[帶住父母去旅行]12日橫越日本列島 (札幌 ~ 鹿兒島)

On9 Sapporo full day得一日你不如咪撚去
Chur撚到on9

你咁樣玩好撚on9

本身預2日半
但係咁啱撞正打風
所以先提早一日走落東京避風姐

坐巴士啦

喺門司港飛的去到行人隧道口再行過下關，順手行過睇下d長州藩製嘅砲，睇下當年點挑英美法荷機
當然點會少得春帆樓
都係行咗2~3個鐘，算輕鬆喇

我嗰陣plan星期日
係門司港可以搭潮風號去到總站
之後行落去關門隧道過本州
跟住沿海邊行去春帆樓唐户市場
行完睇下佢地仲行唔行到
行到就去下關駅搭JR
行唔到就搭船返門司港駅

我冬天去無潮風號
焗住飛的去隧道口
行到唐戶市場就搭巴士返下關駅

去日本夜晚有得浸溫泉/浴池真係must
book 酒店要check下有無大浴池

門司港出來果個位幾舒服

Day 11
話咁快就到左旅程既第11日
之後嗰日早機走，姐係今日會完哂所有行程
日本真係好撚正唔撚想走呀
好彩上年去左2次日本長旅行
而家都仲止到下渴

前一日就食左1樓既和洋自助早餐
呢日就試地下既和式早餐
呢度同上面唔同，係半自助形式
首先要叫店員落單，主菜係4樣揀1樣
有鯛魚泡飯，燒魚，水炊鍋雜炊同牛舌
但呢4樣野就唔可以再加
然後出面有唔同既食物同飲品俾你拎
但都係和式為主


我叫左燒魚，店員就會即刻煎俾你
不過個size就好似有啲細
但係都煎得幾香口，都幾滑
其他野就係出面任攞
好似味噌湯，筑前煮，玉子，沙律嗰啲
味道都幾好，不過你俾我揀我會食番樓上
起碼多啲野揀又坐得舒服啲



食完早餐就去左reception出面啲位坐住傾下行程
-------------------------------------------------------
：今日諗住去鳥栖PREMIUM OUTLETS同太宰府
：之後返天神行街同食一蘭
：又Outlet？咪又係嗰啲野，你係倉敷未買夠咩
：太宰府係咪廟黎架，我唔想入喎
：諗住用盡張Pass姐，搭車又唔駛錢，個喼大把位喎
：剩係行下市區得唔得
：得，去天神行陣之後食一蘭，之後行運河城
：之後就自由活動冇野做，番去執喼又得去邊都得
：一於咁話
-------------------------------------------------------
結果張福岡廣域版周遊券用左1日就收皮

呢一日係消費稅加價到10%既大日子
對於我地呢啲遊客有乜野好？
就係計數易左好多
以前買野157yen稅拔，8%消費稅唔禁計數機都計唔到
俾大紙佢找散又會找左勁多散銀袋爛個銀包
而家好簡單，進番位157+16就計到數
同埋我呢啲人好憎啲1,2,5yen散銀
而家計數易左，可以計到0字尾唔駛收咁多散銀

首先就係去老母最愛既Daiso
就係巴士總站樓上，仲要全層
地方又大啲貨品又齊
阿媽開心到不得了，因為佢可以安心掃貨
但其實貴左，而家要110yen
兩老自己慢慢睇，我就自己四圍行下昅下野
突然見到日本年輕人既最愛 - 珍珠奶茶
心諗連Daiso乘呢個勢賣埋珍珠
點知睇真啲原來係糖黎


老母係度行左成個鐘
買左啲係香港12蚊店都有既野
因為呢度買只係圍番港紙7蚊件
所以連筲箕，豉油樽，晾衫架都買
幾年前我係Daiso買啲碗碟
有啲唔小心用用下打爛左
今次都係呢度配番啱款買番
佢買左成4000yen，不得了
不過佢地有成2個大喼
除左放拉麵同烏冬之外都仲有大把位剩既
我就瘋狂買七味粉，買左20支都係2200yen
用到而家都未用得哂
我係咪好有先見之明呢

