我不禁好奇地問道:
「歌德寫浮士德同魔鬼訂立契約,其實係咪同你訂立架?」
「記憶嚟講係嘅,不過佢每一次喺臨終前回到過去,就會寫一本書。」
我被記憶兩個字產生好奇:
「記憶?」
她不屑的答道:
「都話咗由我繼承Paradox呢個身份同埋時間容器嘅時候,就會繼承埋歷任嘅記憶,同埋忘記咗自己本來係邊個,只係知道自己用晒12次機會,但忘記咗自己點解會用,仲有幾時用。」
「即係只要我用晒12次機會,我就會繼承咗呢個身份同埋手錶?」
她點了點頭,而我卻鐵定心般的說:
「咁我肯定唔會用晒12次機會,最多用11次就夠,邊會好似你咁傻,用晒12次機會,結果而家無晒屬於自己嘅記憶,連自己係邊個都唔知道,甘心咩?真係自願?」
潘朵拉沉思了片刻,便聳聳肩的答道:
「我點會記得呀?不過都無所謂,而家同你嘅對話,未來都係變成下一任嘅記憶,可能下一任就係你呢,嘻。」
「......我一定唔會囉。」
「我只係知道『時差』同埋手錶係人類嘅心癮。」
她說,人只要較為與別不同,就好容易陷入對等的瘋狂,也會產生對等的心癮和慾望。
「時差?」
在透過手錶回到過去後,命運劇本和時間所出現的誤差或偏差,引致其他人本來已訂的未來所作出的改變,潘朵拉稱作為「時差」;
她說,讓一個人墮落其實很簡單,只需要讓她/他得到本來得不到的東西,讓他/她變得貪婪無比即可。
她說,也許現在的我就是墮落和貪婪的代價吧,至少這個想法也存在於歷任的記憶,又或者這個想法可能只是屬於某一任記憶裡的想法。
她補上一句,但大部份記憶我也分得清楚吧,應該。
我怎麼會覺得潘朵拉稍為有點可憐?
待續