[帶住父母去旅行]12日橫越日本列島 (札幌 ~ 鹿兒島)

加速

白之戀人真係唔叫好好食

你2老有無買返盒

大佬啊，我記得你好似做醫生，緊係當地消費貴過張機票啦

窮撚住airbnb嘅話機票貴過酒店好正常
去嘅日子少嘅話食嘢又可能平過機票

買完啲白之戀人就去北海道大學
走既時候好多人湧緊入黎
隔離停車場都滿，車龍長達幾個街口


係呢度去北海道大學就搭番去大通站
轉南北線去北12条行過去
呢個門口有朵既，叫北大銀杏大道
我早左半個月黎，未有銀杏睇
不過樹頂已經開始黃
唯有FF下Google睇到嗰啲相



有啲樹其實都開始紅
不過都係嗰句， 早左半個月黎


本來個行程係行完北海道大學同舊北海道廳
就會行去札幌市役所地下食堂食飯
但因為個行程提早到星期日，佢休息
取而代之既就係北海道大學中央食堂
自從幾年前去過日本啲大學暑假交流團
嗰陣去過佢地啲食堂食飯，又平又好食
今次可以試番

呢度點餐係用自助形式
好似香港啲大學既Canteen咁
排隊去唔同counter拎野之後先俾錢
因為佢地唔識日文，所以都係靠我帶住佢地買
不過佢全部食物都有圖同價錢
所以唔驚叫錯左會失預算
我就食炸免治豬肉餅咖哩
仲有炸白身魚炸可樂餅豚汁同野菜
加埋都係800yen
咖哩同出面食既唔大分別
都係嗰舊咖哩磚溝出黎
炸肉餅唔會乾哂，好林有肉汁
炸白身魚就乾左少少，但有魚味
炸可樂餅入面除左薯仔原來有芝士，好好味
豚汁好足料，有白紅蘿蔔蔥同豬肉，味道唔會太鹹
野菜就有木魚絲，加少少胡麻醬撈好好食


食飽飽之後就行去隔離既綜合博物館
主要介紹學校歷史，每個系既展覽同埋好多標本
：好多野睇，正呀
：睇唔明呀，走得未
：...
：阿仔，呢支火箭咁勁既，點整出黎
：我識既做左教授啦，點知呀


之後就行去下一個景點 - 舊北海道廳
係校園行既時候好舒服
如果我唔同你講你可能以為呢度係外國




之後就係長達5公里既市區行路之旅
正呀

好文，推
等結果

兩老買啲細盒版當日本手信送俾人咋
佢地自己去車站手信舖買成10幾盒一幻番屋企煮
剩係拉麵都買到退稅
但都真係幾好食，屋企煮到9成味道

拉麵唔重咩? 買10盒咁重手
不過煮得返9成味道就真係好正喎

拉住箱麵行10日俾我真係唔得
尤其知道香港一幻就有得買exact7ly一樣嘅麵

一幻啲拉麵1盒得2食，唔係好大盒
本身喼大把位裝野所以冇乜所謂
每樣味買3-4盒其實都係夠我地食2次咁大把
佢入面舊拉麵唔係一蘭嗰啲乾麵，而係生麵
所以個麵質冇失真，煮得好真係一模一樣既口感
不過好似真係得北海道先搵到，其他地方唔覺有

Oreally
得閒出尖沙咀買下先

留名

行呀行呀行就去左舊北海道廳


點解星期日都好似冇乜人咁？
因為個個去哂睇Rugby



呢度有百幾年歷史，都算keep得好新淨


入面裝修同百幾年前都係一模一樣
做樓梯行上去都會kiki聲
呢度有我最鐘意睇既歷史展覽
除左讀北海道開發既歷史之外
仲有大量北方四島既展覽
俄佬話你打輸仗簽左話放棄左主權
日本話俄佬曲解條文搶左要攞番
不過我地啲局外人冇乜意見可以俾到


之後就行去札幌市鐘樓
呢度都有展覽睇，不過要收200yen入場費
-------------------------------------------
：呢度有展覽睇
：又睇？頭先睇左喇喎，我地唔入喇
：...咁我地行去下一點啦
--------------------------------------------

大家應該知道地球上有一個地方發生水災，好值得我哋關注
https://lih.kg/2095000
- 分享自 LIHKG 討論區

之後就行到去電視塔
下面搞緊啲小朋友嘉年華
吸引左好多人妻黎呢度
不過好厚雲好似想落雨咁，唔上去了


係河邊keep住行就見到二條市場
但係唔行過去了
食飽左有得睇冇得買好慘
下次等我自己一個去掃佢場


見到二條市場行多個街口就係狸小路1丁目
呢度就自由活動，等佢地自己係度行下
終於有自由時間


去到呢條街即刻覺得好有親切感
因為真係好多香港人，好似心齋橋咁
不過條街闊好多，幾好行
呢條街有7丁目，3-4丁目會比較多野行
呢度有間Mega Donki，姐係Donki旗艦店
特別大間，乜都有得睇乜都有得買
入面有間Tenga shop俾你地買紀念品
啲T-shirt有冇人夠膽買出街著


