[語言學/語言學習討論區] 想學/學緊新語言？對語言學有興趣？入嚟啦 (2)

點解之後又會語言上表達到？我地要返翻去個顏色次序表：
黑白 >> 紅 >> 黃 >> 綠 >> 藍
呢個表唔再係色覺習得次序，而係詞彙發明次序。越早出現，代表隻色喺生活文化上越重要越常見，越需要一個單獨嘅詞語描述個色彩。例如紅色代表血，關乎生死或者祭祀儀式，亦係最易整嘅天然顏料。而黃同綠分別代表果實同植物，對於真 • 搵食好重要。而藍就喺自然界好罕見，所以遲啲先創詞比佢。

咁個天o既顏色應該都算容易見到o卦

個尾寫得有啲短，有啲細節無寫入去，希望呢度解答到你嘅問題

作者用自己個女做實驗，喺個女歲幾嘅時候教佢顏色嘅概念，不過就特登唔教天空嘅顏色 (諗起容海恩話佢唔教個女黃色嘅嘢)。學好咗之後，就同佢玩認顏色遊戲 (指住一樣嘢問佢係咩色)。其他事物都好正常，唯獨一問起天空就唔識答。作者每次問都確保個天係藍色，並且持續問咗成四個月，終於佢個女會答係白色。過多個月，先第一次話係藍色。之後答案喺藍白之間搖擺不定，去到四歲仲會指住黑色嘅天話係藍色。即係話佢個女喺認識藍色、辨認到其他藍色事物後，又用多半年先確認到天空係藍色。

要幫顏色造詞嘅首要條件係要先辨認到個顏色。作者推測天空比起一件實物，更加似一個空曠嘅空間，一個空間有顏色可能對於人本身係個比較陌生嘅事。作者個女喺教導下認識到藍色，都難以將天空同藍色連結起嚟，咁古人直頭唔識藍色嘅情況下，自然唔會受天空啓發而產生藍色呢個概念。喺part 5提到嘅野人部落研究到，嗰人類學家都有問原住民相同問題，佢地語言中無藍色一詞，追問之下佢地會答天空係黑色或者綠色。對於佢地嚟講，為天空搵一個代表色，再幫佢造詞唔係一件必要嘅事。古人亦如是。

直到後嚟，人多咗接觸藍色嘅其他實物，先有藍色一詞。例如埃及最早發明藍色顏料，佢地嘅語言亦早過其他語言創造咗藍色呢個詞。之後先得出天空係藍色呢個觀念，並流傳後世。

單從藍天一詞可以睇到我地平日習以為常、普世認同嘅事，對其他人嚟講可能完全唔係咁。
defamiliarize the familiar

如果問最好用學外語app，十個人可能有十個答案
但問咩app千祈唔好用的話，個人相信Wlingua 絕對有份

靜靜雞喺度問下，之後啲ling文大家會想我繼續出喺呢度，定係每篇文開新po？開新po嘅話起我底就會搵到所有文

出喺呢度會好啲，方便大家喺度睇

okay

一係不如依度嘅討論轉入TG傾，然後依度主力比湯巴出ling文?
利申: 湯巴ling文fans

開新po再返黎貼link (順便推呢個po)
點睇

呢個方法幾好

多謝G持

係啲新po入面又可以加埋呢個po link
互推

一舉兩得 得咗！

有無人試過在italki申請做老師? 我想教中文但見佢程序好複雜, 又唔係成日開放申請, 所以放棄左

中文係指簡體中文+普通話？
我都有諗過下 但係驚佢優先請中國嘅先

廣東話+普通話都想教, 不過始終普通話多人學d
最麻煩佢唔係隻隻語言都open for application, 每個禮拜要等佢update
之後又要拍片, 交文件, 同埋有interview
另外好多人收費都幾低, 有d幾蚊美金都有, 香港補習+學外語都起碼百幾蚊堂
定係香港太overprice

網上課程係平啲 不過幾蚊一堂又過份咗啲喎
佢個application煩到 本身仲有啲心郁郁

最貴我見過都係400幾蚊港紙一堂, 好多老師又master又phd

同埋價錢都取決於唔同國家, 有d東南亞/中東/非洲語言的老師收費可以好平, 幾蚊美金一堂試下又無妨

不過質數就好參差, 有d老師都教得幾hea, 咩野準備都無, 又成日斷線

如果想賺外快既話italki真係好雞
唔係professional teacher基本上100蚊以內都有高質community tutor
你收200蚊人地expect你真係好有料

有無得教蘇格蘭蓋爾語?

Scottish Gaelic 我見到有2個老師

應該最多當副業 一堂當有十幾個人 賺得一千鬆啲