係記得自己有寄存行李係高松站
而且我酒店位於JR栗林站隔離

有去過粟林公園 嗚門 阿波舞會館
粟林公園幾人工化 我覺得麻麻 但入面d龜幾得意
巴打係阿波舞會館 有無落去跳阿波舞
個陣我落去跳 被人帶上條花圈 再係全場人前而跳多次

如果5000就有交易既話我都好有興趣獨遊日本四國

經過4個鐘車終於到達中村站
我個刻其實已經搭車搭到頭昏腦漲

或者你地會問我點解唔上一晚落定高知
其實係高松去高知要2個鐘多d
如果我落機個日直接落高知就等同浪費一個下午
而且去到高知都唔早
我選擇上就去高知係我呢一日只會去四萬十川一個景點
所以時間會鬆動好多

中村站休息室聽聞攞過獎


然後我就出發去觀光案内所 (唔係無料案内所啊！)
首先中村站一出就向前行

然後見到相中右邊路牌就左轉一直行

一直行一直行你就會見到馬路斜對面有觀光案内所


行入去就會有人招呼你啦
會叫你選擇邊一款車
我自己就選擇左有得轉波嘅單車 價值1000Yen / 5hrs
而另外有d更加靚嘅電動單車就再貴500Yen以上
以前觀光案内所其實係有500Yen/5hrs嘅淑女單車
但而加無左sosad

職員建議我5hrs可以踩去三里沉下橋
但我最後放棄
點解?
因爲我其實係出發前兩日先開始學識
我太虧
所以我都唔敢亂踩太遠
萬一失誤就客死異鄉


租完單車就可以正式出發啦！

有去過粟林公園 嗚門 阿波舞會館
粟林公園幾人工化 我覺得麻麻 但入面d龜幾得意
巴打係阿波舞會館 有無落去跳阿波舞
個陣我落去跳 被人帶上條花圈 再係全場人前而跳多次

粟林公園我覺得有少少人工化
但人工得黎都ok自然

我無跳啊
我得一個人都係專心拍片/影相算

如果5000就有交易既話我都好有興趣獨遊日本四國

其實可以啊
只要酒店、機票方面平d一定得

我上次就係前一晚直踩入中村，第二日就可以一日玩晒四萬十川同高知

沿路會經過一間便當店
我就刻意停車去買個便當


款式唔算多
而且以雞同炸野爲主
咁岩我去個陣d野食仲未擺曬出黎


而另外上圖左邊有d膠兜
自己選擇膠兜大細，價錢各異
之後你就可以任裝野食同白飯
好適合我呢d大胃王

然後就正式出發

好在沿路都無乜人
我可以好安全係行人路度踩
如果要我踩出馬路，應該未被撞死都會嚇死

好快跟住地圖就會見到四萬十川橋
係紅色，好耀眼


過左橋之後就轉右
一直向前面踩就得
四周圍景色都好靚
成個人都好舒服





過完一段平路就開始要踩d要轉彎嘅路
呢一段係我最驚嘅路段
因爲我出發前兩日練習個陣都未純熟地轉彎


途中有少少上斜落斜
轉下波/踩快d就ok

我踩得好慢
足足一個鐘先踩到佐田展望台


但其實見到呢個展望台代表目標已經不遠矣
係呢個展望台可以勉強見到佐田展望台


踩多幾分鐘就到第一條沉下橋---佐田沉下橋！


呢條橋車輛係可以駛過
所以橋面係唔可以踩車，只可以推車過橋
而且單車唔可以停泊係橋面，以防跌落去
但我就趁無人個陣影左一兩幅



其實被譽爲日本最後一條清溪的確實實至名歸
因爲溪水好清澈
而且配合四周感覺好寫意


上圖有d人玩緊獨木舟

而我就靜靜地坐係度望住風景同食我嘅便當
最大嘅飯盒都係6XX Yen左右



而我最後足足坐左係度1個鐘有多
真係好舒服
雖然陽光普照，但涼風陣陣

但我自己有d遺憾係無再繼續踩落去
唉 點解我咁蠢連單車都係半桶水
但真心好推介大家去！
如果大家識踩單車或者自駕遊一定要再去入d啊！

回程時我貪得意行下面條路

結果"凳"到菊花都爛
最後見到有樓梯即刻搬單車上去上面條平路
大家唔好亂試d路

回程列車都係麵包超人！


去到高知站
隔離就有個觀光中心
裝修都幾靚



觀光中心隔離就有三個將軍像
我淨係識中間果個扳本龍馬
因爲龍馬故鄉就係高知！


而以下就係高知市最主要鐵路--土佐電棧




當你想落車，就禁下個制，好似平時搭巴士就得
然後係落車個陣比個pass車長睇就可以落車

我今日要住嘅就係高知站步行7分鐘路程嘅Los Inn酒店
[img]https://storage.googleapis.com/files-as.myalbum.io/photo/1k0/XW/4j/XW4j4e5QfHD9.jpg[/img

Los Inn係有返一定歷史
但都係個句麻雀雖小但五臟俱全
而且大堂更有免費漫畫、咖啡比住客享用，非常貼心


房間大概12平方米
都係住一晚 其實已經好舒服

好想係日本瘋狂彩單車

我係高知市第一個景點就係播磨屋橋
其實都係單純打卡之用

首先要搭土佐電鐵去到はりまや橋站
人少少好有feel


一落車行後少少就會見到條橋



四周有少少歐陸感覺


行左一陣我就準備去食飯啦
我就揀左高知市好出名嘅熟食市場--ひろめ市場
食燒鰹魚

係大橋通駅落車
然後行入去條大橋通
沿路都係d食肆
而且呢度都有明神丸
但6點已經話無曬鰹魚
所以個個都走曬去ひろめ市場入面嘅明神丸食燒鰹魚



雖然只係六點
ひろめ市場已經超多人


當我一場黎到當然要試啦！
我就走左去明神丸排隊
多人排隊到一個點呢...


