[帶住父母去旅行]12日橫越日本列島 (札幌 ~ 鹿兒島)

你咁都記得我
咁你窮遊 住bnb你都係答cheap flight既姐
點計極都係洗費》機票

本來呢一日既行程應該係
札幌 -> 函館 (五稜郭，金森紅磚倉庫) -> 上野
Lunch食鹽拉麵，外賣小丑burger上車食
搭最快嗰架はやぶさ落番東京
但係因為預測函館打風天氣極差
所以就變左呢個奇奇怪怪既行程

夜晚就真係冇諗過食乜
不過見兩老都攰就唔好帶佢地食靚野喇
因為食完佢地都未必記得
帶左佢地去我係東京既飯堂 - 松のや
係上野搭山手線內回去新宿站
之後行去新宿西口站D5出口轉右就係
食完順便行下新宿附近

係上野站唔知點解有隻超級大熊貓
但係著住左件粉紅色暴龍裝
好多妹妹同呢隻野合照



松のや都係松屋既其中一個brand
專做吉列豬扒，價錢亦係相當實惠
買野食既方法都係一樣
係部機禁野食，俾左錢就會嘔食卷
之後就搵位坐交張食卷俾店員就等食
叫吉列豬扒定食(530yen)
就叫味噌吉列豬扒定食(630yen)
幫佢地加左180yen轉豚汁，好飲過味噌湯好多


向來鐘意探伏既我又去左試期間限定
麻婆ロースかつ定食 (630yen)，轉豚汁 (+180yen)


個定食一黎到嚇左一跳，個汁咁黑既
驚死我覺得唔夠辣仲extra俾辣椒粒我自己磨
豬扒本身外皮脆，內層多汁鬆軟，好易咬開
比香港嗰間吉豚屋好食大約10倍
麻婆就姐係麻婆豆腐個醬
用豆瓣醬+肉碎+香料煮完淋上豬扒面
個汁比想像中唔辣，而且有好濃既花椒味
加埋豬扒黎食去左肥膩，估唔到都幾夾
食完有種花椒回甘既味
椰菜絲好爽脆又夠凍
加少少胡麻醬撈黎食消到熱氣
豚汁入面好多菜同豚肉片，好足料
就咁飲可能會覺得濃味
但係有飯送湯就啱啱好
日本既飯就唔駛多講，彈牙香甜又唔爛


食完飯就行下新宿
咁啱行過歌舞伎町一番街


(過左10分鐘)
：好多人，一啲都唔好行，返酒店囉
：好呀

呢日星期一，梗係要睇月曜から夜ふかし直播
屌你播總集篇，熄電視訓算

樓主專登帶屋企人去新宿食松屋期下餐廳

Day 04
因為Hotels.com剩係換房價錢會倒貼
所以我寧願補少少錢包早餐都唔想蝕俾佢
而且又唔駛諗早餐去邊度食
餐廳係地下，拎住朝食券就入得


上網見到呢間酒店早餐好多野食
但唔知點解呢一日好似唔算有太多野揀
呢碟係和食，我剩係記得舊南瓜好林之外
其他和食既味道都係差唔多都係甜甜地
一啲印象都冇


反而右邊既西式野食好得
炒蛋係將蛋白同蛋黃分開黎炒
所以唔會出現蛋白過熟太鞋而蛋黃未凝固
食落去勁滑又有蛋香，應該都好考功夫
左邊既提子法包係多士爐焗過之後都好鬆軟
牛角包鬆化得黎保持到一層層既口感
唔會剩係食空氣咁，牛油味好香


呢個Tiramisu就係今日早餐既MVP
中間既手指餅吸滿哂酒林哂
所以一叉落去就好易分開
食落去奶味好重，但係有可可粉中和番
之後試到有微微既酒味同芝士味
口感濃密，食完會漿住個口
於是越食味道越濃，結果我食左4件

食野我係有plan到既
可惜既係個行程成日大改
本身有好野食都變左去唔到
都諗唔切野食就唯有出此下策
成個trip會出現大量松屋やよい軒なか卯
不過佢地又幾受落
因為又真係食極都唔厭又唔駛排隊，質素又唔錯

Day 4夜晚會食魚
應該係全個行程最好食既一餐

松屋首席打手

不過多數父母好易滿足 餐餐帶fd去食松屋應該會反面

我諗起飛機膠po既譚仔daddy
RT黨航J/F飛羽田，然後話自己住hostel

我上次都坐J 去ZRH 然後去到係住人地屋企 但真係開心既不過當地啲洗費就

係我一定捉埋佢地入去叫小食/野飲
一係就掉佢地響松屋 分開食 食快D接返佢地
但點都一定要食

如果趕上車的話我點都會買個牛舌便當上車食

唔係班班有,一陣落車睇冇走左車就好笑

賴低佢地又唔係幾好
唔啱佢地全程嫌三嫌四咪仲慘過死
我黎過食過所以都冇所謂既

如果真係餐餐都食好野
佢地係唔會記得邊餐打邊餐

上上個日本PO追完之後到台灣PO 對台灣冇咩興所以冇追 宜家講返日本又可以追返
樓主日本鐵道知識好勁

上野去東京站 你都有book指定席?
排隊換指定席唔耐?定係你夾定時間想試坐呢班車

上野去東京站就冇，咁多車是旦上一架都得
東京->高崎，高崎->輕井澤指定席就係前一日返左酒店係上野站綠色窗口換既
不過都好多人要等15分鐘先搞到
夾住Maxとき+ はくたか咁搭，中間隔15分鐘

可以推介到一間好食餐廳俾家人或朋友, 其實都幾大滿足感
帶住兩老去完返黎, 佢地滿意而行程又滿足到自己就perfect, 我都想學你咁帶到人去, 因為我個人怕麻煩, 比較鍾意同朋友一齊plan, 有阻滯就一齊搵google, 問下人咁, 自己唔太識帶人周圍去玩, 怕行冤枉路佢地有怨言, 我自己就冇乜所謂, 鳩行都得

巴打好犀利，難得你阿爸阿媽肯同你癲

雙層以後大把有得坐

係高崎搭15分鐘北陸新幹線就到輕井澤
係東京出發每個鐘有1-2班車，唔算少
一落車feel到有啲寒，不愧係皇室避暑山莊


第一時間去左雲場池先
上次黎好爽地踩左3個鐘電動單車周圍去

但係佢地好似剩係對雲場池有興趣
行過去又唔係遠，唔租單車了

係北口直行去到個五叉路口轉左就到
沿途都好舒服好好行




行行下都見到有啲樹已經準備變紅
不過行行下成日有啲衝得好快既單車穿過
好恐佈

好睇
加速

慢慢行左20分鐘就會到雲場池
當然就係番最靚呢個位留影
上次黎係夏天，冇雲好曬，啲樹好綠
今次秋天黎就有少少涼意，有啲雲
天色比我上次黎靚，起碼冇咁曬


有幾棵樹已經有少少紅葉
老母梗係唔執輸瘋狂叫我幫佢影相
之後俾佢掟上朋友圈家族群威下




之後就繞池一周四圍睇下
有啲鴨仔係度自由自在遊緊好爽咁

第一張係咪wallpaper 黎? 靚到癲wor