喂,我到底怎麼了?她是魔鬼好嗎!魔鬼也會待人溫柔?難怪Hailey也會變得無情。
「咁Sorry囉,我應該由你一個人望住呢張舊到就爛嘅廢紙喺度傻笑喺度喊,不過我只係好奇你地人類點解咁鍾意明明喊都要話無。」
我差點忘了她是聽到我的心聲。
說罷,她好奇地凝視著殘留在指尖的淚水,並喃喃的說道:
「明明就係普通分泌物,唔明點解你地人類咁鍾意過份解讀眼淚。」
我認真的答道:
「因為人類唔過份解讀嘅話,表情就描述唔到自己嘅悲衷、不甘甚至無奈。」
她聽到我的解說後,點了點頭:
「呃!估唔到你呢種說法又唔錯喎。」
我苦笑:
「都唔係我自己諗,係有人同我講。」
她把視線緩緩轉移在我身上:
「明明傷心,但明明自己有能力,點解唔用手錶?想拖劇情呀?」
我拿起放在桌上的手錶說道:
「因為我覺得無奈,覺得無咩用,就算我喺過去改變咗一啲野,結果每次返到現在,又有啲咩留低?」
就在那個瞬間,潘朵拉拾起那兩張「廢紙」遞給我說:
「留低嘅係你嘅努力同回憶,你忘記咗手錶可以回到過去嘅原理?就算大部份都係負面嘅野,但唔好忘記希望都係手錶嘅動力,又或者就係因為有希望所以至會有種種負面嘅野,但無希望就咩都無。」
她說,別總是把成熟作藉口,掩蔽自己那些怯懦的想法,掩蓋自己變質的真相,最終把成熟變成自己的枷鎖,一邊等人解救,一邊無病呻吟。
她說,You got to go when you got to go. (你必須去的時候就必須去。)
我問:
「你到底係咩?」
她說:
「可能真係魔鬼掛。」
話音剛落,她報以一抹輕笑,然後我下定決心把戴上了手錶,手錶的時間停在02:00:03,此時綠光劃成一個圓圈把我圍著,周遭的環境如像老舊的牆身一片一片剝落,同時心中默唸著就回到那個聖誕吧,導致現在遺憾的原點。
一下墜落深淵的離心力,眨眼間我又再次回到那間充滿回憶的圖書室。
她說,痛的作用就只有留下傷疤提醒自己曾經受傷,而內疚這種感覺更加脆弱,可以在心底如影隨形,也可以在瞬間消失得無影無蹤,就像自己的初衷。
待續
我今日真係好攰,希望大家上水支持一下