[帶住父母去旅行]12日橫越日本列島 (札幌 ~ 鹿兒島)

有時好羨慕日本台灣人可以國內旅遊, 不過可能對當地人黎講D景點會少左份新鮮感, 因為文化差異冇我地咁大

兩老對呢2個園既評語
：後樂園感覺舒服啲，栗林公園就多野睇啲同靚啲
：栗林公園太大行餐死，後樂園好啲
我就覺得各有特色既，打和！

頭先北口入，走就去東面正門走
嗰度有個物產館，都幾多手信野賣
--------------------------------------------------------
：阿仔四國出名乜野
：高松呢度出名骨付鳥，不過你買唔到返去
：烏冬囉，讚岐烏冬呢度都出名既
：買啲俾親戚朋友先
：老婆預埋我
：做乜買烏冬做手信，又大舊又重
：拉麵有人嫌濃味，烏冬唔會喇掛
：...
--------------------------------------------------------
於是，兩老買左6pack烏冬，每pack5包
孝子當然係做拎嗰個啦
重撚到呢，好彩個背囊裝得落
之後就去搭車返高松食飯
頭先搭JR黎，而家就搭琴電走
係正門過馬路直行10分鐘就到琴電栗林公園站
搭車方法同輕鐵一樣
上車前係站頭拍IC卡，落車係站頭再拍就得


黎嗰架車係京急色，姐係紅白黑
不過睇落好似有啲奇怪


唔駛10分鐘就到總站高松築港站
行5分鐘就會去番JR高松站




高松既烏冬名店好多
不過好多都係一日限量賣完就收舖
一係就Lunch後休息到晚市先開門
所以都係幫趁番3年前幫趁過
而且tabelog評價唔錯既烏冬店
めりけんや 高松駅前店
買野食方法同丸龜一樣
叫完烏冬就夾配菜，最後俾錢
我就食牛肉烏冬+きつね
烏冬粗得黎又好彈牙，湯底鏗魚味好重
牛肉就普通，但切得薄所以唔鞋
きつね浸左糖水，好香甜
夾嗰啲配菜同以往一樣都係麻麻地


食完飯3點，係時候去倉敷
咁啱呢段時間係瀨戶內國際藝術祭2019秋季展期
マリンライナー車車尾有個既牌做宣傳
搵次要去睇下，順便去埋小豆島


岡山方向車頭係223系
而且仲係自由席，所以可以睇到司機開車

佢地都係為影相打卡姐
每個園都係行個幾鐘咁上下
所以都冇話悶

台灣日本本身地方大，每個地方有唔同文化
食又有，睇景又有，行街又有，博物館都有
香港市區就得商場，舖頭大家都差唔多
景點唔係行街，睇維港，就係唔update既博物館
食就越黎冇野食，冇哂小店
郊區其實都好值得發展本土旅遊
但係呢啲又辛苦又唔係賺好多既生意香港冇人做

郊區西貢、石澳、大嶼山都塞爆遊客
香港風景絕對唔輸台灣、日本，有另一種風味

搭番1個鐘車返岡山站
係岡山站至倉敷市站路段山陽本線同伯備線平行
所以是旦揀一架車上車就得
伯備線有特急やくも，1個站15分鐘
但係搭普通車站站停都係20分鐘
去到都差唔多5點黃昏


天就黑，所以拿拿聲行去美觀地區
係倉敷市站南口行15分鐘就到
啲舖頭都差唔多收哂皮
唯有周圍影下野
比起我幾個月前係假日中午過黎
而家人少左好多，影相靚好多
而且個天冇咁曬，個景別有一番風味
兩老話呢度靚過後樂園栗林公園
屌，本身留1日俾你行，而家得番1個鐘

揸pass 嘅時候梗係要等特急先坐

正解

去完美觀地區就行街
行番去車站出北口就有兩個大商場
Ario倉敷同三井OUTLET PARK倉敷
呢度老豆老母就分開行
我就跟老母，因為我老豆都係睇野唔買野
係輕井澤老母都尚算克制
黎到呢度佢就直頭癲左
因為好多間都做特價
尤其係Adidas玩到照價半價
1對波鞋連稅最平2舊水
結果連我都癲埋
我買左1件褸1件衫2對鞋
埋單都係10000yen鬆啲


行完Outlet都差唔多8點
順便行埋去Ario地下間supermarket
佢地見啲便當貼哂紙特價左好平，想買黎食
所以成全佢地啦
買完就搭番去岡山轉新幹線


番到姫路就望到打哂燈既姬路城


8點咁夜我就唔食飯了
買左啲特價生果黎食
順便去7仔買乳酸菌飲同泡芙食
個泡芙皮比平時嗰啲厚同有趙口
個餡入面有安納芋，好香好甜
不過我都係鍾意普通爆漿嗰隻

如果我自己去就會既
不過返到岡山都夜，見車就上算

自己一個一間房既好處

昇龍道你去晒未？

日本啲電視一到半夜全部都係呢啲野

咩台

應該係兵庫縣嘅sun tv星期五晚嘅節目

留名學野 帶父母去旅行真係好攞命

Day 08
呢一日冇乜特別，全日都係大阪行街
所以好多時間食早餐
於是就試下酒店個自助早餐
張餐卷要去番1樓checkin counter度買
1個人1300yen


餐廳係地下酒店門口
俾張食卷個waiter就會帶你入座
個早餐睇落好似好貴咁，但好多野食
日式野：咖哩，燒魚，關東煮，筑前煮，野菜
西式野：炒蛋，腸，煙肉，沙律，麵包
飲野：味噌湯，南瓜湯，奶，野菜汁，果汁
味道都十分唔錯，兩老食得津津有味
如果下次有時間可以試下

