大家當故事聽就好喇 唔好起我底唔好相認
果陣未結婚,但我都用老婆啦,費事亂
件事發生係2007年既一個夜既,我同我老婆約好左收工去食宵夜(果陣佢半供讀緊,我同佢由同學開始識),果晚我地約11點係餐廳門口等,但係我等到11點05分,打比佢冇人聽(佢係從來唔遲到既人黎),之後我就行去港鐵站等佢(得一條路,要經過公園),我行到公園聽到一聲尖叫聲,我都幾肯定係我老婆把聲,到我跑到埋去我見到一個40歲左右既道友''cool''住我老婆,詳細我唔描述喇
之後我就衝埋去打鳩個仆街冚家剷,打左一陣之後差佬就黎到,我估係係有人報警話我打人,就係咁...我入左去6個月(個官可能就係你地話既見到我仲有得救掛
)
入面唔多講喇
我老婆就因為哩件事患左抑鬱症,醫左幾年先醫番好
我老豆亦到因為哩件事激到過左身...(老豆,對唔住)
出番黎果日我同我老婆係門口攬住喊左好耐好耐,我應承左佢我唔會再做錯事,唔會再要佢地傷心同擔心!
而我,出番黎之後我搵左好耐工,真係好多工因爲我入過去所以唔請我,講開又講如果舊老闆你見字請你立刻入番的士錢比我
, ),之後叫有番少少狗屎運,得到老闆賞識
(老闆多謝你,我唔做果日你同我講既說話我仲記得,冇你我冇今日
) ,叫做搵到兩個臭錢,開左而加間公司,上到車,結埋婚,生埋小朋友而加8歲
而加生活叫做過得去...餓唔死,發唔到達啦
我借ac講野唔係要平反咩,主要亦都唔係要話而加制度有咩問題有咩要改,只係想提醒年輕人做事三思而後行,唔好衝動
回想當年最辛苦係出左黎要同老婆去睇醫生,又要搵工,壓力真係大到痴線
同埋當年我''老婆''果六個月都冇見過,因為拜山只限親友,未結婚唔算,果陣我呀媽話佢果6個月都冇見過佢笑過
最後(唔係放閃,唔好打我
真男人！
真男人
好敏感,唔答