買完野佢地行番酒店放低野再出發
我就係博多駅等佢地
咁啱望到博多駅名店il FORNO del MIGNON冇人龍
呢間野係專賣牛角包，位置係JR博多駅自由通道中間
靠用個鼻聞就聞到間舖係邊
1年365日開門既大部分時間永遠都有人龍
次次見到都因為超多人排所以冇食
今次得4個人排，梗係要幫趁下啦
但唔好去錯，左邊係賣蛋糕同其他野，係冇人排既
右邊先係賣即焗新鮮既牛角包
買既時候唔係一個個計錢，係用磅數計錢
佢有寫100g大約係3-4個，唔同味就唔同錢
價錢大約係200yen，都唔算平


佢有3隻味，我每樣買左4個
埋單都要700yen
呢個就係原味，細細個咁
因為仲係熱，所以好香
但啲酥皮又唔會一咬就碎哂
咬落去入面都仲食到一層層咁
好香既牛油味


呢個就係朱古力味，入面有溶溶地既朱古力餡
但個餡唔會太甜，都唔會好滯


呢個就係蕃薯味，入面就蕃薯餡
咬落去入面林林地，有蕃薯粉粉地既質感


兩老行到番黎就每個味都俾左1個佢地試
都係大獲好評
不過雖然係幾好食
但食多幾個都會feel到滯

牛角包唔算貴
而家香港賣成20蚊隻

同意 個次去完好失望

下次可以skip

搭火車返去仲要得企位

行完Daiso就行下天神嗰邊
今次就唔行喇，搭地鐵機場線過去
10分鐘就到


不過天神就唔係好啱兩老行
一黎地下街啲款唔啱睇又冇平
二黎啲百貨公司同博多嗰邊差唔多
所以好快就轉左場去食飯
係天神地下街上番地面行10分鐘
就會到全世界最出名既豚骨拉麵 - 一蘭
呢度係一蘭總部既所在地
最低2層用黎做生意，上面就係Office
地下就係屋台，一樓就係平時既自修室風格


咁難得過黎，試下以前未試過既屋台
雖然博多好撚多唔同既拉麵店
但一蘭都有唔少捧場客，唔止得遊客
食飯時間都係要排隊，自修室就唔駛排
排緊既時候店員俾左份menu我地睇
價錢同自修室一樣


等左10分鐘就入到去坐
食過一蘭既你地都對呢張野都應該好熟悉
圈完交番俾店員就等食


我地3個人就坐係窗邊既4人枱
比起自修室係好坐啲闊啲
呢度都有吧枱，整到好似屋台咁
係度感受下就算，屋台唔啱毒撚去


一蘭本身個價位唔係特別平
所以都係試番普通拉麵就算
湯底濃得黎有膠質，偏鹹但好惹味
佢個辣真係唔錯，辣得黎會食上癮
麵就係幼麵，麵質比較林，好索湯
叉燒就薄薄地一塊，唔鞋都幾滑
老豆鐘意重口味，覺得呢間啱佢口味
老母就話佢食完會口渴，有味精
我都覺得食過咁多間拉麵
一蘭係食完會口渴既，但味道係中上既


除左最普通既一蘭拉麵之外
有幾間一蘭既拉麵會同其他舖頭唔同
太宰府因為係求學業
所以太宰府站隔離嗰間用五角碗裝住
麵條長59cm寓意合格，但味道係一樣既
天神西通同運河城嗰間又有有少少唔同
佢唔係用叉燒，而係用釜燒豚肉
湯底加左釜燒豚肉汁黎調，碗都唔同
幾年前黎褔岡食過1次
食完我有1個評語，就係好撚濃味
好食係好食，但係食完飲哂啲湯會腎病

咁撚大獲
啲blogger同啲片講到好似好正又必去咁
下次mark番低冇時間就唔好去

我覺得來回3個鍾為左個唐戶就可以慳返 除非你會去埋個水族館

唐戸食河豚啦,食咩刺身

我咁諗既
係博多去鳥栖PREMIUM OUTLETS
呢一程搭特急去鳥栖駅都1200yen
用Pass唔駛錢之餘仲超快
總站上自由席實有位坐

Outlet去太宰府就睇番巴士班次
如果夾到去西鉄小郡駅就梗係搭佢
都係350yen姐
但如果要搭JR就係二日市駅行去紫駅
以前去過其實都係10分鐘行到
都OK，車費仲平左一半

太宰府去天神就唔駛諗啦，實係西鐵

依個牛角包好好食呀呀呀呀真係用鼻聞就知係邊

完了

出左POST成個月先見到，1次過追就嚟DAY 12了,好鐘意樓主寫遊記風格,希望樓主仲有遊記貨尾未出啦

一蘭真係唔岩我