點解唔即場寄返港

去大阪都係搭新幹線去新大阪再轉車
首先帶老豆行下梅田間Yodobashi
行完之後就帶佢地行下未去過既天王寺先
梅田去天王寺最直接係搭Osaka Metro御堂筋線
但係我揸住JRP就梗係搭番JR，於是搭大阪環狀線
作為大阪最複雜既路線，同一個月台有好多唔同既車
啲車都係有唔同既總站
所以佢分有幾種顏色費事你搭錯車
紅色：普通車，圍住大阪環狀線咁行
綠色：大和路快速，去奈良方向
藍色：關空/紀州路快速，去KIX/和歌山方向
而天王寺站係所有路線既必停站
所以是旦上一架都得


首先黎既係專行大阪環狀線既新車323系
上車既時候發現我地上左女性專用車
於是急急腳上左車行番去隔離卡
費事俾人大叫痴漢


20分鐘就到左天王寺
又見到JR西日本最鐘意既無嘴賤畜


天王寺附近同梅田有少少似
都係好多百貨公司，但係價錢相對低啲
而且好多都翻新過，裝修靚啲好行啲
呢幢野係阿倍野Harukas，係日本最高摩天大樓
上面有觀景台，見天氣咁好本身想帶佢地上去睇
-------------------------------------------------------
：不如上觀景台睇，日本最高建築
：咪姐係101咁，你睇佢就靚，上面睇落去有乜咁靚
：...咁好啦
：...(老豆好似好想睇咁)
--------------------------------------------------------


因為頭先食早餐食到勁飽
兩老話唔駛食Lunch直接去難波同心齋橋行
老豆話唔跟我地行，佢自己蕩下
我又係跟住老母隨傳隨到幫佢翻譯
行到3點老母肚餓，但佢要求都幾奇怪
--------------------------------------------------
：阿仔呢度附近有乜野食
：試下炸串或者大阪燒？大阪名物
：好熱氣好濃味喎，仲有冇其他
：關西食野係濃味啲架啦
：呢頭咁多野食，你講得出就應該都有
：如果我話想食菜呢
：(秒答)屌，就やよい軒啦
：好呀，叫埋你老豆
--------------------------------------------------
Whatsapp左老豆，佢係BIC CAM想買野
做乖仔梗係要孝敬老豆，送左個新鬚刨俾佢
經地下街行去日本橋站上番地面
嗰度就有一間歷史悠久既やよい軒
當年第一次黎日本旅行就係住呢度附近
當時仲係學生冇乜錢
所以成日食呢間野同對面路口既松屋

老母又係食番上次個肉野菜炒め定食
老豆チキン南蛮定食
我就食から揚げ定食
外皮又脆又香口，但食落去又唔乾
不過似乎因為太香口所以鹹左啲
送埋飯一齊食都OK
再提醒大家一次，千祈唔好加錢轉貝汁

北海道係Day2
我地全家Day12先返香港
寄番去冇人收

去親東京無論食得幾飽
見到なか卯都會沖入去食
有次酒店隔離有直情晚晚加一餐

食完野行多陣就返酒店準備執行李
聽日要checkout同超長距離移動
正當去到新大阪站等車既時候
見到隔離線好多人影相
本身心諗有乜咁特別


原來係當時既試運車
將會係新一代東海道·山陽新幹線用車N700S
呢架仲要係新造既第一抽車
天字第一號J0編成
不過佢啲窗同門都俾野封住，望唔到入面
但外觀上冇乜分別
就咁睇落係車頭左右駕駛室門前面多左條藍線
同埋寫住N700 Supreme

返到姬路站兩老就返左去先
book番第二日去鹿兒島中央既指定席
因為我都book幾早，所以都仲有位
搞掂啲飛就去遊示堂買左舊鯛魚燒
之後返酒店執下野hea左陣
8點幾有啲肚餓，whatsapp兩老食飯
---------------------------------------------
：食飯？
：我地食左喇
：吓做乜唔叫我
：你老豆話唔好阻住你plan野喎
：頭先食左商店街嗰間鰻魚飯，雖然好食不過都幾貴
：你老豆就去左買紅豆餅，好好食
：姫路住酒店又大，附近都幾多野食喎
：(屌你識自己去やま義同遊示堂咁撚識食)好啦我自己食啦
：
---------------------------------------------
好彩幾個月前黎試過哂
想知賣相同味道睇番#263

[腳痛勝景美食團]用12日獨遊關西 (山陰‧琴平‧天橋立‧京阪)
https://lihkg.com/thread/1964209/page/11

咁1個人夜媽媽係姬路食乜好呢
熟悉我既朋友應該會估到
冇錯！繼續都係松屋
今次就食番我第一次黎日本既時候
FD子係日本橋站嗰間松屋入面
推介俾我既松屋最強料理
ネギたっぷりネギ塩豚肩ロース丼 + 豚汁 + 半熟玉子


我個人係將蔥鹽燒豬肉飯加啲燒肉汁同七味粉
再撈埋半熟玉子一齊食
鹽燒豬肉好入味，燒得好香口
蔥碎增加左香味同脆脆地既口感
飯就索左豬油，半熟玉子同燒肉汁，本身已經好好味
加埋鹽燒豬肉同蔥溝埋一齊食
唔駛我多講，下次你地去食就明我講乜