Day 5
之前講過酒店係送早餐，其實就係任食麵包
酒店2樓有個細細既Common Room食早餐
麵包每日都有10幾隻，全部都細細個
所以可以試多幾隻味
最大路就牛角包，蘋果批，朱古力酥
而且有部機俾你禁野飲
有汽水有烏龍茶有果汁(奈奈子)
當然都有咖啡機同熱飲機
不過因為麵包同咖啡機都放係間房最入
而間房真係唔係好大 (大約大我間房3倍咁上下)
所以都坐得幾迫啲人行黎行去都會撞到
枱上面就有個多士爐俾你翻熱麵包
So far食左幾隻，味道都唔差
所以之後嗰日我焗左啲麵包返房食
呢個行程多左1日係東京
究竟去邊度成為左我既難題
係前一晚食飯等魚黎既時候
-------------------------------------------------------
：聽日去邊度好，你地有冇心水
：唔知喎，市區同江之島嗰邊之前去過喇喎，近郊有冇野去
：不如去富士山，我睇過啲相同片好似好正
：富士山一日玩唔哂喎，交通又要補錢
(大月~河口湖雖然係JR直通運轉但唔係JR所有
用JRP要補番呢段路既全費)
：如果去到嗰邊行一陣就走又好似唔抵...
：有冇啲搭新幹線去到又有啲野睇架
：有，名古屋
：好呀，成日聽人講又未去過
-------------------------------------------------------
去名古屋就要搭東海道新幹線
所以就要去東京站
雖然我都係搭新幹線去
但係東京以北既新幹線係JR東日本
東京以北既新幹線就係JR東海
兩者路軌唔係共通，自然大堂都唔係共通
所以要出閘再行去前面JR東海個閘
東京站出發向北行既新幹線有好多條分叉線
有東北，有上越，有北陸新幹線
每條線既快慢車又有唔同名
所以加埋有成10幾個名好混亂
東京站出發以南就好好多，係得東海道新幹線
因為佢駁通左山陽新幹線，所以佢都會直通運行去嗰邊
東海道新幹線呢邊就分開左3種列車
のぞみ：佔據大部分班次，停站最少，JRP唔俾用
ひかり：1個鐘2班，比のぞみ停多啲站，JRP用得
こだま：1個鐘2班，站站停，JRP用得
のぞみ係新大阪站之前都停同樣既站就冇乜技巧
搭ひかり就有啲技巧
1班係名古屋前停多啲站，1班係名古屋停多啲站
所以我搭8:33呢班，除左停多個站之外其實同のぞみ冇分別
JR東日本有好多隻新幹線列車
最遠嗰架係E3，專行山形新幹線
中間係E4，前一日坐過既雙層新幹線，行上越新幹線
至於最近我呢架就係N700A
係東海道，山陽同九州新幹線既主力列車
偉大國家既高鐵點解可以速度咁快
好大程度都係因為佢發展比較遲
所以可以借鑑唔同地方既高速鐵路基建
人地可能用左幾十年幾十億先研究個solution
你就一句多謝就可以copy哂或者避哂啲問題
而且佢地收地簡單，又不惜工本起橋起隧道拉直條線
如果咁樣都唔快就死得啦
東海道新幹線作為當年世界第一條高速鐵路
始終都係50幾年前既產物，撞過好多次板
起既時候都有啲野預得唔係幾好
例如隧道切面太細，噪音問題同線路急彎影響加速
呢架N700A算係將咁多年黎既解決方案融合而成既技術結晶
所以2007年用到而家都用得好地地
今年開始投入服務既新車N700S系列都係有N700既影子
東海道新幹線東京去大阪2個半鐘
去名古屋個半鐘
，分分鐘仲快過屯門去觀塘返工
連結哂日本本州最繁榮既地區
就算係旅遊定公幹都好多時候搭呢架車
而且最密3分鐘有一班車，密過地鐵同巴士
就算係開到咁密都好多人搭
JR東海剩係のぞみ搵本地人錢都不愁生活
Pass呢啲優惠遊客生意就剩係俾搭慢車
有錢到而家全資拎幾兆Yen起磁浮中央新幹線
好想去
：...(Keep住食冇評語)
：剩係人地個汁你都整唔到
：唔覺有太大分別，本身唔落都夠好食
：我都係鐘意原味咁食
：咁樣食冇咁鹹，都好唔錯