明神丸係先點餐，後攞食物，最後比錢

比完錢我攞住個托盤然後周圍搵位
但由於人太多
我始終都搵唔到
大概搵左十分鐘終於有位啦！

明神丸有兩種鰹魚，醬油或鹽味
一般人都係推介鹽味
賣相ok，價值1050Yen / 7塊


但我一擺入口.....
我感覺到嘅係腥味同唔好味
因爲明神丸甚至係其他店鋪都係選擇烤外層
令外層有陣煙熏味
但裏面仍然係生
我自己就覺得唔岩口味
而且口感都一般，係要嘴嚼一段時間
Overall黎講完全唔係我杯茶

但話曬高知名物
大家都可以一試
反正食物呢家野好主觀

食飽飽就四周圍行下
不過可能時間都唔早，成8點
條街都無乜人



所以我行左一陣就返左酒店附近個supermarket行下買宵夜
最後我買左兩個杯麵
一個呢一晚，一個就第二日早餐

今晚就食背脂醬油拉麵

味道ok，唔算好濃
肉片都叫真係肉，係有咬口
整體非常好

繼續出pls

繼續出pls

係係係！

月尾去留名

大步危 大步危

係日本嘅第三日，即係第二餐嘅早餐
我選擇左係酒店淥杯麵食

腐皮烏冬


個湯都算清清地
麵質我覺得都ok，只要你淥夠5分鐘都叫有d咬口
腐皮好淋，不過我個人就覺得稍為甜左d

食完早餐我就出發去高知站
無錯，我今日要離開高知啦

不過係離開高知之前我都抽左d時間去一去高知城
搭車去到高知城前落車就會見到

其實高知城都真係好細


山内一豊個老婆





當上黎睇下風景都好




你地見我咁少篇幅講高知城就知咩環境啦

行返落去
已經身水身汗
即刻走入去7-11買支雪糕雪條冰凍下先

本身我黎日本前一早打算想食haagen dazs期間限定
但呢排個期間限定我就嘛嘛地

你地中意可以試下

而最後我就買左支橙味雪條
好似無氣芬達變左雪條咁


得一日係高知其實有d遺憾
好似桂濱、安兵衛屋台我都未去
如果大家有時間不妨留2日係高知啦

2. 高松相對係購物方面係最方便，因爲有幾個大型商店街及商場，更加有個開到比較夜嘅 Youme Town ;

Youme Town 點去?

google map 話最近既 三條（香川）站 都要行足一公里

同高知講聲byebye之後就離開啦

是日行程係我其中一個最期待嘅景點
我每一次旅行都會有所屬嘅目的
而我今次呢躺旅程最期待有4個地方
1. 沉下橋 2. 祖谷蔓橋 3. 鳴門漩渦 4. 天使之道

今日要去嘅就係離高知站最近嘅祖谷蔓橋同大步危峽！

大概一個鐘車程就去到大步危站

大步危站有個超級迷你版祖谷蔓橋



步出車站
就會見到巴士站


比大家望望時間表


另外比多條link大家
http://yonkoh.co.jp/pdf/timetable/009.pdf
大家可以上網search返班次

由大步危站去祖谷蔓橋要660Yen

上車個陣一定要攞整理卷
記錄左你係邊個站上車
你一上個刻個箱就會口張開吐張飛比你

例如我張飛係16號
落車個陣就望下個螢幕第16號格
show出黎嘅價錢就係你要比嘅價錢


弊家伙！無散紙添，點算啊？？
放心，望下上圖嘅下方有部機
個度係可以幫你唱散銀
唱完再入返適當嘅車資就得

大概半個鐘左右就會到達祖谷蔓橋站
圖中右邊係落車地方
左邊係上車地方


比埋個祖谷蔓橋站返大步危站、大步危峽同阿波池田站時間表大家

有錢咪call的囉
睇得唔清楚就click我係上面post過嘅pdf link check時間表啦


大家要留意大步危巴士班次其實好疏，一小時一班
而且其實同JR列車個班次接駁我個人覺得做得一般
好多時都要等半個鐘以上
好似我係大步危站巴士站條隊前面有5個香港人就不斷話"好熱啊" "等左半個鐘有多..DIU"

而且有另一個問題係四國JR列車成日都會有遲左到達嘅問題出現
經常遲幾分鐘
我高知去到大步危站之後本身預留左8分鐘時間等巴士
點知因爲遲左少少
結果我一去到巴士站已經排緊隊上車
所以大家千祈唔好預到個時間太緊逼

2. 高松相對係購物方面係最方便，因爲有幾個大型商店街及商場，更加有個開到比較夜嘅 Youme Town ;

Youme Town 點去?

google map 話最近既 三條（香川）站 都要行足一公里

三條（香川）站行15-20分鐘
或者搭高松市内巴士循環綫
http://www.kotoden.co.jp/publichtm/bus/rosen/community/shopping_info.html
搭西回廊綫係快d

2. 高松相對係購物方面係最方便，因爲有幾個大型商店街及商場，更加有個開到比較夜嘅 Youme Town ;

Youme Town 點去?

google map 話最近既 三條（香川）站 都要行足一公里

三條（香川）站行15-20分鐘
或者搭高松市内巴士循環綫
http://www.kotoden.co.jp/publichtm/bus/rosen/community/shopping_info.html
搭西回廊綫係快d

高知城我覺得好正喎, 佢真係行一步都驚個地板會穿窿咁

同埋JR會遲係因為土讚線係單線