[帶住父母去旅行]12日橫越日本列島 (札幌 ~ 鹿兒島)

之後帶左佢地行出站外面影下相
佢地對名古屋啲奇形怪狀高樓情有獨鐘
係個十字路口走黎走去10分鐘係度搵角度影
咁我都順便影左兩幅



名古屋出名就係多百貨公司行
但係老母比較鐘意行啲平價少少既舖頭
例如Daiso，運動舖頭，女人街執平貨嗰啲
至於我同老豆都係陪跑姐
呢度就唔多啱佢胃口
我就趁佢行嗰陣周圍昅望下野
不過名古屋冇乜野睇
就同呢幾塊毛巾一樣，唔撚係掛



行完地底幾個商場同高島屋之後老母已經想走
話行下上野附近好過，好似多啲野睇下
咁係既，嗰頭都真心多平野行
於是我又走左去綠色窗口劃指定席
係高島屋扶手電梯落去個位就係櫻通口鐘樓
通常係名古屋約人等既地方，長年都好多人
有時我諗唔明點解任行時間都會見到學生行黎行去
係啲人唔返學去行街定當左校服係私服


劃完位都冇野好行又冇位坐
所以早啲入閘係等候室等都上車
今次搭ひかり524，只係比のぞみ停多1個站



3點幾上車，返到上野都5點幾
帶左佢地去阿美橫町之後
我就自己去番毒撚東京必去既地方

秋葉原？

老秋個十字路口打卡必備

諗起2月初去左秋記附近有間 BIG CAMERA 竟然買到一盒口罩, 仲要好平, 果陣時藥妝店9成都冇防菌果種, 拎返去做手信, 屋企人開心到好似我買左隻岩心水既FIGURE 咁

名古屋市內我覺得以shopping 為主, 而且都偏向中高檔路線, 我上次都係喺 榮, oasis 21 果頭打卡食下野咁, 夜晚睇係幾靚既, 不過我就唔係主力玩名古屋, 仲去埋下面三重伊勢玩

名古屋市內係冇野睇 去親都係睇live 要玩就上北陸先多野睇

番到去上野6點幾
搞埋第二日指定席劃位啲野之後
過去搵番兩老食飯
-------------------------------------------------------
：阿仔，呢度好多平野買呀
：街口有檔生果舖賣生果好平，一袋柑500yen咋，仲平過香港
：後面有啲衫同鞋好平，就快關門，過黎睇左先
：OK
：間大電器舖好多野行 (應該係Yodobashi)，阿仔幫我睇下乜野黎
：OK
-------------------------------------------------------
結果應酬佢地2個都搞到8點幾先食飯
本身諗住帶佢地食拉麵
-------------------------------------------------------
：我想食菜得唔得，呢幾日腸胃麻麻地
：我冇所謂
：(秒答)屌，咁やよい軒啦
-------------------------------------------------------
やよい軒係繼松屋之外
我係平價連鎖店心水推介第二位
松屋食丼飯，やよい軒就係食日式家常定食
舒適度同味道都係十分唔錯
間野就係上野三井花園酒店隔離街
但估唔到接近9點去食都幾多人
老豆叫味噌かつ煮定食
老母叫左たっぷり野菜の肉野菜炒め定食
我又係叫期間限定，とり天とだんご汁の定食


味噌かつ煮定食姐係味噌煮吉列豬扒
個味噌汁鹹鹹甜甜幾好味
豬扒都好厚好林好索味
上次係松のや老豆又係食味噌吉列豬扒定食
可能佢食到上左癮


老母嗰個就係大量野菜炒豚肉
野菜有椰菜，洋蔥，芽菜，紅蘿蔔絲
碟野好有鑊氣，送到上黎啲菜唔會出哂水
啲野菜好爽脆，尢其係椰菜係食得出甜味
佢落左醬油同唐辛子炒，所以除左啲菜青味
同時味道好甘香但又唔會死鹹，冇掩蓋到食材本身味道
豚肉切到好似回鍋肉咁，爽口得黎好有肉香味
成個set先50幾蚊港紙，香港做唔到呢個水準


我嗰個就係天婦羅雞+團子湯
天婦羅雞有4大舊，雖然好厚肉
但唔鞋，仲有肉汁
本身冇乜調味所以要點佢個天婦羅汁
不過個汁就麻麻地，加醬油好食啲


團子湯就唔止得湯既，仲有好多料
麵條既外形比寬條面寬少少又短好多
口感就似刀削面咁，有啲麥味但有少少彈牙
湯底就係好濃既豚肉味噌湯，膠質到掛碗
另外仲有牛蒡粒，蒟蒻粒，紅蘿蔔粒同洋蔥
呢啲菜既甜味令到個湯好清爽
同時碗野咁多料，食完飽到仆街


食完就返去執行李
聽日又係搭足半日車

真係咁多菜

我去親日本都好鍾意食上邊果碟類似既野

咁多菜最怕係上面呢隻

我成日都會拎埋handy出街

有冇考慮過帶兩老去被稱為老人版原宿既巢鴨走返轉, 有間叫做ときわ食堂, 抵食夾大件, 質素仲唔錯, 兩老食完一定好高興

日本啲菜冇草青味架
仲要整到啲種有甜味
所以default乜野都可以生食

我成日驚會整唔見/整爛人地啲野
因為佢default裝左唔少旅行app天氣app
所以係房我都剩係用佢睇資料

本來有
但係兩老個心態係「張JRP咁貴，有幾遠去幾遠啦」
所以Day5嗰日佢地default都唔會諗去市區行
同埋就算去巢鴨去到半日
剩番嗰半日都唔係好諗到有乜市區地方好行