日本作為Rugby World Cup主辦國
狸小路吉祥物 - 狸都著左件日本波衫支持
但係點解多左頂廚師帽既


隻碟boot唔起


時間好快過，5點半已經開始天黑
Call番佢地黎薄野呢個十字路口打卡
NIKKA上面個鬼佬就係呢個景既Symbol
呢度仲係日本三大紅燈區之一

影完相就去食飯
黎到札幌當然要試下呢度既名物 - 湯咖哩
今次揀左係狸小路附近既Suage+
佢有間分店係附近叫Suage2
今次食呢間就係總店




一上到去其實都坐滿7成
牆上面貼滿啲簽名板，好多名人都過黎食過


最傳統既湯咖哩有名你叫
唔似一般既咖哩咁杰身，而係好似湯咁水水地
佢又會落左好多菜去增加咖哩既鮮甜味
而肉通常都會配一隻雞脾，所以好健康
但呢度既招牌菜就係配知床雞，我同阿媽叫左呢個
老豆就配薰衣草豬角煮
我就叫多左杯Lassi，今次冇柒到喇



上枱了，賣相十分好
米有溝左少少紅米同藜麥，感覺好健康
但唔係好知舊檸檬攞黎做乜


パリパリ知床鶏と野菜カレー (1190yen)
呢度有2舊知床雞，食落好彈牙好Juicy
肉質好好，有雞味之餘咬落去啲肉仲食到一絲絲
而且佢係用碳燒，所以好香口
咖哩湯就好稀，本身以為會唔夠味
但係聞到好香好香好香既咖哩味
飲落去辣辣地但有菜既清甜，味道好新奇
湯入面有好多野菜，全部都有碳燒過
所以減少左水份，突顯左食材既味道
最令我驚豔既就係南瓜同薯仔
南瓜燒過之後甜度增加左，甜到好似粟米咁
薯仔就係迷你焗薯，可以連皮食，好粉好甜
一啖飯一啖湯咁食，越食越滋味
而且食耐左全身都會發滾，充滿力量
老母對呢個湯咖哩讚不絕口
係後續既行程就成日係度搵邊度有湯咖哩可以買番香港


ラベンダーポークの炙り角煮カレー (1300yen)
湯同菜就大家都一樣，唔多講
豬都係2舊，又係碳燒過，成cm厚
佢林到好似梅菜扣肉咁，用羹就可以介開
啲肉完全唔柴，豬油位入口即溶，勁香


食完就搭地鐵返酒店
行番去頭先個路口打多次卡


因為聽日6點車，5點半前就要checkout
所以之後都冇行程了，要返去執行李訓覺
去到札幌車站佢地就買北海道手信
老母同老豆就買左10幾盒一幻
行番酒店途中驚見幾個外國醉酒佬圍埋一齊唱歌

如果pass坐のぞみ要俾全費10560（自由席）/11300（指定席）
如果單純講緊ひかり/のぞみ嘅差距就淨係210姐
不過其實ひかり都唔係好慢姐，慢のぞみ15-20分鐘姐

我覺得樓主獨遊嘅話應該會把握機會儲張立席券

Day 03
札幌站 ~ 鹿児島中央站JR線+新幹線總距離係2627.1km
札幌站 ~ 東京站距離係1163.3km
姐係今日都搭左差唔多45%路程
兩老十分期待今日
因為可以坐到全程北海道·東北新幹線

今日4點半就起左身，好快搞掂哂啲野
Checkout完就行左去車站出面間7-11買早餐
之後就行番入站，已經見到好多外國人等車


離頭班車仲有25分鐘，個個都蓄勢待發


5:45分開閘，個個都好似痴左線咁向前衝
我地啲有指定席既行人工通道check完就慢慢行

今日既第一程車，スーパー北斗2号
用既係キハ281系氣動車
今日應該係極多人搭，打爆9両編成
唔怪得我Car 6都係指定席，正常係自由席黎



就咁睇頭頂同行李就知幾多外國人搭黎睇波
不過架車虧虧地，前後廁所都係壞既
要去第三卡先得，JR北海道真係唔得掂

兩老十分期待今日
因為可以坐到全程北海道·東北新幹線


似你期待多d

lm

立席既話我買盛岡去仙台算

我2年前坐過喇
佢哋就係睇左我啲相先想坐
不過今次有幸見識到多人到新幹線指定席要企位

立席券好似淨係盛岡以北先有

好似係當指定席爆滿就會有立席，可遇不可求
不過獨遊既話我就唔會揀golden week去
所以冇機會了