我都試過一個人去
為咗睇吓有幾多老人家
點知真係好撚多
下晝3點幾就收晒鋪

我用嚟打長途返香港
同2老傾下計

果陣我同幾個fd 前後腳去東京玩, 自己一個先到, 貪平同埋離JR 唔算遠就book 巢鴨間 APA 住, 個feel 都幾似黃大仙竹園咁, 樸素而且人唔算多, 係多銀髮族, 平民食堂既性價比真係唔錯

Day 06
呢日我就醒目喇
一早夾啲麵包仔去焗之後拎上房食
焗多幾個放係膠袋上車食
老豆老母佢地都醒目左，早左落2樓食早餐
所以好快就搞掂哂checkout啲野
橫掂係酒店冇野做，佢地又唔識睇日本新聞
倒不如早1個鐘去東京站等車順便行下

今日係第二次長距離移動，由東京站去姬路站
東京呢邊有2條路線去到
一條係經北陸新幹線去金澤
之後特急サンダーバード去大阪
最後山陽新幹線去姬路
不過呢條路線最少要6個鐘
所以都係行番最短路線
東海道新幹線去新大阪，之後山陽新幹線去姬路
總長度644.3km，接近25%路程，3個半鐘KO

但由於JRP剩係可以坐ひかり
之前講過佢有分2隻
1隻名古屋前停少啲站，1隻名古屋後停少啲站
但我搭足全程，不用分得這麼細，一樣咁慢
所以都係分開2程，一程去到新大阪俾佢地行下車站大堂
之後等半個鐘先再搭去姬路
但最諷刺既係，2程車都係東京開出既ひかり
坐唔到JR西日本既車

搭新幹線去左東京之後帶左佢地去駅弁屋祭
呢間野集齊大部分鐵路便當
本身睇下佢地會唔會買上車食
--------------------------------------------------
：吓凍冰冰又唔係平，做乜要食佢
：頭先我拎多幾個包，上車食佢咪得
：...但今日差唔多2點先有飯食喎
：得架喇，頂得順
--------------------------------------------------

因為正值返工時間
所以大部分車都係以快速通勤為主既のぞみ



N700系列之後都出左個小改版N700A
外形冇分別但系統同設施上做左升級
之後原本既N700都全部upgrade上N700A
但有樣野留意既係車箱既標誌係唔同
改車係N700A，個A字係後加貼上去
姐係我而家上既呢一架


而一出廠就係N700A既車
個A字係大大個係後面


呢期好多外國人黎日本睇波
佢地都習慣買JNP唔駛煩
所以ひかり都係打爆哂
但好多去到小田原就落左車
可能去箱根浸溫泉

唔駛3個鐘就到左新大阪
要落車行番去大堂等下一架ひかり
順便行下エキマルシェ，係在來線大堂嗰邊
因為我地張JRP係JR既世界係通行無阻
(除左のぞみ，みずほ呢2架最高等級新幹線唔用得之外)
所以可以行人工通道check pass走過去
行完照樣行番人工通道去新幹線大堂就得
新既JNP直接可以隊落閘機，所以更加方便


因為頭先太多時間等車
走左去Family Mart買甜品上車食
呢個鯛魚燒係吉士餡
大舊得黎又爆漿，正



係新大阪搭半個鐘就到姫路，相當快
酒店住番之前住過既Daiwa Roynet Hotel Himeji
酒店最細得雙人房，所以我同兩老各自1間
3晚1500蚊，唔算特別平
可能因為我遲book，早幾個月我住3晚都係1000蚊唔駛
但係checkin既時候counter姐姐又送水又送茶又送咖啡豆
見到我阿媽係度再送多3包Shiseido護髮素俾佢
咁好服務，呢個價錢算值得啦



想知間房係點睇番#247
總之間房同張床都好撚大！

[腳痛勝景美食團]用12日獨遊關西 (山陰‧琴平‧天橋立‧京阪)
https://lihkg.com/thread/1964209/page/10

去到酒店房擺低野都已經2點幾
呢個時間好多餐廳都休緊業等晚市
而呢間酒店隔離有我最愛既松屋
咁帶左佢地去嗰度醫下肚先
我又係叫期間限定野
鶏のバター醤油炒め定食
加錢再轉薯仔沙律同豚汁，超多菜


雞既醬汁係用牛油醬油黎整
有好香既牛油同蒜蓉味，鹹得黎帶少少甜
本身舊雞煎得幾香口，所以索哂啲汁
啲洋蔥又好林，夾埋青蔥一齊食好惹味

真係慘 仲要喺台灣轉機

點解樓主咁鐘意松屋

台灣轉機計落仲平過搭hkexpress喎
帶住兩老費事叫佢哋一搭搭成5個鐘飛機屈住啦
仲有得俾老豆叫做踏足下台灣自由既土地